利群海鮮飯店 (已結業)

餐廳：利群海鮮飯店地區：屯門地址：屯門屯門鄉事會路2A號 H.A.N.D.S D區地下7-8號舖 日期：19/9/2020 時間：19:00人數：4人 等位：20 mins 價錢：~ $450今日同屋企人去左間以前成日食既打冷餐廳食晚飯，叫左老豆先去攞位，果然一如以往滿場，等左一陣先有位。我地4個人叫左4個小菜（啫啫通菜煲、魚香茄子煲、京都豬扒、西蘭花斑球）+白飯食，總共食咗大約$450，正常打冷價格。 4個小菜之中係個啫啫通菜煲最後放得耐令啲通菜腍咗啲啲，其他都同以往水準一樣好食👍🏻但係佢今日個白飯就太爛、凍，相信係因為煲落太多水得唔好、太早裝定放出樓面。另外，佢地最近改咗要一落單就要埋咗單先，要加單/飲品就之後每加一次就比埋錢先，有少少唔方便。

今日係屯門做完義工探訪趕住陪男朋友去食飯要返工所以就係附近揀左間茶餐廳其實我真係好鐘意食茶餐廳便！靚！正！$39有飯有湯有熱飲啲炒飯勁好味，粒粒分明兩款排都好大塊，我都係食唔晒比左男朋友食真係性價比高

我和家人一行13人，諗住大家一起食餐開心飯，點知我們食完飯後，已經叫多幾支啤酒傾下家事，但餐廳員工，叫我們一家走.😡😡😡大家都有去過大排檔食飯，都會同朋友和家人傾下計，今天晚上這間利群也不是十分多客，我們一家人也不知道這間餐廳要趕客走😡😡😡其實來這裡幫襯都是想開心地一家人食餐飯，我們也是上網看到嘢食好食才乘車到屯門，不過只今次之後這店再好吃，我們絶不再幫襯😡😡😡其實服務不好，你的食物再好食，你也不會好生意😡😡😡

家族聚會😝 一行20人揀咗係呢間餐廳食飯重點係一人一隻乳鴿！仲要唔斬直接上碟！用手直接撕開乳鴿，實在係太正！1️⃣ 乳鴿 — 多汁，外脆內滑掂咗喼汁，食晒成隻都唔會覺得漏2️⃣ 椒鹽鮮魷 3️⃣ 燒鵝 — 最正嘅唔係啲肉質，而係酸梅醬酸味適中，中和左燒鵝皮嘅油膩感4️⃣ 馬拉盞炒通菜 — 非常有穫氣5️⃣ 生炒骨6️⃣ 豆腐豬肉煲7️⃣ 斑腩煲8️⃣ 京都骨CP值: 9/10⭐️⭐️⭐️⭐️⭐️⭐️⭐️⭐️⭐️

食厭咗西早火腿通... 來番個中式早餐，排骨飯，章魚肉餅飯... 各式其式...飲品大家都叫咖啡因... 但都係各式其式... 凍齋啡熱齋啡凍可樂... 飽滿一個秋涼嘅早上～

同屋企人食飯，呢間大牌檔啲食物唔太好食，水準比以前差咗好多，最重要係價錢平均每碟小菜過百或近百元，根本唔值呢個價錢，其中叫咗碟海鮮雜菜煲，啲海鮮得幾粒硬過擦膠的魷魚，一舊魚同一粒蝦抄埋一碟，如果水準有番咁上下都話啫，但睇個menu啲價錢，真係想走去過第二間食。老實講，附近有啲餐廳啲食物相對好食過佢，價錢都叫合理一啲，位置同員工態度都優勝過利群，我諗以後應該唔會再點去幫襯啦。

