影片
港铁天后站 A2 出口, 步行约5分钟
继续阅读
电话号码
35636887
94729886 (WhatsApp)
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
有关奖赏计划
最近公司聚餐因為上司要迎合咀刁既老闆所以特登話過海黎食呢間店見到餐廳名「六六六六火鍋」以為淨係打邊爐估唔到原來仲有私房菜，價錢仲要唔貴而且每一道菜都好有驚喜「手工菜迎春花」白蘿蔔批到好薄，好細膩中間包住一粒紅椒在拼成一朵花猶如春天萬年春花嘅感覺「螺旋小黃瓜」好得意，將青瓜整成呢個形狀味道辣辣地，好開胃「麻辣燙花甲」味道唔算好辣，肉質好滑「意大利黑醋漬豬手」豬手好好味，黑醋好入味唔算好酸，甜甜的肉質好稔，啖啖肉「刺身帶子伴牡丹蝦」每隻蝦都捲到個造型好靚可能蝦同帶子都好厚肉，好新鮮「黃金南非鮑魚拌酥炸桶蠔」件件都炸到好金黃炸粉好薄，而且唔油每件上面有啲孜然好均勻灑係上面食落好惹味「濃湯菜膽花膠湯」個湯超級濃郁個湯底用雞腳同埋老雞咬咗六個鐘真係好似全部精華喺晒度每啖都飲到雞嘅味道而且花膠好足料「煎安格斯牛小排粒」一上到檯好香用蔥粒、蒜炒，所以勁香牛小排粒咬落唔韌「雞湯蟶子浸雙脆」土豆絲同萵筍絲做底吸收咗湯嘅味道，好似麵咁食好好蟶子好新鮮咬落好軟淋淋「老壇酸菜龍躉斑」成個份量都多每一件龍躉斑都好大件估唔到酸菜底下仲有薯粉本身唔食薯粉嘅我都覺得呢個好因為薯粉煮得好腍，好啱入口「薑酒花蛤煮龍崗雞」原來枱既底下係爐黎所以成個鍋直接放喺上面煮店員上菜嘅時候話依碟餸係無法抗拒嘅味道果然用沙白水同雞湯去煮個雞個雞超級鮮甜，肉質好嫩滑食完雞之後再喺上面灼烏冬烏冬嘅味道係我之前未食過質感好軟綿綿，而且吸收咗頭先煮雞嘅精華所以食唔停口「六福糖水」最後梗係食埋糖水啦個糖水入邊嘅材料五顏六色，顏色好靚材料分別有蓮子、百合、南瓜、圓肉、紅棗、紫淮山好滋潤個糖水，唔算好甜味道啱啱好私房菜嚟講我覺得依度真係唔算貴而且佢材料高質，手工又精細下次再黎encore打邊爐先
继续阅读
『六六六六』火鍋見其名就一定係主打特色湯底火鍋，但原來佢背後的手工私房菜先係總廚黃先生的秘密武器~以鬧市中的私房飯堂為餐廳理念，將傳統菜色變奏出新款式和味道，由食客角度出發，讓客人預訂特定菜單提前準備，就為呢一晚四人餐的私房菜揭開面面紗🤤餐廳樓高兩層，二樓特設三間VIP房，除左可以唱K、睇波重可以嘆雪茄認真不得了。包場的話大約可以容納到20幾人開P聚餐，唔講咁多! 直接開餐介紹下😋前菜🥗🫕螺旋小黃瓜、麻辣燙花甲、意大利黑醋漬豬手精緻刀工配上川式傳統手藝再配搭中西合壁的調味經驗出品三款前菜，前者將考驗手藝將青瓜切到螺旋形狀入口更加爽口新款，燙花甲中的麻辣醬，令花甲粒粒入味開胃，加埋後者豬手酸甜彈牙，加上少許甜醋香味更加醒胃。迎春花🌸呢款係總廚黃先生專誠為我地4位送上的誠意之作!將蘿蔔細節上切絲卷起包住中間紅椒片形成花朵造型，精緻迎春花酸甜開胃，令人賞心悅目。刺身帶子伴牡丹蝦🦐打邊爐都可以叫嘅極新鮮刺身!刺身帶子四人分享每人都有兩粒函哂誠意!大大隻牡丹蝦加蟹籽超級新鮮! 前菜已經好大滿足~黃金南非鮑魚拌酥炸桶蠔🦪巨型桶蠔同鮑魚炸粉夠哂薄! 南非鮑魚咬口煙靭鮮美，大廚級火喉將肉身鎖起緊緻口感，桶蠔更加係一致極滿意，咬開一半那份Juicy筆墨形容唔到!濃湯菜膽花膠湯🍲再來一個女士最愛的花膠濃湯! 