六十六十火鍋 (已結業)

瘋狂盡興左4小時🎤之後係時候搵搵地方醫肚😬Search過見到呢間火鍋唔錯 一於去試試。6點鐘未夠食飯時間未算好多人 同朋友都係對蝦有敏感 所以剔除左蝦既選擇我地選擇左肉蟹🦀、鮮魷鮑魚、象拔蚌.... 等等重點 我地揀左椰子文昌雞煲餐廳職員都會簡單講解煮雞步驟 大概係大火水滾放雞再焗一焗而係等待期間我地都掛住傾計佢地都友善黎幫手反下隻雞 提我地可以食😂Ps: 可以試一試湯底 好甜除左椰子之外 仲有其他配料 例如：馬蹄 每粒都好入味 食唔停😬食到隻雞咁上下 可以放海鮮落去海鮮鮮甜 而且啖啖肉👍🏻最後我地6款配料：梅頭肉、肥牛、響鈴、午餐肉、手打墨魚丸、娃娃菜 ..... 都足夠兩個半鐘亦都好滿足👍🏻👍🏻

今晚細妹約打邊爐，去到先知並非一般打邊爐，係海鮮+火鍋，而且可以自選八款海鮮咁多，另外再自選六款火鍋配料，最平$200有交易，唔洗加一，仲包你一定飽以呢個價錢嚟講係幾低食，我哋好早到步，6：00入去不算多人，裝修簡潔，D餐具同碟都好以前feel～我地揀咗個番茄濃湯底脆米泡飯套餐，值得一提嘅係佢哋啲海鮮好多都係矜貴食材，一啲都唔吝嗇，所以我哋海鮮揀咗鮑魚丶肉蟹丶貝類都三樣，再嚟聖子丶貴妃蚌同鮮魷，要形容只可用兩個字概括，＂鮮甜＂～個蕃茄湯除有蕃茄外，亦落咗薯行熬製，蕃茄味香濃無比。鮑魚同貝殼類海產都好鮮味同爽口，而肉蟹亦即叫即劏，確保新鮮，仲啖啖肉～食晒D海鮮店員先會上自選配菜，我哋揀咗萵筍丶生菜丶豆腐卜丶肥牛丶花膠仔同手打墨魚丸。將所有嘢食晒後，店員便會著手煮個湯飯，用上脆米丶炸豬油同菜脯嚟煮，索晒D海鮮精華，煮嘅時候有陣陣豬油香，這個一定要食！精華所在！提下大家，如果唔想排隊建議早D去或book枱，就當日6：00入座，其實半個小時後就已經坐爆場~

喺長沙灣做完facial，諗住唔洗專登搭車去食嘢～所以就喺長沙灣搵食～見到呢間六十六十好似好勁咁，就入去試吓佢～我好快就揀咗番茄濃湯底，皆因見到有個泡飯～呢個套餐可自選八款生猛海鮮同六款火鍋配料～海鮮我哋揀咗：鮑魚、肉蟹、聖子、鮮魷、貝類...鮑魚：爽口 聖子、貝類：無沙肉蟹：鮮甜，啖啖肉鮮魷：彈牙火鍋配料美國肥牛、花膠仔、萵筍、手打墨魚丸、豆卜同唐生菜美國肥牛：靚仔，好味花膠仔：淥一陣就食得豆卜：吸晒啲湯嚟食一流生菜：新鮮最後有脆米泡飯～將啲白飯放落湯底煮，再加入豬油渣粒滾多十五秒就食得～雖然賣相一般，但味道唔錯～平時唔太食豬油渣，但呢個泡飯令我對豬油渣改觀～好滿足嘅一餐，200蚊又有海鮮食又有泡飯食～抵到無朋友～大家可以一試～

