六福菜館

好一陣子沒有入西貢探索，感覺街上的店，或是氣氛總比以前有點不同。但原來這裡有家屹立了很久的地道中菜館，更拿下了連續多年的米芝連一星，今次終於有機會與朋友一嚐。椒鹽焗大連鮑魚用上掌心般大的大連鮑，以椒鹽帶出海洋鮮甜，肉質爽彈帶焦香，吮指回味。薑蔥炒蟶子皇配煎米粉底鑊氣十足，蟶子肉厚彈牙，墊煲底的香脆煎米粉底吸盡海鮮精華，脆中帶鮮才是精髓。蒜蓉粉絲蒸貴妃蚌蚌肉飽滿多汁，粉絲吸盡蒜蓉與蚌汁，鮮味層層疊加。西貢地道魚湯用上十多款鮮魚，熬得奶白濃郁，魚鮮與番茄的酸甜完美交融，一碗下肚暖心又開胃。椒鹽奇脆豆腐外層撒滿椒鹽粉，咬開燙口的酥皮，內裡豆香四溢，簡單卻令人停不了口。海鹽蒸杉斑魚火候精準，魚肉嫩滑如豆腐，豉油蔥絲提鮮不搶戲，盡顯粵菜清鮮本色。椒鹽鮮魷炸得乾身不油，魷魚鹹香惹味，邊嚼邊配一口冰啤，是夏日最暢快的組合。藥膳辣酒煮花螺酒香濃烈，藥材與辣椒交織出溫潤辣勁，螺肉蘸滿湯汁，愈吮愈上癮。@loafon_cuisine #西貢美食 #海鮮大餐 #六福菜館 #香港地道菜…查看更多

哇～難得約好一大班朋友入西貢晚飯，點知遇上8號風球，好在約咗6點食，去西貢食海鮮朋友推薦會去連續16年榮獲米芝蓮一星嘅六福菜館，啲嘢真係好好食😋而且價單都合理，當晚人均$700 都好豐富先來個西貢地道魚湯，奶白嘅魚湯用上10多種魚加埋蕃茄薯仔煲成，所以極度鮮甜，好似我媽咪煲嘅住家湯一樣朋友們都係鍾意飲下啤酒，叫呢款椒鹽奇脆豆腐就啱哂，外層香口入面夠嫩滑椒鹽焗大連鮮鮑魚用上大連鮑，大隻又夠爽口彈牙，好滿足我最鍾意食蒸魚，呢條鹽蒸野生海魚用上杉班魚，夠新鮮而且好嫩滑蒜蓉粉絲蒸貴妃蚌，只要夠新鮮簡單蒸加上少調味已經好好食薑蔥炒蟶子皇配煎米粉，呢個真係一定要叫，重點係佢個煎到恰到好處嘅米粉，仲有識食一定食埋佢啲薑蔥藥膳辣酒煮花螺每粒都入哂味，因為要就朋友，如果再辣啲就啱哂我朋友們係澱粉質系人類，豉油王炒麵又係炒得好出色，乾身得嚟好香今個晚餐超滿意~食完安全回家先掛上8號…查看更多