每碗片片花膠足料奉上，黃師傅話呢個湯正正就係點解要早一日訂餐的理由，因為燉湯需要功夫心機同時間，情況就如Omakase一樣，務求要客人感及到餐廳準備功夫的細膩。煎安格斯牛小排粒🥩一上枱牛氣撲鼻! 牛小排每件肥瘦均勻，尤其牛肉的中間排位入口即溶感覺，牛小排的邊位有少少筋，如果能夠做到件件軟腍就完美無疑!雞湯蟶子浸雙脆🍲呈現大廚刀功技術的一味菜，薯仔絲萵筍絲成為爽口雙脆，雞湯與花膠湯的湯底前後呼應，蟶子同樣入口新鮮爽脆，調味上並做到掛湯鮮美入味，給人弓種清潤純樸的品菜享受。老壇酸菜龍躉斑🐟差唔多尾聲來一客重量級龍躉斑塊浸泡在老壇酸菜湯底中，比起平日的老壇酸菜魚片的滿足感大增一倍有多!大量酸菜配菜在其中，如果想酸味平均D 可以將龍躉斑隔開再拌勻湯底，避免攪碎班塊又可以令每小碗湯汁平均~ 好正!薑酒花蛤煮龍崗雞🐔 + 堂灼烏冬🍜最後壓軸嘅係用火鍋底上的秘製龍崗雞，將原汁原味的雞及花蛤加入薑同酒一齊炆煮，龍崗雞除滑溜程度好有驚喜，味道再加一層海鮮甜香!最後再加手打烏冬落鍋! OMG! 完美咁吸哂湯汁精華! 滿足到不行!六福糖水🥣最最後一個滋潤足料甜品糖水，有蓮子、百合、南瓜、圓肉、紅枣及淮山，甜絲絲中有多重口感。Cheers!四人餐總價HK$2688 (另收加一服務費) 三位好友一致認為係值回票價的豐富晚餐，如果作為家人節日慶祝，又或者將近媽媽爸爸節聚餐，呢到一定係孝敬兩老的推介好地方! 更加係適合公司、親戚包場聚會的不二之選🍽
继续阅读
期待已久嘅朋友聚會想搵間坐得舒服，又闊落食嘢又好食嘅餐廳呢間私房菜想約好耐㗎啦！一早預約訂位去試吓交通都算，方便喺天后鐵路站一出行多一陣就係餐廳座位好闊落 有氣派 少少華麗風坐得都真係幾舒服 四人私房菜首先嚟咗迎賓小食先好少見餐廳前菜更精緻螺旋小黃瓜🥒好精緻嘅刀工，將青瓜切到螺旋形狀加埋麻辣醬，非常開胃另外擺盤好似朵花咁嘅小食原來概念就係迎春花好精緻嘅蘿蔔 酸酸甜甜麻辣燙花甲 唔太辣 ，作為小食前菜，花甲未免太大隻了吧😍意大利黑醋漬豬手 酸酸甜甜，咬落彈牙爽脆而且帶有陣陣嘅甜醋味，絕對醒胃🤤接着就係刺身帶子伴牡丹蝦大大碟刺身，梗係趁新鮮食咗佢啦牡丹蝦極度新鮮帶子四人餐每人兩粒啱啱好估唔到呢間餐廳食打邊爐同埋私房菜刺身居然都咁新鮮黃金南非鮑魚拌酥炸桶蠔未上枱已經聞到好香嘅酥炸味道好巨型嘅桶蠔 炸粉好薄 唔會漿住個口鮑魚咬落好煙靭煎安格斯牛小排粒未上枱已經香氣撲鼻，蔥同埋蒜嘅味道真係好吸引見到牛小排每粒大細均勻兩邊煎得啱啱好一咬落去牛嘅肉汁都流出 雞湯蟶子浸雙脆不得不讚賞切薯仔絲同埋萵筍絲嘅刀功雞湯真係又濃又好味🤤 加埋薯仔絲同埋萵筍絲嘅掛湯食落好似麵咁湯底係濃湯菜膽花膠湯 超級濃稠嘅花膠雞湯底，真係好想同老闆講再添多碗薑酒花蛤煮龍崗雞呢個真係最高貴嘅食法一雞兩味首先佢將雞同埋沙白一齊煮估唔到咁樣可以令到龍崗雞嘅味道更加出可以話鮮味十足質感方面龍崗雞真係滑到不得了 我哋成班用筷子夾唔到，要用匙羹😹可想而知，真係不得了頭先煮到差唔多，最後加埋烏冬烏冬彈牙，加上頭先沙白同埋雞煮出嚟嘅高湯真係滑上加滑一餐咁高質嘅私房菜，最後一定要用甜品嚟作結尾但去到尾聲，其實個個都捧住個肚好飽六福糖水蓮子 百合 南瓜 圓肉 紅枣 紫淮山真係好適合講求健康嘅人士佢嘅原材料，加埋唔算太甜真材實料 食完之後好滋潤值得一提係佢呢度真係要早少少預約由於食物嘅工序同埋材料原來別有洞天樓上2樓有私隱度高低密度大房可以包場 大概可以容納到20幾人原來仲有卡拉OK成班朋友同事聚會或者屋企人食飯都好適合💖真心覺得呢間餐廳可以再嚟用心製作工序係唔一樣，而且服務態度我都覺得係一流下次再嚟，應該試埋佢😜
