利佳舫避風塘

今次已經係第三次過嚟食啦如果唔係朋友介紹應該好難會無端端行入呢間舖頭因為位置都真係比較難搵但係你食過一次 100%肯定會再幫襯呢間嘢位於二陂坊附近其實有好多大排擋 大排檔嘅缺點就係衛生環境唔好而且好嘈好多人出奇地呢度坐得十分之舒服朋友敘舊傾偈 傾心事飲酒 冬天食個羊腩煲就一定要揀呢度 真係值得推介嘅隱世中菜館一入舖頭佈滿左老闆煮嘅小菜相片坐低已經開始吞緊口水 電視就播緊老闆參加嘅飲食節目原來老闆好有名氣 不過完全冇架子 勁nice仲會同周圍嘅食客傾偈 好似朋友咁 我同老公兩個人就食咗五個餸其實佢啲嘢好大碟 好快就飽咗不過我哋真係停唔到口 食到連湯都飲埋一條菜都冇剩 因為真係太好食啦老公仲話要介紹所有朋友過嚟上一次有食過佢哋嘅避風塘炒辣蟹同埋芥末鮑魚都好好食佢哋嘅Menu上面有好多唔同嘅小菜同埋自己創作嘅菜式 同一般嘅中菜廳真係好唔同每次嚟都要試唔同嘅菜式雖然佢哋都有廚師推介 不過對我嚟講佢哋所有菜式都係招牌菜希望有朝一日可以試晒佢地啦講真 香港有人情味 又好食 性價比又高真係少之又少 願意用心經營 一定要支持！…查看更多

去完呢間小店，心口仲流連忘返！🤤 開始咗，就系熱辣辣嘅腸粉滑溜溜入口，外層兒滋滋作響，一啖一啖都喺話你知，嗰個脆皮做得冇得彈！嗰啲醬料，真系夾得好，仲要香濃過女朋友嘅香水味，正！😋 而家嚟講下扎實嘅豬扒啦，我講，個豬扒厚度夠晒，又香又嫩，煎得外焦內嫩嘅，噢喂，係呀厭世臉都可以笑出嚟!來緊個係我最愛嘅皇牌—宜家話你知，咁腍滑嘅豆腐，我估我夢入花猜！上面撒咗啲蔥花同辣椒，一嘴一個感覺簡直系爆燈💥，正到喊出嚟！至於啲蝦餃，蝦肉彈牙得滯，啲皮又唔係幾厚，真係食出一句「真材實料」。最後，嗰碗糖不甩，圓滑嘅糯米團子，包裹住甜甜嘅花生餡，賣相精緻又美味。溝埋啲紅豆湯，得，今晚算系食咗一個滿意嘅結局！加埋口感、味道同份量，3樣嘢都做得好平衡。係咪專業食評？唔系啦，不過，我保證你去咗一次，會想再去！下次，打算帶埋啲朋友來一齊歎呢個隱藏版嘅味道盛宴！🍴👍🥢…查看更多

早一陣子，因為睇到電視飲食節目介紹，見到「祥仔」介紹呢間「避風塘艇家炒蜆」同埋「醬汁大蝦」，好似好吸引咁！所以這一晚便很想試下呢間小炒店。未入店，都怕沒位，剛好餐廳內近門口位有張二人台，我們坐下來。環顧四週，都坐滿食客，見好多台客都有食「羊腩煲」，「咕嚕肉」，同埋「炒蟹」，仲有一個似「烤魚煲」。賣相都好吸引咁！由於友人好想食「羊腩煲」，因此便先點了一份「古法羊腩煲」配生菜（免費）。之後都想試下炒蜆。便點了這兩道菜。先上台是「古法羊腩煲」，仲送一碟「腐乳醬」。 一打開蓋，香噴噴的！已經令人食指大動😜。 食第一口羊腩，好「林」，沒有羊羶味。湯底好香，好好味😋！而且內裡仲有好多馬蹄粒（1/4），厚身冬菇（1/4），又有支竹，有荀，都好足料！而樓面收銀小姐都好好，成日留意我哋的「火🔥」，夠不夠湯，幫我們加湯，睇火，很是窩心☺️！至於「炒蜆」，一食都好滋味！很好！可惜我少飲酒，但我相信這絕對同啤酒十分匹配！另外，我想講下，一邊食飯，一邊看著左邊，右邊的電視節目，主要播有關大廚的烹飪比賽，都好精彩！一邊睇，一邊食（雖然不是食廚師比較的菜式）。但，我都覺得感覺良好！☺️其實仲有好多菜式想試，下次一定再幫襯！而且樓面及收銀職員都很親切☺️…查看更多

