影片
以上资料只供参考，请与餐厅确认详情
哗哗哗😳劲surprise愉景新城开初遇！我真系好钟意佢哋嘅menu! 佢开系玩具反斗城隔离，前猫头鹰餐厅位置✨今日系后面翠丰台做完嘢，走过嚟愉景新城揾嘢食，贪佢坐得舒服😌但冇谂过呢度有初遇！1点已经系到，不过见到劲多人，有学生有Office lady~加上自己唔系咁肚饿就谂住等两点teatime平啲😏😏点知teatime都系咁多人😂😂😂不过职员好好人呀！😳俾咗个角落头位我哋，可以放到架餐车我哋差唔多食完嘅时候隔篱枱一家四口拎住架大BB车，职员都系安排呢边俾佢哋放车同坐得松动啲如果有嚟过呢一边都知道呢度嘅格局唔阔，但系佢哋都尽量安排适合嘅位置俾大家～食物慢烤魔鬼辣椒鸡腿包其实每次去都真系好想嗌呢个，奈何我又真系怕咗佢「魔鬼辣椒」呢几只字😂😂😂今次有人肯同我share，就试一次！佢真系好香辣～未去到辣到接受唔到。但半份真系够👍🏻烘过嘅多士同嫩滑嘅鸡腿肉，再加上香辣嘅口感😌真系值得一试黑麻油鸡翼配呀嬷控肉燥饭超级香嘅麻油鸡翼😀再加上肉燥饭好好食😋乌龙茶奶盖、蓝莓奶盖超钟意蓝莓奶盖😂因为好钟意佢嘅甜但同事唔钟意甜，所以佢嗌乌龙茶半筋半腩手工面佢俾咗啲面我试，我初初以为佢会好硬，原来佢系好爽口！早知我都嗌面啦😭天气太热，食啲汤面系舒服啲～重点系佢有一啲酸菜好开胃🥹个汤又系劲好饮但系饮晒会好饱😂
继续阅读
自己一个去荃湾IKEA，经过愉景新城，见到有间台湾餐厅下午茶劲爆场，望望餐牌十分之抵，最平一个set先三十几蚊起，仲有免费热饮，可加钱升级特饮，而且外卖自取仲有88折。❤️慢煮乌醋猪软骨便当足料够晒大碗，原来仲配有一件蛋饺、粟米、红萝卜同酸菜，猪软骨份量多而且炆得非常入味，乌醋带微微酸香，肉质嫩滑带少少胶质，配饭真系好开胃。❤️嘉义手工蛋饺 （追加）蛋饺四只份量啱啱好，蛋皮煎得香口又唔厚，入口啖啖肉，而且又唔腻。🧋珍珠奶茶茶底够香，唔会太甜，珍珠烟韧弹牙。成个Tea Set 份量一d都唔偷工减料，而且味道好岩我口味，CP值高！初遇青山公路398号愉景新城1楼1023号舗
继续阅读
今日黎到愉景新城见到「初遇」装修几靓menu既二人餐好似又几抵就入左去食我地叫左套餐B拣左沙茶牛肉锅🥩佢好似打边炉咁原锅上🤣汤底有淡淡既沙茶味仲有另加既沙茶酱个人最喜爱佢既蜂巢豆腐！索哂啲汤汁 够哂入味跟餐叫左卤肉饭同葱油拌面🍚🍜卤肉唔会太肥葱油嘅份量都啱啱好呢个二人餐仲可以拣两款小食烤台湾香肠🥓最终系配搭蒜片一齐食蒜片嘅刺激感同香肠嘅软糯感交融显得更特别卤肉A菜以油麦菜为主 上边铺满卤肉🥬好有台湾风味仲可以拣两杯饮品古早冬瓜茶同大甲芋头芋圆鲜奶🍹🥤同时满足咗想饮废水同食甜品嘅胃整体意见座位舒服 空间咁大样样食物都好味值得再帮衬😋
继续阅读
Budget 既情况之下，见到愉景新城有台湾菜，咁就入左去试下。 下午茶时间完全唔需要等候，台面有D小小油，但楼面好快就抹干净。 落单准确，很有效率。 我个落单既盐酥鸡饭好快就到，第一担食鸡，梅子粉同胡椒粉好多，立即咳左出黎。鸡肉比较柴，有小小over cook。 唔知点解会送一块炸既台湾蛋饺，我比较prefer佢比多一旧鸡我。 肉松同个饭唔系太match，但我可能会有其他食客比较钟意（maybe) 卤肉系第二个最重要既角色，我觉得其实唔太差，但比起其他比较（出名）既而言，肉味同香味或者仲差小小。 可以赞既系佢唔系用肉碎，而系用五花切好，再卤煮过。起码系有心整的。 个人而言唔太钟意粟米加系个饭里面，但一切都当然系个人喜好（my fault） 排骨面既排骨，整体系好入味道的，我觉得如果切好完全去骨灰更好牛肉汤既味道不错，几入味。整体而言 我会话排骨面比盐酥鸡卤肉饭更值得推荐。
继续阅读
初遇前几日去开荃湾愉景新城玩「美国冒险乐园」，玩完之后见到地下果层新开三个月左右嘅台湾菜餐厅叫「初遇」，呢间餐厅下午茶超抵食，咁啱系下午茶时段，就入咗去食下午茶啦！1.蜜汁卤排骨手工面$48+芋香珍珠奶茶$8+麻辣臭豆腐（6件）$16（9/10）下午茶拣咗蜜汁卤排骨手工面，果块蜜汁卤排骨好大块，味道甜甜地好入味，肉质唔鞋好嫩滑，手工面几弹牙烟韧，加咗$8拣咗杯芋香珍珠奶茶，珍珠烟韧无硬心，甜度适中，再追加一款地道小食系麻辣臭豆腐，一共有6小件，比我想像中细件，整体都ok！2.慢烤鸡腿蛋吐司$42+黑糖珍珠奶茶$12+古早花雕鸡卷（2件）$16（10/10）下午茶拣咗慢烤鸡腿蛋吐司，吐司外面有烘过，少少脆脆地，入面烤鸡腿肉肉质超嫩滑，仲有一大块熟蛋，加咗$12拣咗杯黑糖珍珠奶茶，珍珠烟韧无硬心，甜度无其他分店咁甜，再追加一款地道小食系古早花雕鸡卷，一共有2件，每1件鸡卷嘅花雕酒味都好入味，每次嚟到都会必叫！3.麻辣鲜鸡锅（特辣）配珍珠米饭$82（9/10）呢个麻辣鲜鸡锅叫咗特辣，特辣系会食到满头大汗，仲要叫店员拎两杯水，用水洗走辣味都搞唔掂，呢个锅入面有有10旧鸡件、2粒鹌鹑蛋、津白、金菇、1旧甜不辣、2旧蛋饺、2旧蜂巢豆腐同1旧粟米等，仲要配埋珍珠米饭，份量相当多，如果食得辣嘅你一定要试下特辣，会辣到你跳舞，哈哈！2人总共价钱$224个人口味总评分：9.33/10@dparkhk 地址：荃湾青山公路398号愉景新城1楼1023号舗Please follow me🙆♂️ @wheelchaireatinhongkong 如果钟意我嘅分享，麻烦请follow我，仲有记得Like同Share！🙏🏻🙇🏻♂️#初遇 #荃湾 #荃湾好去处 #荃湾美食 #无障碍餐厅 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
继续阅读