凱之味 (已結業)

今日同朋友仔去尖沙咀staycation 經過發現恆隆銀行大廈附近係有個food court 入面4-5間舖😃😃😃 門口嘅右手邊就係凱之味 餐廳主張真材實料 無味精 提供中菜 包括燉湯 盅頭飯 菜 點心 睇落全部都好吸引啊 我地叫左兩個套餐😆😆😆A2－套餐B(盅頭飯+ 燉湯) 盅頭飯(自選一款) 燉湯(自選S1-S4一款) 職員推介遁草蘋果湯 外賣用咗錫紙兜裝 湯嘅保溫做得好好 拎到酒店都仲係熱辣辣 鹹魚肉餅飯味道都唔錯 🤩🤩🤩套餐C(點心+燉湯) 鮮蝦餃、蟹籽燒賣、 珍珠雞、懷舊紅棗糕(各一件) 椰子雞湯好濃味 飲得出冇落味精嘅鮮雞湯 鮮蝦餃嘅蝦肉結實新鮮 珍珠雞大隻 紅棗糕好香紅棗味 蟹籽燒賣好食 每款都有一件好好 咩都可以試試🥰🥰🥰

餐廳位於尖沙咀恆隆銀行大廈附近， 不過唔係單單一間舖頭，係有成個food court，入面有四五間舖頭，凱之味係其中一間，門口嘅右手邊就係。餐廳主打無味精菜式，不論係湯，點心，全部都住打真才實料，唔會落味精。見餐廳咁有誠意，所以我都叫兩個餐，分別係A3燉湯套餐(點心加燉湯)，同埋A2（燉湯加盅頭飯），佢哋兩隻都可以自由揀個湯， 所以可以試佢最出名嘅湯。分別叫咗憂遁草蘋果湯同埋椰子雞湯。 🤤🤤🤤🤤 餐廳職員極力推介蘋果湯，話係佢哋餐廳主打，同埋話要叫我哋食曬啲料去，因為好有益🙈🙈🙈。 個湯份量唔算太大，但係勝在好濃味，不論係蘋果湯，或者係雞湯，都飲得出冇落味精。 另外， 因為我哋係叫外賣，所以餐廳好有心思，佢哋用咗錫紙兜裝外賣，湯嘅溫度保持得好好，就算拎返去都熱辣辣👍👍👍飯同點心方面， 味道都尚算唔錯，可惜點心套餐，點心係固定，我本來仲想試其他嘅嘢，擔心太多所以就冇叫到。總括嚟講，餐廳嘅燉湯，值得一試，特別係蘋果湯，應該係獨家既😍😍

大鄉里出城真係依家先知依個位有個food court空間都幾大 座位幾闊落 坐得幾舒服我同個frd都睇咗中依間新派點心同燉湯 價錢都還可以啦今次揀咗套餐 A3: 點心 + 燉湯 $88有4款點心同一個燉湯點心：-蟹籽燒賣皇係我最鍾意嘅點心-珍珠雞-鮮蝦餃-懷舊紅棗糕燉湯：椰子燉雞湯好足料 有幾舊雞同埋椰子清清地 椰子味好香 好好咬📍超主觀+有偏見評分 (5為最多)📝📃hunger(食物🤤/🤮): 🤤🤤😂📃anger(感覺🥰/🤨): 🥰🥰🥰🥰📋hangry(整體🤬/😟/😛/🥳/😍): 不錯喲🥳