西貢, 有不少水上娛樂活動, 今早去了灣洲玩獨木舟, 玩了半天, 再去浮潛, 不亦樂乎 !!晚餐選擇 [ 六福菜館]   米芝蓮一星餐廳 (2015-25) 連續11年榮獲米芝蓮推介. 看看門外餐牌, 食物選擇多, 明碼實價, 運動後, 今日比較疲倦, 所以只看餐牌點菜.  椒鹽豆腐:   外皮炸得香脆, 內裡豆腐保持好滑嫩, 豆味香濃.  雲耳非常爽口,  涼拌四季豆 好嫩綠, 夠曬開胃低溫米水煮元貝,    肉質鮮嫩好食.   低溫米水煮更鮮味.大大隻又厚肉, 一啖入口就最滿足.椒鹽鮑魚  :  椒鹽鮮鮑魚 , 做到表面微脆, ,香蒜椒鹽味剛好, 相當惹味 .肉質嫩彈, 加上恰好的焦香惹味, 的確無損鮑魚的吸引力.備有刀叉去切,  食得更方便.   鮑魚肉質稔滑鮮爽.  食得出色.生菜伴炸蠔:   炸蠔有鑊氣,  外皮香脆可口, 蠔肉大, 味道新鮮.  用生菜包裹來吃甚有創意.清蒸海上鮮:   石斑魚好新鮮, 大條又斤兩足, 蒸煮時間掌握得剛剛好.魚肉鮮嫩,   加上薑蔥, 帶出魚的鮮味, 淋上熟油及醬油, 好食入味.  米水白菜：簡單時令菜, 選用了白菜膽加米水浸, 不油膩, 伴上蒜子. 健康之選.鼓油王炒麵:  炒麵炒得不油膩, 可口之作.  用上鼓油王炒得香滑又爽口, 配上洋蔥芝麻,   真美味. 這間性價比高的海鮮食館, 豐富抵食.  比從魚虹自選價錢平又方便,  貨真價實, 吾錯 !…查看更多

平日返工停留在繁囂的商業區, 今日適逢假日當然要去郊外遊車河, 吸吸新鮮空氣.選擇了去西貢車程不太遠,  看看黃昏日落, 吹吹海風,  好詩意.  晚飯訂了位在六福菜館食海鮮.  這間米芝蓮食府, 好廚藝, 價錢實際.   這裏還有代客泊車服務 $60-   可以泊一晚, 極方便.侍應招呼好好, 立即送上熱茶及餐牌,  今晚簡簡單單點了幾個菜.椒鹽豆腐配涼拌四季豆/雲耳.     豆腐切成長條形,  賣相像金磚.外皮金黃色炸得香脆, 帶椒鹽味,  豆腐入口超軟糯,  配上涼拌四季豆/雲耳,  健康又開胃.蒜絲蒸元貝,  好巨型. 粉絲蒜蓉蒸, 每只大元貝佈滿了蒜蓉及粉絲, 蒜蓉好香. 元貝 蒸得岩岩好, 夠鮮味, 不會韌,  粉絲也極柔軟, 撈些蒜蓉同豉油汁入曬味.鼓皇龍蝦炒球, 擺碟賣相好靚,  紅卜卜龍蝦夠霸氣,  鼓皇龍蝦炒球伴碟,  心形青瓜片擺設, 大方得體.師傅用上醇厚咸香的鼓皇炒龍蝦球,  鮮味出眾又彈牙,   食得滋味又回味.炸蠔生菜包,  生菜包炸生蠔, 好特別.  生蠔炸至金黃色,  酥脆可口,  生蠔新鮮好肉, 蠔味濃, 用生菜包住, 又脆又爽, 加沾沙律醬,  吃得好有層次感.風沙雞,  雞皮超級薄, 炸得皮脆肉香,   鋪滿炸蒜粒, 好吸引.    雞肉非常嫩滑, 食落有雞味, 少骨.  調味正,  加上蒜粒, 香口好味.   醋炒芥蘭, 醋的酸香中和了芥蘭的微苦味,  芥蘭用醋炒, 酸香開胃, 入口更清爽.芝士龍蝦加炒飯,  今晚比較特別, 芝士龍蝦不是配伊麵, 而 改為加炒飯,  龍蝦拆了肉, 啖啖鮮美, 混上滑滑芝士像西式做法, 入口好美味.  六福菜館, 食物的選擇非常多, 新鮮有質素,  調味及上 菜時間控制得好好,  價錢實際, 招呼滿意.…查看更多

