影片
一个价钱三个享受，鸡煲+韩烧+火锅。无错，系食唔到咁多，所以当日我哋都系拣咗先鸡煲，后韩烧就完场。餐厅位置位于屯门工厂区，做下街坊生意咁喇。餐厅布局，放几大个雪柜，一边放烧烤嘅食物，例如：鸡翼金沙骨猪软骨薯饼粟米茄子秋葵菠萝汉堡扒青口虾猪大肠秋刀鱼。另一边系火锅食品，即：云吞水饺韭菜饺炸鱼皮鸡子鱿鱼响铃牛柏叶红薯粉等等。另外仲有啲前菜，日式小食居多，约有6至8款，但都仲有泰式无骨凤爪、沙律。热食方便就有木桶豆腐花及碗仔翅。呢个鸡煲，我觉得好食过𠮶间『18楼』，嚿嚿鸡都大大件，而且好齐整，眼见足一只，所有部位都系入面。食完想再添食都冇问题，由于厨房门长开关系，有客落单，师傅即开镬即煮。至于烧烤方面，就普通啲，冇咩特别。食材系多，但就好街坊，好似打开自己个雪柜门咁，有咩烧咩啰。饱就一定饱，呢啲地方应该唔系讲食质量，分享完毕！
继续阅读
可以晚市堂食 打咗几次电话问都未开返夜晚终于经过见到开返。所以今晚约咗2个朋友来试依家可以 简烧烤 先 或 鸡煲火锅先我们即刻选食鸡煲小辣 走麻。 鸡煲打开盖非常之香 比以前更加好食 值得一赞火锅就一般嘅食物。烤肉都算款式多仲有牛仔骨 都奄得好好食 猪大肠 烧到冇油干晒表皮就会脆卜卜 好似炸大肠咁 猪腩肉 都会咁样食法 。仲有薯饼烧烤类有炸薯饼都几得意 煎表面脆卜卜都好好食 最可惜是已经没有自家制的甜品 店员话 甜品冇做。可能迟啲会做返啲甜品呢餐都算满足
继续阅读
行过路过，试返个是日午餐，鲜茄斑腩饭，斑腩有惊喜，外层炸得香脆，内层软滑，不错呀！蕃茄都比得几多，唯一奇怪系食食下有两啖苦瓜……上一手炒完苦瓜？饭量好惊人，食唔晒。冻柠茶，茶底一般，整体较淡。
继续阅读
咁岩经过工厂区又到晚饭时间见佢几抵食咁就入去啦本身冇抱有期望因为觉得佢价钱咁平正常都系好普通我去到见到有三款有得简首先会食咗个鸡煲先因为朋友要介辣，所以唯有食唔辣嘅鸡煲真系第一次食唔辣嘅因为本身冇抱有期望觉得唔辣嘅应该冇咁好味点知食落嘅时候又出乎意料之外个味几香唔会话冇味食完个鸡煲佢会帮你加汤咁就可以打边炉打到咁上下食晒佢可以再帮你转烧烤平时嘅我 边有可能三样野都食晒而且我打边炉平时食好少嘢今日我竟然可以由头食到尾食足两个钟食完之后我仲要出去攞甜品食佢𠮶日有三款甜品芒果布甸 红豆椰汁糕 牛奶布甸食食吓嘅时候 侍应已经走咗过嚟同我倾计佢话呢啲甜品系佢哋自己自家制三款甜品都好好食而且仲有豆腐花选择其实算系几多而且价钱唔贵好抵食而且好好食最后忘记咗 其实佢系有冷盘同埋小食味道唔差嘅呢个价钱食到咁多唔同种类嘅嘢实在十分之抵
继续阅读
今日约左个朋友食饭，见太耐无食过烧烤，咁就周围揾下望下，点知比我地揾到呢间超抵又好食嘅放题店。 老板同我地讲有两个选择，我地拣左呢个choice，先食鸡煲再食火锅最后就食烧烤。食物既种类， 菜，肉，菇🍄基本上嘅野都有，花款虽然唔多，但食物种类都好新鲜，啲肉都腌得好好味。鸡煲，我地叫左小辣，啲鸡非常惹味，啲酱汁都好好味，大部分啲鸡都系鸡髀肉，无唛骨，我地两个大男人，劲快就已经清哂。跟住就黎到火锅，我地渌左啲丸同菜食，鸡煲啲酱汁好好味，所以转左火锅都一样好好食。老板仲好好过黎板我地好唔好食，非常nice,haha。最后就系韩烧啦，由于我地系食肉兽既关系，所以呢part真系好正， 所有肉都腌得好好食，另外一定要烧菠萝啊🍍 烧菠萝超正啊，超甜！ 另外佢仲有好多自家制既甜品，芒果布甸，牛奶布甸，同豆腐花，大家都要留肚试下，都系好好味。咁既价钱有咁多好野食，出面真系唔多，真心要推介，会继续帮衬。
继续阅读