自從搬出嚟住之後，都好少有湯水飲。今日見到呢間有燉湯又有點心食就入去食個晏。佢就位於呢一個美食廣場入面。門口睇到佢哋嘅餐牌，都有唔同嘅點心，亦都有啲蒸飯同我最想飲嘅燉湯。我哋星期日嚟到呢度，望落去都唔算好多人，亦都好快就有位。我最後就揀咗一個蒸飯同一個燉湯嘅套餐。首先嚟嘅就係我揀嘅燉湯，佢係椰子雞湯。望落去已經望到兩舊好大嘅椰子同埋好多嘅雞肉。燉湯望落去都非常清澈冇乜油喺面，但係飲落去係好有濃郁嘅椰子同雞味亦都感覺好補。蒸飯我就叫咗鳳爪排骨飯。個飯嚟到嗰陣熱辣辣，佢亦都排到好靚令到我覺得好有胃口。排骨嘅肉質好嫩滑，食落亦都好好味。鳳爪亦都好入味。佢未至於係蒸到好淋，咬落仲好有質感。最後我仲叫咗籠合桃包加餸。合桃包出邊好少有，佢入面有粒粒嘅合桃。食落好香濃真係出邊都好少食到有呢種質感。呢一餐個燉湯真係令我有返屋企飲湯嘅感覺，下次經過亦都會再嚟食下。

聽朋友講 開咗一啲類似food court咁嘅形式嘅餐廳 但佢又唔係food court黎喎 當然要親身去試試究竟係點呢度好得意㗎好似幾間餐廳租咗一個地方然之後就有啲枱咁顧客就可以揀入邊其中一間餐廳自己搵位坐就算係一班朋友你都可以滿足晒大家嘅要求想食西式有西式泰式有泰式中式有中式咁唔再限死於只可以食一種類型嘅食物而今日我食嘅係中式餐廳主打係燉湯同點心我就揀咗燉湯加點心拼盤湯有四款選擇 我揀咗椰子雞湯一上枱個湯熱辣辣 入邊好足料 有幾片椰子幾件雞咁 個湯好清 好有雞味 而椰子味係會淡淡咁滲出黎 雞件唔係剩係得雞殼我個碗就有雞髀肉啦拼盤入邊有四款點心有蝦餃燒賣珍珠雞可惜當日紅棗糕賣晒所以我就轉左奶皇包每一款點心擺盤都好精緻會有獨立嘅蒸籠仔所以點心都保持都係熱辣辣豬肉燒賣豬肉嘅比例高 咬落去係豬肉嘅蛋呀唔會剩係得粉 仲食到有少少冬菇味蝦餃皮夠薄 打開蒸籠見到淡淡的粉紅色好靚咬落大大啖嘅蝦肉珍珠雞入面有咸蛋黃 有肉粒 足料奶黃包佢嘅餡係無溝咸蛋黃 奶嘅比例多 偏甜嘅可以作為甜品唔好以為得好少野食食完係好飽 一人餐係夠嘅食完呢個餐真係好滿足

己有一段時間無出尖沙咀，今日在這區做完Facial後就四處搵食，竟然發現新嘢，原來開了美食坊。環境都唔錯，內有幾間不同菜式的食店，但座位就唔算多，又因今日係星期日，我怕多人，還是外賣回家慢慢食較好。揀了近門的食店，貪佢夠方便，同埋有我喜歡的燉湯，正! 選擇都唔少，除有幾款燉湯外，還有盅頭飯、飯餐、點心、手工餃和不同套餐。我就要了一份海之味套餐，再加一籠鮮蝦餃和一客燉湯。海之味套餐($62)包有原條豉汁蒸黃立倉、白灼時菜和白飯，份量好足。黃立倉都算幾大條，仲幾厚肉。蒸得岩岩好，肉質鮮嫩，加埋啲豉汁，味道一流，用來撈飯更正。時菜係菜心，條條都翠綠嫩口，少油少鹽，連所配備的豉油都唔駛用，夠晒健康。一籠兩件的鮮蝦餃($16)大大粒，晶瑩剔透，皮薄饀靚，大大隻鮮蝦，爽口彈牙，推介!輪到我最愛的燉湯，用一個特別的外賣碗載住，返到屋企仲係熱，好! 在五款燉湯中揀了有滋潤清熱、滋陰養顔功效的椰子燉雞湯($68)。味道鮮香，湯中有幾件香嫩的雞肉和爽口的椰子，滿有椰子的香味，啖啖滋潤順口，燉得夠晒火喉，正!

