八月茶室 (新港中心)

营业中

休息中

今天跟舊同學選好了位於尖沙咀新港中心的八月茶室晚膳。此店網上評價不俗，店內裝飾清雅光猛、座位寬敞整潔，為食客打造了一個舒適的進食環境。～招牌酸菜魚（小）🐟滿滿一窩的酸菜魚份量可觀，足供三四人分享。看似濃郁的麻辣湯底其實並不太辣，加上酸菜變得十分鮮甜惹味又醒胃。又多又大片且完全無骨的厚切魚片出奇地嫩滑，老人家或小孩也可安全食用。窩內配菜豐富，計有爽口大豆芽、菇菌、萵筍、芫茜、酸菜和紅椒🌶️和吸滿濃湯精華的煙韌又滑溜的寬粉等，讓人入口感覺刺激又豐富，十分惹味。～芝麻黑糖醋骨🥢醋味突出的肉排骨肉分明，配上惹味洋蔥和菠蘿塊，酸甜味道討人，醒胃又不油膩。～乾炒豬扒炒一丁一上枱便傳來一股誘人香氣，一丁麵炒得入味，鑊氣十足，爽口彈牙；豬扒也醃得入味，又不會韌，非常理想。～黃金脆皮蝦球🍤沾上鹹蛋黃脆炸而成的蝦球味道一流。蝦肉爽口彈牙，炸得恰到好處。那薄薄的粉漿鹹蛋味十分討好，教人吃個不停。～豆豉鯪魚油麥菜🥬高纖的油麥菜配上酥香味濃的豆豉鯪魚是理想的組合，入口既有菜的爽脆咬口又有香味誘人的鯪魚碎粒，味道討人。不可不提的是這店同時爲每位食客奉上用料十足的老火例湯，可謂誠意滿滿。整體而言，這店提供的食物選擇十

八月茶室．回味水準川菜行街去到尖沙咀，朋友口痕想吃川菜這家店子走新派茶餐廳路線格局大，企理人氣旺，又多得意招財貓一於入去食佢食佢小炒與川菜的選擇多多雖當天沒有田雞、蒜苗但有其他吸引的小菜即時點選幾款一起開飯 (小菜加12蚊包飯、湯)四川回鍋肉非常香辣惹味即點即製，菜香甜肉片入味香辣夾起來一起吃就是爽沙嗲牛肉炒菜心微甜香辣的牛肉配鮮嫩的菜心吃到鮮味與濃濃醬汁香非常下飯椒鹽雞中翼香脆的雞翼非常乾身皮脆肉厚內裡是嫩嫩的雞肉味道夠晒椒香又是白飯好朋友咖哩薯仔牛肋條店家真心足料牛肋條份量超多薯仔變成了配角牛肋條肉質香軟入味黃黃的咖哩醬特別誘人白飯都撈晒汁是日例湯是港式經典：青紅蘿蔔湯清甜潤喉是這個天氣非常適合飲的老火湯川式甜品：炸小饅頭非常香脆可口配上煉奶，又甜又滑又脆是一定必點的甜品凍檸檬茶+凍咖啡每次茶記必點的港式飲品咖啡香濃檸茶清爽餐後一杯好舒服是晚餐後的必飲之作八月茶室尖沙咀廣東道30號新港中心地下G18號舖電話號碼 23320961#咖啡#茶餐廳#川菜#咖哩#beef#回鍋肉#麻辣#wine #coffee#food #foodporn #instafood #amazing #swe

尖沙咀成日都會同朋友一齊行下街，依個商場成日都會經過，經過嘅時候一定會見到喺正中間位置嘅餐廳見到好多食客，次次經過都會諗，有機會搵日食下。西蘭花炒青衣柳香味嘅色，一上枱已經睇到綠白色對比嘅美色😂另外香味撲鼻得嚟仲係熱辣辣冒哂啲煙出來真係睇落都覺得吸引🤩。食落魚柳完全冇腥味，大大舊肉又有咬口可以大大啖食落去👍。招牌酸菜魚酸菜魚最緊要係有酸味得嚟又有辣味，個湯飲落要熱辣辣，再加埋魚鮮味就係好👍。加埋大量魚肉🤩，真係有啲喜出望外。酸菜份量亦唔少，相信鍾意食酸菜魚嘅朋友一定鍾意👍。石鍋生薑豚肉飯配 溫泉蛋食得石鍋飯嘅必定係要熱辣辣得嚟最重要緊係啲飯焦😋，豚肉量充足，啖啖肉得嚟仲好有咬口，飯焦豚肉再配飯焦一口食落去嘅無敵配搭組合🤩，完全係停唔到口👍👍👍。成餐飯多款有好味得嚟，之後一定要配搭兩款特飲菠蘿冰同紅豆冰再升提一下整體感覺😂。

