影片
营业时间
今日营业
07:30 - 23:00
星期一至日
07:30 - 23:00
以上资料只供参考，请与餐厅确认详情
25年2月8号在观塘鳄鱼恤中心海逸宴会厅食晚饭，叫了一只清远鸡，上枱时半只鸡都系生嘅唔熟有血，叫经理处理，经理态度极差只可以叫厨房微波炉返叮，用微波炉翻叮嘅鸡买到二百几蚊一只点可以接受？其他酒楼特价一蚊鸡都好食过佢好多。最重要就系经理服务态度极差😡
继续阅读
近期钟意观塘鳄鱼恤嘅凯日饮茶因为摆枱无咁逼，点心够热上点心同冲水都够快，味道唔错有虾嘅点心特别高质，因为虾鲜又爽今次就试下其它发现佢地嘅豆沙包同煎鱼饼都好好食今次萝卜糕就失手了，太多粉同煎得唔够焦香但整体都系唔错
继续阅读
今日陪两老去观塘APM行街，行到攰就去咗鳄鱼恤中心嘅凯日宴会厅饮下午茶。两老要求：坐得舒服、够冷气、唔使搭枱、可以慢慢食。呢间酒楼完全符合佢哋两个嘅要求。我哋叫咗三个下午茶优惠孖宝，再加两个下午茶优惠点心，一共八样野。🥢鲜虾菜苗饺水晶皮有少少厚，但系因为入面嘅料都好足够，所以整体嚟讲都算好食。🥢斑斓生煎包绿色嘅斑斓包包住猪肉，斑斓包有淡淡的斑斓香味，入面旧猪肉馅都够多汁。🥢脆煎莲藕饼食到一粒粒嘅莲藕，煎得好香，但系唔会好油腻。🥢葱花炸两肠清淡咗啲，不过炸两香脆，肠粉皮都唔算太厚。🥢潮州蒸粉果圆圆胀胀嘅粉果，上枱嘅时候都系热辣辣。🥢豉汁鱼茸酿茄子厚切茄子配上大大旧鱼蓉，多汁，不过冇乜特别。🥢我不是春卷根本就系普通嘅鲜虾春卷，比佢个名呃咗。🥢脆皮烧鹅檬粉檬粉够幼滑，烧鹅都唔会太韧，个汤都几清。每一样点心都系热辣辣咁样上枱，饮下午茶都算唔错，坐得都算舒服，唔太迫，食完之后可以慢慢坐到3:30，直到有员工大叫清场，我觉得呢一下有啲扣分，好似饭堂食完嘢赶客走咁。
继续阅读
星期日带妈咪去官塘凯日宴会厅饮茶， 样样味道都唔错，萝卜丝酥天鹅炸得好松化，烧卖同牛肉球大大粒， 卤水鹅掌入味，几大碟 😋😋 有好多部电视， 落地玻璃睇到观塘景，坐得舒服，侍应服务几nice， 又会主动冲水同收碟👍👍
继续阅读
假日同长辈去酒楼食野，约左黎凯日。呢间平时食点心都唔错，今次黎到见到有个4人套餐，个餐有一个小菜并盘，一个主菜，一碟饭／面，同埋3笼点心，仲每人一盅炖汤。觉得够我地食，几抵，所以叫左黎食。佢地啲茶有个细炉仔热住，keep住温度，唔错👍前菜有4味，水晶肉，川味皮蛋，四喜烤夫，油炆竹笋，每样小小，中间仲有啲日式酸姜（我个人几钟意食），加埋都几大碟，睇落养眼，味道唔错，食落开胃。👍点心点左肠粉，素饺，烧卖王，质素唔差，有水准。主菜叫碟菜远炒安格斯牛肉，黎到发现摆埋盘😂😂菜心铺底，上面云耳加牛肉，侧边放左啲配菜（唔知食唔食得，我地冇食🤣🤣）卖相几靓，食落入味，不过觉得云耳多左啲，牛肉少左啲，如果可以多返小小牛肉，咁就最好。饭要左福建炒饭，正常水准，好食。炖汤一人一盅，料太多啦，成只鸡脚，又多猪肉。😅😅😅如果小啲料，多返啲汤水，我会开心啲啰（我本人唔钟意食汤渣）
继续阅读