原來加連威老道開咗一個foodcourt，叫做「Granville food square」。裝修行英式風格，入面場內擺咗好多球星嘅簽名波衫😍😍😍今日去試吓呢間中式嘅凱之味，有燉湯同埋點心啱晒我口味呀👍🏼本來想試佢個A5「生滾花膠雞」，但姐姐話今日冇，仲勁好人話邊日會再黎佢早啲整定，超好服務💯我哋揀咗：「麻辣乾鍋豬扒」$88跟2款小食+白飯(小食係 鴨舌 + 雲耳拍青瓜)麻辣乾鍋豬扒有好多芫荽勁中意，豬扒醃得好入味同埋好淋，個麻辣唔會太辣，食唔到辣嘅朋友都食得，送白飯會冇咁油膩，整體我都幾中意呢一道。A2. 盅頭飯 + 燉湯 $78盅頭飯揀咗鳳爪排骨飯，燉湯就揀咗椰子燉雞湯椰子燉雞湯好正😋飲得出冇味精，好香椰子味，下次想飲湯可以過黎買外賣D1. 鮮蝦餃 2粒 $16蟹籽燒賣皇 2粒 $16大良炸鮮奶 2條 $16點心好抵食呀，$16有2粒，大大粒

♨️之前一直都是跟大家推薦川菜比較多，因為我個人特別喜歡川菜，一些水煮魚啊酸菜魚之類的。🔅最近吃太多辣的之後，就非常非常想吃一些清淡的東西，例如燉盅啊，蒸飯之類的。特別是燉盅，我一直都很愛很愛喝湯。這次我在香港發現了一家寶藏店鋪，只用78塊錢就可以吃一盅美味的湯和蒸飯。一定要給大家推薦這家我最近特別特別喜歡吃的店。❗️這家店叫凱之味，它的位置也非常的好找，在尖沙咀。我們點了兩個燉盅加蒸飯套餐。我們一個套餐點的是椰子雞湯，另一個套餐點的是憂遁草蘋果湯。🔥接下來我要重點推薦一下這款憂遁草蘋果湯，這個實在太好喝啦，我之前都不知道有憂遁草這個植物，自從我喝了這個湯，我就去科普了一下。這個這個植物非常的好，對身體非常的有益處。近年來專家發現憂遁草含有大量類黃酮抗癌物質具有相當好的抗癌功效。 ㊙️據馬來西亞、新加坡等東南亞國家有癌症患者採食憂遁草治病抗癌具有良好的神奇療效。 清熱解毒、散瘀消腫、消炎解酒，能改進全身血流狀態，增強心肌收縮能力，改善血壓，含豐富的蛋白質，營養價值極高。椰子雞湯就更不用說了，一直都是我的最愛，特別特別適合夏天。🔆蒸飯，我點的是排骨鳳爪蒸蒸飯和冬菇雞蒸飯，這兩個蒸飯都是我的最愛

平日都是一大班人去飲茶，今日突然心血來潮想食點心，但得自己一個…..點食得到？行行下，發現了尖沙咀近太平館附近有food court，入面有點心、焗飯、泰國粉麵等選擇，其中一間就有一人點心套餐選了A3點心加燉湯套餐($88)因為無紅棗糕，店員讓我在點心類中選擇另一項，選了奶皇包，套餐內則原有蝦餃、燒賣和珍珠雞，全部都熱辣辣出爐送上珍珠雞內幾足料，還有栗子🌰蝦餃燒賣都大大粒。食完這個「四式拼盤」，其實已經好飽肚燉湯有四款選擇，這是椰子燉雞湯，飲左幾啖，椰子的清甜味慢慢滲出。眼闊肚窄，另點了芋絲炸春卷（$16/2條），春卷入面是芋絲、豬肉、蝦米，跟平日的普通春卷好不同，惹味得來又有點咬口，外面炸到脆卜卜，配上玫瑰金炸篩，賣相上加分仲有馬拉糕，$8件，原本以為細細件，怎料！Oh！直徑有2個拳頭大！真的吃不完，店員好有禮貌和細心問有沒有需要食物盒，話食得唔好嘥，打包回家做下午茶🫖

