凱柏冰室 (已結業)

上星期在海之戀商場，吃過火鍋之後，發覺商場內有很多不同的食肆，今晚便來到海旁的凱柏冰室。經典鐵板餐$89，腸仔、火腿、粟米、薯條，這些都已包括的。另外可以選擇西冷牛扒、香烤雞扒、香茅豬扒、雞翼 、漢堡扒、煎雙蛋、火腿、腸仔、牛乳炒蛋、午餐肉。西冷牛扒，肉質結實，肉味濃郁。香茅豬扒，帶點嚼勁。香烤雞翼，外表香脆，內裏肉汁豐富。香烤雞扒，肉質鮮嫩，非常配合黑椒汁的味道。醬汁有黑椒汁、地悶蕃茄汁、濃香咖喱汁。其中以黑椒汁的黑椒味道香濃。意粉軟硬適中，配合黑椒汁，味道更佳。凍咖啡，是即磨咖啡，並採用意大利金裝咖啡豆，所以咖啡味道甘香。

荃灣西站海旁邊開了一間新冰室，又新又有海景，今晚終於特意來試試。餐廳正門口是在海旁邊，西鐵站內是沒有門口入的，大家要留意啊！不過其中一個西鐵站口一上地面就係隔離，也非常方便呢！餐廳主打幾款系列分別是鐵板餐，常餐和喇沙湯粉餐經典鐵扒餐份量非常之驚人熱騰騰香茅豬扒併漢堡扒，配黑椒汁意粉豬扒非常鬆化似西班牙豬的質感 ,厚切得來又不會硬繃繃， 高質。黑椒汁一點也不吝嗇，滿滿地曬滿整碟鐵板， 細食的我也把整碟鐵板餐滿足地KO喇沙香烤雞扒拼魚片頭湯不算太正宗的喇沙湯底，沒太濃海鮮味 ,但淺嚐 一口，味蕾完全被濃郁的辣和咖哩味所侵占，反而特別欣賞米粉的質素，不會浸過久而盡吸湯底。雞扒拼魚片頭也很創新，雞扒不算大件，但同樣厚身，所以份量還是很足夠的。滿足地離開前發現早餐也有大概十款選擇，下次可以在海旁晨運後來試試呢！

難得假期就去荃灣的海濱行一行就在海濱附近發現一間新的冰室對着海有這樣無敵海景的茶餐廳價錢十分親民.我們叫了兩個常餐，$55包炒蛋多士及飲品，面對海景來說價錢不算貴.湯底有不同的選擇，蕃茄湯很足料蕃茄味濃郁。另外一個是豬骨湯配出前一丁，另外還有出前一丁的調味料及麻油原裝上。有不同的肉類選擇今次就食了沙嗲牛肉及香煎雞扒，味道不錯。.就連炒蛋多士都有得揀，加$4就可以轉奶醬多士及丹麥多士。另外還可以選擇火腿、丹麥午餐肉或腸仔。丹麥午餐肉好似好吸引，而且唔孤寒一共有兩塊，煎得剛剛好。炒蛋十分有誠意，不是全熟有流心的口感。.如果不太我的朋友可以叫三文治，有午餐肉或火腿炒蛋三文治，炒蛋超厚呢！食下去很有層次感，而且有很香的蛋味！.常餐包飲品，是很正宗的港式奶茶！

今日下午，去咗海之戀海旁吹海風，行咗一陣就肚餓，所以同女朋友去海之戀商場搵嘢食。提一提大家先，呢間餐廳如果喺海之戀商場入邊係搵唔到㗎，因為佢個正門喺商場出邊，我地咁岩行完吹海風所以就見到。餐廳有午餐、常餐同埋小食可以選擇，我哋好快就選擇好食乜嘢👍🏻瞓醒覺嘅第一餐，雖然係午餐，但係點可以少咗一杯咖啡呢。佢哋嘅咖啡奶味比較重，啱晒我口味。望住咁靚嘅海景，飲住杯咁好飲嘅咖啡，爽呀👍🏻女朋友叫左個常餐，有香茅豬扒拼喇沙公仔麵，重有午餐肉配炒蛋加奶醬多士。香茅豬扒非常鬆軟，喇沙湯底帶有椰汁香味👍🏻午餐肉同炒蛋都係高水準，炒蛋非常滑，奶醬多都好鬆軟，塗滿花生醬加煉奶，呢個常餐非常好食👍🏻👍🏻香烤雞排煎蛋飯配黑椒汁，黑椒汁唔會太辣，配上煎雞扒，係港式茶餐廳嘅絕配。雞扒煎得剛剛好，吾會過熟，軟淋淋一啲都吾韌👍🏻我哋仲叫咗一份雞翼，雞翼表面炸到好香脆，入口雞肉鬆軟多汁，應該係即炸嘅，非常新鮮。呢間茶餐廳嘅食物，整體來講算係高質素，如果大家都想一邊望住一個咁靚嘅海景，一邊享受咁好味嘅午餐，都快啲去呢間餐廳試下啦👍🏻