搬咗入將軍澳區之後, 西貢都係一個常去的地方今次由朋友揀餐廳, 知道我地唔食牛, 就揀呢間連續16年蟬聯米芝蓮一星榮譽嘅海鮮菜館近海邊嘅西貢, 海鮮就當然係最新鮮架啦, 朋友發板, 其實好多野都好好食, 以下係我個人私心推介酥炸桶蠔伴生菜: 桶蠔大隻酥脆夠Juicy, 熱辣辣以清爽水份多嘅生菜包住食, 減低熱氣感 豉皇炒龍蝦球: 龍蝦彈牙, 調味唔會過火, 唔使拆穀的一口龍蝦球, 食得超方便 椒鹽焗鮑魚: 成隻手掌咁大, 嚇死我! 平時多數係用果皮清蒸方法, 椒鹽焗會香口啲, 但係又唔會焗到韌質感軟淋淋又帶點韌度 芝士龍蝦炒飯: 呢個好邪惡, 炒飯底已經係我至愛, 面頭仲加埋芝士汁, 入面仲有起咗龍蝦爪嘅肉, 澱粉質人最愛除咗海鮮以外, 都有小菜類選擇, 有男士在場, 都要點些少肉食風沙雞, 有點似脆皮雞, 雞皮焗到有點脆, 是優質蛋白之選雞皮薄幾乎沒有脂肪, 平時唔食雞皮的我都忍唔住, 肉嫩有味, 雖然伴以南乳醬, 但我覺得唔需要, 直接食返雞原味…查看更多

【西貢隱世米芝蓮🌟］📍六福菜館 (西貢)米芝蓮一星加持嘅海鮮聖殿，聽講仲有好多菜式係首創，即刻同大家開箱！💥🐟 西貢地道魚湯 $248乳白色湯頭鮮到震！飲一啖成個海洋喺口腔跳舞，完全冇腥味，暖胃首選必點！✨ 椒鹽奇脆豆腐 $120外脆內嫩似食緊黃金豆泡，椒鹽香氣攻鼻，一啖一粒瞬間清盤！🔥 鎮店三寶海鮮陣▪️椒鹽焗鮮鮑魚 $810鮑魚界天花板！彈牙到可以打乒乓球，椒鹽脆殼鎖住肉汁，連殼都舔埋！▪️薑蔥炒蟶子皇配煎米粉 $775蟶子大過拇指公！鑊氣沖天配索汁煎米粉，個底脆到似食薯片！▪️米湯慢煮元貝 $690仙氣料理！元貝嫩過豆腐，米湯溫潤回甘，舌尖都要融化了～🦪 天婦羅桶蠔 $640（修正價）爆漿警告！蠔肉肥過拇指，天婦羅脆衣薄過蟬翼，墊底生菜索盡蠔汁精華！🍤 豉油王蝦 $438豉油香滲透蝦殼，連殼食最過癮！蝦腦甘香爆發，送酒一流～🐠 鹽蒸野生杉斑 $630原條斑魚蒸得剛好，魚肉自帶天然鹹鮮，簡單鹽吊味已經贏晒！🍚 西貢艇仔蒸飯 $388隱藏BOSS！臘味海鮮精華滲透米粒，飯焦位脆香到可以單獨出道！🍆 蒜蓉粉絲蒸茄子 $148清新之選！粉絲吸盡蒜蓉精華，茄子軟糯解膩完美收尾～💬 整體評價：米芝蓮光環絕對有道理！海鮮全部生猛現撈，加工費抵比。特別推介椒鹽鮑魚同煎米粉底，係會令人心思思返兜嘅級數～下次一定會encore桶蠔同慢煮元貝！👏六福菜館 (西貢)西貢市場街49號地舖…查看更多

今次專程入西貢朝聖呢間米芝蓮一星名店！比起其他西貢海鮮價嘅餐廳，六福就主打真材實料。【薑米龍蝦炒球】龍蝦擺盤整到心形，估唔到中菜都打卡咁靚。味道勁鮮甜彈牙。【避風塘炒肉蟹】肉蟹夠晒大隻，用咗避風塘嘅方式爆炒，有蒜香同埋輕微嘅辣味，食落去都好過癮。【椒鹽焗大連鮮鮑魚】聽講係佢哋嘅招牌菜式，真係可以做到外脆內軟，仲有椒鹽嘅香味。【薑蔥炒蟶子皇配煎米粉】佢哋就用咗瓦煲嘅方式，一打開蓋就聞到薑蔥嘅味道。記得要快啲食，味道鮮甜爽口㗎。最後個蜜糖欖角骨同豉油王炒麵都係神級收尾，個炒麵乾身夠鑊氣，食完即刻想Encore！…查看更多