今日大暑超級熱🥵，喺加連威老道泊低架車就即刻搵間餐廳避吓暑🌞，見到呢有間好大嘅food square 之前未見過就入嚟睇睇，原來係個food court 嚟，門口右手邊就係食點心盅頭飯仲有埋燉湯，因為同朋友得兩個人，想去飲茶又叫得唔多走，食呢啲一人點心就做化算😋一入嚟坐低姐姐已經勁好服務安排坐位，可能見到哋都熱到面都紅晒😵‍💫 仲即時遞上左兩碗冰凍起沙嘅綠豆沙比我哋食😳，佢話天頭咁熱食住碗綠豆沙降溫先，碗湯水真係好好食好冰凍，超級驚喜🤩呢到最好就係有啲一人餐點，有得一次過食盅頭飯同燉湯，盅頭飯同燉湯仲要有幾個選擇可以自己揀👍🏻 同朋友叫咗呢個set 再加個乾鍋豬扒，飲茶當然唔少得點心🫖，另外散叫咗3個點心，一盅兩件嘅點心每款都一樣係$16 好抵，其他盅頭飯嗰啲如需散叫都只係$35啲嘢食上得好快，鳳抓排骨飯啲排骨有好多，舊舊仲要好大舊，飯粒都好彈牙唔會淋，套餐跟咗個椰子燉雞湯，好清甜好又好足料，飲落冇味精，椰子味好解渴🧉乾鍋豬扒飯好惹味，唔止啲豬扒夠淋又好多塊，仲有好多香菜洋蔥配搭👍🏻 跟餐有兩個小涼拌小食，係花雕鴨舌同川味青瓜雲耳，醃得好夠味一盅兩件嘅點心亦唔錯，尤其係個蝦餃，入面係好

係尖沙咀加連威老道恆隆銀行大廈附近有個親民food court，入面環境都整潔，同埋都有幾間餐廳，見到間中式餐廳，有點心又有飯仲有養生靚湯就想食了。佢個menu 都有幾多唔同配搭，今日點心mood 所以都叫左幾款點心同一個飯，再配個靚湯，回家慢慢食。點心叫左蝦餃、燒賣，幾出色，唔算好大粒，size 正常，蝦都多，啲皮唔會話好薄，都有啲口感，味道幾好唔會好鹹。叫咗個紅棗糕，係喺同出邊酒樓食差唔多，好煙韌好好味。然之後叫咗個合桃包，呢個真係出色，味道真係好，可以試一試，入邊真係好足料嘅合桃。個飯就係叫咗鳳爪排骨飯，見到一盒仔其實都幾多了，套餐仲配埋個菜，如果我哋做晚餐其實都夠。最正係一碗湯水飲吓，叫咗蓮藕素湯，你見到佢好多料去煲，真材實料，同埋呢啲湯水真係好補。一個唔係好起眼嘅food court，老實講，一開始真係冇乜期望只不過係想試吓同貪方便，點知叫完之後食落真係覺得貨真價實，點心真係好味，湯水好多選擇同埋真係好有益，最重要佢即叫即整，返到屋企啲食物仲熱，food court仲有其他店舖，我諗水準都差唔多。

