影片
港铁鲗鱼涌站 B 出口, 步行约2分钟
继续阅读
营业时间
星期一至五
11:00 - 14:30
17:00 - 23:00
星期六至日
全日休息
公众假期
11:00 - 14:30
17:00 - 23:00
公众假期前夕
11:00 - 14:30
17:00 - 23:00
以上资料只供参考，请与餐厅确认详情
食记 (74)
今日做冬，屋企又唔想搞到大阵帐，就去左一间想食好耐嘅潮洲菜馆到食下家乡菜。入到去二话不说梗系整翻个卤水拼盘加啤酒黎过下口瘾先。主菜叫左蚵仔粥、榄菜炒四季豆同煎两面王食住先。点知份量太大，食完已经好饱唯有下次再黎试埋其他菜色！卤水拼盘: 前菜必食！系我目前食过最地道嘅卤水味道！唔好睇佢无乜卤水色，食落口嘅咸香均衡，配合埋个蒜蓉辣椒白醋简直系无得弹！蚵仔粥: 又一佳作。老板一啲都唔吝啬蚵仔嘅份量。啲米嘅口感同味道系我家乡食嘅一样。💯榄菜炒四季豆:睇落平平无奇但食左啖之后就忍唔住叫碗白饭黎配！煎两面王:一道好考厨师手势嘅一道菜。由卖相到口感都感觉到大厨好有经验，沾上沙糖同陈醋令呢道两面王是。嘅味道再升华左一个层次！整体而言，菜色嘅味道一流，我好有幸系香港食到咁地道价钱又咁亲民嘅潮洲菜！
继续阅读
之前会同朋友宵夜打冷（好邪恶），不过后来都有一排无去，咁啱今日经过凯富菜馆，懒得自己煮又想食下卤水，于是就买外卖返屋企食叫左个卤水鹅肠、京都焗肉排同两个白饭，依家晚市外卖自取小菜有8折，计埋盛惠$198注意系得小菜有8折，卤水同白饭𠮶啲都系无嘅～鹅肠都唔少，落左啲调味去捞，食到啲麻油味同少少胡椒粉味，就咁食都已经几好食，而怕就咁食会太腻嘅仲可以点埋附送嘅酸汁，酸酸地咁又香又开胃鹅肠下面有啲卤水豆腐京都焗肉排拎左个大盒黎装，所以一开始期待会好多，点知开上黎份量唔算多😂😂😂偶尔几块会有啲硬，不过整体都唔错好少会系茶记食到软嘅白饭，而呢间都系普通𠮶啲偏硬偏干嘅白饭整体黎讲都系几好食嘅打冷，懒得煮饭嘅时候可以去买黎做外卖，不过价钱偏贵。𠮶阵去买外卖嘅时候无乜人，等左大概20分钟左右，见到个收银哥哥收完钱之后就去斩卤水，虽然有少少洗下手，不过如果分开唔同人黎收钱同斩卤水可能更好
继续阅读
已经好少出街食饭~但偶尔都想出去行下~今日同男朋友去左港岛果边行街~朋友推荐一间潮州菜好好食~平时都排队，但最近少人食饭就唔洗排~去试试先！系门口见到d小菜都好抵，呢度系食好地道ge潮州菜~入到去人唔多~坐得好舒服~椒盐鲜鱿（$108）- 上菜见到就已经好靓！伴碟仲有番茄片~鲜鱿炸得好松脆~而且d蒜蓉好香好可口~捞饭一流！榄菜肉松四季豆（$80）-四季豆新鲜,而且d榄菜好多，整体唔会太油腻~韭菜猪红（$40）-食潮州菜打冷梗系食猪红了~呢度猪红无果阵奇怪味，而且韭菜都好好食！卤水拼盘（$118）-重点一定系卤水！有猪耳红肠牛肚等等，卤得好入味，送酒一流~两个人埋单一人$200有找，而且d野都好大碟~一班人离仲正！
继续阅读
朋友带我嚟呢间潮洲打冷嘢食😍内外气氛都好亲民😊卤水拼盘 $118卤水好高质！猪耳喺一块过唔喺一条条，好特别😂个人钟意个豆腐，喺底度索哂啲汁，好juicy 😍香煎牙带鱼 $128店主站我哋识拣丫👍🏻牙带鱼唔喺度度都有得食！外层煎到脆卜卜好香喷喷，咬落又唔算多骨㖞😙胡椒猪肚汤 $118胡椒味道浓郁😍加上大量猪肚，个汤饮完暖笠笠哂，大大碗好抵饮😙煎蚝饼 $98大大份蚝饼，里面啲蚝份量都几多，最重要喺好少腥味！怕腥嘅人都食到👍🏻双菇扒时蔬 $88超多菇啊😍
继续阅读
趁住复活节走远少少去到平日无咩点去既鲗鱼涌行下顺便揾下有咩好西,约左一班朋友够麻甩当然要去打冷.咸菜胡椒猪肚汤一窝上,猪肚处理得够干净,入口无猪肉脏既餲臭味得黎又唔会有孱.猪肚质感够爽弹入口烟烟韧韧.咸菜亦唔会过酸,汤底够晒胡椒味十分暖胃.卤水拼盘份量丰富之余款式都几多选择,卤水汁颜色及味道够浓又唔过咸,入口先咸,后带微甘甜既味.内里既食材都好入味,最吸得卤水汁既精华当然系豆腐.煎蚝饼,黎到打冷唔点返份蚝饼点叫打冷.蚝饼够正宗,真系用心煎而唔系坊间求快而改成用炸既方式.煎得够薄脆入口唔会油淋淋,沟左鸭蛋同鸡蛋令蛋香味更重.蚝仔够肥,胀卜卜又新鲜,唔会粉浆多过蚝仔,沾上胡椒鱼露更惹味.牙带鱼好少系广东菜出现,系当日老板推介既特色鱼类.牙带鱼经微煎炸,外皮变得脆身带点咸香,入口估唔到咁嫩滑,又唔多骨.双菇扒时蔬,食左咁多肉当然要食返蔬菜平衡返.
继续阅读