難得今日放假同女朋友係長沙灣打完羽毛球攰攰地，就梗係搵地方醫肚啦，行下行下望吓間鋪頭名叫「六十六十火鍋」咦！個名又幾過穩喎，再睇下佢門口嘅餐牌，竟然有我細細個鍾意食嘅「椰子文昌雞湯底火鍋」我女朋友見我想食，就二話不說揀咗呢間食。先講下環境：入到去好有懷舊香港嘅味道，佢嘅掛畫，碗碟，木枱都好懷舊。地方又好乾淨。之後店員拎左餐牌俾我哋睇唔使講都係要揀「椰子文昌雞湯底火鍋」我同女朋友海鮮揀咗「肉蟹」「鮑魚」「扇貝」，「蠔」「海蝦」「貴妃蚌」，「美國肥牛」「響鈴」「西班牙梅頭肉」「蟹柳」「芝士腸」同「手打墨魚丸」真係唔好講笑，齋揀嘢食已經流晒口水鍾意嗌晒野啦，店員拎個火鍋過黎果陣好耐心咁解釋個食法係點 。要提一提既係嘴刁既我好講求食物嘅新鮮的佢海蝦、鮑魚等等 上碟果陣仲係好生猛㗎，真係唔似出邊一般嘅餐廳咁，呢間真心好食同埋佢D海鮮配合埋個我至愛嘅椰子湯底...忍唔住當湯飲咗幾碗搞到個店員幫我加左幾次湯諗返起都有啲唔好意思哈哈其實平均每人二百幾蚊 仲有咁多生猛海鮮食真係好抵，下次會叫埋D打藍球既波友一齊Happy Dinner

打邊爐一向都鍾意食海鮮，因為最原汁原味，今次搵到呢間性價比高既餐廳。餐廳係套餐模式，自選海鮮同配料湯底可以揀粥底、椰子雞同埋蕃茄，我今次就揀左粥底，因為唔駛擔心唔夠飽之餘，仲可以將所有海鮮既精華用哂去煲粥食粥底火鍋每位$200我地既海鮮有鮑魚（一人一隻）、刀貝（一人一隻）、多寶魚（一人約三件）、象拔蚌仔（一人一隻）、仲有啲蠔仔、蜆同魷魚$200 可以食到咁多款海鮮，都算唔錯另外配料方面，推薦手打墨魚丸，口感好好響鈴都好正，好大條！雖然同粥底唔係太夾，但其實質素係唔錯既。

從來都沒有嘗這粥底火鍋的我，終於來了這家人氣滿滿的火鍋店～它是分了幾個進場時段，讓食客吃得更舒服&保證食材的質素，所以如果在不對的時間來到的話，是不能進去的。因為我們去的時候是晚上8點，而它的時段是從8點半開始，所以就稍微等了一下子～快8點半時已經超級多人在外等候，讓的不禁在想到底有多好吃啊！它主打是最後的粥底和多款新鮮貴價的海鮮～所有上盤的海鮮都是還！在！動！真的沒有誇張！很新鮮很大隻！店員提醒一開始要先把海鮮全吃光光，然後才開始把其他食料放進去，這樣火鍋湯底就會有濃濃的海鮮鮮甜味，正啊！當把所有食材都吃完以後，別忘記問店員製作粥吃，他們會讓我們把所有食材都吃光光，然後用剩下最精華最濃郁的湯，把粥配上少許酸瓜蔥花，混在一起，成了一個濃烈海鮮味的粥～所以各位，記得一定要留肚子吃這個吸進所有食材精華的粥喔～