這裡的菜式～做法和味道比較創新～如炒蜆～避風塘蟹～酸菜魚～而且還有些自創的菜式～例如～花鵰芽台醉蟹～香草奇脆元貝～等等都有驚喜～食中餐食到厭既話～可以找老闆談談做些新菜值得一來😋..................................................... …查看更多

職員態度差，野食難食，會講粗口罵客人，不知所謂，環境污糟，老闆脾氣臭，以後不會去，野食又貴，仲要冇人服務，職員成日黑面，冇笑容，而且好難食，最重要環境勁臭，又冇空間首先去到冇人招待，而且又冇品，仲要話等就等，5等就走，冇一道菜好食，而且又凍，仲要貴，門口環境勁污糟，入面更污糟，以後不會去，而且老闆經常吹3吹4，叫你走，如果5係近我，我都5會去，垃圾一間，廁所屎坑冇人清潔，野食又5新鮮，而且收銀勁串…查看更多

前日叫了些小菜，南乳吊燒骨一陣雪味，又冇南乳味，真頭炸排骨咁，之後又叫左個香辣牛腩牛筋煲，牛腩得果十粒左右仲要細粒到好似手指尾頭咁細，又冇牛筋，都唔明點解叫牛筋煲，再叫左三隻燒乳鴿，又細隻，唔明點解有花鵰味，可能翻炸加花鵰掩飾，一句講晒難食到不得了，黃金炸鮮尤，D粉多過條尤魚，尤魚又切到鬼咁細粒，炸出來多粉到真係食舊粉多過尤魚，蠔餅又係一樣粉多個蠔，仲要個電視機無限loop以前幾勁咩廚神，睇見真係把鬼，…查看更多

11點經過呢邊就比佢個餐牌吸引咗入去！可能因為太夜嘅緣故，淨係得返我哋一台客有啲覺得唔好意思阻住人收工哈哈！不過老闆娘話無所謂！咁好啦，我都唔客氣啦炒福花因為我鍾意食辣，所以特別要加咗辣，唔鐘意食辣既可以唔洗理！雖然叫做加辣，但係亦都係好辣個種！福花爽口唔會淋，夠鑊氣避風塘大蝦唔知老闆用左咩配方，佢唔肯講但真係好香口，食完唔口渴之餘仲好好送飯。蝦身好彈牙唔係死蝦👍🏻👍🏻餐牌無既秘制帶子本人覺得最出色既唔係佢既帶子，而係帶子下面炸過既飯，真係停唔到口🥰佢個醬汁有少少Wasabi，真係好正蜆肉炒米粉如果米粉乾身啲會更加好，但係味道依然都係唔錯，可以一試…查看更多

29/11我朋友介紹話個度啲糯米飯好好食，所以我就去買，我問佢糯米飯1客幾多錢，佢話$138，我就叫咗兩個柯打，共$276，我用左支付寶比$，然後佢話師傅出咗去買嘢，叫我轉頭返去拿，跟住我走返架車度等，過咗一陣手機有信息話我支付寶付款了$308，我就返去問點解收我$308，唔係$276，佢㩒左一陣就同我講要加－服務費，我話唔係嘛，買外賣要比乜嘢服務費呀，聽到未聽過，點解我問價錢時間你唔講？佢話我地唔會講，我話咁咪即刻呃我啦！嘈左幾句佢就退返錢俾我，重話食唔起唔好食啦，跟住重xxxc####xxx%%～～我，我都有回番幾句比佢，如果佢同我好好講句話唔好意思呀，唔記得同你講，我就－定冇乜所謂，照要，呢啲咁嘅店，我永遠唔會再嚟，更加會叫朋友唔好去，無論幾好食都好，都唔使咁串嘅，風水輪流轉，睇你惡得幾耐😡…查看更多