朋友在尖沙咀新港中心返工, 因電腦有疑問, 今日特別去探他請他指點.到了晚飯時間, 我提議要請他食飯道謝.   我們去了樓下 [八月茶室]  ."The Moon will listen" 朋友看見牆上句子, 對我說, 如果電腦再遇上疑問, 他會幫忙.  哈哈, 好吻合呢餐廳的設計好整齊,  燈光柔和,  氣氛輕鬆,  我們可以選擇卡座或方桌.有自助區, 可以自行取飲水. 我們看看檯上備有餐牌,  用 QR Code 落單,  方便清晰.   食物範圍很廣, 有中西餐, 川辣菜, 中式煲仔小菜, 海鮮.小炒,   粉 麵. 落了單,  侍應姐姐送上今日免費例湯,  羅宋湯, 很足料, 酸酸地, 味道恰好,    好窩心！朋友點了流行川菜  ~  招牌酸菜魚,  小辣, 辣度大概 3小辣左右.  湯底金黃色, 好吸睛.  魚肉大大塊,   魚片味道鮮, 爽滑結實.配料有酸菜, 蒿筍, 鮮菇, 菇片, 青紅辣椒, 唐芹, 芫荽,  薯粉等 , 配料好入味, 增添口感.紅薯粉煮得啱啱好, 吾會太稔, 粗身滑溜, 質感煙韌,  配湯混拌同吃, 少辣不會嗆喉.  食得滿意.芝麻黑糖醋骨 ~  好

今晚約朋友去咗尖沙咀新港中心八月茶室食晚飯，平時去尖沙咀多數行街通常都會去西餐廳，茶餐廳就好少去，不過呢間茶室都好乾淨，裝修好好。首先要個招牌酸菜魚細嘅$188 ，叫咗小辣，材料都幾足，魚片夠大塊又滑，其他配菜材料都好多。唔係個個都食豬潤嘅，撞啱今日呢個朋友都食豬潤，咁就叫返個啫啫豬潤滑雞煲，都幾惹味。朋友都大食，驚唔夠飽都係要叫返一個飯，石鍋上級封門柳飯，牛肉都好滑，蛋汁流入啲飯更加好味。夜晚我反而唔係好想食飯，所以都叫小菜食下，芝麻黑糖醋骨及馬拉盞炒雜菜，芝麻黑糖醋骨甜酸剛好又不油膩。

香港茶餐廳食物都幾多元化, 這間八月茶室位於尖沙咀新港中心除了一般港式冰室美食, 這裡還有川菜選擇, 菜式種類很多。招牌酸菜魚魚肉嫩滑鮮甜, 份量都幾多, 酸菜爽脆, 湯底好惹味, 還有晶瑩彈牙嘅寬粉, 加上芹菜, 大豆芽, 萵筍和菇菌等, 集鮮味, 酸味和鹹味, 配搭恰到好處。湖南小炒肉小炒肉香滑爽脆, 加上蒜片和青辣椒, 蒜香加上辣香, 十分惹味, 鑊氣十足。茄子豬頸肉煲原煲熱辣辣, 豬頸肉嫩滑肥美, 軟嫰得嚟唔會肥膩, 茄子滑嫰清甜, 醬汁濃郁鮮美, 味道好有層次, 最啱送飯。石鍋上級封門柳飯配溫泉蛋封門柳香滑牛肉味濃厚, 肉汁豐富, 石鍋飯熱辣辣, 還有焦香嘅飯焦, 加上香滑溫泉蛋, 美味香口。配以冰凍可樂, 零舍醒神。

移居外地多年的朋友來港探訪和旅遊，想吃本地特色菜，必定首推香港地道茶餐廳，逛尖沙咀shopping時見到這間什麼菜式都有，圖片樣子也很吸引，所以就決定試試。港式必定是炸雞髀沙律，朋友叫好，生炸雞脾啖啖肉，沙律生果比薯仔很讚。而我就點了西式鐵板牛柳蒜蓉汁配薯菜，我覺得比一般扒房更好吃，牛柳軟熟有肉汁，份量又足夠。因為朋友想試多幾款菜，最後點了韓式石鍋生薑豚肉飯，中式招牌酸菜魚和湖南小炒肉，酸菜魚的確有驚喜，魚片挺多，又夠嫰滑，味道不算很酸和很辣，合香港人口味。石鍋就夠熱辣辣，底有飯焦的確不錯。小炒肉夠鑊氣但略多了青椒，味道算是中上。這餐的整體味道都不錯，環境也很好，乾淨光猛。

