影片
相关文章
今晚我地2人想食拉面，拣左别府。猪软骨拉面$80+加面底$12，仲可以任加小食，我地加左$12章鱼小丸子（3粒），$18煎饺（3个），3样味道都正正常常。但出餐真系几慢，本来等下无乜所谓，但个煎饺等极都未到，问服务员，佢睇记录话已经出左😑无奈，然后继续等多十分钟，食完个煎饺就埋单走人。普通的餐饮体验～
继续阅读
拉面其实都几吸引。不过又怕太辣所以无叫。狐狸仔话要牛舌饭🤔我就怕腻，不竟成碗都系牛舌。。。😒会唔会夸左啲。我就叫牛肉饭。但点知狐狸仔叫既牛舌比意想中好食，唔腻，仲烧得个边有少少脆，胜在够薄薄地，有肉质又唔冧，几好食，附埋少少前菜刺身。个餐算几好。贵得都有少少合理。牛肉饭比想像中弱，真系只有肥牛同饭🤔我好似系叫牛肉饭。饭有啲干，加上牛肉都系干身，无汁无乜料，一般般。好彩有杯茶。
继续阅读
今日冇咩餐厅开就入黎食下别府，叫咗一个九州拉面同荔枝特饮，本来想叫荔枝梳打点知原来有店铺限定，唯有改叫蝶豆花荔枝梳打，朋友叫咗黑蒜油腩肉拉面。等咗好耐都未有，唔知系落单多定等埋两碗整好晒先上，饮品都等咗好耐。之后上咗饮品，味道都唔错，系啫喱荔枝的甜味，有啲黄色爆珠珠好甜，不过饮品本身冇咁甜中和番刚好。之后再等了一会终于来了拉面🍜，因为朋友太肚饿未影到黑蒜油拉面便食咗😂，九州拉面都是平常的水准，不过不失，猪骨汤浓稠味道够，有甜甜的粟米粒和海带 加上糖心蛋都洽到好处，不过肉只有两片而且是半肥半瘦，如果有多一片就好了。拉面份量是嫌较少，相比其他拉面店份量较多，还有软硬度选择，别府可考虑加入。因为早食晚餐所以人不多，环境算舒适宁静，可以倾计或休息一下，只是希望上菜速度能加快一些就更好。
继续阅读
唔好问我点解，但以平价既日本野黎讲，我其实好钟意食别府，只是铜锣湾个间无左之后就无食过，去第二区又会想试其他，所以已经好耐无食，个日去九龙湾，本来都系到search有咩好食，首先个区又真系无咩太特别既，第二就系见到佢，所以就决定去食好耐无食既别府去到其实我只focus我既地狱XD 以前仲食到6辣，家下4辣都唔系好顶到，不过佢既香辣仲系好好食. 但因为佢地家下有饮品任饮，所以我又系咁含冰同饮野XD其他er... 是旦啦！佢呢个汤仲系好好饮就得啦.. 佢个黑蒜都唔错，但都系我既地铁开心尐~不过我佢个menu比以前少左野同唔同，好彩仲有地狱~
继续阅读
九龙湾淘大系附近黎讲算比较多餐厅可选择，不过部分系连锁式包括呢一间，见好耐无食所以就食下啦，不过同预期中差唔多，食物味道唔吸引，只系环境比较舒服，部分价格都系可接受范围，但点了火锅就觉得唔值了。 如果真系揾唔到食咩先睇下食唔食既连锁餐厅。点了：黑豚火锅加乌冬，滑蛋鸡饭。黑豚火锅味道比较失望，火锅料都唔会系特别好味新鲜之余，最失望系黑豚肉。食落去完全没有味道之余也没有特别口感，所以这个锅是负评了。滑蛋鸡饭，滑蛋味道算可以但份量唔算多所以饭都会比较干，鸡扒味道就比较淡，口感还算可以，但都唔会推荐，因为成个饭食食下会好干。总结味道唔吸引，火锅唔抵食。
继续阅读