影片
点心非常有特色，餐厅营业时间星期一至六11am-6am，星期日二十四小时。地点非常方便，服务一般，食物质素一流，环境舒适，倘若晚上肚饿的时候，我仍会再来光顾的。
继续阅读
好少写食评，但系嬲到忍唔住写返一篇：食物味道好麻麻，不过都唔系问题，我本身志在饮杯茶，今日第二次过嚟食嘢，个阿姐（唔知系老板娘定咩，两次见佢都系坐喺度自己食嘢）无啦啦攞个鸡毛扫出嚟喺度扫电视机啲尘，我仲食紧野，啲尘飞晒过嚟⋯⋯过多一排，佢又无啦啦走出去出面抹玻璃，无关门，我近门口个位，啲蓝色玻璃水唧晒过嚟我只手度⋯⋯好无奈⋯⋯佢态度唔优做我都冇咩感觉，但系咁样太过分啦啩⋯⋯⋯我就唔会再嚟，都唔建议大家嚟受罪。
继续阅读
同师傅一齐饮茶，听讲呢度服务都几好，睇落又干净，坐得舒服，入去饮下茶，叫左都几多野食。啲食物新鲜热辣辣，叫左壶铁观音，愈饮愈香，唔似茶楼果啲摆好耐既茶淡而无味。叫左点心拼盘，好靓，几得意，另外又叫小笼包、凤爪排骨饭、虾春卷……。食到我地都好饱，再慢慢饮杯茶（冲左咁耐都好香又够茶味）。埋单两人二百几，都算合理，重点食物质素几好👍茶又香👍（希望保持水准）去饮茶都系想食热辣辣点心同香浓既茶，宜家啲酒楼质素都麻麻，呢间好有惊喜，值得推荐。（不过场内得一位姐姐，可能唔系繁忙时间）
继续阅读
见谅因为冬天夜晚好冻，之后一入去坐低点左个汤之后停唔到，全部食到最后一件先醒起影相，讲下佢啲炖汤先，其实我夜晚如果想食得健康啲，尤其系宵夜，我一定系去呢间，因为主题比较健康，又系饮茶，通顶都冇咁大压力，佢啲茶都好有回甘味，至于佢嘅炖汤算足料，入味但饮唔到味精味，每盅汤都占左一半系材料，感觉几好，佢个流沙包都好出色，流出黎嘅奶黄食落系做到有沙粒嘅口感，但我最中意食系佢个红枣糕，好烟靭同埋又唔会太死甜，蒸得好好食，推得推介。
继续阅读
楼面多过厨房 因为全部嘢都系预制 无意见但好明显见到佢麻酱甜酱重用点解我会知？因为我叫左肠粉但无食酱我食到8899 佢黎收番个酱去番本身出菜个位茶位六蚊 但淡到爆 讲真我都饮得淡 佢个茶同红枣糕系无味嫁
继续阅读