話說我已經有很久一段時間没有品嚐過粥底火鍋，不知怎的突然就很想吃，所以今天特意上OpenRice 看看，找到家位於長沙彎附近的評分頗高的名叫六十六十火鍋的餐廳，便打算嚐嚐鮮，没有考慮多久就打給火鍋店預約。這家餐廳有點獨特，晚上只分了3節時段，分別是600、830、1100；逾時或過早來也不受待見；我們是預約了830時段的，但8時就到達，也無一幸免被拒諸門外。 等了半個小時後，已經陸陸續續來了頗多人，幸好提前預約了，要不就要干等了。 餐廳不是特別大，裝潢也没有富麗堂皇，但給人的感覺就是舒適自在。我們點了粥底火鍋套餐，包8款自選海鮮配料、6款自選火鍋配料，每位盛惠$200，價錢不過不失。 海鮮配料，我們分別點了蠔仔、鮑魚、帶子、扇貝、青口等，海鮮是真的鮮甜，鮑魚上枱時還會動的，是那些冰鮮海產難以相比的，雖然份量没有很多，但卻剛剛好讓你品嚐每一種的鮮。 對比有驚喜的海鮮配料，火鍋配料就略有點普通，份量也是剛好，所以很快吃完，便迫不及待去品嚐今天的重頭戲-粥底火鍋；店員會過來確保所有配料都吃完，才會幫你煮粥，没有等很久，海鮮粥便熱騰騰的奉上。 白粥加入濃濃的海鮮湯，滿滿的幸福感，白粥入口綿滑，

同朋友慶生，想試下新嘢，就找到這間很多好評的店！唔食由特止，一食就覺得真係超值！👍🏻全店得三個價錢的餐，我們選了$200（不收加一）的粥底，另外就剔要什麼食物。飲品另加錢。湯底選了蕃茄，海鮮很快就到了。因為是跟人頭的食物，所以我們三人就1.5隻蟹。這樣幾好，不用一叫就太多！很鮮甜！🍴鮑魚，蚌，帶子。三樣來說，帶子無咁新鮮，可能因為期望較大。🍴魷魚圈，不過不失。🦐不得不說這個蝦，上菜時是有蓋子的，我們打開影相，但他就跳起了！新鮮程度是爆棚！而且吃到的都是很有鮮味👍🏻🥘我們已飽停晒手傾了會計，其中一店員看到我們未吃粥，便說幫我們整。但我們說已飽，不用了。但對方說這個一定要吃，不然就不是來吃海鮮邊爐😹於是我們便試了，一吃之下真是不得了！剛才的海鮮精華都滲入粥中，當中有一些脆米，吃下口感更佳！可惜我們真的太飽，每人只吃了一碗！☪️總結來說，以這價錢吃到這些海鮮和美味的粥底，真的很抵！有機會一定要番尋味😋😋😋

同朋友去完長沙灣扮靚後，當然要去食番餐好嘅先滿足啦！ 見到呢間火鍋店咁夜仲咁多人，一定係好野，二話不說就同朋友入左去試。 店內有🍲🍲🍲粥底火鍋 💲200/位‼️、椰子文昌雞湯底$248/位、蕃茄濃湯底配脆米泡飯$200位。 見到隔離枱用海鮮湯精華而成的粥底好吸引，所以我地決定試粥底火鍋。 套餐可自選所有食材，包括海鮮及自選配料。 🦞海鮮（紅色選3、藍色選3、黃色必有：貝類🐚）： 肉蟹🦀、鮑魚、活魚🐟、象拔仔、蠔、海蝦🦐、金刀貝、帶子 海鮮是店內的招牌，生猛海鮮肉質肥厚，爽口鮮甜，很滿足的。 🔖自選配料（可任選6款）： 美國肥牛🐄、豚肉片🐷、花膠仔🌸、手打墨魚丸🐙、響鈴🔔、唐生菜🥬 至於配料方面，可從十幾款中挑選其中6款配料，配料份量按人數而定，所有的配料均新鮮又好吃。 最後再用剛剛打完邊爐嘅湯底加入粥底同埋其他配菜如菜甫☘️、酸菜🍃、蔥🌿、芫茜🌱、炸豬皮🐖等，惹味又好吃😋👍🏻 最後留埋d蠔仔滾粥食一流！     