有個外國朋友回港，相約我們去西貢食飯，之後同佢入去西貢行下街先，夜晚再去食海鮮。【椒鹽焗鮑魚】椒鹽焗鮑魚真是一個驚喜！外層香脆，肉質又夠彈牙，椒鹽味夠惹味，彈牙得黎又夠juicy，又非常大隻，絕對係開胃之選。【低溫米水煮元貝】這個真是第一次食，元貝用上低溫米水煮過，嫩滑得來仲保留鮮甜味，飲一啖好似品嚐大海嘅精華，我朋友非常欣賞。【風沙雞】風沙雞皮脆肉嫩，調味濃而不膩，雞肉又夠多汁入味，啖啖都係滿足感，配啤酒一流。【清蒸沙巴龍躉】清蒸沙巴龍躉真材實料，蒸得剛剛好，魚肉鮮嫩嫩滑，保留到鮮甜味，簡單醬油已經夠滋味，食得出新鮮，推介。【豉皇龍蝦炒球】豉皇龍蝦炒球鑊氣十足，龍蝦肉爽口彈牙，豉油皇香濃得來又唔搶味，龍蝦球吸晒精華，夠晒惹味，這個是必點菜式。…查看更多

呢間鋪頭連續十六年拎住粒米芝蓮星，果然係有料到！一坐低就叫咗個西貢地道魚湯，飲落鮮甜到不得了，完全冇腥味，暖笠笠咁打開個胃，個湯係薯仔同埋蕃茄做底，跟住食左椒鹽奇脆豆腐，外皮脆卜卜，入面啲豆腐超級滑！海鮮方面，椒鹽焗大連鮮鮑魚真係驚艷！鮑魚焗到剛剛好，爽口彈牙，椒鹽香味迫咗入去，食落唔會韌。米湯低溫慢煮元貝就係另一種享受，元貝大隻又嫩滑，米湯清甜，帶出晒啲鮮味。藥膳辣酒煮花螺夠哂惹味，辣酒同藥材味好夾，啜螺肉好過癮！天婦羅桶蠔炸得金黃酥脆，蠔肉爆漿咁款，配左生菜減低油膩感。生扣北菇雞腳炆得夠腍，北菇索晒汁，雞腳入口即化。蒜蓉粉絲蒸茄子看似普通，但蒜香撲鼻，粉絲吸盡精華，配埋最靚部份嘅茄子真係一流！最後食埋個夠鑊氣嘅豉油王炒麵，再嗌返杯西瓜冰沙同冰沙，清甜冰凍，成餐飯完美！總括嚟講，六福嘅餸菜功夫細緻，將傳統粵菜做出高級感，又keep到地道風味。難怪可以十幾年都keep住粒星！…查看更多

放假專登入西貢，同屋企人食連續十六年都米芝蓮一星嘅「六福菜館」，果然名不虛傳，真係好有驚喜。首先上枱嘅係椒鹽奇脆豆腐，外皮炸得香脆，一咬開入面嘅豆腐依然保持嫩滑，口感對比做得好好。跟住飲咗個西貢地道魚湯，湯底用咗薯仔同蕃茄熬製，飲落好鮮甜，呢個魚湯係用10幾款唔同嘅雜魚煲成真係非常之好飲！海鮮方面真係值得一讚。米湯低溫慢煮元貝好考功夫，元貝大大隻，用米湯慢煮保持咗佢嘅鮮嫩同原味，食落清甜。而椒鹽焗大連鮮鮑魚非常香口，鮑魚焗得啱啱好，爽口彈牙，椒鹽嘅香味非常突出。藥膳辣酒煮花螺就更加惹味，辣酒同藥材嘅味道好夾，辣辣地好好食！天婦羅桶蠔炸得金黃酥脆，蠔肉飽滿，配搭旁邊嘅生菜加沙律醬一齊食，可以平衡返個油膩感。生扣北菇雞腳炆得夠火候，雞腳入口即化，北菇索晒啲汁，好入味。蒜蓉粉絲蒸茄子雖然係家常菜，但蒜蓉香味好濃郁，粉絲同茄子吸收晒所有精華，簡單卻好好味。最後以一個夠鑊氣嘅豉油王炒麵作結，再品嘗清新嘅西瓜冰沙同椰汁冰沙，為豐盛的一餐畫上完美句號。…查看更多

