八妹雞煲 (已結業)

星期六，朋友大陸來港旅遊，七點book 咗位入到去，六個人有大有細問佢要兩杯水，呀姐佢話我五點鐘番工到宜家都冇煲水，佢自己都冇飲過水，水未煲，問佢兩次都係咁答😑😑😑算了， 我哋唔係唔叫嘢飲，只不過係啱啱行完街有啲口渴攞兩杯水，算了， 之後小朋友食唔到辣嘢, 點咗啲嘢食叫佢攞去廚房清湯煮熟， 又嗰樣又話唔得嗰樣又話唔得( 之前去食，買碗粉入去畀小朋友食佢話要收費，我同佢講照收) 😑😑😑算了， 由入座點嘢食再食嘢都唔夠一個鐘， 開始走埋嚟趕客， 阿姐走埋嚟同我講叫你朋友食快啲😠😠😠真係火都尼， 隔一陣又走嚟講話今日星期六多客真係唔好意思😠😠😠直頭講說話畀我哋聽叫我哋走.......... 雞煲幾好食都冇用， 冇下次

雞煲有時食黎食去都係個幾間想試下其他唔同既 經朋友介紹原來油麻地地鐵站附近一直有間唔錯既雞煲 所以就一齊去食 朋友食過話正 好期待呢度係散叫形式 唔係任食但係d價錢又OK 唔係好貴咋wor廢話唔講 先黎個雞煲!有朋友唔食得太辣 所以叫左小辣如果唔想食完之後屁股開花其實小辣都夠 好味之餘又夠辣做人唔駛下下都去到咁盡既😂個汁好正 夠晒麻夠晒辣仲甜甜地 正！雞件都幾多 啖啖肉 嫩口既 正！趁個汁仲咁濃 已經急不及待放左冬菇落去等佢慢慢滾 冬菇吸晒d汁 好好味!由於有朋友唔太食牛肉 所以叫碟最普通既個牛味都幾出既 都唔算薄身 唔錯！呢個響玲不得了 即炸既上枱仲勁熱同埋見到d油泡係面 好吸引即刻扔佢落去d麻辣汁度滾滾佢見到佢沾滿晒d汁就夾佢番上黎放入口 入面好脆呀 加埋濃濃既麻辣汁 正呢個蝦滑拼墨魚滑 份量都幾多食到一粒粒墨魚 口感唔錯 食雞煲必點 冬菇!一定要一開始放落去 吸晒d汁 無得輸😋雞煲食到最後 一定係食薯粉結尾 滿足！呢間雞煲雖然係散叫 但係食到飽肚都唔係好貴 每人大概二百蚊內搞掂 抵食！

天氣突然間又轉凍❄❄❄又心思思想食雞煲，成日會搵新嘅雞煲餐廳食🐣🐣🐣但係都其實覺得老字號八妹雞煲最好食❤💙💜 佢既雞煲依然都係好香濃美味🍲🍲🍲食到停唔到口，食緊要就係價錢都算合理，下次再成班friend味道叫多啲餸食先😍😍😍

常去的吃的一家。鸡煲味道很好，肉质鲜嫩。秘制蘸料很好吃。店员一水师奶。有的态度特别好，有的就爱搭不理。唯一遗憾他家没有醋，跟店员要，就跟你说没有！😓😓总之还不错啦。

呢間野細妯間, 原來專食雕煲, 價錢亦唔貴, 所以試下。雞煲睇落比出面細, 但入面D 雞件大大件, 亦啖啖肉, 唔會話好多骨位/雞翼/雞腳, 如果佢切細件D 就更易入口。雞肉幾滑, 炒得剛剛熟才放入鍋裡。我們叫了小辣, 辣味唔及出面其他店。配料都幾多, 勁多蒜, 洋蔥等等另外點了一碟田雞, 但D 田雞肉好似霉DUM DUM, 應該湯左好耐, 亦無鮮味。

我刻意於10:10分入內，享用十時後特價優惠，點知一入內，店员立刻叫落單選雞煲，好快回來完成落單，於下單據，我一睇9:56，追問，佢話要跟佢電腦時间，即全單冇折，但我哋二人手錶時間一樣。小心小心

