影片
招牌菜
之前见到食评一直想试....终于找天放假特登去食~~去到店里已改为外卖或到会...只好叫外卖拎返屋企食~~今次叫左糖心蛋/ 秘制鸡翼 / XX猪扒(忘记名字)及咖啡~~或者之前见其他食家的食评系好几年前, 所以都加价了...咖啡一杯好似系$15...三样食物来计, 最好食只系蛋....鸡翼真的十分普通,唔太入味..而猪扒系软但好干身....整体黎讲算OK吧~
继续阅读
之前试过再来一蛋, 好好味, 见佢原来做到会, 咁啱大伙朋友节日聚会, 唔想成日都系pizza炸鸡, 就试吓问吓价。店主很有热诚, 细心介绍各款食物的煮法和酱汁配搭, 就算我改单加单佢都不厌其烦帮我跟。冻食秘制糖心蛋: 朋友都好钟意食, 不过我觉得系铺头即食味道更好, 不竟送货1小时的车程影响咗蛋嘅温度意式杂菜沙律: 估不到三色椒加粟米做沙律会咁好味, 醒胃之选, 我食咗2碗!!烤特色鸡翼 : 因为等齐人嘅关系, 食嘅时候已经冻咗, 觉得同一般鸡翼没有太大分别 杏汁焗豆腐西兰花: 喜欢杏汁的朋友都觉得好正好特别, 不过唔好杏汁的朋友就觉得杏汁味太浓到唔想食, 豆腐可能因运送关系变老咗鸡扒配焗薯: 鸡扒入味, 薯仔如再入味一点更正手撕鸡: 好好味, 白芝麻好香苏格兰汁配烩螺丝粉: 我个人唔好沙律酱类食物, 但朋友觉得𠮶苏格兰汁出乎意料咁好味, 成盘清哂酱汁猪扒: 朋友评语好味马来喇沙什烩: 爱吃马拉食物朋友话豆腐卜入味好正, 𠮶汁送饭一流酒香烩巴西牛尾: 牛尾好淋好入味, 连软骨味都出埋, 配菜红萝卜又好甜芝士 白汁龙脷柳: 终于食到唔系厚粉嘅龙脷柳~席间朋友不停赞好味,所以身为搞手嘅我都好开心~~ 订咗17人份量, 送去大埔都冇加埋运费, 自己另外买嘢饮买零食每人只系$100!!!
继续阅读
话说有日得闲无事行左去4B区行行途中发现一间小食店位， 就入去试下啦~店主推介冻食糖心蛋~ 一CUT开~~ 毕得写... 个黄靓到漏晒出黎~入口除左有卤水味~ 仲有一份甜味~ 又滑~ 正到呢 本人平时很少吃蛋黄的~ 但呢个冻食糖心蛋食2个都仲得
继续阅读
自从 11月走去帮衬 "棒棒糖" 之后，我已经好耐无嚟呢头嘞！见星期日无所事事，专程走嚟金宝大厦揾「再来一翅」。 好在嚟之前先睇吓 openrice 附上嘅地图，原来呢间小店好唔就脚，经过红色天桥 ( 俗称红桥 ) ，行大约 5 分钟，经多宝大厦，再行到最笃终于揾到粉红色嘅金宝大厦，再来一翅舖位正是行到最入嘅角落。看来门面细细，其实有两个不相连舖位，店主带我到转弯个舖位堂食，当时呢个舖位无开；佢专登为我呢一位食客开门、开灯、开电视；服务认真一流！令我有点唔好意思！ 呢度有水龙头、雪柜，犹如一个小小休息室，感觉悠闲舒服！店主应该系基督徒，墙上有个十字架！ 唔肯定店主及店员系咪两母女呢？两位面尖尖，肤色有点黑，几 fit !起初，我以为会有碗仔翅食；再来一翅嘅「翅」系代表翅膀，即系鸡翼！ 不过，我与"再来一翅" ( 秘制鸡翼 ) 无绿， 店主话今日无"再来一翅" ，只有烤蒜香鸡翼及黄金鸡翼。呢度供应不少小食，例如：猪扒、鸡扒、鸡翼、鱼柳、香肠、金沙骨等；既然食唔到 "再来一翅" ，唯有试吓 "再来一蛋"！ "再来一蛋" ( 冻食秘制蛋 ) $5/ 只即系一只冻冰冰糖心蛋，蛋白略带卤水味，尚算入味；一咬开，即见糖心蛋黄。 蛋黄软腍腍，可能系只糖心蛋蒸熟再雪冻，所以并不流心；就算食完都唔觉馏！相信夏天食会仲滋味呀！烤猪扒 $9 / 份由于烤炉要预热，要等 10 分钟才送上热辣辣烤猪扒！即叫即烤！正呀！ 系一块香茅猪扒，够入味！我觉得烤好过煎，起码无咁油无咁热气，仲可以保持肉汁！ 我要求剪碎，一开七件。不过，呢件猪扒几肥，肯定无用松肉粉，肉质已经够腍，容易用胶叉拮嚟食，好滋味！热 cappuccino $10单看价钱已经非常抵！ 不用 5 分钟上枱，用上低脂咖啡粉，十分健康！ Cappuccino 将奶打气变成泡沫，倒上咖啡面。 可惜，纸杯俾唔到呢种享受感觉！店内提供两包黄糖！加糖之后，仍留在杯面！可见泡沫打得够挺身！饮一啖，味道香浓，质感幼滑！质素相当不错，系一杯超值Cappuccino！其他饮品 $4 ~ $12 有交易！另有到会餐单，最低消费 $500，超过 $800 可送货到屯门及元朗区，免运费。
继续阅读