影片
以上资料只供参考，请与餐厅确认详情
小妹明白饮食业面对艰难时刻🥲亦都唔系食过好多间厨师发办但呢间omakase真系小妹食过当中数一数二既劣🫠首先上到去䢂门打开已经系你坐既位😀姐系下一轮既人就会系你背脊后面等位同快餐店排队等位差唔多😆然后小妹拣咗食「梅」$380个师傅就会不断说服你去拣食一个贵啲嘅当然我都明白佢地想有一个好啲嘅营业额 完全理解但系第一次光顾 固然会想取一个保守态度🙂当中包括有前菜、茶碗蒸、刺身三款、寿司10贯、汤、甜品🍮枱面上提供嘅餐具 大部份都系仲系湿既包括茶碗蒸个匙羹 食野嘅碟 同埋筷子🥢好似系啱啱洗完就拎出嚟咁🤣仲滴紧水小妹唔知咁样系咪正常omakase应有嘅情况🙈如果我怪错佢请大家话我知🥺前菜沙律同茶碗蒸中规中矩跟住想讲下寿司 每一件嘅饭都大小不一舍利之间压得比较实 食落口感一般重点系份量非常之少 好似一只女仔手指公大少少😅当然唔系同米芝莲餐厅比较但质素好似小妹去连锁店寿x郎可能满足感仲大而且其中有两三旧鱼味非常之重🙈🙈小妹会形容为好腥‼️‼️其实价钱系十分相宜 餐厅景观亦都好开扬但系好遗憾小妹无办法再光顾 因为用餐体验太差大家自行判断🥲🥲
继续阅读
9月中尾系Open Rice book左位同另一半庆祝生日, 为左confirm Menu星期一至日都系同价同款, 当日仲打左去初鳍confirm当时听电话既仲系一位好好礼貌既男仔staff, 佢回应我10月初会改menu, 如果收唔到whatsapp通知的话可以再打去提醒佢, 当时仲心谂, 呢间omakase既餐厅真系唔错直到今日10月5日早上, 我开Openrice个APP先发现自己booking被餐厅取消, 而原因如图中讲, 餐厅结业终于等到12点打去查询, 当时无人接听过左5-10分钟, 有位态度极度恶劣既男职员打返转头: xx集团, 你系咪打过黎我当时确认系初鮨后就表明自己booking被cancel恶男staff要求我提供有关booking日子后, 态度差+串到爆问我: 咁你想点? 要book番一样日子定系照cancel?我终于忍唔住闹爆佢: 其实贵餐厅唔想做生意都唔紧要, cancel booking都唔紧要, 而唔系呢种咁既态度, 我对上个几星期打黎既另一位同事都唔系咁样事后, 该餐厅以2个不同no.既手提打黎初鮨, 本来我对你地都有d期望, 觉得系电话confirm果时都态度几好, 真系令人好失望同唔会比任何机会你地!
继续阅读
598 浏览
香港的楼上铺鮨店，绝大部份位于中环、尖沙咀及铜锣湾，同旺角更沾不上任何关系。今个周末忽然间好想食寿司，但偏偏又要去旺角；上去OpenRice搜寻一下，发现旺角竟然也有两间！由于只有「初鮨」有熟食，可以满足小公主的需要，一于试试。「初鮨」位于旺角弥敦道一楝面积狭小的商业大厦楼上，更估不到的是，这一栋大厦差不多全部各层都是食肆，可以形容为银座式食厦 ⋯⋯ 之前以为只有铜锣湾才有这种形式的饮食商厦，估唔到原来旺角也有一栋。商厦面积实在太过细小，电梯门一打开，就已经见到唯一一张寿司吧枱及10个座位。由于空间有限，只可以勉强用绳帘将用餐空间及电梯出口分隔；虽然有点奇怪，但亦算有点特色。尽管鮨店位于大厦高层，其中一边又是大厦玻璃幕墙，却偏偏无法眺望弥敦道开阳境致；这也是因为餐厅面积细小，座位要求背向外墙。同铜锣湾、尖沙咀及中环的楼上铺鮨店比较，装修显得有点简陋，缺少了鮨店的东瀛风情及高档次气氛。再加上地区因素关系，午市寿司套餐定价亦相对亲民；午市厨师发板分樱、梅及初，最贵的初只是 $680。对于胃纳不太大的小编，梅（$380）作为午餐，已经相当丰富；包括三款刺身及10贯寿司。