星期日都要返工，自己一個人食午餐，行到出厚福街發現想食嘅都無開，所以就變咗去試加連威老道嘅美食廣場「Granville Food Square」🍔🥗🍱。我成日經過都覺得呢度好靚，環境裝修係OK，但冷氣就差少少。Food Court嘅經營模式同一般唔同，因為係有店員幫忙落單同送餐，佢哋全部都幾友善😊。呢度大約有五至六間餐廳，而我就幫襯咗門口嘅「凱之味」，佢係點心舖嚟。我嗌咗A3點心燉湯套餐🥢($88)，價錢有啲貴，不過佢啱晒一個人食，而且燉湯度度都賣得唔平。椰子燉雞湯(原價$68)，燉湯有幾款選擇，我要嘅呢款椰子味超香🥥，齋聞已經覺得好正。湯品熱辣辣送上，要小心溫度啊♨️。雞湯味道清潤，調味天然，不含味精，飲落喉嚨好舒服，無口乾；佢仲有滋陰養顏嘅功效🥰。蟹籽燒賣皇第一眼望落嘅賣相唔算吸引，令我無乜期望，點知一食好有驚喜。成粒燒賣口感好爽，無多餘嘅肥豬肉，蟹籽又爆汁，好食😋。鮮蝦餃🦐同燒賣一樣出色，餃皮煙韌唔易穿，內裡包裹原隻蝦肉，既鮮味又彈牙！珍珠雞具荷葉香🐔，糯米唔黏身，雖然細細隻，但餡料好足，有雞肉、蝦米、冬菇同蛋黃等。懷舊紅棗糕呈樹葉形狀🍃，口感軟糯，中間並有一層混入咗紅棗蓉，味道突

唔黎到都唔知原來呢到係有間food court，一入到去就有哂中西泰揀，不過我一心想黎試呢間中菜，其他餐廳下次再試😋。呢間凱之味最出名既係燉湯，平時屋企懶煲湯，依家呢到就有得賣老火靚湯，緊係要嗌番碗祛祛濕🧖🏼‍♀️另外都嗌埋點心小菜搞掂埋個晚餐🥣。🐒金湯酸菜魚(白飯)💰$78一人份量岩岩好，入面有木耳，芽菜，金菇，唔好睇佢好似平平無奇會好清淡，其實佢夠酸夠辣，完全滿足到我想食酸菜魚既癮🌶。🐒古法馬拉糕(1件@6)💰$16一盒有6件都係$16，即使拎到翻屋企都無濕哂，仲kerp到回彈口感，甜度適中。🐒優遁草排骨湯💰$52唔黎到都唔知優遁草原來係好野，佢主要功能係清熱解毒、消炎散瘀、利尿、調經止痛，岩哂夏天去飲💦飲落係天然味道，而唔係味精湯，排骨燉到離骨，好淋🐷湯渣都食哂😂。因為佢全部野都係即整，點心同燉湯都會要耐啲時間，而當日都係得一個人手，所以想食平民靚湯都要俾啲耐性呀❤️Btw遮遮好sweet，好有住家感覺

尖沙咀一人食四格點心凱之味係位於一間food court入面 除咗食點心 想食其他野都可以一齊揀埋套餐A3（指定點心，自選燉湯）$88鮮蝦餃 皮比較厚 但係入面隻蝦大大隻蟹籽燒賣皇 表皮薄透上層鋪滿蒸熟的橘色蟹籽 入口肉質彈口珍珠雞 荷葉包住糯米 雞肉碎 豬肉碎等餡料 好好味懷舊紅棗糕 黑糖嘅香紅糖嘅甜集於一身 入口細膩 口感Q彈 相信小朋友一定中意食白背木耳排骨蘋果湯入面好足料 有大大個蘋果 飲落有蘋果嘅甜味好易入口 功效係通血管同降血脂 夠晒養生凱之味 (尖沙咀)尖沙咀加連威老道46-48號地下2號舖

位於尖沙咀加連威老道，街口近科學管那邊，開了間特色Food Square，一間大店間開幾間小店，讓客人有更多的選擇。近門口的「凱之味」有點心、盅頭飯、手工餃、養生茶和燉湯，正合我口味，我選了2號套餐，有一款盅頭飯和一款燉湯。《蓮藕腰果素湯》燉湯真材實料，有很多蓮藕和腰果，沒有加肉一齊煲，感覺更健康。最欣賞是外賣盒用錫紙密封包住，不會倒瀉之餘還很保溫，回到家打開還是熱騰騰的。《鳳爪排骨飯》鳳爪排骨的味道恰到好處，把甜豉油淋上飯面更加好味。簡單的一餐已很滿足。