利佳舫係荃灣黎講未必算係一間出名既小炒店，餐廳開嘅地點都算係一個比較品流複雜嘅位置，係一般搵食人唔會經過嗰位置。但上網睇過唔止一個vlog 推介，呢間鋪嘅大廚兼老細林森木，曾經參加過好多烹飪比賽攞過唔少獎，絕對係高手隱於市，所去試吓。.一家四口用餐試了不少招牌菜式1️⃣陳醋雲耳 💲32 ⭐️ 3/5 先來個開胃前菜，這個菜式比較難失手及反應餐廳水平。2️⃣五福拼盤（小） 包括：白灼豬粉腸、白灼豬肚、白灼豬脷、白灼福建魷魚及白灼韭菜花 💲98 ⭐️ 4.3/5 大推白灼韭菜花，爽脆可口和豬粉腸，特別是豬粉腸入味粉嫩香滑，但由於太邪惡，只能早早忍痛收手。其他拼盤質素也不錯，但印象不突出。3️⃣艇家風味炒蜆 💲78 ⭐️4.5/5 家人也大愛這個，必點項目。蜆肉新鮮彈牙大部份也穩穩在殼內很難得。味道甜中帶微辣，不吃辣的家人也能駕御。4️⃣新鮮菠蘿咕嚕肉 💲88 ⭐️3/5 這個也是店家必點項目，用上新鮮菠蘿烤制。但有少少失望，因為咕嚕肉比較平凡，屬不過不失水平。5️⃣潮式炸蠔餅 💲78 ⭐️4.2/5家人們都好喜歡這個蠔餅，屬高水平之作。蠔肉大粒新鮮是加分位，賣相精緻6️⃣得獎香草元貝 💲78/隻 ⭐️4.5/5呢個菜式係老細嘅得獎名菜，餐單上面冇要自己識路同侍應叫。帆立貝脆米加黃芥辣，味道出奇地match，特別係佢嗰啲脆米🤤。個個都話好食，但係因為唔算平，所以試一次就夠啦。7️⃣干鍋福建椰菜花 💲88 ⭐️3/5本身對呢一個菜式有啲期待，因為喺深圳食過一個好好味嘅版本。不過呢個同心目中有啲落差，平凡咗少少。8️⃣豉油王鮑汁炒飯 💲138 ⭐️4/5個炒飯炒得好香，就算大家其實都食飽咗都開心食晒。但佢個樣好邪惡就係（不過大家食得開心得滯已經唔記得影相🌝）.🔸呢間隱世街坊小店，喺各個小炒上都做得幾出色。每個菜式都係鑊氣濃味邪惡系列，鍾意清淡健康嘅朋友絕對唔適合。最適合一班朋友佢吹水食飯啤啤佢個隻。難怪其實都幾爆。雖然話隱世但最好訂咗位先去，絕對係有翻單系列。…查看更多

今次係第二篇食評，如標題所形容，連工人姐姐都忍唔住讚你，確實高手在民間。今日和老婆，工人姐姐，愛女黎晚市，諗都諗唔到荃灣區可以有一個隱世高手喺度坐陣。食物相我照舊冇影低，始終男人老狗做唔出，過唔代表唔靚，呢間中菜嘅味道，絕對會比起任何大酒樓失色，而且老闆和其樓面太太親民，所以特以此食評讚許，希望可以持續保持，為荃灣居民努力美味下去。推介美食: 濃湯雞煲翅 ，大約3百幾蚊，份量一人一碗，超美味，一定要試。…查看更多

