1
1
0
港铁牛头角站 B4 出口, 步行约9分钟 继续阅读
所有分店 (2)
电话号码
27594398
营业时间
今日营业
07:00 - 17:00
星期一至六
07:00 - 17:00
星期日
全日休息
付款方式
现金 八达通
座位数目
150
食记 (2)
等级3 2020-09-03
190 浏览
今日突然间好大雨谂住响公司附近食个lunch点知冇带遮 超级狼狈附近都冇瓦遮头嗱嗱临就冲咗入呢间餐厅共食荟相信好多响附近返工嘅朋友都成日经过呢一间餐厅成日都经过呢一间餐厅Lunch time时间都开始多人 加上又落雨胃口唔系太大所以就叫咗个常餐B餐嚟食下台式肉燥米粉配香葱炒蛋加牛油餐包份量都OK架 女仔食都唔错点咗杯冻奶茶饮肉燥就少咗啲啲米粉都几好 似银丝米粉质感香葱火腿炒蛋配牛油餐包包包都有heat过 夹埋牛油刚刚好溶溶地都几香;)最後慢慢叹我嘅肉操米粉你都几好唔会太咸食完其实都几饱盛惠53蚊:) 继续阅读
(以上食记乃用户个人意见 , 并不代表OpenRice之观点。)
等级2 2019-06-18
642 浏览
约附近做野嘅朋友食lunch时间,上次同朋友食完lunch经过呢间餐厅,见门口有个牌写住5月中刚开张,所以今次就约实试下呢间。约莫12点半黎到,当时都唔算好多人,都仲有唔少吉位,拿拿临霸左张卡位,睇定餐牌等朋友黎会合。本身以为系餐厅,原来都算系快餐店。因为同大家乐、大快活果d分别唔太大,都系排队点餐,再搵位咁。2个人以上会好d,一人去点餐,另一个霸位,不过坐耐左就发现,满场飞d姐姐好主动,除左送餐,仲会帮人搵埋位。不过有好有唔好,我地食到一半,就俾D姐姐叫坐埋一边,因为饭市多人,而D4人卡位其实都逼逼地,我而家咁肥,有少少挤啦,加上张枱其实偏细,D野食会唔够位放,所以後半段食得辛苦D。餐牌选择好多……西式、台式、越式、港式常餐全部都有,真系估佢唔到。朋友快快手谂定食咩,就顺便出去买埋。买完就罗个牌等d姐姐帮手送餐,唔驶再排队去罗餐呢点好欣赏。皇牌焗猪扒饭 $59影相好似好大碟,其实同大家乐果d差唔多size,朋友话叫周围好多人叫,就八卦试下。我都试左,食落好香蓄茄味,猪扒都几松化,d汁好多,但又冇想像中咁好食喎,似系不过不失,普通左d,呢个价钱我就觉得贵左少少。沙嗲牛肉面+葱花火腿炒蛋+脆猪 $49  + 肉燥生菜 $10我就试左常餐,脆猪好好食,焗到刚刚好,同朋友share一半,大家都食唔停,奶油份量适中,唔会感觉成口都系酱,脆猪外脆内软,唔会焗到似石头咁硬。葱花火腿炒蛋都系普通野,少少葱花有d质感,蛋唔会太熟,火腿丝都尚算多。沙嗲牛肉面就一般,因为我食牛肉时有少少冻,要浸浸d汤先好d,所以观感就麻麻地,但整体都叫OK。肉燥生菜,好多肉燥&好少生菜,下次未必再叫。 继续阅读
(以上食记乃用户个人意见 , 并不代表OpenRice之观点。)