現今屋邨冬菇亭大多已裝修肆正成改良版大排檔，只有越來越熱嘅炎夏，三十多度舒適點好合理，如能挑戰悶熱的話，仍有室外可選擇。豉油皇鵝腸色水足夠，味道不重，該是韮黃跟芽菜將味沖淡，清淡點可以食到原味香氣，鵝腸驚喜地一點也不靱，非常爽口。椒絲腐乳唐生菜抵食夾大碟。到大排檔必點一款椒鹽再啤啤佢才算有風味，椒鹽鮮魷香脆又香口，魷魚還可以不致炸過火，醮喼汁可減外皮油膩感、醮鹽可口一點，任君選擇。芙蓉蛋充滿洋蔥、蝦、火腿，蛋內仍然好滑兼有蛋汁，好好味。糖醋豬扒汁酸甜味美，有少許配料如菠蘿、青椒等等，餸飯確一流。唔收加一兼抵食夾大件、鑊氣火喉足會是大排檔嘅風味之一吧！

每次宵夜想食點心，都會去友愛的利群飲夜茶（好似每晚十點後才有點心），食點心之餘，我哋必定會點排骨飯，有時仲要一人一碗添（明明已食晚飯，但嚟親都必定要再食飯，肥死🙈）排骨飯飯夠乾身，排骨又多，正！今晚大仔轉食牛肉飯，好似食山竹牛肉咁，都好食，但我還是比較喜歡排骨飯多一點。今次還叫了义燒包，山竹牛肉球，鵪𪂹蛋燒賣和牛柏葉。鵪𪂹蛋燒賣已經唔多地方食得到，所以嚟親呢度，都係必食之選！

忽然好想食開邊蝦，喺屯門遊來遊去，都搵唔到，最終黎到樓下呢間，估唔到有得食，驚喜！夜晚呢度食飯係幾多人嘅，尤其想坐冷氣位，就要等下啦。生炒咕嚕肉$78: 幾脆口，骨多過肉，醬汁酸甜平衡，好惹味，仲有菠蘿青椒，好對版，份量幾多。金銀蛋蜆菜$68: 鹹蛋白整到半熟，係幾吸引嘅，皮蛋就切粒，菜嫩無渣，但留意唔好食太多蛋白，鈉太多了，好鹹的。蒜蓉蒸開邊蝦$199: 呢度有11兩，係姐姐建議比我地兩個嘅，兩個人食係有啲多，蝦幾新鮮彈牙，肉實淨爽口，粉絲吸晒味超正，蒜蓉可以多啲就好。呢間飯店，又做早巿又做宵夜，非常勤力，小菜幾有水準又大碟抵食，我地間中都有幫襯。

今日有人請我來屯門食飯佢問我食乜好我話最緊要有飯咁佢就叫我嚟咗一間近輕鐵站嘅大排檔未入到去已經見到好多人喺市區好難見到呢啲大場面我都嚇咗一跳原來星期六係咁鬼旺好彩有訂唔係真係食西北風叉燒有肥有瘦適合唔同嘅人嘅喜好我自己就鍾意食肥叉燒好好食下佢先減肥啊最屈機係杏汁豬肺湯六個人一大煲飲湯最重要係乜嘢最緊要係熱辣辣我完全係食到杏仁果種杏仁味唔知係咪親手磨呢？我自己就冇啲問呢個問題我啦啦啦飲晒啲湯先本人對魚類冇乜深究所以我唔知自己食緊乜但真係好食世上冇十全十美永遠都有百密一疏這個雜菜菇就真係麻麻哋我自己唔識欣賞聽聞都幾草蝦我只本身鐘意食細蝦原來大蝦都唔錯雖然話係比市區遠少少不過放假叫都可以入嚟食下

朝早6點鐘同呀爸黎飲茶，野食唔錯！d蒸飯好大碗。周圍既老人家帶出間野既人情味，員工亦十分友善。整體來就，我認為是一個好去處推薦大家黎依到飲茶 ，個人認為可以比美茶樓