在繁忙的都市叢林中，尋找一頓豐富的家常美食，是許多食客的小確幸。而這茶餐廳 「八月 茶室」再次讓我的餐飲體驗升級。首先，讓我們來談談這道色香味俱全的茄子豬頸肉煲。店員端上枱上，就能聞到飄散出來的誘人香氣，就是茄子的甜味和豬頸肉的鮮美。豬頸肉的選擇可謂一絕，其肉質不僅細嫩多汁，還帶有適量的肥油，使得每一口都能感受到肉質的鮮嫩和豐富的層次感。茄子則經過熟練的師傅巧手烹調，既保持了蔬菜本身的鮮嫩，又完美吸收了豬肉和佐料的精華，讓人欲罷不能。接著是手撕包菜，這道菜肴簡單卻不平凡。包菜的清甜和富有川味的香，辣經過高溫快炒後，呈現出令人驚艷的脆嫩口感。每一片包菜都被輕輕撕成適口的大小，保留了蔬菜的完整質感，並且在師傅的巧手調味下，辣味令胃口大開。最後，不得不提的就是招牌酸菜魚了。這道結合了鮮美魚肉與酸爽脆菜的佳餚，魚的肉質非常鮮嫩和細膩。在廚師的精湛手藝下，魚肉在快速烹調過程中保留了它最自然的風味，每一片魚肉都透明細嫩，入口即化，而且完全沒有任何泥腥味。但讓這道菜真正獨樹一幟的，是那層層叠叠的酸菜，帶有一股自然的酸香，與魚肉相結合後，不僅提升了整體的風味層次，同時也中和了魚的腥味。酸菜的爽脆與魚肉

這間八月茶室是間新派的港式茶餐廳，餐廳以月球為主題，周圍都放有月球擺設，環境舒服。餐牌選擇多樣化，中西合璧，連近排大熱的酸菜魚都有供應，有大/小份，小份$188足夠二人享用，酸辣程度剛好，惹味開胃，魚片吸滿湯汁精華，魚肉嫩滑無骨。內邊更有萵筍，芽菜，什菌及幼身薯粉。石鍋日式叉燒飯配溫泉蛋$70，用可鍋盛上，熱度十足，做到脆卜卜飯焦，跟溫泉蛋撈勻令飯身沒有變得太乾。日式叉燒入味，肥瘦均勻，配上蔥花，紫菜及芝麻，和風十足。簡單的蒜蓉炒西蘭花都做得不錯

又到lunch時間啦、今日口淡淡、想食下濃味餸、於是乎就揀了八月茶餐廳、見到他的招牌鰻魚飯好出色、比張相吸引住🤣比佢個月亮吸引🤩裝修都幾靚、裝修有主題、以月亮為主甘不多成條鰻魚、加上日式醬汁、十分惹味、鰻魚本身的厚實、咬下去啖啖魚肉、肉質鮮甜可口、加上溫泉蛋中和當中油膩感👍🏻相對鰻魚就一般啦、魚柳都外脆內軟的、加上醬汁、用來配飯一流、不過不失啦😁

約了姊姊放工後食個快餐再去海港城買野。見到呢間食評都唔算太差，價格適中。入到店舖裝修光猛，普通茶餐廳格局。點了溫泉蛋豚肉石頭鍋飯，諗住正正常常food court水平。點知睇落ok，食落淡而無味。豚肉仲要全部都肥又無味，紫菜俾得唔夠多，醬汁有色但係無味。真係食到無哂心機…..另一個星洲炒米就正正常常 起碼有味先。材料有洋蔥、火腿，少量蝦仁。最後我哋都係食唔晒，完全放唔到入口，越食越無胃口。咁嘅價錢我寧願食返Pepper Lunch

