八木橋日式燒肉

营业中

休息中

原來TOP 3樓有間好企理嘅燒肉放題！上到去揀咗個做緊特價嘅雨餐套餐，本身$1108/位，依家有半價120分鐘任食🥹抵好多~一埋到位，店員就送咗一板嚟自日本嘅A5和牛西冷比我哋🐮肉質超軟腍，的確同其他牛嘅質感好唔同🙂‍↕️另外呢個餐仲包咗油花四品和牛燒肉盛，每一款牛都有標籤，方便知道自己食緊咩類型嘅牛👍🏻朋友就話我知，和尚頭同埋三角腩都係油花比較足嘅肉嚟，入口即溶🐮試咗之外果然係咁！入口即溶，有黑毛和牛應有嘅質感！令朋友最驚喜嘅就係甜甜地嘅韓風瓷壺醬油牛肋肉，肉質好冧，好入味！香蔥薄切和牛同埋好彈牙嘅鮑魚都唔錯~ 個人超大推味淋魚干！！燒好後甜甜地好好食！送酒一流！同埋都幾鍾意食比目魚西京燒，甜甜地，食得出魚好新鮮，可以再encore ！呢個Set仲有其他款嘅肉同海鮮，包括M5澳洲和牛牛肩背、M5澳洲和牛腹胸等，不過明顯地啲肉就比較一般喇🙈🙈除咗肉仲可以嗌其他熟食，例如天婦羅或者章魚小丸子等等仲有好多特色甜品同飲品~

朋友生日，佢又係同我一樣係燒肉愛好者，所以我就揀左旺角「八木橋日式燒肉」同佢慶祝生日啦，呢間一直都想試架啦，今次終於有機會去探下店😆原來最近仲做緊優惠，最貴嘅兩個餐都有推廣，霞餐就有買一送一，最高級嘅雨餐，就做緊半價優惠，既然係慶祝生日梗係毫不猶豫揀雨餐啦😋呢間餐廳地點好方便，一出地鐵站就到啦，裝修就係典型嘅日式風格，簡約之餘又有啲高級feel，入到去已經聞到燒肉嗰陣香味😚講返佢哋嘅雨餐，雖然做緊半價，但質素完全冇得輸。賣點係A5和牛西冷，一拎出嚟簡直嘩一聲，勁大塊，色澤好靚，油花分布均勻，入口真係即溶油脂爆滿😋👍另外仲有一份和牛燒肉頭盤，每一個部位都可以食得出唔同嘅質感，塊塊牛肉都切得靚靚仔仔，重點牛肉味好重，我最鍾意食嘅就係和牛三角腩部位，入口超嫩滑👍另外我重點推介佢個韓風醬油牛肋肉，成條勁長好厚身，但意想唔到好滑好有口感，配埋佢嘅特製醬油味道好夾，配埋白飯一流！ 😍任點部份都係好多選擇，有牛肉、豬肉、雞肉同埋海鮮拼盤，款式絕對唔馬虎，質素都唔錯而甜品方面有雪糕泡芙，紅豆果子等最正就係而家半價優惠就可以食到咁高質嘅燒肉，真係超值！如果你啱啱喺旺角，又想試下高質日式燒肉，記得去「八木

今日同朋友慶祝生日，見到旺角八木橋日式燒肉放題有買一送一優惠，仲可以食足120分鐘，啱晒我哋兩個食肉獸。我哋叫既雨餐，包括A5岩手和牛西冷、四品和牛燒肉盛(A4黑毛和牛後腰肉、A4黑毛和牛牛肩、A4黑毛和牛和尚頭、A4黑毛和牛三角腩、A4黑毛和牛薄切)、韓風瓷壼醬油牛肋肉、香蔥薄切和牛、鮑魚、味淋魚干、比目魚西京燒、刺身拼盤，頭盤已經非常豐富。我哋特別鍾情A5岩手和牛西冷，肉質細緻柔嫩，烤得香氣四溢，油花分布極致。呢度除左燒肉出色之外，海鮮十分鮮甜，炸物和天婦羅即叫即做，酥脆可口，甜品亦都係我哋至愛。最後服務員送上兩杯Häagen-Dazs雪糕，為這餐生日飯劃上完美句號。總結，放題食物高質，選擇多樣化，上菜速度快，服務員會定時幫我哋收碟和換燒烤盤，令我哋食得開心又滿意。