車媽媽真係好耐冇見過我的好朋友喇！睇返11月時同朋友仔在利佳舫避風塘開心小聚的一夜，令我更掛念能出街吃晚飯的美好時光！在荃灣長大的我小時候不太敢獨自前往二陂坊！因為父母自叮囑我說這兒龍蛇混集不可獨往！但人長大了現在來這兒已沒有小時候來的那種不安感覺！為何要走來這兒吃飯皆因大家也鬱悶了很久！當時仍然能夠四人同檯晚餐劉總提議來很久沒吃過的麻甩小炒來相聚。人齊了由靚姐介紹下點了一客黃椒醬涼拌馬刀貝＄168，微微辣度的黃辣椒醬吃下十分醒胃，配上飽滿爽口兼不韌的馬刀貝味道很不錯呢！有Oil在當然要點客新鮮菠蘿咕嚕肉＄88給她品嚐啦！成品出來夠鑊氣甜酸汁味道很平均剛剛包裹著彈性十足的咕嚕肉水準很不賴，最重要是配襯新鮮的菠蘿我當然吃得更加津津有味！豉蒜虎皮椒＄58這夜十分幸運第一件已經吃到有辣度的尖椒，不會弄得過份淋身仍帶點口感的尖椒加上香甜的醬汁我很歡喜呢！我一看到餐牌內有這個鮑汁古法扣柚皮＄108便欣喜若狂的要點來吃！柚皮處理得很不錯丁點澀味也沒有，鮑汁亦夠濃郁柚皮索盡了它的精華成件事看得出廚師用心去製作！白灼韭菜花＄38從來也是我喜歡吃的正菜，這兒的出品更嫩口兼無渣確口感是妙極。酸湯辣煮原條花尾躉＄238(小)說穿了其實即是酸菜魚吧！不過這兒的酸菜湯底弄得很可口好味得我連喝了兩大碗呢！而主角花尾躉的魚皮爽口魚肉紮實口感很豐富，內裏還有不少薯粉可惜不是粗身那款否則應該更加吸引我！大家其實已經吃得十分滿足的時候！眼大並沒有睇過龍的車媽媽看見隔離檯點的那份炸蠔餅賣相極為吸引，最後引誘了三位好友點一客來開心Share！這份層層疊的潮式炸蠔餅＄78一小件也遮蓋了我整塊面呢！炸得金黃的蠔餅吃下去十分酥脆，內裏粒粒的蠔肉很鮮甜加上蔥粒味道更加香，吃完這一頓不久巳不能夠四人一起吃飯了之後還變成沒有晚市的日子！究竟要到何時才能回復我們正常的生活呢？…查看更多

一直想食呢間避風塘料理，趁生日就試吓啦。避風塘蟹，味道略鹹。黃椒刀貝，味道鮮甜翅，濃粉腸，味道可以泡椒鳳爪，味道略鹹。酸菜魚，唔夠濃味，建議魚片唔好煮太耐。總結：是日餐廳訂座爆滿。某些菜式偏鹹，但相信依個人喜好而接受程度不同。我或會考慮再次幫襯。…查看更多

讚1.菜式味道相當出色，蝦肉鮮爽，入味，煎封技巧唔油膩，功夫好好；生炒骨都出色，肉味夠，醬汁溝得開胃，豉油王炒麵既做功好，炒得上色入味唔油，樣樣都出色彈1.啲野勁快賣晒，八點未到就要乜無乜2.餐廳前既環境實在係差，地盤、坐係度飲野吹水既十幾個麻甩大漢，樓下仲有檔賣福建食材既街市檔，成地都係水…查看更多

食過幾次，今次就俾下食評啦😋我非常之喜歡呢一間店嘅炒蜆～風味十足， 十分推介， 同朋友食親都要嗌加大另外做得比較出色嘅就係脆脆帶子～呢兩個小菜似係廚師獨家秘方😆😆其他小菜我覺得不覺不失如果想食菜都會心思思想過黎🤪…查看更多

芥末醬得獎金帶子，芥末醬同帶子好夾，帶子底下鋪左滿滿嘅脆米，配上鮮菠蘿脆皮咕嚕肉，啖啖肉脆卜卜，豉蒜尖椒有少少辣但好味，蜆仔炒福建米粉，啫啫通菜煲，飲返杯冰凍啤酒，哩餐宵夜叫荃灣無敵推介，餸菜款式多到嚟多幾次都食唔晒，老闆好熱情有禮貌，我buy …查看更多