影片
第一次为左双𩠌饭写食评。鲗鱼涌出名平饭多，近排转左工转围行下，行左30分钟见倒呢间野多人排，就跟下人一齐排。笑料一则: 排左8分钟到我拣𩠌我先发现原来系要买飞先拣𩠌，又重新排过，最后成20分钟先买倒个饭。三𩠌饭 ($45)份量黎讲系无得输，今次拣买呢间原因主要系佢$45包埋个冻奶茶，但可惜个奶茶系甜到我饮左2淡顶唔顺，建议大家叫佢少甜先。讲番个饭，菜心同肉饼都系正常味道，反而个咖哩鸡个汁做得几多，我食过好多间都系咸到飞起，呢间配饭食唔错，同埋鸡大多都系滑。可以下次再去食过!!!
继续阅读
因为朝早番工会经过，所以成日系到买早餐食员工做野好快手，尤其系个男仔Keep住多客，但都Keep住好快清走啲客几分钟买完个早餐行得！同埋员工都好好礼貌咁忙都仲Keep住有礼貌，好值得欣赏佢啲粉面类早餐平到得人惊鸡扒面连埋野饮先廿蚊，好痴线味道正常，唔算好好味，但唔会难食绝对系穷人恩物！烧卖粉果好似都系陈记可能因为多客，D野唔会放系蒸炉十世都卖出所以唔会好淋 /烂溶溶！相比起粉面类，呢个系正常价钱佢啲三文治劲厚劲大份味道正正常常好抵食！
继续阅读
好惊讶没有任何食评！因为我见佢逢lunch time都排长龙架！今次第一次帮衬，整体印象都良好啊！鲗鱼涌区$50-$50有找的价钱，性价比绝对高了吧！？我已经觉得好好食喇！不过留意返，佢都偏油架！同埋我觉得佢员工们整体既服务和态度都好好、好友善！呢个系另外我最想赞既野！又唔要嫌弃客人的个别不同要求，例如：走饭、走糖、自备餐具⋯⋯ 我眼见都唔止一个人会咁类似既要求，佢地都一一乐意尽做。我觉得好好㖞！Ps. 我揾唔到呢间餐厅有无注明任何立场，纯粹一间普通小店。
继续阅读
您可能会有兴趣的...