冠味和食

营业中

休息中

冇乜食評，初時訂心驚驚⋯⋯訂購小小試吓！原隻海膽唔係度度有，仲送埋壽司飯及紫菜，紫菜好新鮮，好彩冇失望！刺身都好新鮮，性價比高！下次開party,可以試吓壽司拼盤😊

依間壽司刺身店真係極度推介！幫襯過幾次，每次都唔會令人失望！如果唔係之前疫情嚴重禁堂食我都唔知有咁高質嘅到會🥰💚極上特選刺身拼盤 $548三文魚16片、三文魚腩4片、吞拿魚4片、劍魚腩4片（或刺身帶子）、時令白身魚4片（油甘魚/深海池魚/金目鯛）、活赤貝1隻、北寄貝3片、三文魚籽1份、加拿大海膽2格（或日本海膽30g）、馬刀貝4片、珍寶牡丹蝦2隻、帶子1份、鮑魚切片1隻全部刺身都好新鮮！最驚喜係海膽好鮮甜😍💜千彩壽司拼盤 $268共39件壽司：三文魚8件、鰻魚4件北寄貝4件、花之戀7件特級蟹柳4件、熟帶子4件熟蝦4件、蟹籽4件❣️其實佢仲有好多款刺身拼盤、壽司拼盤可以選擇！人多嘅真係可以嗌多款啲！記得有一次叫咗一板北海道馬糞海膽真係好食到人人都讚好😋完全係派對首選！🥳

🌍冠味和食預祝大家農曆新年快樂🧧🎉黎緊大家都會同家人一齊食個團年飯家庭成員好多 煮飯真係準備好多食材 花好多時間 真係有啲辛苦架 所以會到會架～～▫️特盛珍寶北海道帶子刺身拼盤▫️日式芒果蟹籽沙律▫️日式小食拼盤(小)介紹以上三款食物都唔錯 家人都好鐘意食 刺身好新鮮 種類繁多 而且價錢合理 特別係帶子好好味😋 爽口彈牙 ！而芒果蟹籽沙律🥗 都好好味 青瓜爽口 芒果清甜 沙律醬啱啱好 而且唔會出水 好正！💵消費：784（會員價）🙋🏻‍♀️推介：7.5/10📍新界葵涌大連排道21-33號宏達工業中心13樓1316室

超級推薦嘅日本壽司刺身美食到會送貨準時包裝非常妥善 有哂冰pack保冷每盒刺身拼盤原來仲連一盒淨壽司飯同紫菜實在無可能令人食唔飽重份量嘅前菜小食最鍾意就係有帶子裙邊😍鰻魚好厚肉卷物實在太貨真價實了吧巨型又足料呀三文魚腩超級鮮味肥美平時出街食兩件已經好漏在家可以慢慢嘆令我又食多兩件😆帶子都好吸引正啖啖鮮甜肥厚😋壽司拼盤 又一盤究竟係有幾愛食刺身😂😍尼盤有海膽同鮑魚添呀唔知係咪有優惠 仲送咗枝香檳🍾️大家都食得勁開心又滿足！

Foodpanda 落訂單遲咗勁多⋯結果嚟到得兩包wasabi 我一共訂咗 三碟刺身三碟壽司再加一個丼 比兩包wasabi??? 打去同佢同事講佢話係咁 跟返叫嘅嘢食我問佢：叫咩嘢食會得兩包wasabi?一碟刺身有幾多包wasabi?佢話: 一包我話：我至小都叫咗三碟刺身 都未計壽司！佢話：平日客人甜蝦唔要wasabi😹😹我真係笑咗佢仲要話同我嗌交無咩意思👍🏽👍🏽 我最後同佢講：其實我第一句已經同你講咗唔係要係依家交返過嚟，只係想反映一下，但你同事仲要咁嘅態度，咁樣辨駁 👍🏽