前菜渍萝卜很明显是大批来货的普通货色，味道非常一般。日式柚子醋沙律味道亦调校得太过酸。日式茶碗蒸卖相好似很吸引，但原来表面的芡汁份量太多、亦太稀，掏起一匙蒸蛋后，就更显得水汪汪，影响了蒸蛋的美味，亦减低了蛋香。三款刺身为剑鱼、䲠鱼及帆立贝。前两者并非正规高级刺身。剑鱼味道偏淡、油香亦较少；表面炙至接近全熟的䲠鱼卖相麻麻，味道亦不吸引，入好有点腥，但又并非秋刀或生鲭那种光皮鱼特有的浓郁鱼味，小编并不喜欢䲠鱼。帆立贝虽然普通，胜在有鲜味，入口鲜甜软糯爽滑。之后就是10贯寿司。师傅先将所有食材准备，然后逐件逐件席前揑做。唔知道是否入座时间太迟，抑或师傅习惯了平日午饭时段的旺角白领匆忙进餐；刚刚揑好一贯寿司，小编还未放入口中，师傅已马上准备好下一贯。这种匆忙的用餐感觉有点不太合意，破坏了品尝寿司应有的休闲气氛（回转寿司除外）。10贯寿司按次序分别是鲛、间八、火炙银鳕、火炙纹甲鱿鱼、火炙左口鱼边、金目鲷、白虾、中とろ、北海道海胆及穴子。每件寿司的造型未够工整漂亮，饭团大小不一，肉眼亦看得出有点松散；寿司表面的鱼肉同样也是每件大小不一致。味道方面，食材尚算新鲜，但部分质素则只是一般。火炙左口鱼边应该充满温热油脂香气、兼有少少咬口，但未到水准。白虾应该非常鲜甜，口感黏滑；睇卖相有点松散，已经估计味道一般，果然不出所料。其他鮨店通常会用鲔鱼腩蓉作为寿司套餐的最后一件手卷，第一次见到穴子手卷，酱汁味道尚可，但再浓香一些会更佳，穴子亦稍嫌未够松软。烧熊本A5黑毛和牛丼（$188）的和牛份量很多，大小尺寸及厚薄又同日式烧肉相同，正是最佳口感。表面并非普通和牛丼酱汁，而是混和了黑白芝麻炒至很浓稠的糊状酱汁，虽然充满芝麻香味，但太稠身，失去了牛肉丼酱汁的原意，是否喜欢因人而异。和牛表面卖相相当吸引，入口原来有少许粗嚡，虽然有少少和牛油香，但未够软滑，口感有点似普通美国牛肉；同曾经品尝过的A5黑毛和牛有一段距离。不过，不用 $200 的和牛丼有这种味道，已经算是合理性价比。甜品云呢拿雪糕的亮点在于那一块薄薄的柿干片，软糯、柿味香甜，并非全干，仍然保留少许湿润，咬下去有柿汁；好食。以性价比而论，寿司及刺身质素水准算合格，虽然师傅揑寿司的技巧只算一般，寿司的造型未够精美吸引，但师傅相当健谈，可以带起客人气氛。加上定价吸引，可以一试。
继续阅读
🇯🇵初鮨 价钱黎讲呢间绝对系平到一个点，可以呢个价钱食到都算系咁，不过食物质素黎讲都系不过不失，冇乜特别但都唔会有惊喜😆个师傅亦都好好人比我哋试左佢哋嘅蟹膏，正常应该系晚市先有同朋友轻松小聚都不妨一试佢亦都好近油麻地地铁站，步行大概3 4分钟已经到达，咁为左因为师傅嘅刀功，我哋一般都会选择bar枱，可以一边食野一边欣赏。整体速度我觉得岩岩好，唔会太快或太慢，食野嘅感觉都系比较舒适流畅。有朋友唔食生野，师傅都好细心每年做左火炙寿司🍣 更有朋友由唔食生野都可接受，食材新鲜👍🏻
继续阅读
朋友生日,见呢间OpenRice嘅评价都唔错就谂住试吓佢嘅lunch omakase. 点知系大伏嚟嘅，叫咗三百几蚊𠮶个set，首先上嘅刺身系唔知咩鱼同带子，全部鱼都好腥，质感亦好差 。 之后寿司基本上全部都一样味同埋都系啲唔好食嘅鱼，质感亦非常差，如果佢肯俾心机去调下味，我感觉都冇咁差，起码唔会食得出条鱼嘅差，啲鱼唔知放咗几耐，就算啲鱼唔好食你肯烧一烧佢都唔会觉得咁难食。未食过咁难食嘅寿司， 系普通寿司店食都冇咁难食。呢个价钱食啲咁嘅质素嘅鱼，完全接受唔到。不过佢个雪糕几好食嘅，茶碗蒸同汤都可以接受，服务员都算有礼貌，但其他嘢就真系不了，好难食！建议大家就真系唔好信佢啲食评，真系好难食。
继续阅读