八方雲集鍋貼水餃專門店

营业中

休息中

鰂魚涌附近食飯，除咗雙餸飯之外，$50樓下嘅嘢食少之又少。佢個套餐都算幾抵，40幾蚊有鍋貼同埋麵線，仲送埋豆漿。兩者都係正常發揮，咁嘅價錢嚟講算幾好食。落單時記得提個姐姐要有豉油同辣椒醬，如果唔係好可能就會唔比！

喺隔離等車 我嗌咗外賣拎走 諗住一邊食一邊等車 車一到就拎走 然後一個樣似5/60歲嘅女職員話外賣法例規定唔俾喺店內食 趕我走如果店內本身有人我都可以理解 但店內一個人都冇 態度極差

本人住附近第一次叫網上外賣平台自取寫明2包醬油2包醋去到自取檢查一包都無 而且餐具得筷子，連湯匙都唔提供（套餐有麵線）第二次去到自取購買之前已向肥男職員講上次無比任何醬料，當面告訴佢要2包醬油2包醋。外賣給我時間一包醬料都沒有放入去外賣中 結果都係要我再不停當面要求男員工 男員工可能聽力有問題 我要求之前才「大發慈悲」提供醬油和醋 各一包第三次當面去買購買之前已經向男員工講明2包醋，男店員都話明白，不停不停提醒之下。外賣自取時男肥店員甚至見到我就立刻給我外賣，明顯認得我之下我檢查外賣，竟然都係一包醬料都無比？？！ 再三要求 等咗幾分鐘佢先慢慢地施捨2包醋比我呢d情況連我屋企人都成日發生，咁乞衣連要包醬料都唔肯比不如執咗佢啦。我地唔會再係鯽魚涌呢間幫襯，呢個肥男店員要包醬好似切佢身上既肉咁。平時叫2個餐 2個麵線都係得一對筷子 連湯匙都唔提供。簡直不可理喻

我最愛嘅鍋貼🥟八方雲集我平時最鍾意食餃子🥟鍋貼。連鎖鍋貼嚟講，一定要推介八方雲集。今次喺鰂魚涌嗰頭考完試，經過八方雲集又要入去食個快飯。叫咗個套餐，有台灣麵線，加10隻韭菜鍋貼，飲椰果奶茶。佢啲韭菜鍋貼煎到燶燶哋，但內裡嘅肉仍然有鮮味同泌汁，依個係鍋貼嘅最高境界🤤台灣麵線麵熱辣辣上，貢丸超好食👍🏻👍🏻奶茶我走甜因為本身椰果已經係甜。依間鰂魚涌分店算整得唔錯！可以再嚟。推薦指數：💛💛💛💛

今日經過鰂魚涌，見到八方雲集，呢間源自台灣嘅麵食連鎖店。比起傳統鍋貼，佢嘅台式長條形較有特色入面地方好細，得兩三張枱，個女侍應喺廚房講緊電話，嗌咗好耐先有個男出嚟落單叫咗五隻鍋貼佢哋長方形鍋貼幾特別賣相都幾好，但入口祇係暖嘅，好明顯唔係即叫即煎，食味自然大打折扣，無乜餡料

本人「1號餐，飲熱珍珠奶茶」相隔8分鐘左右，才見原來單據打錯「豆漿珍珠」，於是向店員反映，對話如下：我「我依家先睇到，你打錯豆漿珍珠，我係要珍珠奶茶」男店員「咁你頭先又同我講豆漿珍珠」我「冇呀，我要珍珠奶茶」男店員「我睇下沖左未……沖左wor小姐」我「我唔飲豆漿珍珠……」男店員同廚房同事講「頭先明明佢要豆漿珍珠，依家又話唔飲豆漿珍珠，我都唔知做咩」首先，本人根據中醫指示，要戒食豆類食品，豆類湯水不要喝，因此不會點「豆漿珍珠」。其二，戴口罩點餐，的確很難。錯不要緊，我亦沒有抱怨店員，反而店員抱怨本人，把誤導同事把錯誤轉移成本人身上。
難道我每次點餐都要錄音？作為客人很委屈，或者店員堅持自己「是對的」都沒關係（反正他的耳朵不是我），但我十萬個肯定自己不會點「豆漿珍珠」。另外，每次買餃子，都不提供醋給客人，反而要要求店員才提供，有次的對話如下：
我「想要醋」
男店員「你唔講要幾多包我點俾你」
原來到八方雲集買東西，是有這麼多規矩，每次都受到教訓。不管誰對錯，這也同樣反應一個品牌標準，希望正視。

唔系好肚餓又唔知食咩，見到街邊有人飲珍珠奶茶突然都想飲。見到有臺灣餐廳，點餐時候點左水餃餐，問飲品要奶茶可唔可以加珍珠，店主卻唔比加，有啲失望又冇辦法，真系後悔，不過水餃還好

次次去台灣都一定食呀忠麵線，個frd叫我食住八方雲集頂住癮先😂💰$39 麵線套餐 套餐有細Size台灣大腸麵線😳5粒粟米水餃(自選水餃/鍋貼)，一杯豆漿。初次初以為碗麵線咁細碗唔夠飽，但食哂又ok飽肚😂麵線的確小左d...大腸得一兩粒，唔夠喉😫粟米水餃雖然塊皮唔夠薄，但都幾好食👅整體黎講都頂到小小癮既😂👍🏻

點了一個窩貼+酸辣麵套餐。窩貼可以選擇幾種味道，餃子還可以。酸辣麵就做得麻麻，麵與酸辣湯底不夠合襯， 就好似一對不合拍的情侶勉強在一起般。豆漿就很熱， 飲不完叫加$1外賣走。

突然好想食八方雲集，於是lunch就去左買黎食點知等左成10分鐘先拎得！$38，2款餃 加 一杯飲品紅油抄手 + 鍋貼紅油抄手偏辣，不會太油，但料好足！冇諗過幾粒已經好飽，飽足一個下午