今日同朋友去旺角食嘢，好想食燒肉就嚟咗呢間八木橋燒肉，見到佢有幾個套餐，咁啱雨做緊買一送一咁佢有和牛任食，仲有鮑魚，頭盤仲有個A4和牛燒肉，佢有五種唔同嘅A4和牛和牛好滑，入口即都好嫩滑，好食，值得encore另外叫咗牛舌，牛舌都幾好食，有三種唔同嘅口味，有辣又醬油燒。另外我哋都叫咗啲天婦羅、生蠔、鮑魚、扇貝、燒肉嚟講都幾多嘢食另外覺得鰻魚比目魚都唔錯😆兩個都好滑，而且去側邊有張紙教你燒咗一邊先，等4分鐘先反，出到嚟個效果都好好食另外佢都係飲品同埋雪糕任食，座位上面都坐得好舒服，下次再嚟

第一次響Open Rice 寫食評環境舒適、服務好、食物質素佳、物有所值任食燒肉嚟講算係高質，種類夠多，又唔會催枱，體驗相當唔錯比較可惜嘅可能係位置問題，人流唔算太多，希望做得住，仲想再嚟

位於旺角T.O.P商場4樓 ，主打和牛🥩日式烤肉·海鮮大放題，座位寬敞 有卡位 冷氣好足，同時抽氣系統好勁唔擔心成身油煙味☺️餐廳分別有四款套餐👇❄️雪餐 燒肉盛頭盤 90mins☁️雲餐 特盛燒肉盛頭盤 90mins🫧霞餐 澳洲和牛烧肉盛頭盤 120mins🌧️雨餐 日本A4和牛の烧肉盛頭盤 120mins最後揀咗🌧️雨餐，原價$1108 依家半價好抵食✅仲可以食埋雪/雲/霞嘅嘢，食足2個鐘，充分享受美食～🥩頭盤有A5和牛西冷 四品和牛燒肉盛 韓風瓷壺醬油牛肋肉 香蔥薄切和牛 鮑魚 味淋魚乾 比目魚西京燒 🥢A5和牛肉質鮮嫩 油花分佈均勻👍🏻口感好正🙌🏻海鮮方面都唔錯 虎蝦🦐好新鮮 🦪大隻肥美流口水 估唔到燒鮑魚都幾鮮味彈牙 有驚喜 任點食物都好多選擇 QR Code落單 上菜都好快👍🏻小食有天婦羅🍤餃子🥟章魚🐙小丸子 雞翼 黑糖紫薯燒 日式蕨餅⋯超豐富😍樣樣都食啲 真係勁滿足🙈食完燒肉再嚟個雪糕🍦清清腸胃，完美收場～

今日去左八木橋食佢嘅「雨餐」燒肉放題，真係好正！$1108一位做緊半價有少少貴，但食完覺得值回票價！ **肉類**超驚喜，A5和牛西冷真係入口即溶，油脂香到爆！仲有鮑魚，鰻魚同味淋魚乾，海鮮控大滿足～ 韓風牛肋肉個醬汁甜甜地，夾埋泡菜食超夾！ **頭盤**嘅日本A4和牛盛同四品和牛set，每款肉質都唔同風味，薄切和牛有好多唔同部位，各有不同風格，加埋香蔥一齊燒，嫩到冇朋友。**任食部分**都唔馬虎，最鍾意Mozzarella芝士雞腿肉，拉絲效果瘋狂！麻辣青瓜，泡菜同螺肉做前菜好開胃，brownie 同泡芙做甜品甜而不膩。 整體來講，呢個價錢食到咁高質和牛同海鮮都幾抵📍 八木橋日式燒肉 (旺角)旺角彌敦道700號T.O.P This is Our Place 4樓409A & 409 B號舖

