影片
如果唔系食下午茶餐，午市套餐六十至八十零蚊来讲，呢间都算系贵嘅午市日式定食，不过下午茶就会抵好多，因为同样嘅主食，价钱平咗之余，仲会每个套餐送一款小食店嘢饮仲有沙律。小食来讲，枝豆嘅份量都几多㗎，同埋佢唔系预先整定嘅，上菜嘅时候都仲系热辣辣。呢个芥末蜜糖薯条，我都唔系第一次叫，因为佢又系即叫即整啦，薯条又唔会太幼，粗度适中，都几饱肚㗎，份量都算多。滑蛋吉列猪扒饭，吉列猪扒热辣辣，肉又多，加上面头少少嘅紫菜同菇，好好食架！我自己最钟意就系牛肉丼，牛肉份量超级多,次次我都食唔晒架,同洋葱配搭系正，侧边仲有少少雪菜，然后葱花同芝麻将碗饭提升咗,非常夹㗎！连同芝麻沙律、同埋嘢饮一杯，一个下午茶餐大概$60包嘅野都几多。不过间野嘅服务呢就有啲差，因为好明显员工嘅人数不足，导致成间店好似得两三个人去应付咁多位客人，你每次想揾人去服务你都要等好耐㗎。
继续阅读
呢间野开咗咁耐，之前食过几次，觉得食物质素一般、态度不嬲都唔好㗎啦。不过谂住快快地食餐晏，冇所谓啦。寻日入咗去坐低睇餐牌嘅时候，叫咗个女侍应俾杯水我。杯水嚟到，我除低口罩谂住饮水。点知佢即刻同我讲，话未有嘢食唔可以除低口罩。我同佢讲，戴口罩点饮水呀。佢依然继续同我讲话未有嘢食唔可以除口罩。我即刻放低杯水，走人。如果你唔想做生意，又咁惊啲客有病嘅话，可以闩门唔好做生意。唔需要咁样玩啲客、侮辱啲客。
继续阅读
早前食过晚餐,都好食。今晚再同家人去光顾，去到时大约8:20pm, 门口取票个机已经冇票出，门口女侍应话太多人取了票，今天也冇票可以出。目测门口只有两组人客等待中，故立即问吓如果冇人来，有位时可以入坐吗？女侍应用好差的态度说‘已经cut咗单啦，我们立即问吓其实是几多点cut单，我们下次可以就番时间来呀。女侍应说’好难讲嘅，可以七点，可以八点，你们唔使等啦，就算一阵有位都唔会俾你’。哗，我们只不过系门问吓有冇得等吓之麻，竟然有这结果。我们以后都唔会再去这店，好差的体验⋯⋯😡
继续阅读
因为工作需要去到屯门食饭，本身大商场都预计冇咩好嘢食，最后揾咗间比较特别啲嘅日式餐厅食lunch。 价钱大概为60至70蚊，虽然价钱稍贵，但仲有沙律同串烧同嘢饮嘅套餐都可以接受。 首先讲咗个主菜先，烧豚肉饭，虽然卖相有啲干身，搭质感几脆有咬口，只系份量有啲小。串烧几好，细番薯仔甘甜，鸡肉味都唔错。最后嘅沙律就普普通通啦，典型沙律再加菜咁。反而冻柠茶𠮶度唔错，唔会太甜，令我好出奇，消暑嘅恩物。 服务态度一般啦，当系一间普通食lunch嘅餐厅。
继续阅读
今晚同老公吾知食咩好，走落屋企附近的v city 揾食，见到八百善门口餐牌都几啱食，于是就决定入去试下疫情期间几乎每间食店都要量体温🤒️呢间都不例外，枱与枱之间有块板隔著，几安全👏其实系门口已睇食咩，所以入座后我order了猪软骨温泉玉子石锅饭，我老公就叫了黑豚肉生姜石锅饭ps:可另加$35转套装，包沙律、面豉汤、同一杯饮料🥤，如吾想转套餐叫饮品可以用半价叫餐牌上的饮料🥤先讲猪软骨，肉质唔会鞋口配上猪肉汁好入味，萝卜亦都好淋好入味，伴以玉子口感一流，最喜欢💕肉质汁另上，可自已调教多少，尤其啱我仲意多汁捞饭的人。另外黑豚肉同样出色，配上烧汁，可口入味。但里个石锅饭是没有饭蕉的。饮品方面就叫了红西柚茶同菠萝梳打本人比较喜欢菠萝梳打，喜欢清新的朋友，可以选择红西柚茶，整体来说是满意的！
继续阅读