很多年未到過這地方原來好多東西都變了， 連冬菇亭食肆也有規模。 因時間上早 才有座位走，然後有到海鮮魚池。選擇也有很多。最後揀到喜愛的食物，叫了白灼蝦，蜆 ，沙巴龍躉及 菜遠牛肉。 首先來的是白灼蝦，它的份量很好很大隻及新鮮。 跟著來的是菜遠炒牛肉， 他炒得算有鑊氣及牛肉很新鮮。沙巴躉當然是養班， 不足一斤亦要港幣一百九十八蚊，與酒樓價錢差不多。 蒸法亦冇乜什麼特別。 最後叫多兩隻紅燒乳鴿， 但發覺它炸太老了， 肉質變得深色，太乾及硬。 今晚夜的晚餐一般。

報時 而家六點鐘左右 （二人份茶聚🙈）天未光 有個大胃王嘈醒人 偽文青捨命陪君子 一齊去飲早茶大雞包 鵪鶉蛋燒賣 吾去舊式大排檔 點食到😂有一種青春 就是明知好癲好痴線 還是會去做。「呢d 吾系青春叫咩啊？你青春左未？」

過時過節本不應該選擇大排檔，普普通通，是是但但去跟家人敍餐，特別是人月共雙圓之中秋節，可是媽媽極定推介屋企附近大牌檔利群好食，抵食夾大。件，上菜快等，而且市中心各大小食肆都已經全部食過了，為了父母喜好，多麽心不情願之情況下也就範去了嘗試了住屯門三十多年也沒試過之利群大排檔下雨天，幸運地可以座進有空調之室內座位，心想今天真好運，也祈求餸菜不太難食，看到餐牌，肉類煎炸比教多，燒味及椒鹽餸菜也應該是招排菜吧！近年開始多菜少肉，著實對大排檔此類標榜有鑊氣，多油重口味之食肆不太有好感，免免強強點了爸媽喜歡的餸！1）叉燒 （例牌）👅雖然（$80碟）價錢在大牌檔不算便宜，可是上菜後，發覺份量十足，應該是酒樓正常例牌之多一陪之份量，肥瘦也適中，食落軟硬適宜，蜜糖味也剛好，不致太甜，餸飯唔錯！2）金銀蛋莧菜 （$65）👌莧菜稍微老身，但最少份量也不錯，金銀蛋也足料，最重要是不太油，算中規中舉之菜式3）油爆班球 （$98）👅👅雖然價值似乎高了一點，可是上菜時並未有用大量西蘭花，韮王，芽菜等配料以墊底，只有少許韮王，紅蘿蔔，草菇等起鑊，班球也大大件而且入口結實彈牙，沒有用急凍龍脷去充班球，完全是以前傳統酒樓

大排檔這三個字必定係好多朋友那些年時代的開飯地點，回想起來每每也必鈎起童時回憶，那種爸媽拖著去開飯嘅感覺真令人回味，還記得爸爸每次也一定叫的鹵水三拼（鹵蛋、紅腸、鵝腸）、九菜脆豬紅、蠔餅、鹵水鵝等，童年往事也真是使人回味剛考路過一間老字牌冬菇亭，便與太太進去一起回憶童年往事。店外空氣流通，設有數張四人枱，燈火通明近店門外也有數張四人枱，頗多食客也喜歡室外風味店內近門有燒味檔黑板上寫了當天的海上鮮供應及價格店內環境寬敞，坐位全是硬坐及圓枱炸乳鴿（$52）- 香噴噴的炸鴿，外皮很脆，外脆內軟，肉汁很豐富，味道剛好，多吃也不膩乳鴿肉質嫩，有肉地也不至於老鴿生菜鯪魚球肉豆腐湯（$73）- 生菜很嫩及脆，一讚有落果皮絲很香，但鯪魚球不太爽口，湯味偏喊豉椒蒸倉魚（$128）- 魚身頗大條，魚肉味鮮甜，豉椒味濃，豉椒很配完全張魚的鮮味提升，味道剛好，蒸魚時間掌握很很好魚香茄子煲（$65）- 煲仔上枱時"芝芝"聲很有鑊氣，魚香味十足，份量也多，色香味俱全味道剛好，微辣很野味，肉碎茨汁撈飯一流，一讚係味道不太咸可以多撈飯～現今的大排檔已經沒那些年純樸，一切也漸漸現實及數字化了很多，還記得爸爸一坐下老闆便