凱旋門私房料理

餐厅做埋午巿，应该谂住揾埋附近打工仔同学生嘅生意。每星期更换一次餐牌，5个选择，$45，加冻热嘢饮都系加2蚊。之前食过几次都几好食，餐厅又有猫，但上次同今日，唔知系咪生意多咗，开晒啲VIP房出嚟坐埋，出餐速度就越嚟越慢。上星期食都仲有10分钟时间可以倒落口，今日……等咗大半个钟成枱人都无饭食。最后焗住走，每人盛惠餐饮20蚊。打工仔得一个钟食饭真系唔好去呢间。无返两个钟唔洗只意有得食。8月中果次嘅餐牌餐厅两只猫嘅其中一只。…查看更多

呢间私房菜我食过好几次，环境唔错，卫生干净，有独立房间，仲有卡拉ok添，下次多D朋友仔试下book间大房，癫番晚放松一下侍应招呼热情，主动，值得一赞服务态度𩠌菜方面，本人强烈推介：(1)脆皮红烧乳鸽，好好食，一D雪味都冇之余仲要十分非常juicy 热辣辣...皮脆肉嫩...正呀！！！(2)浓汤花胶鸡煲翅，真系足料嫁，花胶厚身有质素，D翅系一排排(唔多碎)，而且个汤冇得顶，鸡味浓。分享心德，如果人少可以选择每位一小煲，人多选择一大锅，分量绝对唔会少，必食。(3)猪油渣炒芥菜，一般芥菜会有小小苦味及草青味，但师父好叻懂得用猪油渣去除草青味之余，仲带出芥菜独有的甘味，而且猪油渣炒完唔多油令D菜上碟仲会有光泽，抵赞以我所知呢间店，经理会因应时节推出多款优惠，今次送每人一只冰镇南非鲍鱼，都会欣赏佢哋嘅心思今次我二个人叫唔到多𩠌，下次一定再嚟，再同大家分享…查看更多

经朋友介绍今日约咗几个朋友去呢间食晚饭，啲𩠌真系好惊喜，没谂到咁好味。服务又几好。价钱中等份量相比出边私房菜算多。个个朋友都赞好食。啱啱今晚开始啤酒又买一送一好开心。带咗二支红酒又唔收开瓶费哦！呢餐都几抵食。值得推介俾大家。…查看更多

呢间私房菜系我去过最贴心服务最到位一间私房菜，每次订枱后都会提前沟通当日的菜单，保证食材的新鲜，刚刚看到之前的评论，我觉得有不实报道评价呢间私房菜，虽然系商业社会会有互相竞争，但如果恶意用不实的方法去抨击他人，我觉得要为他们平反一下，我感到非常之不公平，我和我们的朋友会继续支持😎凯旋门私房菜。…查看更多

朋友之前嚟食过话呢度坐得舒服，啲嘢又几好食，又唔限时，又冇低消，今次带我哋嚟试吓，我哋自己都带咗啲酒嚟，原来呢度都免开瓶费嘅，慢慢倾慢慢食玩到夜晚11点几，而家出边好多地方都冇得坐咁耐，真系揾到一个聚会好地方啲𩠌真系好食呀，下次仲会再嚟试埋其他𩠌…查看更多