位於油麻地砵蘭街的巷子裡發現了這家八妹雞煲每次經過都會看到坐滿食客作為八妹的我當然要進去一探究竟未到晚飯時間便衝過來毋須等位便可入座這裡採用卡位設計, 蠻寬敞舒適 這裡主力推介特式湯底及牛類食材點了秘制八妹雞煲(半隻, 微辣) $125雞煲由不辣至勁辣共有六種辣度選擇或許是為了選勁辣人士而調低空調溫度這裡散發著陣陣寒意, 怕凍的記緊帶外套喔~半隻雞份量其實也蠻多的放有不少指天椒及紫洋蔥滾熱後便可起筷嚕!雞肉嫩滑, 新鮮無雪味秘製醬汁頗惹味的微辣度屬適中, 著實不錯~加一加湯底準備打邊爐嚕~要跟我朋友說聲抱歉在她不為意的時候獨個兒默默地吃完整碟生蠔實在太美味啦!又大隻又鮮味停不了口雪花分佈平均只看賣相已靠得住吃下去質感相當軟熟而又不會過淋, 嫩滑柔軟樣貌與眾不同感覺應是自家製吧?!上桌熱騰騰, 屬即叫即炸急不及待當零嘴般吃一口脆卜卜的細碎聲音此起彼落滋味非常~薯仔 芋頭 各$26賣相:♥♥♥♥♡味道:♥♥♥♥♡已預先略略煎香咬下去起沙的質感真不賴豆卜 $26 頂級墨魚丸 $46我們兩個女生看到有點O嘴豆卜陣容可如此強大虧我們還拼命地吃薯仔...兩者味道也是不錯啦但墨丸是不是頂級已沒感覺了

牛之達人又出動了，今次就去到mk一間雞煲度試一試佢！點解想食牛又食食雞煲呢？因為要就埋d同事lo，不過我冇所謂既why not both！我地點左一個中辣既雞煲，幾香，一嚟到就食左d雞先，幾滑，唔會太“鞋“，而辣味都幾適中，同埋佢加湯加雞湯我都幾中意，唔會愈食愈淡，叫左午餐肉食，其實識叫一定係叫午餐肉，因為好吸味好正！而且呢度d餐肉切得好厚好抵食！叫左兩款牛，分別係安格斯同牛柳粒，angus肉味好濃，即使辣味之中，依然食到牛味，而且唔會太薄唔錯唔錯！牛柳粒亦都幾出色，唔會太un，唔淥到全熟，牛味亦都夠，不過要耐少少時間！整體好出色，坐位有少少窄，但我會再嚟！牛之達人比五隻牛滿分！

「八妹雞煲」的大埔分店早前都已經光顧了，食物同服務質素都給我留下好的印象，今晚專程帶一個很喜歡吃雞煲的朋友來油麻地這間分店一試！乘撘港鐵到油麻地A出口，步行只需三分鐘就到了！方便又快捷！舖位面積深而窄，裝修簡單又光鮮，座位舒適！秘製八妹雞煲(半隻)$125先有半隻雞煲，之前食過微辣今次一於試小辣，對於我來說小辣已經非常足夠！太過辣的話遮蓋食材的真正味道，雞件嫩滑入味，味道香濃，紫洋蔥和配料吸收所有秘製醬汁，非常惹味！田雞$48田雞新鮮又大隻，最喜歡吃是田雞脾，結實的肉質，肥大厚肉！美國桶蠔$128八妹的桶蠔令我很回味，所以今日必定讓朋友一試！肥美桶蠔，之前吃過一碟四隻，超級大size有如掌心般大隻。今次吃的一碟有六隻，雖然沒有早前吃過的那麼大隻，但都很飽滿的！味道很鮮甜，都不失我所望！八妹菜拼$58這款「八妹菜拼」，喜歡蔬菜的我們必點！菜拼用料豐富：秋葵，露荀，蕃茄，菌類，粟米仔，油麥菜，娃娃菜。健康之餘又可以減少油膩感，蔬菜類新鮮清甜！手切肥牛(小)$158怎能小得手切肥牛呢？就算湯底再濃都掩飾不到牛肉的味道， 一灼即食，肉質嫩滑，帶小小的牛脂肪！脆炸響鈴卷$38欣賞這裡的響鈴卷，份

