影片
营业时间
今日营业
07:30 - 23:00
星期一至日
07:30 - 23:00
以上资料只供参考，请与餐厅确认详情
因为有张花胶云吞鸡煲嘅券，唯有比多次机会佢，帮衬佢个晚巿。我地6个人，点咗个$1288嘅《殿堂晚饭套餐2025》，加埋个云吞鸡都好够。讲真佢个份量就真系唔只四人份，就连个汤羮分6碗都可以，由小食到甜品一共有13样菜式，听落都觉得好化算。食物质素方面，又系好参差，完全谈唔上「出色」。 镇江水晶肴肉+凉拌珊瑚拼海蜇+餐泰式凤爪+佛山熏蹄呢四个小食放埋一齐，好似全盒咁分开佢地，做法唔错，好过分开4碟细细一碟咁寒酸。凉拌珊瑚拼海蜇、餐泰式凤爪同佛山熏蹄味道算正常，系唯独镇江水晶肴肉嘅肉质较为松散，一夹就散哂。鲜蟹肉海皇烩燕窝我几钟意佢呢个汤，味道好鲜甜，加上有唔少嘅蟹肉同海鲜碎，饮落有啲口感。花胶云吞鸡煲呢个系母亲响前一次饮茶时买券，所以今次就用咗佢。讲真望落个观感已经有啲差，鸡系「鞋」嘅，当因为煲过算正常，啲云吞系唔好食，得啲碎肉同马蹄，成唔出有虾嘅爽口口感，只有一笃嘢咁嘅感觉。另外系佢个汤冇咩味，呢道菜式反而系最差。榄角一口骨味道唔错，排骨炸得够脆，味道亦算正常。红宝百合泡菜苗菜就正常嘢，但个汤又系冇咩味，唔知佢系用咩去整呢个汤。上汤波士顿龙虾伊面其实有个建议系佢将龙虾转虾仁会仲好，放落呢个套餐度都唔会有咩大问题。家下果堆龙虾嘅残骸，完全唔知想点，零零碎碎咁，又冇咩肉。樱花虾海皇炒饭讲出色嘅呢个炒饭算系其中之一，够镬气而且用料都丰富，虾仁够大只同爽脆，同个龙虾伊面简直天壤之别。海南文昌鸡唔知出面文昌鸡系咪都系瘀瘀灰灰咁色，同堆有啲咸，有啲怀疑呢个唔系文昌鸡。古法蒸龙趸呢条鱼应该系成个餐最出色嘅，蒸到刚刚好，鱼肉又够滑，而且唔算细条。精美甜点 - 木瓜雪耳食咗一啖，唔太啱口味就冇再食。为咗张券去食呢餐，味道非常一般嘅中菜，除非有人请食饭仲要指定嚟呢度，否则我唔会拣呢度食。
继续阅读
去到的时候，茶楼不算十分多人，刚开始坐低座位时服务还算可以。之后坐下叫餐，一开始上餐速度还可以。中途我发现有一样点心好耐都没有上，然后我就问服务员，然后服务员就话一早就已经没有，就话打单比我睇，个时才发现服务员漏点，但系就没有向我们反映或者叫我们转其他款式点心，服务态度非常差，落单错误唔即时向顾客反映，仲闹顾客情绪唔稳定。从此黑名单的茶楼，叫身边人都唔可以再去。食物又是放好耐再俾顾客，送到上都已经变冻。真系令人失望、失望。服务员都唔知有没有培训过，每个人都没有笑容，真系见到都大打折扣，印象分可以扣到没有。
继续阅读
25年2月8号在观塘鳄鱼恤中心海逸宴会厅食晚饭，叫了一只清远鸡，上枱时半只鸡都系生嘅唔熟有血，叫经理处理，经理态度极差只可以叫厨房微波炉返叮，用微波炉翻叮嘅鸡买到二百几蚊一只点可以接受？其他酒楼特价一蚊鸡都好食过佢好多。最重要就系经理服务态度极差😡
继续阅读
近期钟意观塘鳄鱼恤嘅凯日饮茶因为摆枱无咁逼，点心够热上点心同冲水都够快，味道唔错有虾嘅点心特别高质，因为虾鲜又爽今次就试下其它发现佢地嘅豆沙包同煎鱼饼都好好食今次萝卜糕就失手了，太多粉同煎得唔够焦香但整体都系唔错
继续阅读
今日陪两老去观塘APM行街，行到攰就去咗鳄鱼恤中心嘅凯日宴会厅饮下午茶。两老要求：坐得舒服、够冷气、唔使搭枱、可以慢慢食。呢间酒楼完全符合佢哋两个嘅要求。我哋叫咗三个下午茶优惠孖宝，再加两个下午茶优惠点心，一共八样野。🥢鲜虾菜苗饺水晶皮有少少厚，但系因为入面嘅料都好足够，所以整体嚟讲都算好食。🥢斑斓生煎包绿色嘅斑斓包包住猪肉，斑斓包有淡淡的斑斓香味，入面旧猪肉馅都够多汁。🥢脆煎莲藕饼食到一粒粒嘅莲藕，煎得好香，但系唔会好油腻。🥢葱花炸两肠清淡咗啲，不过炸两香脆，肠粉皮都唔算太厚。🥢潮州蒸粉果圆圆胀胀嘅粉果，上枱嘅时候都系热辣辣。🥢豉汁鱼茸酿茄子厚切茄子配上大大旧鱼蓉，多汁，不过冇乜特别。🥢我不是春卷根本就系普通嘅鲜虾春卷，比佢个名呃咗。🥢脆皮烧鹅檬粉檬粉够幼滑，烧鹅都唔会太韧，个汤都几清。每一样点心都系热辣辣咁样上枱，饮下午茶都算唔错，坐得都算舒服，唔太迫，食完之后可以慢慢坐到3:30，直到有员工大叫清场，我觉得呢一下有啲扣分，好似饭堂食完嘢赶客走咁。
继续阅读
您可能会有兴趣的...