影片
以上资料只供参考，请与餐厅确认详情
食家推介
前菜5款盛合，前菜盛合分别有椰菜腌萝卜鱿鱼沙律、麻酱牛蒡、鲣鱼汁煮蔬菜、面豉酱海藻同埋矶煮鲍鱼海虾多春鱼，鱿鱼沙律味道清甜，牛蒡上炸香咗嘅独子蒜片令人惊喜，鲣鱼汁煮蔬菜同面豉酱海藻穏打穏扎，矶煮鲍鱼相当入味，海虾新鲜，多春鱼以日本酱油调味，系口味最为浓重嘅一道。刺身5款盛合，刺身盛合有牡丹虾、带子、三文鱼、鱿鱼同埋金目鲷，金目鲷鱼肉结实爽口，带子极度鲜甜，鱿鱼新鲜，胶质重得不可开交。烧三文鱼、鱼肝、菜心，本身师傅喺席前准备嘅时候仲以为个鱼肝系豆腐，一啖入口肝味香浓，相当惊艳，三文鱼烧得香脆，同清甜嘅菜心夹住食就啱哂。煮物三款：白子配香菇豆腐，海胆白饭鱼，汁煮翡翠螺；印象中白子我未曾试过熟食，今次以汁煮熟食个感觉又好唔同，煮熟后白子独有嘅味道淡咗，但系依然保持住𠮶只超然滑溜嘅口感，香菇同豆腐搅匀，切成丁方同炸，口感酥脆；白饭鱼有别于平时出面食到𠮶个物种，呢度嘅鱼身宽濶好多，口感独特，有如秋葵，同海胆嘅甘香味道起到一个化学作用。慢煮牛舌，牛舌煮得极度软嫰，本身嘅味道已经恰到好处，若然再点一点萝卜上面嘅芥辣，简直系锦上添花；车厘茄酸度较高，以有被醋渍过嘅痕迹；萝卜炆得好腍好入味，只系用条脷顶已经化开，好耐无食过炆得咁正嘅萝卜喇。京葱日本牛，日本牛油脂丰富，雪花均匀，相当高质，酱汁有啲似叉烧酱嘅味道，不过无咁咸同埋有少少甜味，配合京葱实属最好不过。鲣鱼汤绿茶荞麦面，荞麦面弹牙，同鲣鱼汤从来都系系绝配，充满住日本嘅风味。甜品有士多啤梨、提子、日本柿同埋红豆蕨饼，红豆够哂腍，系我钟意嘅少甜味道，配以蕨饼弹牙嘅口感，为今晚画上一个完满嘅句号。
继续阅读
呢间凡，由日本师傅主理，店内只有６个位，而佢都系 one man band 兼师傅洗碗同楼面，当日我地有4个人，依家即刻介绍当日食咗咩啦~ 成程基本上师傅都只系好用心咁预备食材(可能佢只系识日文啦，如果识日文既朋友应该可以尽情同师傅倾计！） 餐厅晚市有 2 款 menu： $880 同 $680 我地拣左 $880，包 5 款前菜/5款刺身/煮物/肉类/温菜/饭食/甜品📍前菜五点分别系腌脆牛蒡/菠菜金菇/ 鲍鱼大虾够弹牙，鱼肉鲜甜，每样都好精致，食完好开胃~📍刺身五点有金目鲷牡丹虾鱿鱼带子同三文鱼，全部都肥美肉厚好新鲜📍烧鱼我地𠮶日系烧三文鱼腩，外皮烧得香脆但肉身依然好软稔juicy 嘅鲜嫩，另外配菜系菜心苗加蟹膏豆腐，蟹膏豆腐蟹味超香浓～ 📍煮物三款白子配鱼糕，今次系我第一次试熟咗既白子，而且系无用任何调味，味道未算好腥，但我依然系需要一点调味了(!) /原只翡翠螺既螺肉好鲜味爽口弹牙~ 最后既生白饭鱼配姜蓉酱汁，食落口感好特别，而且一啲都唔腥📍肉类呢个系本飞驒嘅传统料理，师傅用朴叶做器皿，牛肉会吸收咗朴叶独香味，师傅将面豉酱同和牛搞拌，但我就觉得味道偏浓，如果少啲酱汁更可以突出牛既味道📍温菜汁煮牛脷既牛脷厚切入口软腍，再加埋个汤既萝卜番茄一齐黎食感觉刚好📍饭食系荞麦面面条有弹劲，食完就已差唔多八成饱了📍甜品系黄豆蕨饼配红豆同士多啤梨、富有柿同埋青提，样样都鲜甜多汁呢~~
继续阅读