今晚到旺角同朋友去買啲嘢﹗行入砵蘭街，內街多咗好多食店，食店種類唔少，見到呢間八婆… 唔係… 係八妹雞煲好…呵呵…幾吸引吖。鋪面裝修好新，開咗無耐，地方簡潔，時間早，天未黑，唔多人，坐得好舒服。牆上掛滿各項火鍋配料推介，坐位好寬敞。原來總店係大埔，呢間係分店。火鍋配料一張紙簡攪掂，應有的都已經有，簡單清楚，火鍋湯底七、八款，喜愛食牛的，亦有好多牛肉選擇，鐘意食辣的人，可試下秘製麻辣醬，不過要另加＄8，還有八妹自家製的辣雞汁，每碗＄12。雞煲上檯，翻滾，開始發出陣陣麻辣香味，鍋裡除雞件外，配料有紫洋蔥、青蔥，香芹、花椒八角、紅尖椒、大紅袍、芫茜等香料和餐牌上自稱的秘製醬汁而成。大大件雞，雞肉好嫩，麻辣味剛好，不會太辣，雞汁帶點甜味，好好食。食完雞後，放入豬骨加雞煮的湯底打邊爐，再食過..。新鮮的白鱔片，味道鮮甜，鯰中帶爽，濃郁甘香，全無腥味。A級安格斯肥牛，肉質細緻，脂肪如大理石紋，平均分布，牛肉味好濃，肉質細嫩有口感，好味道。頂級墨魚丸，雖賣相不太特出，但質地爽口，丸內包夾住啲墨魚粒。脆炸響鈴卷，即叫即炸，好新鮮，好似朵大玫瑰花，好香好靚，好香脆，喜愛把響鈴卷在湯底輕輕浸兩三秒後再𢲡上

家中那部高檔Rowlett Rutland 多士爐的發熱片終於壽終正寢, 今天專誠再去油麻地上海街走走, 到廚具店鋪, 配翻幾塊新發熱片. 貴價多士爐, 英國貨, 二千幾銀, 全手動, 好處係...用一世都唔使換機.買完後, 再走走其他店, 看看有趣的廚具, 差不多五時半, 再向旺角和彌敦道方向行多兩步, 到了八妹雞煲店, 友人剛到, 一於來過"下午茶綜合晚餐"...門口幾張介紹和雜誌訪問, 吓!? 原來"八妹"係男人呀?..... 介紹講到: Mr. eight-sister 由大埔衝出旺角, 應該都有水準吧.窗口貼著: 7:30前離座可享85折優惠, 現在才5:35分, 兩小時.... 學Tree根話齋: 肯肯定夠啦...六時未夠, 清閒時段, 所以有優惠, 吃得也特別舒服, 店員有禮貌, 態度非常好.天時暑熱, 坐低先來一枝大藍妹 ($28),  超凍, 好正, 連續三杯落肚, 當堂清涼晒..店名寫明: 雞煲專門店, 唔使再諗... 雞煲, 半隻, 小辣 ($125).10分鐘左右, 雞煲上檯, 表面觀察: 唐芹、洋蔥、雞件. 深入研究, 調味配料: 紅辣椒乾、花椒、胡椒、大蒜、

放工之後同事話想去食打邊爐,本來熱辣辣都唔係咁想食熱野,不過見佢地興致勃勃無謂掃興,一於跟佢地去下啦同事車我地黎到油麻地,見到依間八妹雞煲,無論名稱定外表都可以叫做其貌不揚,估唔到味道反而唔錯餐單上唔係普通傳統打邊爐食品,反而有唔小精心制作小品我地叫左小辣雞煲,半隻雞已經陪曬3個人食,雞肉雖然講唔上非常鮮嫩,但係加上麻辣汁之後,開胃得黎又唔會辣到食唔到,唔錯嫁食完雞煲之後,加湯變做打邊爐,辣味變稀了西班牙黑豚豬腩片,估唔到依度都會食到咁高級既食材,豬腩片好滑好幼身,放落爐度大慨20秒左右已經入得口,食落感覺唔似豬腩,反而似一級牛肉炸軟穀蟹---做法同口感唔似日式果種,反而似炸魷魚蘇,不過味道都唔錯,唔會因為太多炸粉而太咸,脆得黎又唔太硬,唔錯嫁栗米雖然唔算太甜同多汁,但食落都幾好咬口嫁,至小唔係乾身果種,而且份量都算多,一碟有8個,值回票價依個價錢黎講真係算抵食呀真係同預期中既味道好好多呀