餐廳裝修唔錯，座位闊落，燈光明亮，抽風系統都ok，唔會成間餐廳煙霧彌漫👍🏻👍🏻👍🏻餐牌有幾個level 揀，每個level嘅價錢同可供選擇嘅食品都有唔同，我哋見到而家雨餐做緊半價優惠😍😍😍😍勁抵！即刻試雨餐！雨餐淨係頭盤都勁吸引，有A5和牛西冷、四品和牛燒肉盛、鮑魚、味淋魚乾等😋😋😋和牛西冷好大塊，而且雪花好均勻，四品和牛同樣出色，雪花佈滿成塊肉，入口超嫩👍🏻👍🏻鮑魚好新鮮，連殼燒幾分鐘就食得~其他肉類我地再點咗牛舌、牛胸腹等，全部肉質都唔錯，而且肉汁豐富😚天婦羅上台熱辣辣，外屎好香脆，其他冷盤叫咗中華沙律、味付螺肉等，份量比預期中多！！而且好新鮮，唔會已經擺咗好耐最後我哋仲叫咗啲甜品，有日式蒴餅、紅豆和果子等，仲有雪糕可以自助拎！

琴日放工超肚餓，見TOP有間半價燒肉，就嚟試下先～呢邊係用QR code落單，食兩個鐘，食到一個半鐘個陣就截單出面都有幾款飲品選擇我地揀左雨餐，做緊半價優惠‼️除開每人$600幾就有A4和牛食😋睇相都見到啲紋路好靚！入口即溶👍🏻個西京燒都好滑嫩呢個超巨大牛筋條視覺上好震撼‼️跟店員指示慢火燒15分鐘再剪開燒一陣就食得，醃得好入味呢塊和牛牛扒都好正🤤配碗白飯就一流俾大家睇下燒完個牛肉，幾多肉汁除左牛肉，啲雞肉都好juicy, 仲有得嗌個芝士燒溶佢去整拉絲芝士雞🤤啲海鮮都幾多選擇，我最中意食個沙嗲汁燒廣島蠔食得太多肉好漏嘅時候，梗係要食返啲碳水平衡下食極都仲有，好豐富🤣最後埋單$1330兩個人，食飽飽走人🤰🏼超滿足

網上見到依間燒肉放題嘅肉質唔錯，難得朋友放假，揀咗平日中午時段黎食。有四種唔同價位嘅餐，其中最貴嘅雨餐做緊半價優惠，而第二貴嘅霞餐做緊買一送一，仲唔快啲黎試下！一黎就上咗A5和牛西冷先，雪花紋非常清晰，牛味非常重，簡直物有所值。然後繼續上咗一份頭盤同A4黑毛和牛拼盤。頭盤有韓風瓷壺醬油牛肋肉、鮑魚、比目魚、味琳魚干、鱔，牛肋肉非常大條，醃得非常入味，燒得七七八八可以剪細再慢慢燒透。A4黑毛和牛拼盤有唔同部位嘅肉，唔同部位嘅肥瘦同軟腍度都唔同，個人最中意和尚頭，肉味香，唔肥但又入口即化。其他肉類、海鮮、小食都可以任點，肉類仲有唔同調味揀，例如法介、七味、韓風。海鮮亦都好鮮甜，尤其係虎蝦。上菜快，爐夠猛，而且店員非常細心，值得再回味！

最近八木橋推出2人同行 A4 和牛放題 5 折優惠，原價$1108/位，折後抵到震！晚市 6 點入座，可以慢慢食到 10 點，打算燒肉放題嘅話，呢間真係可以一試！午市仲有澳洲和牛放題買1送1優惠，只係$418兩位，性價比爆燈！🔥 必試推介
✔ A4 和牛和尚頭
油脂分布靚，入口即化，juicy 得嚟唔會膩，好滿足！✔ A4 和牛後腰肉
肉質軟嫩、油香豐富，燒到微焦再食最正！✔ 鮑魚／刺身級生蠔任食
海鮮選擇好多，鮑魚新鮮彈牙，生蠔唔腥，好有水準！推薦
✔ 多款配菜＋甜品 Haagen-Dazs 任食
燒肉之餘仲有多款小食、沙律、熟食可以配搭，甜品仲有 Haagen-Dazs 雪糕，完美收尾！💡 總結
想食高質A4和牛放題＋任食海鮮甜品，5折優惠真係超值！不過記得睇清楚時間限制。