西貢是個寵物共融的地方,到處都有貓貓狗狗,而海鮮是這裏知名的,尤其是這間米芝蓮餐廳,除了海鮮新鮮之外,烹調手法及出來的味道也很重要的。前菜先來椒鹽豆腐,外脆內滑溜,味道鹹鹹辣辣的;雲耳很爽口;涼拌四季豆有蒜香味道。蒜蓉蒸元貝,元貝蒸到剛剛熟,質地有咬,味道鮮甜,蒜蓉粉絲吸收了所有的精華,味道比元貝更好。椒鹽鮑魚,鮑魚又是剛剛熟透,肉質綿綿細密,椒鹽的味道很惹味,鮑魚味道鮮甜可口。豉皇龍蝦炒球,蝦肉脆口彈牙,大廚手藝非凡龍蝦的鮮味完全鎖在蝦球裏面。芝士龍蝦炒飯,龍蝦蝦膏及蝦頭來炒這個飯,芝士味濃郁可口,飯炒得很香,配上龍蝦的鮮味簡直一流。味道: 值得推介環境: 舒適衛生: 整潔服務: 尚可價錢: 值得付出的…查看更多

最近同朋友一齊去咗西貢嘅六福菜館食飯，呢間係連續十五年攞米芝蓮一星嘅老牌粵菜館 。餐廳有三層樓，環境闊落乾淨。我哋叫咗個四人海鮮套餐，頭盤係椒鹽奇脆豆腐，外皮炸得好香脆，食落去好爽口，豆腐仲keep住嫩滑Juicy，椒鹽味夠晒惹味。薑蔥炒蟶子皇，啲蟶子肉彈牙又夠鮮甜，薑蔥香口。椒鹽焗鮑魚好有驚喜，鮑魚煮到彈牙又唔硬，椒鹽醬香配搭得好好。天婦羅桶蠔生菜包都幾正，啲桶蠔炸到表面脆卜卜，嗰陣沙律醬同新鮮生菜捲埋一齊，好夾得嚟食落唔會覺得油膩，清新又開胃。上湯開邊龍蝦伊麵超正！龍蝦肉啖啖肉，鮮甜得嚟濃湯又滑溜，伊麵吸收湯汁，滑溜又帶啲Q彈，整體味道層次好豐富。鮮菠蘿生炒骨，用新鮮菠蘿炒得酸甜適中，排骨又香又夠入味，爽口得嚟又唔膩。…查看更多

連續多年榮獲米芝蓮一星嘅六福菜館我一直都好想一試 今日同朋友喺西貢聚餐 一次過點咗好多海鮮鮮味嘅海鮮逐一登場🤩🤩分別有白粥水低溫煮元貝真係第一次食完貝 可以加入粥水咁煮法 @@好似將元貝嘅精華完全融入咗喺粥水裏面粥加上少少青蔥花 熱辣辣 入口綿綿的 元貝本身已經好夠鮮 值得點讚椒鹽鮑魚外表金黃色 每一隻都有手掌咁大煮嘅時間剛剛好 唔會令鮑魚肉過韌唔使添加任何醬汁已經好夠鮮味全晚最精彩嘅部份就係炸蠔加生菜包成枱朋友突然間靜晒慢慢品嚐呢隻酥炸生蠔新鮮嘅生菜完美將生蠔包住 再加上沙拉醬入口感覺大滿足🤩🤩豉油王炒麵真係十分棒🤪🤪明明已經好飽但係食豉油王炒麵卻完全唔覺得油膩同埋滯 每條麵條都炒得好乾身 上面加咗芝麻好香再沾上少少辣醬甜醬 份外惹味😋 難怪呢間餐廳長期爆滿 真係要提早book位！…查看更多

