影片
同老婆喺鳯琴街体育馆做完运动，就行过对面间茶楼叹番一盎两件。坐低叫咗壶浓嘅铁观音，呢度啲茶叶用袋袋住，唔会冲到成杯茶叶。睇吓张点心纸，各款蒸炸点心，咸甜美点，各式形式都有，系咁以叫咗笼虾饺、煎韮菜角、煎酿虎皮尖椒、鲮鱼球同肠粉。全部都系即叫即做，够晒热。最后仲叫咗紫薯流沙球，卖相都几得意，味道亦唔差，如果钟意食甜点嘅朋友，值得大家一试。
继续阅读
讲左差不多成年话黎食鸡煲🤭，琴晚终于去食左了😋，168元任食火锅真系超抵，麻辣鸡煲可能讲左小辣，所以唔算好辣，岩晒唔系食得咁辣既我，平时就咁出去叫个鸡煲都唔止衣个价钱，衣度仲唔追我地走，一行五人来吃，任我地坐到过晒时都唔理，打完边炉后仲问我地要唔要再追加鸡煲，原来打完再加都得，真系好正！👍🏻
继续阅读
一个突如其来既港铁故障，造就咗我今日嚟呢间酒楼饮茶。原本约同事9点元朗开工，点知港铁又故障搞到同事嚟唔到，咁肯定有排等，师傅仔呢啲茶餐厅食完就走肯定唔啱等人，咁有咩好过去饮茶hea住等呢？最近西铁站既平民酒楼，我谂应该系呢间利满皇宫，门口写住孖宝28.8 (上去变咗29.8😟)，同9.8起点心 (最后见唔到有9.8既，可能我睇漏)，咁几抵㖞上去试下。点咗孖宝牛肉肠+黑椒爽肚，再点鸡丝粉卷，拎加自取凤爪排骨饭。问心呢间酒楼点心几好，尤其系牛肠，够滑又烟烟韧韧，整体点心有70分以上。另外唔系用散茶叶冲茶，而系一大包𠮶种，感觉比较卫生，但疑似铜茶壶唔隔热，唔小心就会辣亲，而且茶壶嘴设计不佳，倒茶时非常容易漏到一枱都系。至于咁好食，点解感概呢？咪就系香港服务业一直比人诟病既态度差问题。酒楼有熟客文化大家都明白，但系对生客唔礼貌甚至呼呼喝喝，咁仲点会有熟客呢？态度差，点心上枱时混埋其他点心既汁，无换连唔好意思都无仲要掉上枱，无嘢呀？一堆老鼠屎，即使食物再好，都搞到我以后都唔会再嚟呢间嘢。而家未有游客已经咁差态度，有游客嚟更加难以想象。希望香港饮食业同港铁，都会有改善服务既一日。
继续阅读
星期六午餐时段的元朗，餐厅都迫爆，选择呢间酒楼嘅原因是因为佢有大量的坐位，唔使等。酒楼的卫生真的很一般，部分茶具和匙羹都洗得唔系好干净， 环境亦都唔系十分企理。今次叫咗四款款点心同一碗蚝仔粥。牛肉肠粉肠粉尚可，但牛肉碎太淋，食落冇咩牛肉味。主要是靠陈皮和芫荽吊味。烧卖达到标准，同埋有好香嘅冬菇味。鸡包仔包皮松软，但馅料略少， 但味道正常。红枣糕红枣味很淡，不太推介。蚝仔粥竟然系配料多过饭。肉碎同豪仔用料新鲜， 不过汤底似系加咗味精，因为食完之后很 口渴。2大人1朋友食了大约170元，价钱实惠。但酒楼真的要认真改善一下自身清洁状况，才能吸引更多人光顾。
继续阅读
又系饮茶嘅时候 ╮(￣▽￣"")╭ 酒楼好大，冇乜人，可能因为时间尚早啦，枱同枱之间都有一定嘅距离。防疫感觉OK。 粉果 - 啲馅料劲多，花生脆，感觉好Fresh。 凤爪 - 味道系好嘅，不过佢系偏向爽身，睇你个人喜好，钟意淋定系钟意食爽㗎喇。 叉烧包 - 啲馅系靓嘅，好juicy，味道适中唔系太咸，但个人觉得包皮比较厚，所以会觉得个包好大只。不过我系几欣赏，个包感觉好流心，正！ 牛肉球 - 啲牛肉球细细粒，我觉得OK(优惠点㖞)，但系佢啲牛比较多筋。 沙律明虾角 - 即炸即起，啱钟意食炸嘢嘅我。 灌汤饺 - 个汤比较咸，啲料好多。当然啦，唔系真正灌汤饺嘅料，完全系塞咗两只烧卖入去咁，再加咗一啲菇啰。OK，但唔会值得recommend。 总括嚟讲，员工态度OK良好，但系地毡好污糟，感觉日久失修，完全冇人吸尘。 盛惠$166
继续阅读