八方台式麵屋 (新都城中心二期)

营业中

休息中

今日嗌外賣，又唔係好肚餓就試吓八方麵屋嘅雜錦酸辣湯餃呢碗價錢係$37 ，有6隻水餃 酸辣湯底味道正常，冇乜驚喜，但亦都唔係唔好食呢個價錢可以食飽，真係都幾抵食good try~

主打台式食品，台式飲品的餐廳下午茶時段唔算多人，否則啲位有啲迫，座位係鐵椅。我哋選擇了套餐，可以選一個撈麵，加一款小食，麵可以轉新竹米粉。其實選擇都幾多。椒麻醬撈新竹米粉：醬料好多，係少少麻辣同芝麻醬嘅混合體，米粉都幾好味，不過個人覺得撈麵會好味啲。配料有青菜和滷蛋。小食選了肉燥青菜，味道可以滷水豬手撈新竹米粉，呢個味道超淡，要求加汁之後依然係唔夠味，滷水亦唔香。小食選了招牌鍋貼，呢個唔使多介紹，最好味嘅

2個人去叫左個套餐再加份小吃而足夠份量一點都不少S1大腸貢丸麵線麵線吾夠熱，但份量好足料韭菜鍋貼10隻先上5隻再後上5隻隻隻都熱辣辣阿薩姆紅茶(M)款甜（熱）再加嘛紅茶解油膩的選擇台式小食拼盤（炸雞、台灣腸、炸花枝丸）呢個小食無得輸

幾年無黎過呢間野食之前新開時經常食隔左咁耐再食好似味道差不多杯烏龍茶幾好飲 有點回甘鍋貼好食 因為少客 所以煎得好食左個麵線就普普通通，有好大陣豬腸味.環境就一般， 一大陣醋酸味。個炸豬扒幾好食唔會太乾

價錢唔貴，主打台式食物，有粉有麵。八方集團嘅水餃，煎鍋貼一向穩陣，這個價錢，食得飽，算係唔錯啦！特別係個酸辣湯，有酸辣味道之餘亦唔會太過火，出面有d酸辣湯一味得個死辣，未飲曬成碗，已經頂順，要飲好多水。而飲品方面，味道一般，無咩驚喜，跟餐加幾蚊還可以，散叫就無謂浪費金錢，飲水好過

平日入去 食午飯，好彩1點前入，唔洗同學生逼。餃子有D油，晚上胃不舒服。小食併盤份量夠大 (-^〇^-) 香腸好食，花枝丸都唔錯飲品好大杯足料嚟過兩次，其實有一樣野好需要值得檢討，就係客人坐低之後，應該都預左8mins內點都落單吧？？單手舉起落單紙都沒有人回應，如是者店鋪上的阿姨見到都扮看不到🤮？？？ 外賣單一直出，收銀又唔做野企係度。唔知邊間鋪頭裏邊啲人，喺咪家庭式經營？ 個個都唔怕被炒？定係老闆唔知呢🤨🤨？

八方麵館開業至今，食過不下10次，整體質素穩定，餐廳環境不算大，約有6-7張枱。今次叫左牛丸牛腩麵，麵質軟硬適中，非常彈牙♡有瀨尿牛丸的感覺，入口勁Juicy,十分推介🤗。價錢平民化：$64加$2有指定紅茶或綠茶。🖐如果喜歡台灣的感覺，不坊一試。😋台灣飲品多選擇，除傳統珍珠奶茶外，還有奶蓋，芋頭奶，水果茶等等。。。疫情之後好耐無飛台灣，可以一解對台灣風味的思念。❣️☻️以快食的角度，整體感覺不錯，會考慮再黎。

諗住好耐冇食台式試下呢間面舖。叫左台灣牛肉麵，d牛肉好似橡筋咁，一咬落去即刻黏晒牙！牙簽都搞唔掂！難食到一個點！頂佢個肺！以後絕對唔會再幫襯。垃圾都好食過佢多多聲

成三年冇得去台灣旅行，思鄉好嚴重，因為佢間舖唔係大街，成日唔記得佢，又見舖面好細，得十幾個位，今日睇完戲路過見冇人即入。不過入到去嚇親，除左門口兩位後生仔／女外，入面全部外語阿姐，友人即情聽唔明佢講咩，搞到誤會左冇果款麵以為有，即時對餐廳打左個折扣😔😔😔。手搖飲品大杯都嘔，飲唔晒。tea time牛肉麵竟話清燉湯底賣晒，唯有轉另一款但好重鄉音聽唔明（有咩分別呢🤔）,最正係個炸雞脾，好脆，不過唔好急，都炸左over 30 mins。

今日特然想食台灣菜同埋想飲杯台式特飲，所以就去新都城二期間八方台式麵屋到買個台灣便當返屋企慢慢食。濃香麻醬麵麻醬一向都係老婆至愛，好香，食到停唔到口。原味水餃（5隻）皮唔算太厚，料都幾有味。彈牙紅燒牛丸牛腩麵第一次食到咁彈牙嘅牛丸，好大粒，個紅燒汁都好有味，牛腩都好入味。最後當然唔少得台式特飲，我叫咗兩杯依度好出名嘅黑糖鮮奶：第一杯係黑糖珍珠鮮奶，好多珍珠，鮮奶好滑，好香另一杯都係黑糖鮮奶，黑糖紅豆鮮奶

