八户屋和食料理

营业中

休息中

同阿仔係富善玩完冒險樂園個波波池覺得有啲肚餓就去搵食，星期一至五嘅午餐時段，見到好多學生哥幫襯，應該都唔錯，同埋抵食。今次去嘅時間係下午茶，員工服務態度好好，見我帶住小朋友，叫我可以坐卡位。佢係掃QR code落單，上餐都算快。我哋叫咗個和風燒牛肉飯，飲蘋果汁，同埋加咗個南瓜薯餅。和風燒牛肉飯見到幅圖都知道佢有好多配菜，但係有好多我都唔食，落單嘅時候見到好貼心嘅選項，可以剔走唔食嘅配菜。因為太肚餓食到一半先記得影張相，所以個賣相有啲唔好睇，但佢上菜時嘅賣相係滿滿嘅一碗飯👍佢嘅燒牛肉好入味，就算係下午茶餐，佢都好似同正餐嘅份量一樣大。杯蘋果汁係正常凍飲嘅份量，就算走冰都冇俾少份量我哋💓南瓜薯餅炸得好脆口，食落唔會食緊油咁。整體嚟講，我覺得佢呢間嘅性價比都幾高，就算係下午茶選擇都好多👍Joyfoodstop心動值:💓💓💓/5(以上評價純屬個人口味)八户屋和食料理(香港)地址: 香港大埔富善邨商場地下G017號舖電話: +852 26666800

喺大埔富善邨嗰度有一間我成日食嘅日本料理, 佢都成日晏晝好多人排隊, 尤其是係學生, 因為學生食就會有優惠. 佢每日都有唔同嘅餐. 雖然我就冇優惠食, 但係仍然覺得非常抵食 , 我今日就嗌咗個築地三色刺身丼, 睇相都見到佢刺身新鮮又肥美！

本人中午於大埔富善邨八戶屋用膳，於手機餐牌上見到有多款套餐可選擇。我點一個咖喱吉列豬扒定食，另外加$3凍飲，餐牌圖片中有飯、湯、前菜等，但真正來到的就只有咖喱飯跟凍飲。於是，我向侍應查詢這定食套餐是否有湯及前菜，侍應表示這款沒有的，只有魚生飯才會有湯及前菜。本人覺得圖片有誤導消費者成份，建議手機餐牌應該更換圖片，不應把湯及前菜作為拍攝背景一樣，這令消費者感覺受騙。日本菜食肆應該弄清楚「定食」的意思。

又再一次黎大埔八戶屋，今次試下未食過嘅食物，我叫左辛辣海鮮湯拉麵，辛辣好香，湯底好濃之餘，而且佢嘅海鮮都有幾款確係唔錯，朋友叫咗麻辣牛肉湯拉麵，佢都覺得好好味，豬軟骨蛋飯就一定係好食。

以前八戶屋係有早餐時段的依家大埔的八戶屋係午市先開工所以唔好摸門釘午餐黎講 星期一至五每日都有唔同的午餐比你揀唔會悶親大家學生仲有優惠添所以午餐時段記得避開學生高峰時段揀下午茶時間就最好呢個陸奧魚生丼有吞拿魚 三文魚 魷魚 蟹子仲有紫蘇葉真係滿滿的滿足感其實份量都好足仲包埋一杯飲品我哋就叫左 巨峰提子汁🍇建議 加冰好飲D如果走冰 就會太甜另外再叫左個 泡菜豚肉海苔丼豚肉份量都很多 而且都算入味雖然未至於好好食但普通一個午餐來說已經是很OK了的確性價比是不錯的是街坊食物的質素商場食店中還算很好的一批了對於飲品就不用抱有期望至於食物份量夠哂

一到中午時間，坐無虛席，性價比非常高，食物新鮮有質素！🥓和風牛肉滑蛋丼$75牛肉鮮味有鍋氣，洋蔥🧅清甜爽口，微微焦香，白飯淋上了牛肉及洋蔥的精華，令人回味。蛋香滑身，配上牛肉非常惹味！🍣火炙什錦熟壽司配餃子烏冬$82壽司的種類豐富，包括有三文魚、左口魚、鰻魚、蝦、腐皮、玉子！火炙後的魚生更為鮮嫩！還有餃子烏冬及沙律菜，非常滿足！🍛咖喱吉列豬扒飯$68日本的甜咖喱，吉列豬扒炸得酥脆，豬肉表現正常，不柴，有口感！真心低食！🍇巨峰提子汁好適合夏天，清爽消暑又不會太甜！