之前喺尖沙咀食过一间性价比甚高嘅Omakase 呢一间 【凡Fan】位于尖沙咀汉口道可能食𠮶阵仲未完全通关 所以都比想像中容易订位餐厅的厨师法办价套餐钱亲民$880／ $680 就可以享受到餐厅有家庭式嘅感觉 眼看只有五六个座位约埋三五知己来随时可以包场《前菜五款盛合》 卖相别致由味道最淡嘅前菜讲起【鲣鱼汁煮蔬菜】 预先预备好嘅鲣鱼汁蔬菜非常之爽口食落非常爽脆【矶煮鲍鱼海虾】 口感烟韧渗出淡淡嘅酱油香 毫不掩盖海鲜的那份鲜甜【腌椰菜萝卜鱿鱼沙律】 带点酸酸的味道 非常清新【麻酱牛蒡】 将牛蒡切成簿片 口感爽嫩再加上味道浓郁嘅芝麻酱汁【面豉酱海藻】 算是五款前菜中最浓味的一款味道特别 带点咸香 但又不是死咸为味蕾打响头炮《刺身5款》 师傅会根据供应每日提供不同款式的刺身【牡丹虾，带子，三文鱼，鱿鱼，同金目鲷】金目鲷刺身鱼肉结实 爽口鱼油味不算丰富 但胜在甜美当晚的《烧鱼》是【烧三文鱼】三文鱼扒预先搽上甜面鼓酱烧起来带点焦香配合埋【滑溜的鱼肝和菜心】伴菜集合嫩滑 绵滑 爽口于一身《煮物三款》：【白子配蔬菜豆腐】， 【海胆刺身鱼仔】，【翡翠螺】煮物算是过场的一环味道清清地 令味蕾稍作休息白子味道淡雅 鱼油味溢出海胆刺身鱼仔 口感滑嫩《肉类》 喺味道比较浓郁嘅【香叶烧和牛】大厨在香叶上面放上咗和牛以及特制嘅酱汁再包裹住 慢慢烧烤香叶嘅气息渗入和牛之中和牛油脂丰富 入口即溶加上美味嘅酱汁 非常开胃《温菜》有【汁煮牛舌】 配菜有大根同车厘茄牛舌炆得非常之软淋用咗类似关东煮嘅汤底 鲜甜味美加上一抹芥辣 提味又醒神车厘茄酸味十足 十分清新而且圆碌碌 卖相别致《食事》 一款简单嘅绿茶面条轻轻渗出鲣鱼汁汤底嘅气息《甜品》 有时令嘅水果香印提子 士多啤梨 以及柿子带出出而不华嘅感觉加埋黄豆粉蕨饼烟韧中品尝到黑糖的香甜由于主理嘅系日本厨师限于语言障碍 沟通唔算好多但从细节上 看出大厨的那份细致及厨艺价钱又亲民 实在值得支持
继续阅读
喺尖沙咀有一间名为凡，佢哋系新开专做omakase嘅日本餐厅，佢哋入面只系得一个嚟自日本嘅师傅，而店内所有嘅事务都系由佢一手包办。摆盘好精美嘅前菜五点，入面嘅腌牛蒡口感清爽，菠菜金菇味道好清新，而鲍鱼够弹牙，虾肉鲜甜，令人印象好深刻。刺身五点：分别有鱿鱼、带子、三文鱼、金目鲷同埋牡丹虾。款款都系非常新鲜，尤其带子同牡丹虾，口感弹牙爽口之余仲好鲜甜。烧鱼：是日系烧三文鱼腩，虽然烧得非常香口，但仍然保持鱼肉嘅鲜嫩，鱼肉肉汁仍然好丰富，鱼油香味满满。而配菜有菜心苗同埋蟹膏豆腐，可以有效减低鱼肉嘅油腻感。三款煮物：白子配鱼糕：白子无用任何调味，但仍能做到无腥味，而鱼糕口感丰富，同白子一齐食口感会更特别。原只翡翠螺：螺肉鲜味，肉质弹牙。白饭鱼：配埋姜蓉同秘制酱汁，食落爽口，味道因为姜蓉而变得惹味。汁煮牛脷：牛脷煮得好软腍，又够哂入味，就算用上厚切处理，仍然做到软嫩嘅口感，而配菜有萝卜、去皮嘅番茄，全部都经已煮得好入味。朴叶味噌烧系日本飞驒嘅传统料理，尤其配上高级嘅和牛，立马变成人间美味。用朴叶作器皿可以为牛肉增添朴叶独有嘅香味，味噌经过烧烤，同牛肉味道好夹，如果有埋碗饭就仲正。面食系一碗热辣辣嘅荞麦面，面嘅口感弹牙，而汤底因加咗七味粉而变得惹味。口感Q弹嘅黄豆蕨饼配红豆，仲有日本嘅时令水果。水果有酸甜嘅士多啤梨、清爽口感嘅富有柿同埋香甜嘅青提，可以为呢餐饭作出一个完美嘅句号。
继续阅读
晚市Omakase 有两个套餐，$680或$880 一位，我拣咗$880一位。$880套餐包括：前菜五款盛合刺身五款盛合烧鱼煮物三款肉类温菜饭食汤甜品坐低有热茶供应。听闻师傅系日藉厨师，唔识广东话。点完餐之后食物就会一道一道咁上。刺身有带子、吞拿鱼、虾等。虾几鲜味，爽爽口感。带子又几鲜甜。估唔到有啲鹅肝，配上荷兰豆。鹅肝林林地入边几香，而且仲有白萝卜。有酒先煮味嘅白只，蟹膏蟹肉豆腐。牛肉大大块，口感绵滑，配上浓香日本酱汁，好似甜甜面豉味。最后仲有荞麦面，面绿色，面质爽口。甜品又清甜密瓜、士多啤梨。另外仲有黄豆粉嶡饼。
继续阅读