上個週末跟好友們出海玩，回程去吃吃晚飯再回家，難得入到西貢當然要吃海鮮大餐。酒家環境挺舒服的，分成三層樓，每層都不大，但座位安排得井井有條，不會覺得擠，讓人一下子就放鬆下來。先上的是椒鹽鮑魚。哇，這道菜一端上來就香氣撲鼻，鮑魚原隻外層裹了層薄薄的椒鹽粉，咬下去外脆內嫩，鮑魚本身的鮮甜被鹹辣的調味提鮮不少，不油不膩，吃一口就停不下來。接著是蒜蓉粉絲蒸元貝，元貝個頭不小，蒸得剛剛好，肉質彈牙多汁，面頭的粉絲吸滿了蒜蓉的香氣，濃郁卻不嗆鼻，每一口都帶著海的鮮味，簡單卻讓人回味。炸蠔最有趣，我們要了生菜包和沙律醬來配，蠔肉裹上薄薄的麵糊炸得外脆內軟，夾進生菜中加上少許沙律醬，咬一口蠔汁四溢，蠔的鮮甜充斥着整個口腔，鮮甜久久不散。風沙雞是另一亮點，雞皮炸得金黃脆響，灑上風沙調味，辣中帶香，肉質鮮嫩多汁。總的來說，這頓飯吃得心滿意足，價格雖然不算便宜，但份量足、味道實在，離開時還想著下次再來試試他們的魚湯。西貢這邊的海鮮本來就很新鮮，而菜館獨特的家常的工夫，絕對是個值得跟大夥兒一齊飯聚的好選擇。…查看更多

去完WM酒店，我哋晏晝想食海鮮，就去咗呢一間米芝蓮餐廳身，入到去見到餐牌有個二人海鮮餐A，有齊龍蝦、蟶子、桶蠔，樣樣都好吸引🥳🌟 椒鹽奇脆豆腐 第一道前菜已經有驚喜！啲豆腐炸到外層金黃香脆，但一咬開入面竟然好似燉蛋同布甸咁，超級嫩滑！🤯 加上惹味嘅椒鹽，外脆內軟，令我哋胃口大開，好快就清咗成碟。🌟 豉椒炒蟶子皇 跟住就係我最期待嘅豉椒炒蟶子皇！一上枱就聞到好香嘅豉椒味，超有鑊氣！啲蟶子皇真係好足料，隻隻都好大隻，肉質好厚，食落口爽甜彈牙，完全冇沙👍。個豉椒汁調得啱啱好，鹹香得嚟又帶啲微辣，完美咁襯托出蟶子嘅鮮味，用嚟撈飯食肯定一流！🌟 天婦羅桶蠔生菜包 呢個配搭好有創意！個桶蠔用天婦羅方式去炸，炸漿做到好薄好脆，一啲都唔油膩。入面隻桶蠔依然保持到勁Juicy嘅狀態，蠔味濃郁。用新鮮爽脆嘅生菜包住食，一啖有齊熱辣辣嘅香脆同冰涼嘅清爽，口感真係冇得彈！😋🌟 芝士開邊龍蝦伊麵 主角終於登場！原隻龍蝦開邊，鋪滿勁香濃嘅芝士汁，賣相已經贏晒！😍 龍蝦肉非常新鮮，好輕易就成條挑到出嚟，食落啖啖肉，肉質爽口彈牙，鮮甜味十足。個芝士汁雖然濃郁，但一啲都冇蓋過龍蝦嘅鮮味，反而仲提升咗個層次。最底嘅伊麵吸盡晒所有芝士龍蝦汁嘅精華，每一啖都係滿足！🤤🌟 清炒時蔬 食完咁多濃味嘅海鮮，最後有個清炒菜心就最啱。菜心炒得好翠綠，食落好爽脆清甜，可以平衡返成餐飯嘅油膩感，非常解膩。我哋最後係捧住個肚走㗎！😂 每道菜都食得出師傅嘅功架同心機，用料又新鮮…查看更多