继续阅读
今次我book咗個火鍋餐以食海鮮🐟為主，老闆推薦我試下支東鶴純米酒🍶，話配海鮮一流😋。東鶴純米酒 $468老闆真係好推薦，米酒帶有果香味🤤，亦帶有輕輕氣泡感，口感清爽；加上帶有輕快而又好快消失嘅餘韻，真係好適合配海鮮😋。極品龍蝦鮑魚海鮮盛宴 $2680迎賓三小碟：荔枝汁浸車厘茄車厘茄🍅清甜多汁，配上香甜的荔枝汁一齊食，味道清新香甜，好好食😋。意大利黑醋漬豬手豬手🐖皮爽肉滑，醃得入味，味道微辣🌶帶陣陣醇香醋味，醒胃又好食😋。蘿蔔花拼魚片頭魚片頭炸得香口乾身，送上枱時，香氣四溢，一口咬下魚味突出，口感嫩滑彈牙😍；醃蘿蔔酸甜度平衝，入面有紅椒粒🌶，既醒胃又可清清味蕾😋。真係甚少見前菜都可以做到咁精緻和好食😍，我地所有人都讚不絕口😋。人參養生鍋湯底有龍眼、紅棗、淮山及人參，味道鮮香帶陣陣人參加味，足料又好味😍。澳洲龍蝦刺身(1️⃣隻)原隻龍蝦🦞擺盤十分精美，蝦肉晶瑩剔透，肉質爽脆嫩滑🥰，蝦味鮮香清甜，令人欲罷不能🤤。五頭南非鮑魚(4️⃣隻)鮑魚大大隻，厚肉爽身，鮑魚味濃郁，無論口感同味道都係一流😍。紐西蘭聖子(4️⃣隻)聖子大件又新鮮，口感爽彈，鮮味十足😍。美國桶蠔四隻桶蠔🦪大大隻，肉身又厚又飽滿，灼熟後口感依然嫩滑多汁😋，邊位部份較爽滑，蠔味香濃，鮮香味美😍。生猛海蝦(8️⃣隻)活蝦🦐十分生猛，蝦肉爽口彈牙，蝦味濃鮮味滿瀉😋。極品安格斯牛小排牛小排🥩雪花油紋非常靚，肉色鮮紅有光澤，牛味🐂濃郁，油脂味香醇，食過返尋味😋。西班牙黑豚肉豚肉片🐖肉味香濃，肉質軟滑，同樣油脂豐腴😍。香菇貢丸貢丸一份有6️⃣大粒，用上了台灣🇹🇼海瑞貢丸，所以粒粒扎實飽滿，口感彈牙，肉香味濃😋。師傅手打丸手打丸有蟹籽、芫茜、墨丸及松露，味道各具特色，其中墨丸內包有鮑魚粒🫢，味道更鮮味，松露丸味道香濃😋。芝士腸 及 五彩蔬菜籃蔬菜好新鮮，有娃娃菜、菜心、金菇、木耳及一個又大又香甜的蕃茄🍅。總括而言，呢間火鍋店，絕對可以成為我心目中 Top5️⃣ 火鍋店之一。最後臨走時，老闆同我🦆介紹咗一支清酒🍶，一支店主親自去日本🇯🇵群馬縣挑選，獨家訂製嘅‘’左大臣純米吟釀生原酒‘’🍶，話無論食肉或食海鮮都非常合適，叫我有機會一定要試下。
继续阅读
天 后火鍋小舖今天來 天后私房火鍋 試，龍蝦鮑魚餐 店主介紹咗個火焰頭抽冰糖碌果鍋底 ！打邊爐未上湯底之前最怕就係悶 店主知道呢個情況送咗三個小食 麻辣花甲 味道好鲜 有芫茜同埋芹菜粒點綴 意大利陳醋漬豬手滿滿嘅骨膠原！ 簡單嘅青瓜都好爽脆 三個小食之後 ， 火焰頭抽冰糖碌鵝锅底就上嚟喇。原來店主話鹅已經炆好咗。就喺檯面度再煎下啲蔥呀 然後放入炆好的鹅肉淋上米酒點起火 一剎那都好靚 最好放入鵝汁香氣濃鬱，鵝肉軟淋！第一次食到呢個窩底 好快龍蝦鮑魚海鮮盆上來，好大盆每位有半只龍蝦，一只南菲鲍魚，一只生蠔仲有花蛤样样都新鮮。再上安格斯牛小排 都好靚油花均勻肉質軟淋 ！之后再上 蝦丸 蟮片，鱼片頭樣樣都精緻 ，果然係私房小店 ！不過 就要與預約！ 店舖話為咗保持新鮮材料不多 所以要預約 龍蝦鮑魚盛宴 五個人人均五百幾 性價比都幾好
继续阅读