又一間新餐廳於於荃灣海之戀商場地舖！交通都好方便！搭西鐵荃灣西C1出口就可以揾到！餐廳位置好正！還可以看到大海景！晚上在此打咭一流！.至於餐廳店內裝修都好有懷舊feel的感覺！我覺得真的好有特式！.食物方面:經典鐵板餐有兩款選擇火腿+腸仔+粟米+薯條(配菜)西冷牛扒+香芧豬+'薯菜西冷牛扒+香烤雞扒+意粉配飲品1杯菜蜜、I杯檸水.牛扒味道恰恰好！肉質都好新鮮！咬入口都覺得好易咬！.香芧豬扒味道咸味適中！肉質鬆軟咬入口又有口感！味道又夠！.香芧雞扒肉質嫰滑！食入口又唔覺得有雪味！我覺得非常之唔錯！.黑椒汁味道恰恰好！又唔會好辣！濃结適中！.飲品方面轉凍飲只係加多3元就可以！.價錢方面我覺得好抵！只係一百都唔需要！就可以食到咁豐富嘅套餐！食物又有質素！價錢又唔貴！

今日決定嚟試呢間新開嘅凱柏冰室，環境裝修中上地方乾淨，服務態度正常，食品種類唔算好多but okay.我叫咗一份冰室至尊常餐，入面嘅特濃沙嗲湯一D都唔濃，又淡又稀，失敗。沙嗲牛肉冇沙嗲味，但肉質尚算OK。牛乳炒蛋正常。跟住D腸仔先堅，好似唔落油艱生烘到佢出香港腳咁, 係我呢一世食過最難食嘅腸仔不知所謂！奶醬厚多士最好食....烘多士 + 煉奶花生醬跟住叫咗3隻炸雞翼，D雞翼仲堅！唔好話seasoning, 連鹽都冇落跟住戲肉就係個陣生油味我咬左第一啖即吐... 恐怖到非常🤢阿大佬, 新開張都搞到咁？不過冇計既個老細D口味覺得咁樣好食咩繼續咁做囉，又大把鍾意食噁心”食物”既人既。Good Luck

趁復活節就出下街，街上嘅人流明顯比之前多襯黃昏出咗去海旁度睇日落，撞正今日好好天唔知道食咩好，俾我哋發現咗呢度有間冰室入邊裝修得有啲懷舊趁今日凍返梗係爭取時間即刻鐵板啦熱石鐵板燒 $89份量非常之驚人，可以揀兩款扒類，仲包埋火腿腸仔！吉列豬扒、西冷牛扒鐵板配上我最愛既黑椒汁，豬扒勁大塊，而且即叫即炸烤粉唔會過厚牛扒相對無咁厚，但係亦都對得住呢個價錢而朋友覺得唔係咁肚餓西冷牛扒配西煎雙蛋鐵板，番茄汁好足料，仲睇到有新鮮番茄🍅起入面tim炸雞翼係幾香口，但我個人認為如果粉漿冇咁厚就好啲凍朱古力勁有驚喜，睇個色就知道勁濃郁既朱古力味，同坊間既茶餐廳真係冇得比，性價比幾高

隨著荃灣海旁的新屋苑和新商場的落成，這裡的食肆數目也多了起來。今天晚上，我們輕輕鬆鬆在海旁散步完，便到了這間位於西鐵站旁邊的餐廳晚餐。餐廳非常寬敞光猛，座位舒服。食品選擇也多，價錢合理。我們點了一份小食炸雞翼，一份經典鐵板餐和一個喇沙鮮牛肉拼魚片頭湯米粉。凍檸樂的檸底有好多片；奶茶茶味香濃，充滿茶記feel。炸雞翼的炸漿有點懷舊feel，食落更有點像食炸生蠔的感覺。雞翼炸得很透，內裡熱辣辣的，但食落又唔會覺得炸得乾，都幾好食。湯米很多碗，喇沙味道香噴噴，辣度適中，夠香口，牛肉亦很嫩。經典鐵板餐熱氣騰騰喳喳聲的上到，黑椒香氣撲鼻。份量夠大，有雞扒、豬扒、腸仔和火腿，配菜有甘筍、粟米粒、椰菜和薯條。成個餐的靈魂非黑椒汁莫屬，夠香，辣度適中，下次來吃時，一定要配上白飯來吃。

今日黎左海之戀入面既驚安之殿堂DON DON DONKI💓💓shopping完就要去揾野食，見到哩間新開既餐廳，又有大落地玻璃，又有海景，好Chill💓💓嗌左兩嗰常餐同三文治🥪🎈沙嗲牛肉出前一丁❤️深色嘅顏色就知道呢度嘅沙嗲汁真係非常出色👍🏼 🥜有濃厚嘅花生香味，而且湯底濃郁，牛肉分量算多，塊塊都好大塊，吸晒沙嗲汁，相當入味既一碗🍜 配埋牛乳炒蛋拼雙煎丹麥午餐肉😊 搭配奶醬厚吐司🍞🤩🤩奶醬厚吐司真心好食，滿滿既煉奶同花生醬，配埋好香脆既多士🍞完美🎈香烤雞扒配田園蕃茄湯通粉❤️ 番茄湯底味道酸酸甜甜夠開胃🤩有坑紋既通粉完全索哂濃郁既蕃茄味，而且份量好多，香烤雞扒外脆內嫩，又厚身又juicy🤩配埋牛乳炒蛋拼雙煎香腸😊 牛奶炒蛋好適合搭配牛油🧈吐司🍞炒蛋口感香滑軟嫩，好有蛋味❤️🎈腿蛋文治烘底 😘 炒蛋非常嫩滑，加左忌廉炒既蛋特別香蛋味❤️❤️🎈呢度嘅凍檸茶，凍奶茶🥤茶底非常出色，係我鐘意既茶底喔🎈🎈