鋪面門口雖小，入到去環境寬躺，坐位舒適，招待客人有賓至如歸的感覺，好似回家開飯啦。點了番茄濃湯底脆米泡飯套餐，番茄湯非常濃而內有新鮮番茄口感十足。只飲湯都好滿足，而加埋新鮮海產：有鮑魚、海蝦、蠔及貴妃蚌就是絕配。能帶出各種海產之鮮味，食過你會番尋味，一試難忘的好味。而其他的火鍋配料都好新鲜，份量二人食剛剛好，但像我嘅大食怪就要點多幾樣那。到尾聲，亦是重頭戲，將脆米(冷飯)放入打完邊爐之湯底，滾幾滾變湯飯，食落滋味無窮，劃上完美句號。下次再回家開飯啦。

網上睇到呢間海鮮火煱評價唔錯放工近近生地相約友人一試呢度主打海鮮火煱套餐有粥底，蕃茄脆米泡飯同椰子雞我地揀左$248 的椰子文昌雞湯底套餐價錢已包自選8生款海鮮同6款火煱配料份量就跟據人數而定椰子雞湯好正椰子湯底清甜滋潤 飲出淡淡新鮮椰青水而且椰子肉仲好嫩滑用上文昌雞雞隻唔會太肥雞皮爽囗彈牙2個人食但雞差唔多有半隻掛住飲湯同食雞都差唔多食到半飽海鮮揀左活魚丶貝類蠔份量唔少隻隻都係賬卜卜，好鮮味鮮魷爽口彈牙仲切好哂一件件雀巢豆腐掛湯力強豬仔打邊爐必點配料花膠仔要補充豬仔既骨膠原手打墨魚丸細粒左少少但勝左彈牙鮮味當然唔少得食下菜啦唐生菜都幾新鮮整體食材質素唔錯性價比高而且都食得好飽下

屋企附近開左間新打邊爐的食店，呢間舖成日大排長龍，平日都未試過。但有日晏左食飯，見無咁多人排就好奇試下，之後發現竟然真係好物！我本身唔太鍾意打邊爐，已經食厭左放題打邊爐，呢間主打海鮮打邊爐，確實少見。海鮮唔係hea人的，全部係不時不食的新鮮之選。我地2個人叫左個蕃茄薯仔湯底，湯底足料。海鮮我地揀左肉蟹、蜆、魷魚、帶子、象拔蚌仔同活魚。當中推薦肉蟹、帶子同象拔蚌仔！肉蟹名副其實啖啖肉，吸收左蕃茄湯底汁，超級鮮味juicy😋蟹蓋亦有豐富的蟹膏！帶子輕輕小灼已經可以食，係新鮮彈牙的口感~特別推薦象拔蚌仔！小巧一隻，但鮮味多汁，而且口感同鮮鮑魚無咩分別！另外叫左西班牙梅頭肉同美國肥牛，2款脂肪分怖均勻，不會太膩。花膠仔令鍋底質感更加豐厚，養顏之選。其中最推薦蜂巢豆腐，豆腐中綿密的小孔戴住整個海鮮蕃茄湯頭，好似食緊成個鍋的精華一樣，呢個一定要食！整體來講，呢間火鍋店嘅菜式都係誠意之選，淨係食海鮮都已經值回票價！