今晚約了朋友需詳談事情，想找個坐得久而靜些地方，之前經過這間餐廳，見環境都不錯，就選了這間，入到去，我們選了卡位座，座位寬倘，看了一會餐牌，叫了雜果賓治  有特色，平時杯入面放滿雜果粒，才有鮮果香味，這杯冇放雜果粒，飲一啖有濃郁雜果鮮香甜味西蘭花腰果蝦仁  平均分配，每款爽口嫩滑，西蘭花好新鮮鮮菜鮮味，腰果同蝦仁彈牙脆身，果仁味好香，蝦適中大細，好鮮香蝦鮮甜味鐵板茄子斑腩炒麵  少見組合，鐵板上熱辣辣，麵身乾爽，炒得脆卜卜，茄子同斑腩軟霖爽滑，茄味好鮮香，斑腩厚身，濃鮮腩香味，好夾搭配味道石鍋鰻魚飯配温泉蛋  飯味特別香，鰻魚身比較長，有厚度，特別香鮮魚味，好香蛋味，滑身打在飯上，另一種飯香味招牌酸菜魚  份量剛剛好，細細一片，幼滑爽身，濃度酸香魚鮮味同菜味，辣辣地，好開胃檸水  好香檸檬味，甜度適中奶油豬  烘得脆皮身，奶油舖滿全個包上，一口吃流心奶香味

和朋友行街行到一個吃晚飯時間，當然是要覓食，本想走進商場Food Court，沒想到一間環境不錯選擇甚多茶餐廳，食物份量不少，味道不錯，確實不錯選擇。******************************八月茶室就位置商場地面同層，餐廳地方座位甚多，燈光充足，環境舒適。入座掃QR Code自助下單，或可以職員下單，都非常方便。晚巿有不少晚巿中式套餐、常餐、西式、川菜、菜式鍋、小炒小食都可選擇，飲品除了一般餐茶還可以加錢轉特飲。芝麻醬雞扒撈烏冬配炒蛋火腿丹麥多士 HKD58，雞扒煎得香口，芝麻醬烏冬都滑溜，蛋都幾滑，丹麥多士牛油味香，吃得滿足。XO醬炒油麥菜 HKD66，XO醬唔辣帶點蝦乾香，油麥菜炒得爽口，不錯。沙爹金菇肥牛煲 HKD79，肥牛份量都不少，除了肥牛還加入粉絲雜椒，沙嗲醬帶甜味，夠惹味。石鍋生薑豚肉飯配溫泉蛋 HKD73，生薑豚肉飯醬汁甜甜的，薑用上甜薑，還有溫泉蛋，豚肉用上腩肉，所有食材份量不少，放在石鍋上待一回，米飯會更香，很有風味。招牌酸菜魚 (小) HKD188，雖然份量要小，但其魚肉和其他配料食材份量一點都不少，魚肉大大片放左寬粉之上，還加入酸菜、芽菜，酸

上星期和朋友到尖沙咀逛街，晚飯時間留意附近有什麼吃，看到這一間之前在其他分店嘗試過，味道非常不錯的冰室，便決定和朋友晚飯之前也在其他分店嘗試過這間餐廳的川菜，味道非常驚喜，不比其他坊間的川菜館遜色，酸菜魚份量之多，而且湯底帶有濃郁的酸菜味，此外配菜亦有大量的芽菜萵筍和水晶粉，二人食用非常足夠手撕包菜，鑊氣十足，香酸的味道和蒜香沾滿每塊包菜豬扒炒出前一丁，非常高質素的炒出前一丁，面條炒得條條分明，而且豬扒分量十足，入口調味適中，最重要的是油分不會過多，碟底不帶有多餘油份流沙西多士配沙律，作為甜品享用同樣滿足，西多士厚而且重蛋香，配搭沙律品嚐一流

呢間冰室嘅酸菜魚幾有驚喜‼️有酸菜魚、水煮魚、手撕包菜、湖南小炒肉……我哋當然要食最愛嘅酸菜魚喇酸菜魚份量都唔少，酸味與辣味好適中，雖然唔知用咩魚，但魚塊肉質非常軟滑帶口感，裡面仲有薯粉、萵筍、芽菜，材料都好豐富🍲「川味肥腸炆滑雞煲」鍾意食肥腸嘅會鍾意呢個，因為肥腸份量比較多，但個人覺得有陣蘇味，唔太岩我口味‼️略嫌唔夠香，無果zizi嘅聲音～～麻辣雞煲醬比較稠身「蒜蓉炒西蘭花」咁簡單嘅炒菜有驚喜喎😳好有鑊氣，西蘭花唔會炒到淋哂👍🏻