今次真係唔寫食評唔得服務態度真係好差本身電話訂左位 諗住7點半準時入閘點知等到8點都未有得入問左個服務員阿姐幾次都話汁緊枱比我地咁樣搞搞下 半粒鐘都未有得坐入到去 個位好窄櫈又唔夠 問D姐姐D櫈係邊又唔理泥野食個時 又係咁泥錯單有盤食食下都比佢夾走左到個煲無水個時想加水又係無人理如果係唔夠人手都明但佢地係得閒到企係度傾計服務態度真係差劣野食方面真係麻麻 但算OK整體同出面個D差唔多雞方面就好細舊好碎真係想搵舊肉食下都冇但D牛肉好黑 好細塊食落仲咬唔斷 無味D丸算係最好 雖然細粒但係起碼無伏菜就九成無事 點解九成呢因為我叫中個盤好黃好老隔泥枱個D就無問題整體泥講野食唔好食都算 可能真係價錢問題但服務態度真係差到10分入面拎2分下次有得揀 都去其他地方食

本人曾光顧此店多次, 但覺食物質素日差且平平, 但勝在就腳, 故亦常去. 但隨著它的食物質素日差, 巳少去了.昨晚約十二時到, 再次與友人到上址幫襯食下雞煲, 睇下有無改善, 但點知就開始了一個不快之行了.雞煲到了, 一望之下, 乾乾的, 無乜汁, 咁就叫女侍應 (帶黑粗邊眼鏡的那位, 點解要講明此位呢, 因她的態度真係好差), 請求她加汁, 真係請求架, 我有唔該前, 唔該後架. 點知佢居然答話 : 我哋 d 煲係咁架喇, 你煲煲下佢咪出水囉.我咪講: 煲到 d 雞出水, 咁 d 雞咪鞋晒囉, 唔該加 d 汁呀.點知個姐姐居然講: 我哋 d 汁好貴架, 加汁要錢架.我友人見咁, 咪有少少火講: 咁真係無汁呀嗎, 咁服務即係叫人唔好幫襯啫.姐姐居然又講: 你鐘意喇, 我無捉你入嚟幫襯架.之後二話不說, 轉身走咗. 仲同其他侍應傾及向我友人指指點點.咁無法喇, 煲又到咗, 照食喇. 我想叫支啤酒, 點知個姐姐叫極都唔啋我, 佢當時係無野做, 企在一旁. 我唯有叫另一女侍應喇, 可能我的坐位區係由佢負責喇, 佢就死死氣嚟招呼我. 我先有支啤酒飲咋.正因個煲無汁, 開爐一陣巳濃底了, 唯有架

話說上網團購左個四人餐…明明一早已經訂左七點半位，七點四去到，等到七點九都冇得入好明顯同出面輪籌冇分別催左幾次，我地一家四人等到差不多八點終於有得入，入到去佢居然比張二人枱我地，我地都呆左，真係好逼同佢講呢張二人枱黎架喎…個侍應居然話番我地: 不嬲都咁坐架啦！叫佢加多張凳比我地，叫左幾次都冇反應我地都嬲嬲地，唯有自己去拎點知佢又話叫佢地拎就得我話叫左好多次都冇人拎黎佢又話番我地 : 咁好忙呀嘛！(但明明佢係冇左件事)之後野食黎，食物真係一般最初黎左一盤菜，之後D牛超韌，好似食橡筋咁之後諗住叫個蔗水，又係叫左三四次都冇左件事食到最尾忽然拎走我地盤菜，話黎錯左…(盤菜係一開始黎果盤菜…)總之呢間野服務超級差！以後black list！！