🌟記住一定要Book位啊~ 🌟我地book有星期二6點，準時到，過左15分鐘度已經爆場了，座位都闊落舒服，可放到袋~🥰店員很快已經比左點餐紙我們圈~我地要左🥢椰子文昌雞湯底200零蚊包8款海鮮同6款配料👍🏻👍🏻湯底超快上左🥢雞件有一大碟，店員有講解點煲、煲幾耐👍🏻但我地掛住傾計，無計到時間，佢地超貼心❤️過黎提我地食得啦佢地比左兩粒🥢海南青檸我地擠落個醬度，好香!🔸雞好嫩！🔸椰子肉好軟Q，也可以吃！未落海鮮，落完雞個湯都好清甜！🥰忍唔住飲左好多~要食哂d雞先開始落海鮮海鮮全部都好新鮮！👍🏻👍🏻👍🏻🔸d蝦仲郁既！要用野cum住先得！🔸個蟹都好多膏！正！d肉都實淨！🔸蜆有超過20粒🔸魚好鮮味店員過黎promote今日有$30一盤的🥢魚標和魚肚我們也要了$30是很大的一盤，我鐘意魚肚，朋友喜歡魚標！最後個湯煲完雞、海鮮，變得🔸好濃郁同鮮甜我地叫多左個🥢烏冬，飲埋d湯！好滿足啊~200蚊度，雖然唔係任食，但全部配料都好新鮮企理，仲有咁多海鮮，而且分量都好夠，一定食飽！😋😋終於明點解平日晚都要book位啦~下次想黎試下個脆米泡飯啊~💓 

二百蚊全包價，任選八種海鮮，六種火煱♨️配料，時令新鮮，有佢咁靚未必有佢咁平，人氣咁旺，一定有保證🤩🤩🤩 我地揀左鮮茄🍅湯底，濃湯紅茄仲有薯仔滾呀滾，齋飲都好正。懷舊鐵牒好鬼馬，蠔仔沙白鮮魷🦑先食為敬，淥下烚下超快熟，蠔仔肥肥白白，真係鮮到呢，沙白彈開，原汁原味，鮮魷入口爽脆，為食引擎馬上啓動鮮鮑魚、貴妃蚌、多寶魚大大牒什錦，快熟又好味，茄湯愈滾愈濃、海鮮精華🐌🦑🐟簡直係盡地一煲。呢個時候烚下肥牛，鮮茄海鮮湯底更加滋味，特別推介自家製手打🐙墨魚丸，細細粒容易食，QQ彈牙堅正呀。呢個時候飽飽地，開始八掛下隔離枱，見到人地嘅粥底火煱又幾正喎，仲有椰子雞鍋🥥🐔香噴噴，自己枱面都未食完，已經唸定下次再黎過🤪又海鮮又肥牛，10幾種食材，樣樣處理好曬，靚靚仔仔咁比你慢慢歎，質高又舒適，師奶朋友話呢個價錢靜係買料都唔得，加埋又要洗又要拎，有左呢度仲點會係屋企搞咁多，唔怪得呢度日日幾埸，場場爆滿👑👑👑話時話，我真係諗唔明點解舖頭叫六十、六十，唔通係為你做足120分🤪，下次黎真係要問一下🤩🤩🤩

長沙灣地膽帶路帶左我黎食呢間粥底火鍋，未入去已經見到一班人係門口等位，原來係分時段入座的，所以要一齊等到新一輪先有得入座，本身我地都有book位所以都唔係等好耐～應該大部份人都係食粥底火鍋，我地都唔例外～先食晒D海鮮之後先用D海鮮湯底黎煲個粥出黎！未上海鮮之前就自己調鼓油碟，因為海鮮都係原汁原味咁滾熟，所以就靠鼓油去提鮮啦海鮮可以睇人數揀2-4款蜆/貝殼類洗得好乾淨無沙，肉質都好鮮，不過頭幾水就未煲到D味出黎，所以食落都好淡好淡蠔蠔味重番少少，每一粒都好飽滿，可以留番D一陣煲蠔仔粥 哈哈肉蟹話明係肉蟹就緊係多肉，而且D肉係甜到不行，雖然拆殼係麻煩D，但最好食同最抵食都非佢莫屬！蝦生猛的蝦，落煲前一刻仲掙扎緊，不過我都係要食你啦sorrrrry...另外可叫兩款火鍋配料牛同豬都好靚，又薄切又重肉味，而且好大一碟，幾抵食喎～最後個粥吸收晒D海鮮既精華，飽肚得黎又暖笠笠，食完成個人都舒服晒。仲嗌左支啤酒，啤啤佢，正呀！