凱柏冰室Kay Gor今晚去開荃灣DONKI，順便當然係搵食啦，見到依間餐廳新開就立即去試試啦熱石熱板燒估唔到依間餐廳係可以有兩塊扒選擇，當然係揀我最愛嘅西冷牛扒同雞扒啦，西冷牛扒唔會太厚身幾好味， 雞扒就大大件又厚身，我特別叫咗個咖喱汁因為覺得雞扒配咖喱汁係最好嘅選擇，而且意粉同咖喱汁好夾10分入味，大推介超抵食，份量多常餐有別於一般嘅常餐，佢哋嘅沙嗲牛肉麵係配正宗嘅新加坡喇沙，出邊絕對冇得食，喇沙同牛肉嘅配搭真係好夾，朋友都讚。跟餐仲有厚多士同滑蛋，絕對係誠意之作行開Donki一定要食呢間咁正嘅茶餐廳😍😍😍

今日放工便去荃灣西行一行購物 ，見攰攰地行過海邊見到有一間冰室裝修新穎，又靚靚仔仔大方得體，而且睇睇價目表 又唔貴便入去一食試， 我和朋友都叫了兩個餐， 一個是鐵板餐同埋另一個是冰室至尊常餐， 先講一講鐵板餐， 份量十足有粟米西洋菜等等配料，薯條亦都不會有太淋清況出現， 再講牛扒，牛扒亦都唔會用有過熟嘅情況出現 ，難得難得 而到我既至尊常餐份量充足，有炒蛋多士五餐肉， 炒蛋食落去香同好濃牛油味 ，好滑身，午餐肉都香脆， 而公仔麵和普通茶餐廳一樣不過不失， 反而是雞扒份量比較厚呢樣令我感覺到喜出望外值得一讚而我哋亦都叫了一款小食就是炸雞翼， 好重香茅， 不過這間餐廳最吸引我的地方是價錢並不貴，可以適合一家大細食飯，更有海景可以觀看，環顧四周餐廳價格亦都相對比較貴 ，所以以平民既又有海景食物又唔差，仲可以去邊搵

由荃灣西站C1出口轉左，終於到咗座立喺海之戀商場嘅凱柏冰室，餐廳安排左個卡位俾我坐，正正就望住海濱長廊，遠眺河畔景色，仲有柔和嘅陽光射入餐廳裏邊，感覺非常舒適，又可以殺下菌豬扒飯大件夾抵食，有着香濃嘅香茅味，仲有啲蔥油半碟添，用嚟撈飯就啱晒啦估唔到唔使去泰國餐廳都可以食到喇沙，呢度嘅喇沙唔算辣，配米粉就可以充分咁索晒個湯，配料我就揀咗香烤雞扒，塊雞扒係煎過嘅，都幾有誠意，餐廳仲送埋魚角添識識吓就到咗2:00下午茶時間，心血來潮就叫多幾份茶餐試吓，多士非常厚身，食落軟綿綿，仲有唔少花生醬煉奶添，我就在加配左三隻炸雞翼，雞肉仲要非常嫩滑奶油多都唔輸蝕，牛油同煉奶非常之飽滿

裝修了好耐，對我們這些香港人來說，茶餐廳永遠是我們第一選擇。雅坐，沒裝修未。員工態度好，一流。食物多選擇，惟沒有扒餐，有點失望。炒蛋有蛋香味，唔老。麵包微温，加$4可轉奶醬多。牛肉有咬口。食物唔鹹，大部的過鹹。整體滿意。

今日放假無周圍行吓，行到肚餓就咁入咗凱柏冰室，環境好舒適，懷舊氣氛濃厚，燈光啱feel，有啲時光倒流嘅感覺。坐低個腦唔想諗嘢，頹叫個常餐食吓。個沙嗲牛肉麵味濃，仲好香吓，個奶醬多唔係果腹為生存而食，個面好靚仔，整到有花紋架，做嘢好有heart，視覺享受不在話下，刀仔切落個底係脆架，絕對係窮人恩物。個炒蛋食落個腦海即係出現咗尹光版嘅滑滑劣劣似豬膏咁滑，牛油蛋撻冇咁滑，食落好滿足。望住海景食個常餐都係$55，本身已經好滿足，點知杯茶走仲有驚喜，奶茶有香味就梗啦！飲落個茶味一流，一試難忘，值得推介。