农耕记 湖南土菜

這次湖南菜體驗雖然整體「樣樣大大份卻平平無奇」，但其中一樣菜式卻令我印象深刻，就是蓮藕排骨湯。這道湯的風味相當出色，可以選擇一鍋：三五知己share，亦都可以叫小燉盅： 一人份量。蓮藕當造，煲湯火喉剛剛好，蓮藕口感鬆化但唔爛，每片都有吸足湯汁，入口清甜同帶有湯底嘅深厚肉香；排骨軟腍入味，肉質保持鮮嫩，唔會散但好容易用筷子剝離。整碗湯底濃郁但平衡，對於喜愛濃厚口味的人來說，絕對值得。不過，其他菜式卻有些不足之處。酸菜魚的味道帶著些許雪味及腥味，讓人略感失望；而芹菜炒牛肉雖份量上足夠，但牛肉切得相對薄身，缺乏咬口的感覺，讓整體稍覚普通。儘管如此，餐廳的環境卻是相當舒適，光線明亮且空間寬敞，非常適合與朋友聚餐或辦公午餐。這裡的蓮藕排骨湯會係我想翻兜呢間餐廳嘅一個重大原因。 …查看更多

假日同屋企人出去食飯，見到新開佐一間國內幾出名嘅中菜店，咁就入去試下啦，時間尚早，唔洗點排隊，去到就有位坐$98 招牌湖蝶魚 - 魚皮爽，但魚肉去骨未算太乾淨，偶爾食到一兩塊有碎骨，第一次食湖南菜，就叫佐走辣少鹽少油，味道仍然覺得有少少濃，胡椒粉味頗重，但食落味道唔錯嘅，夠鑊氣$68 家常炒絲瓜 - 叫佐少油，但我略嫌油未夠少，調味剛剛好，絲瓜好甜，我仔食佐好多$98 酸蘿蔔炒牛肚 - 蘿蔔絲係脆嘅，牛肚幾爽，但切到好幼份量又少，好快就食哂，依個叫佐少鹽少辣少油 ，但仍然覺得有啲辣，特登叫佐杯凍飲解辣$78 半隻脆皮烤雞 - 咸香味偏重少少，但雞皮好脆，髀位好嫩，胸位唔嚡，可以自己點辣粉食，但唔太辣架$118 蒜蓉粉絲蝦仁 - 蝦肉好彈牙，即煮即食，粉絲味道偏濃，又未到話太咸，撈飯食就剛剛好$36 香水檸檬茶 - 望落去好大杯，但其實冰太多，一半都係冰😒$58 肉沫蒸蛋 - 肉沫汁偏咸，需要撈白飯食，水蛋蒸得嫩滑$68 農家小酥肉 - 即炸起就食，好酥脆，酥肉嫩滑，可以自己蘸辣粉食$138 鮮炒黃牛肉 - 叫佐免油走辣，特登試下唔叫少鹽嘅味道係點，點知個汁底真係好咸😰價錢有啲貴，牛肉份量太少，唔知點解要切到咁碎，但勝在夠鑊氣$38 松茸土雞湯 - 燉湯嘅紅棗味好濃$58 清炒毛白菜 - 依個無揀到少油，真係太油了，成碟菜油到反哂光店內環境係幾好，坐得算舒服，又送佐架車仔俾我仔玩，但試過後發現湖南菜都係唔太岩我哋食，未必下次會再去…查看更多

第一次食湖南菜，啱晒我呢啲鍾意重口味又愛辣嘅人餐牌上樣樣都想食，先點個老長沙臭豆腐，黑麻麻一舊舊，咬落外脆內軟，不過就無臭味，不過加咗辣椒同芫茜，辣得好過癮主食有蒜香粉絲蝦煲，粉絲吸曬蒜香同蝦嘅鮮味，蝦大隻又彈牙，砂煲上枱仲滾滾熱辣; 糖醋蘇肉，粉唔太厚，份量多，多啲汁更好；果木脆皮烤雞（半隻），相對比較失色，但雞皮都脆，肉就少少嚡！柴火煙筍就真係麻麻哋。食完辣野，甜酒餅、小籠包呢兩款甜點簡直係救星！甜酒餅軟糯帶少少酒香，小籠包好大份，一鹹一甜，平衡到絕！5個人埋單$581，份量啱啱好…查看更多

午市套餐加埋飲品80幾蚊！叫咗個煙筍炒肉飯本來仲以為嚟錯咗後尾睇清楚左先發現成碟飯只有兩片肉啊！唔仔細搵都搵唔到呀😂最重要係味道都麻麻唔會再去囉另外叫咗兩個餐都麻麻哋體驗一啲都唔好😩好油膩又辣，有兩個餐都嗌咗小辣嘅🥲🥲嚟到差唔多好似大辣咁完全係食唔到而且等咗好耐先上菜有個上左已經係凍咗叫左個抄牛肉同茄子肉碎都係無咩肉好多菜菜既份量比例少員工好多只會講普通話唯一好杯嘢飲好大杯！依一間嘅環境都OK…查看更多

酸菜炒肥腸好細碟，黃燜白豆腐，無味！梅菜扣肉啲梅菜好細粒，燒雞好乾唔會再嚟第二次！同職員講要牙籤，講中文又唔識聽！門口有廣告牌叫人做會員，但原來唔可以即日使用，大陸唔會係咁，咁樣申請黎有咩用？整體體驗非常差…查看更多