一直對和牛放題都唔會有太高期望，但朋友推介*八木橋日式燒肉* 要黎試一試☺️咁就book位宜家雨餐做緊優惠～半價就食到A5級 A4級和牛😍120分鐘慢慢食簡好餐～店員先上個拼盤*有比目魚、鮑魚、鰻魚同瓷壺醬油牛肋肉😋呢個牛肋肉極力推介，真係好好食🤤放爐邊慢火燒15分鐘，再剪細食，韓式醃料甜甜肉又唔會靭重頭戲*🥩A5岩手和牛西冷色澤、油脂分布好靚😍 一煎香食落入口即溶A4和牛點曬五類唔同部位既A4和牛😍款款都咁靚仲算叫第二第三輪都係咁靚每款牛都滿濃厚牛香 A4係唔同D個人鍾意食三角腩🥰肉質較有彈力 除左和牛，有其他海鮮、蔬菜類去燒除返開～每位六百零蚊食到咁好食咁高質既牛🤩真係絕對值得

八木橋燒肉放題做緊超值優惠，霞餐買一送一，雨餐半價，我哋揀咗雨餐啦，因為佢啲和牛西冷同和牛燒肉盛真係好吸引！食足120分鐘，上菜速度快，完全唔會趕餐，時間非常足夠。🥢A5和牛西冷油花分佈均勻，口感嫩滑，入口即溶，完全係高級享受，食完真係會令人滿足到飛起😋🥢A4和牛燒肉盛（A4黑毛和牛牛肩、A4黑毛和牛三角腩、A4黑毛和牛和尚頭、A4黑毛和牛後腰肉、A4黑毛和牛薄切）擺盤靚仔，特別鍾意個牛肩肉同三角腩😋前者肉味濃郁，少少筋位帶嚼勁，燒完非常香；後者油脂香得嚟完全唔膩，一定要細火慢燒，口感一流！ 🥢鮑魚鮑魚好新鮮，燒完之後非常彈牙，帶有少少鮮甜！ 🥢比目魚西京燒魚肉柔軟細緻，配上西京味噌香味，鹹甜比例岩岩好，簡單燒一燒，唔洗任何調味，已經好食得不得了！ 🥢韓風瓷壺牛肋肉瓷壺上菜好有氛圍感，牛肋肉醃得入味，韓式風味十足，燒完之後帶少少焦香，非常惹味！ 🥢韓風醬油牛舌牛舌切得薄薄地，燒完之後好香脆，仲滲透住醬油嘅鹹香味，幾特別，值得一試！ 💰**性價比**：⭐⭐⭐⭐⭐ 🍴**味道**：⭐⭐⭐⭐⭐ 🛎️**服務**：⭐⭐⭐⭐⭐

見呢度位置幾方便，旺角站一出就係，所以就試吓！呢到有4個餐可以揀，今次就同朋友揀咗雨餐🥩雨餐包咗A5西冷同A4牛同生蠔刺身🤤而家仲有半價優惠，$554就食到！另外仲有茶壺漬牛筋條都好特別，餐廳建議放邊慢火燒15分鐘，再剪細嚟食，入味得嚟保留到本身嘅肉味，雖然燒咗好耐，但又唔會韌！值得一試😋鍾意食海鮮嘅朋友就一定唔可以錯過呢到嘅生蠔～ 另外仲有扇貝比目魚等等！另外呢度都有好多唔同飲品同醬料選擇，小編就幾鍾意佢個燒肉汁同山葵汁，食肉嘅時候點埋就一流😋 仲有一點小編好鍾意嘅就係佢呢度係落咗單先上肉，唔同其他燒肉放題係出去夾，感覺衛生啲～ 而且餐廳對於點燒唔同食物嘅指示都好清晰👍🏻 餐廳環境都好乾淨，而且服務都好好，有機會會再嚟食😆-味道: 8/10服務: 8.5/10環境: 8/10回頭率: 8/10總評: 8/10

同朋友諗住去食燒肉放題，見到咁多好評又有圖以為係正野，點知食物質素同價錢完全唔成正比！點左最貴個餐$1108諗住會有d正常肉食下，聲稱係日本和牛，一睇就知冇可能係和牛！！肥肉既比例仲多過紅肉，完全係比d下欄肉比客人食，係咪當我唔識分咩叫做和牛？於是我同朋友同侍應反應返d和牛質素，態度極差，唔肯換過碟仲堅稱呢d係肥牛？連d烏冬都係比最平最cheap既人食！返到屋企仲要肚屙！肚痛！完全係中哂伏！永遠唔會再幫襯！