影片
依间舖头买啲香港小食 我觉得就几好食 价钱又实惠👍🏻依家出面啲鸡蛋仔 格仔饼多数都要二 三十蚊 一底，依到10蚊就可以食到🤤🤤🤤真正嘅平民街头小食，除咗价钱平之后，最估唔到系即叫即整！唔系整定！👍🏻🤤🤤🤤加上佢多酱 真系食到停唔到口㗎🤫
继续阅读
好少写小食店，但呢间既鱼蛋同碗仔翅值得一赞👍🏻👍🏻👍🏻鱼蛋主要系个辣汁，够惹味，而且鱼蛋够弹牙唔会太淋。碗仔翅特别之处在于会加特制辣菜脯，孤陋寡闻既我真系第一次见，而且估唔倒呢种新鲜既食法又几正，哈哈😁另外就系叫少少野攞走都用个纸袋打包，而且系田湾村入面竟然有个装修得几靓，周末又无咩人既地方可安坐进食，所以想介绍下比大家知。希望人多d之后，可以考虑扩展，再做埋夜市，咁以后宵夜又多个选择啦!
继续阅读
本局长是日与副局长行经田湾商场，见商场提供泊车优惠，内里装修新簇簇，food court 小而精致，当中凝香园价钱合理。食物富有香港街头特色，遂二话不说帮衬。局长俩选择咖喱鱼蛋、烧卖、肠粉、鸡蛋仔、碗仔翅，摆副到成台嘢都唔驶一嚿水，甚为满足。食物价钱实惠，味道亦出乎本局长意料，相当出色。碗仔翅十分足料，每一羹都有好多嘢咬到，加入胡椒粉、辣酸菜等调味后风味更佳。咖啡鱼蛋入味而弹牙，好食。烧卖不俗。肠粉香滑，酱汁香甜可口。夹饼、鸡蛋仔新鲜出炉，理所当然地好味。总括而言，此店价钱经济实惠，食物看似普通却美味非常，富有香港街头风味，局长俩尽兴而归。
继续阅读
街头小食己进化为高级版小吃，以前企在街边，一路行一路食，现在己进驻入了商场内的美食区，价钱依然平民化，吸引！肠粉 + 鱼蛋 + 烧卖 $16大大碗！肠粉好滑。鱼蛋弹牙，如辣度加多少少就更好。烧卖不错啊，入口不会是肥肉，有质感有味道。传统鸡蛋仔 $10十元一底好抵呀！热辣辣，有蛋香，简单就是好味。足料碗仔翅 $20果然足料，调味恰到好处。生菜鱼肉汤 $20鱼肉份量颇多，鱼香满溢。加入了糊椒，麻油和菜甫，增加味蕾感。
继续阅读
而家咁既环境，我就唔敢扫街啦。但每次行过旺角，啲街头小食就不停吸引我对眼，喉咙就不停吞口水。今日，终于比我发现呢个地方，人小，又干净卫生, 我可以尽情扫街啦。田湾食mart入面既凝香园，乜野既街头小食都有呀🤩食物价钱好似时光倒流，平到吓死人。$10格仔饼，$20碗生菜鱼肉，唔食走宝。鱼肉碗仔翅$22双并都系$22，仲要超足料，有食羮既口感。鱼肉又多又大件，有拇指咁粗，认真夸张。而阿姐知我食得辣，就比左成坐山咁高既辣菜脯，所以碗翅既颜色都染红左啦😆好味又抵食。肠粉鱼蛋烧卖餐$16$16有鱼肉烧卖二粒，咖啡鱼蛋三粒，白滑肠粉有四条，请问边到仲有咁平。肠份真系好滑好食，加埋混酱食到甚过瘾。肠粉控既我地，再叫多份肠粉$10，一于扫街当晚餐。格仔饼$10即叫即制，热辣辣。酱料涂得满满的，牛油，花生酱，炼奶，再加大量砂糖，搞到我地食到变花面猫。肯好呢度有自助清洁区，洗手清洁无难度。呢个细商场都竟然有咁既设施，即刻对佢加分啦。呢度仲有泊车优惠，不过食左咁多野，我就会选择行返去香港仔坐车减少罪恶感啦。
继续阅读