屋企人生日, 講到明想食龍蝦刺身見到好多都係要去餐廳食但我哋因為肺炎關係唔多想出去同其他人迫咁啱搵到呢間係有賣原隻龍蝦刺身😍呢間上網訂嘅時候，佢話最好2日前訂嘅咁我就打咗電話過去問清楚先啦好彩我哋前1日訂都訂到😂 超好彩D staff 都好nice 好有禮貌又會解釋有幾大隻啱幾多人食我哋懶就揀咗送到屋企嘅真係超正啖啖肉新鮮又好有咬口👍🏻👍🏻佢哋個刺身拼盤又擺得靚切嘅size好得體都係好新鮮既下次會再訂呢間，正！

昨晚原本還在發小姐脾氣的我，一回家當時男朋友為我準備了一場驚喜，然後未婚夫就再給我這個驚喜!今次我寫唔到價錢，但聽他說，因他叮囑了店主一定不可以遲到 (可是因為我有點事情而遲了回家，但依然好鮮味! 好難想像即食既時候會有幾開心)，因為是求婚後一起吃的. 店主不但給他一個更好的建議，例如原本訂了兩隻龍蝦刺身，最後就跟他說不如要一隻最大的再換其他，他亦打算叫蟹，店家也沒有因為要賺錢反而提他怕太多，好有良心同貼心... 而且海膽也給upgrade了!我就介紹其中我最欣賞，最好味既...龍蝦刺身爽口，好耐無食過龍蝦刺身了，而且仲要係彈牙爽口! 北海道海膽知道是加大的，也是濃濃的，完全沒有那種不好的味道，當然也不腥! 超甜!!! 就算是正價也值! 一定比Sogo, city super, 一田等好食好多(我用佢地比好似衰左尐，因為真係好食好多)，而且我地一路食，食到後來有種食極都食唔完既感覺，好幸福! 同埋食到後來(前面提過我遲左，所以都等左唔少時間)都無話出水，依然好好食!鮮北寄貝通常食既都係熟左紅紅的，新鮮的只食過一兩次，所以都好開心! 但佢被龍蝦同海膽搶哂鏡! 但食落都係好鮮甜的!象拔蚌刺

大年初一唔想出街捱貴餐，於是叫左到會返屋企開年。到會送到尼，各款魚生色澤依然好靚、好新鮮，而且肉質嫩；海膽入口即溶，大蝦肉非常肥美、鮮甜。名為「撈起」的撈面，面質彈牙、爽口，令人一試難忘。最重要係足夠16人既日式到會，一啲都唔貴，經濟實惠。

有朋之遠方來，決定大吃一頓。有朋友提議冠味和食，姑且一試。4個人份量，點了極上日本海膽象拔蚌刺身拼盤、三文魚腩刺身、活赤貝、花之戀及千響壽司拼盤。4個人已經係大食積級數，都居然食唔晒。打開冰袋時，已經被尤如一座山般的海膽飯所震懾，海膽甘香，一點腥味都無，朋友說一次過可以食晒馬糞海膽膽紫海膽，實在太幸福我自己特別欣賞象拔蚌同活赤貝刺身，又爽又甜，停唔到口。所有壽司上的魚生都足料，絕對唔係燈影魚生外賣自取埋單$1400左右，4個人食到捧住個肚嗌下次encore，抵食！

話說阿媽一直對當年黑門市場的海膽念念不忘，聽朋友話依間可以買到原隻新鮮海膽，即管買嚟試下，$108一隻，抵啊！穩陣起見，買咗兩隻試下先。因為掛住食，我地居然唔記得影佢靚靚包住個樣，一分鐘已經得返個殼，哈哈哈哈哈！雖然分享唔到個樣，不過都可以分享下，每一瓣都裝滿一羹噶，堅唔嘢少！一人一隻其實感覺都已經夠，又唔係下下要食到飽噶！果度話其實仲有好多野食可以上網訂，得閒睇下先。