原本已经返到屋企休息架喇，见小惠咁有兴致想一齐晚饭，无问题，好 ﹗走去一品鸡煲排长龙，再去筑地都排长龙，最后决定去试拉面啦，阔别多年的别府居现大埔出现 ﹗中学时代别府拉面已由日本进驻香港，系铜锣湾、尖沙咀专门只做拉面既时候系最最最最好食既时侯。但约十几年前转埋做寿司、刺生、料理后，就越来越差喇 ﹗对上一次帮衬，应该系六七年前旺角雅兰咯。大埔分店只开左几个月，之前既元禄已顶唔住要折埋。热辣辣企系门口等左十几分钟先有位，我想食盐烧三文鱼头，点知只有鱼腩供应，唔要啦 ﹗有新野㖞，万圣节限定 ﹗但张相麻麻地，见隔离台叫黎食，外观亦都相当麻麻地，虽然朋友仔小云大赞话好好食，我都系唔试喇。烧牛舌，何解唔系厚烧呢？薄衣衣始终肉汁同口感都差少少。薄烧还可以，牛味浓、口感微爽，不太腍，阵阵盐香，够热几香口，合格。烧鲭鱼，无烧三文鱼头，唯有转食其他。鲭鱼本身鱼味非常浓郁，鱼油丰富，所以简单烹调已经好好味。鱼肉结实多汁，鱼皮微脆带燋香，唧上鲜柠汁加添清新味道，满意。海胆军舰，海胆那里乡下啊？软棉棉略带腥味，连埋青瓜同吃还好，唔理咁多吞落肚算数，饭粒黏湿而淡口，试一次便够。活赤贝刺身，无得顶，好甜啊 ﹗颜色鲜红立立令，即叫即开，新鲜无比，非常吸引 ﹗跟普通赤贝那有得比，爽嫩滑滑黏黏，真系有自私食既冲动 ﹗九州叉烧拉面，肥叉非常松化不干鞋，肥膏滑滑，爱五花腩的食家们必爱，加上清爽猪骨汤底都不错。海鲜地狱拉面走葱 4 条椒辣，叫左 3 次走葱，都系要加葱既，您地咁闻塞架 ﹗辣度最多只有 6 条椒乍，等我先挑战 4 条先 ﹗食拉面当然先试汤底，轻尝几口，好浓郁猪骨地狱味道，依家谂起都有点冒汗 ﹗饮落直头感觉到辣椒粉仲未完全溶晒架，黏在每颗味蕾之上，包得紧紧，而且越食越辣啊 ﹗热由胃内散发到外，再运行全身，额头开始湿湿地添 ﹗面质好好，虽然未到初开业时等级，咽韧滑滑，好满意。青口、帆立贝、大虾，雪藏海鲜还可以接受，无雪味亦无鲜味。府所以出名就系因为独门地狱汤底同拉面喇，期待质数回复当年水准啊。…查看更多
入到去得2 3台 ，以为好难食啦， 点知有惊喜呀！