又黎大埔八戶屋，今次想試下新野，叫左個日式牛肉飯配雞翼，真係要讚下佢個牛肉係好厚肉，仲煮得好滑好淋，配合埋個洋蔥同埋個日式汁，成個飯都食晒太好味，雞翼又脆又香。

好小黎大埔富善呢邊，今日朋友話帶我食呢間日本野。叫左個晚餐定食套餐，睇圖已經覺得好吸引，估唔到實物個樣更正。餃子湯烏好味好滑，個沙律佢都唔係hea 嘅係有雞肉，壽司唔洗講好豐富，仲有個紫薯甘粟薯餅，第一次食呢種薯餅好好味。

記得多年前曾同家人到富善商場食日本野，但當時食物及服務都不好，從此未光顧。昨天同家人經過，見午市有不少選擇，感覺與以前不同，便進去吧！媽揀了刺身款式的午餐，刺身有三文魚、一大堆的蟹籽、蝦及白色的魚生，厚度適中，不薄，有滿滿的口感，新鮮度都不錯。呢個價錢很值👍🏻。我就叫了月見牛肉飯，牛肉滿滿的，一片片，不會碎碎的。汁方面，我覺得可以淡少少，媽原本很怕牛肉的羶味，但她嚐了一片覺得不錯。這個午市套餐還有飲品。下次可以再來！

今天跟老公到大埔富善邨的八戶屋吃下午茶，這間餐廳裏面很寬敞，不是繁忙時間二人也可以坐卡位。我們點了兩個下午茶餐：泡菜豚肉炒烏冬 $56豚肉很足夠，烏冬也不難吃，但是我覺得根本不是泡菜炒的，應該只是辣椒醬+椰菜+紅蘿蔔絲等等。這個只能夠算是不過不失，沒有特別很好吃。粒粒雜錦魚生飯 $62賣相可以，魚生也很大粒，加上醬汁算不錯。至少魚生沒有雪藏的味道。跟餐有蘋果汁和巨峰提子汁，兩款果汁都比較甜，沒有很好喝。近近的一個地方吃下午茶，算是不錯。但如果有時間我會選擇其他地方。

今朝入大埔富善邨做嘢，例牌食埋飯先走，富善商場有3層，都有好多食店，喺地下有間日式料理，門口餐牌顯示午餐五十幾蚊，一於入去試試，坐低睇仲有另一份餐牌，價錢高一點但食物豐富得多，於是我們點了兩個烏冬壽司定食。築地四點壽司配烏冬，有碗細細烏冬大約半個烏冬加兩隻餃子，豬骨湯底濃烏冬滑餃子可以，小食魷魚仔，6件壽司有北寄貝、帶子、三文魚加3件卷，新鮮程度唔係最好，都有70分。仲有個煙三文魚沙律，再跟餐飲，只係80蚊有呢個質素，性價比好高。

全間餐廳由老闆至服務員全部服務態度一流⋯奇差，口黑面黑，見到有個阿婆帶住四個小朋友做咁同佢講掃QR code落單咁就走咗去，阿婆同班小朋友又唔識落單等咗好耐，都冇人理，自己走咗，今時今日咁嘅時勢，仲有呢啲咁嘅餐廳仲未執笠都算係奇蹟，不過應該好快都輪到佢㗎啦⋯⋯

我是第一次來這間大埔的店吃飯 原先看見能使用信用卡 就試試唄叫左一個和風便當 + 炸蝦 味道非常一般 和牛真心煮得太老 咬到牙鮫都痛 炸蝦 炸得太硬 影響口感 吃完想以信用卡付款$187 點知要$250先可以使用 我周圍望 他們店內店外無寫明使用條款 覺得不太好 幸好身上有錢 不然被抓吃霸王餐收銀機上只有寫上午市時段，只能收現金 或者 八達通 ，這樣會方便顧客付款 當時，有提議需要寫明，你們只收$250或以上的信用卡，但收銀員好想並不耐煩地 說 好，心想我下次不會想來 ！

今日下午茶時間，在富善邨搵食，無選擇下去咗大埔呢間八戶屋。 一入去，無人理，要自己搵位。 店員不嬲態度差，不過都慣咗，香港大部份食肆都係咁。 我就叫咗麻辣牛肉拉面，過左兩分鐘，好快面就到左，賣相一般。 食落去，肥牛好韌，肥膏多過肉，面底硬。 點知越食越唔對路，個面好似無煮過咁，成舊又硬又乾嘅面仲係到，唔只一舊，仲係兩舊，成個面生到咁。 好似食緊剛剛雪完再淥一淥嘅面餅咁，最基本用筷子整散都無，成碗麵硬到唔識形容。 完全唔合格！ 價錢越來越貴，質素就越來越差！無下次了！

日式泡菜豚肉飯 ($53)有8塊豚肉~汁多，d汁甜甜再加埋泡菜既微辣，好惹味，撈飯一流咖哩雞扒飯 ($60)咖哩微甜，同埋夠熱，雞扒一大塊我之前都有食過佢地其他款咖哩飯，都係外賣自取，佢地既炸物都唔錯，外皮脆又唔係厚粉，唔會拎到番屋企就淋