2月18号晚上和朋友来这家据说是新开的湖南菜馆吃饭，点了6样菜左右，几乎全部是败笔，在香港10多年，吃了那么多湖南菜，这家店是做的是最差的。作为一个湖北人、看到有家乡的刁子鱼，很期待的点了一份，没想道巨难吃，和想象中的天差地别，感觉拿上来的就是浸了辣红油的零食鱼，肉又枯又柴，而且还是甜的。点的辣椒炒鸡蛋完全没有味道，一点香味都没有，口感也极差。更夸张的是炒白菜，端上来，整盘菜全部是黑点，这明显是没洗锅，我朋友朋友反馈情况，服务员竟然说这是白菜自带的，怎么可能，把人当傻子。叫她换一盘，过了2分钟，把同样一盘端上来了，明显看到修饰的痕迹，还骗我们说是重新炒的。我朋友准备再花钱点一盘，我说算了。夹了一筷子尝味道，白菜也是一点味都没。我自己炒的都比他们要好吃，这家餐厅据说刚开业时反馈很好，怎么现在这么差了呢，换了厨师也不试菜的吗…真是很差的体验…查看更多

成間舖頭人手唔夠， 等落單等好耐， 上菜都等咗好耐。 枱面壺茶定係水冇晒， 舉手叫人換一壺， 第一個阿姐話好， 轉個頭又去做其他嘢唔記得， 同第二個阿姐講佢又話好， 轉個頭又係唔理我做其他嘢， 等咗差唔多20分鐘， 自己拎個水壺行出去斟水。 自己拎返自己張枱。間舖頭， 抽風系統有啲差， 食完飯出咗門口去到商場， 發現我哋身上一大浸油煙味， 可能餸菜落咗好多豬油炒， 啲味已經吸到去衣服上面。 油煙太犀利， 抽風系統唔係好足夠。食物一般啦，選擇唔算好多，但係真係好油。…查看更多

兩個人的餸菜，點了飽魚辣炒肉 雙椒蒸魚頭，起動初時覺得好好味，但發覺不能不吃米飯，當吃蒸魚頭的時候，感覺越來越辣，不得不喝凍飲品，我是香港本地人，沒想到香港有這樣的湖南菜，一面覺得很辣，一面又停不下來。服務員的熱情，加上店面的裝潢，讓我感覺至身湖南，不得不點讚給五星星。…查看更多

在香港品嚐正宗湖南美食，服務態度親切，座位舒適。菜色豐富多樣，口味地道正宗，讓人彷彿置身湖南。環境優雅，氛圍溫馨，能讓用餐者放鬆身心，享受美食之旅。廚師們精湛的廚藝，將湖南風味發揮得淋漓盡致，每一道菜都令人驚艷。無論是辣椒炒肉還是口水雞，都讓人回味無窮，是一家令人難忘的湖南菜館。…查看更多

每樣菜式味道都好好 尤其是燒雞同埋炒黃牛肉 可選小辣送飯一流 煮食 花卷白飯都非常好味 仲有一個粉絲蒸蝦 上次食過但今次冇叫到所以冇相睇但係都十分好味 服務態度又好上菜速度十分快…查看更多

已經幫襯過幾次，侍應服務態度極好，極推介燜豆腐同炒菜，燒雞都好好食，食過幾次 比較好多菜式都係好食，價錢又唔貴，另外鮮炒黃牛肉極惹味，好好送飯，小朋友友就鍾意食花卷…查看更多

初三來到Airside 這間湖南農家菜，味道跟我在湖南食的感覺一樣，食材非常鮮味，而且味道剛剛好，可以選擇，不辣，加辣，正常，而且份量很多，感覺非常好，而且價格不貴，坐位也很舒服，會推薦朋友過來，體驗非常好。…查看更多

嘢食OK，不過我哋入嚟嘅時候就已經係夜晚嘅8:00所以得返個1個鐘頭食飯我哋叫咗蝴蝶魚，農家酥肉，同埋炒黃牛魚肉彈牙，有驚喜酥肉正常發揮黃牛上嚟嘅時候會熱住上 所以唔擔心會凍嘅問題不過如果唔食得辣，記得叫佢小辣另外我哋叫咗個香水檸檬茶 個檸檬茶有少少伏，因為佢唔係好夠味，就算篤左檸檬個味道都係普普通通，好似加咗少少冰少少甜嘅凍檸檬水可以試吓飲其他嘢。甜品無試 對桂花酒釀有興趣背景音樂不停咁播緊啲內地嘅歌，所以有少少嘈…查看更多

這家餐廳的菜品精緻，味道鮮美，讓人回味無窮。服務態度親切周到，環境舒適宜人，適合聚會或約會。特別推薦他們的招牌菜，口感獨特，色香味俱全，值得一試。價格合理，性價比高，是喜愛美食的朋友不可錯過的好地方。…查看更多

之前北上一直都想試，但深圳太多好野食，一直冇機會嘗試。原來喺airside開左一間呀，咁梗係要約埋朋友試下啦！朋友唔食得辣，所以辣同唔辣既野我地都叫左少少，咁就大家都開心!全部都好好味，唔會過咸，食完唔會口乾!會再來!…查看更多