影片
食家推介
.近十年建既公屋 屋村商场都系连锁餐厅🍴.难得大屿山行山后 仲有啲时间.去逸东商场 食个靓 afternoon tea set.六十年代其他餐厅都 1430 开始食tea佢偏偏要 1400 开始好就选佢快速睇吓食评 面包类输出稳定.同朋友各点一个餐📲 扫QR code 手机落单再夹埋叫一个 蜜糖芥末鸡翼1️⃣ 猪扒包 配 薯角 2️⃣ 炸鸡髀 配 生果沙律🥗冻柠檬茶 & 樽仔桂圆红枣茶饮品种类繁多.鸡翼正常size 蜜糖芥末好重手但猪扒包 中间片蕃茄坚厚 沙律酱平均面包有牛油 同 焗过 nice 👍🏻 .炸鸡髀 都有手掌大 睇落偏干 但食落唔油有卡位 坐得几适服樽仔桂圆红枣茶 小量生产物 都好有料 偏小甜.平均每人 消费$75.
继续阅读
今日入东涌行山，经过呢间餐厅，入去叫咗个A餐，葡汁鸡皇焗饭，个汁一啖有味一啖冇味，个饭系完全冇味，捞啲蛋碎入去就扮系炒饭，然后个鸡扒系白烚，完全冇味，完全唔知自己食紧啲乜
继续阅读
又前文提要吓啦，因为入咗东涌近凤凰山山脚下村落中嘅民宿住番晚，唔包食，所以，早晚两餐都要自己搞掂。今朝早，屋主就推介我哋去试吓晌「逸东邨」嘅「六十年代 」，所以，就过去试试，跟住，顺道先去走访马湾涌村，探索昔日东涌嘅小渔村，然后再睇睇东涌炮台。 睇个名，就会估计店家喺玩怀旧，不过，入到去，整体装修又无话大玩怀旧元素，至少墙身、地砖无搞咩花巧嘢；反而喺晌入门口位置，摆咗少少怀旧物品，如热水壶、电视机、拨轮式电话，后生一代肯定未见过啦。 有别大多数茶记，餐具放晌暗格，反而放晒晌枱面，但有胶盒冚住，感觉卫生啲。然而，想要热水洗洗餐具，就要自己出去拎，基本上，真喺零服务。早餐选择两页餐牌睇晒，都喺茶记款式啦，定价$26-$48，食得简单啲又得，丰富啲亦得。反而饮品有多几款冬日选择，都喺啲健康正气啲嘅饮品，定价$26，但就有跟餐半价嘅优惠。依家好多餐厅都用二维码落单，就算茶记都唔例外，不过，搞唔掂嘅一样可以揾店员帮手，始终老一辈未必个个都识。早餐G $38 老婆乜都讲健康，又特别钟意蕃茄汤，所以，醒神系列中G餐嘅鲜茄杂菜浓汤扭扭粉就最啱佢喇，两款配料仲要拣埋杂菌同素鲍片，够晒健康，另外，转咗米粉，一大碗，够晒份量，肯定佢饱到上心口呀！所谓鲜茄杂菜汤，即喺蕃茄薯仔红萝卜汤，都几酸香鲜活，饮落醒神，但就唔属于超浓郁𠮶类；唯一挑剔，老婆话喺啲米粉煮得未够透，仲差少少火喉。 早餐B $42 小弟就拣咗醒神系列中嘅B餐，因为喺沙嗲牛肉嘅忠粉，基本上就配卫星餐包，当然+$3转丹麦多士啦，再选火腿煎蛋，仲有其他转配选择，例如转转西煎双蛋、赐仔煎蛋，又或加钱转菠萝包、转蕃茄汤、转出前一丁，都几多变化。 先分享碟火腿煎蛋、丹麦多士，外观几靓仔，蛋黄仲喺半生熟，多士烘得金黄，拼埋一齐食，蛋汁甘腴，多士唔止脆口，仲极有牛油香气，比起一般方包做嘅多士喺唔同啲。 一向嚟讲，茶记嘅沙嗲牛唔衰得去边，虽然嘅牛肉唔算好多，但做得有水准，个沙嗲亦推得好香浓惹味，牛肉软腍松化；汤底喺清汤，捞匀啲沙嗲就变沙嗲汤，香味好多，面条就无转喇，唔喺公仔面，就大光面啦，煮得亦叫做爽身，无话过腍都收货。 热奶茶、热柠水呢个喺我同老婆落茶记嗌餐饮嘅惯性组合，佢唔喺嗌热柠水，就喺热好立克，啲柠檬落得足，又够清香。而小弟去茶记，奶茶近乎喺必然之选，亦喺最稳胆嘅选择。杯奶茶称唔上好滑，但茶底算喺芳香，幽香醇厚，口感不俗。 几十蚊食个早餐，唔使准备、唔使煮，食完走得，出发，继续我哋嘅小旅行。题外话，茶记招呼就无乜架啦，不过，晌门口安排入座就几乱，揿咗飞，但无人叫号码，却有唔少街坊客就唔揿飞，直入坐低！
继续阅读
只系简单外卖自取一个小小面餐，都可以搞到全错，不知所谓！明明拣咗要煎熟双蛋，就变咗最憎嘅炒蛋，明明拣咗要奶油脆猪，但又俾咗牛油多士。既然你哋中意俾咩就俾咩，咁不如唔好俾人拣仲好啦，等人好有心机慢慢拣完，最后又完全唔系𠮶回事。而且以一个咁普通嘅公仔面餐，居然咁胆收人五十几蚊，性价比就更加低无可低！啲炒蛋炒到碎湿湿，完全夹唔起，望落成劈呕吐物咁，见到都已经唔开胃；而炸猪排亦根本唔系炸猪排，只系一块煎猪排，根本就违反商品说明条例；而呢个所谓面餐根本就唔包嘢饮，连热饮都要加钱，根本就揾笨！
继续阅读
今日去食午餐叫左个蒸肉饼，都知道蒸野要等耐d，等左15分钟重未有得食，要个侍应问下，佢话蒸野要等15至20分钟，唔知佢有冇帮我入厨房催之后又等左10几分钟，个侍应过黎依依哦哦，又话岩岩过左午市盛盛盛，我都唔知关我等左半个钟重未有得食咩事嬲嬲地叫佢取消左个餐佢，去街市买个饭盒返屋企食算，最抵死系佢上左杯冻饮重要收返我全价20蚊，我都无野食，杯野饮净系饮左几啖，赶住买外买医肚费事同佢计我重要系叫冻斋啡走甜，杯野黎到都系甜既份常餐份量好少呢d就唔多讲喇～
继续阅读