我承認我還是比較喜歡台灣食物，就是莫名其妙的回想起珍珠奶茶，無辜的是妹妹被我拉去增肥了，沒關係的，好吃就好啦～豐盛三品牛肉麵$69這碗三品牛肉麵，能一次品嚐牛丸，牛腱和牛腩。 牛丸彈牙， 牛腩厚切， 牛腱筋肉平均， 加入同味雪菜，湯底清甜可口。原味鍋貼$15鍋貼五隻，皮焦餡嫩，色澤焦黃，內餡肉汁爆滿，非常香口。花枝丸蕃茄麵$39蕃茄麵很有驚喜，整碗湯的番茄味很香濃， 又不失台灣牛肉麵湯底的味道，兩者味道很夾， 花枝丸肉身結實，帶點嚼勁又彈牙，大力推薦!大腸拼小腸$30真令人懷念的台灣街頭美食， 地道的應該是由糯米腸包裹香腸所組成，但疫情無法要求太多了，就自己DIY加點聯想吧，小腸多汁鮮味並帶點甜味，大腸口感佳，完美的圓柱形，外層帶點酥脆，很邪惡但很滋味!黑糖珍珠鮮奶$27最愛的黑糖珍珠鮮奶，鮮奶濃濃奶香，黑糖濃厚不死甜， 珍珠軟彈微甜，咀嚼有彈性，唔飲唔得😋😋

呢間台式麵屋選擇非常多，花多眼亂🤣由於我哋非常肚餓，所以直接選擇套餐✌️（套餐包括主食、小食和飲品）紅燒牛丸牛筋麵～湯底有濃厚的牛肉香，麵條有咬勁😋牛筋好有口感而且好入味，牛丸充滿牛肉汁，仲有忟到好林的紅和白蘿蔔什錦酸辣湯新竹米粉～材料豐富，酸辣適中，而且幼滑的新竹米粉吸晒足料的什錦酸辣湯👍好🈵️足原味鍋貼～白菜豬肉餡，鍋貼的皮好薄，煎到好香脆👍肉汁四溢台灣抹香綠茶～甜度適中，淡淡的抹香😄

太耐無去台灣，突然好想食台灣風味既食物😝，今次食呢間“八方台式麵屋”，真係有驚喜🤩。台灣美食當然唔少得牛肉麵，仲有麻辣拌麵亦不可錯過😋😋。今次order 左台灣半筋半肉牛肉麵 $71一黎到嚇左一跳😝，估唔到分量咁多，首先試左啖湯先，淡淡既牛骨味🥰，濃郁中帶點清甜，麵條煙煙靭靭，吸收到湯汁，再加上牛筋煮得軟淋👍，牛肉好有肉香，懷念既味道😍。另一個麻醬椒香乾拌麵 $55麵質一樣好有咬口，配上獨特既麻椒味道，有麻醬既香味，加上辣勁十足，好惹味😝。估唔到食麵加$2， 仲有韭菜水餃 5隻水餃都好飽滿😁，充滿韭菜香，只係略嚴餃子皮比較厚。茉香綠茶，茉莉味道清新，唔太甜，好有中和作用🤗。阿薩姆紅茶，茶味濃。咁耐無得去台灣，終於可以一解相思之苦😝。

之前聽朋友提到呢間台灣嘢唔錯，今日就嚟買咗啲外賣試下第1個套餐係S10懷舊紅燒三寶麵，有原味水餃，牛丸，牛腩，勁足料，有好多舊牛腩啲牛腩煮到好淋，好入味，牛丸亦都好彈牙，外賣會分開個麵同個湯，唔怕啲面浸到淋曬，都好多餸，所以我都要夾起曬啲料，先至有位浸個麵落去而且除咗三寶之外，個麵仲跟多半隻滷蛋勁豐富，第2個套餐係S5原味鍋貼10隻&師大香酥豬扒，啲鍋貼煎到金黃色，啱啱好個皮好薄，煎得好香師大香酥豬扒醃到好入味，一啖咬落去仲有肉汁正套餐飲品揀咗熱嘅玫瑰鐵觀音同凍嘅珍珠奶茶，玫瑰鐵觀音飲落好香，而且一啲都唔澀以套餐飲品嚟講，都幾大杯，好抵飲珍珠奶茶可以揀微糖走冰，好飲，同出面啲珍珠奶茶專門店出品冇乜分別，而且跟餐都好大杯咁樣2個套餐都只係$163，性價比高下次都會再幫襯

如果你食過其他好味嘅台灣嘢 有比較有傷害 你會明白其實呢個味道係好普通，甚至乎唔值得推薦或者好評anyway 如果你當呢個係純粹肚餓為求飽肚，嘅話OK 㗎，追求味道嘅話，有更加多更好嘅選擇：1. 肉燥米粉 呢個味道真係非常非常非常平凡無奇普通，甚至會係用真心唔太好食黎形容2. 鹽酥雞 (無影相)其實來來去去都係呢啲味㗎啦，真係冇乜特別3. 麻醬焦香乾伴麵非常油 非常辣，說好的香呢？一點都沒有。 如果你同我一樣都係追求味道為主我真係建議你食其他台灣餐廳真係寧願貴少少但係你買個開心依家係平 但係食得唔愉悅