影片
好似香港每一个山旮旯地方，都有一个神秘婆婆喺度买豆腐花，长洲都唔例外，今次介绍嘅呢间系长洲嘅隐世豆腐花，除咗位置隐世之外，呢间豆腐花连招牌都冇，连长洲人都未必知道佢个名，平时会叫消防局对面食，因为佢喺长洲消防局附近，因为呢度附近有老人院，平时会有好多公公婆婆揸住拐杖过嚟食。虽然佢咁隐世，但依间豆腐花已经开业20几年，系长洲嘅老字号，但成间铺都系得一个姐姐，由制作食物、招呼客人、落单、收钱，乜都系得佢一脚踢。20年前帮补家计，所以开始买豆腐花，豆腐花由$5买到依家$13，品质如一，生意好时假期可以买到每日二、三百碗，有啲客人甚至系美国、加拿大特登返嚟食，识嘅唔止系豆腐花，而系回忆嘅味道。虽然仔女都长大成人，但老板娘坚持开舖，觉得客人好似一家人咁，唔舍得班热情嘅客人。店舖除咗位置偏僻之外，都冇任何华丽嘅装饰同舒服嘅座位，第一次去𠮶时因为未开店，仲唔小心行过左，因为未开店𠮶时系完全睇唔到任何座位，上面嘅蓬都未打开，所有嘢都收埋喺工厂入边，我系喺网上对过间铺嘅位置同相先肯定位置。可以喺车仔上面见到餐牌，除咗豆腐花之外，仲有好多中式甜品好似大菜糕、红豆沙、芝麻糊、凉粉、西米露，价钱非常平民，每碗都唔超过$20。-1️⃣ 豆腐花 💰14(冻) /13(热)（👅: 8/10）呢度最出名就系豆腐花，新鲜即制无任何添加剂，店舖坚持一桶豆腐花最多买两三个钟，因为摆耐左就唔好食。豆腐花叫咗一碗冻一碗热，个人觉得中式糖水食热会特别好食，冻嘅豆腐花都系摆咗落雪柜攞出嚟，热嘅豆腐花感觉系新鲜制。豆腐花食落好滑，好似从未食过咁滑嘅豆腐花，入口即溶，而且豆香味浓，豆腐花咁好食，秘诀在于店舖系用木桶，而唔系用不锈钢内胆既木桶，呢个木桶听讲都用咗20年，撞出嚟嘅味道20年如一。而冻嘅豆腐花都够冻，夏天食透心凉好消暑。枱上面会有提供黄糖自己添加，另外如果想要姜汁都可以问姐姐，姜汁都系自己撞，加咗姜汁都唔会遮盖豆腐花嘅豆味。-⭐ 价钱虽然平过阿玉豆腐花，味道绝对值得大家山长水远一试，由码头行过去大概要10分钟，不过餐厅有开店时间，但就冇关店时间，因为卖晒豆腐花就会收铺。豆腐花都有其他组合，好似凉粉、红豆等等。喺露天横巷呢个咁传统、咁好食嘅豆腐花，格外有风味，边食边同老板娘倾偈，食到其他长洲店舖冇嘅人情味。-👅味道: 8/10🍴环境: 8/10💰消费: $27 (服务费: NA)
继续阅读
每次去长洲必食嘅豆腐花今次我食凉粉豆腐花朋友食冻红白豆腐花10几蚊一碗价钱唔算好平但豆腐花真系又香又滑系我食过最好食既豆腐花凉粉同豆腐花系perfect match朋友既红豆豆腐花红豆煮得够腍味道又唔会偏甜热辣辣嘅天气食一碗真系透心凉要赞一赞老板娘真系好好人一脚踢睇舖要顾四张台见到你揹住背囊都会主动拎张凳俾你放袋真系好贴心下次一定会再黎
继续阅读
黎长洲一日游梗系做足准备功夫啦.上网见到呢间隐世老字号嘅冰厂豆腐花，已经有20几年历史，黎左咁多次长洲都唔知有呢间豆花店！原因系唔突登去揾呢间店系唔会经过的。.豆花店唔近码头，亦都有d远离大街，行15分钟左右，系消防局附近，又唔算好远既。唔怪得话佢隐世啦.豆腐花口感幼滑，又热又晒又渴个阵叹返碗冰冻豆花，简直系perfect match~~!! .店舖系好简朴，只系喺户外放左几张枱同凳，但反而有种好地道嘅感觉同味道! 风味十足！
继续阅读
山长水远嚟到长洲，就当然要试吓依家传说中嘅豆腐花啦，呢间野唔系太近码头，落咗船之后转左要行大概10至15分钟先会见到，虽然要行咁远，但系都系绝对值得嘅，因为呢间豆腐花真系好平靓正！
继续阅读
穷游长洲-全港最滑豆腐花？首先多谢朋友报料话呢间豆腐花好正 即刻去左试试你可能话豆腐花有咩咁特别姐😂但呢间口感的确真系好特别豆腐花 明明系固体 🙈但呢个食入口系滑到唔太感觉到佢既存在我只能讲 豆腐花 呢个口感 真系第一次试😂但价钱就$13一碗 冻既$14唔算平但值得一试.冰厂豆腐花 (长洲)地址：长洲冰厂路6号地舖.⭐️评分：味道：5/5环境：-/5服务：-/5 抵食：4/5.
继续阅读