兩草 (白布街)

营业中

休息中

Visited this spot with a friend, primarily for the Bak Kut Teh, and we ended up trying a handful of other dishes as well. Overall, this is a good place for a quick snack or Bak Kut Teh fix. Nothing felt outright disappointing.1. Bak Kut Teh with Pork RibsThis was the best dish we tried. The portion was generous, the pork ribs were tender and the broth was quite light and nice. If you're a fan of Bak Kut Teh, this is absolutely the one to order. I can't say this is super authentic but it's 2. Bak

之前去過西環店，覺得食物的種類，同其他餐廳有啲唔同，幾有特色，特別喜歡佢哋嗰個煎蛋脆邊肉餅飯但係今晚就比較失望小籠包胡椒湯，胡椒湯一般，冇乜胡椒味，小籠包隻隻都爛，好似煮咗好耐咁，因為這個係第一道菜上的，當時我馬上拍片，便見到小籠包爛咗，上第二道菜時，開口問員工點解咁㗎，佢哋都冇回答就走開雞蛋炒腸粉，算係成晚較為滿意的，賣相都幾好叉燒炒蛋飯，一般，叉燒切到好碎，食唔到味道炸雞翼屬於正常晚飯時間冇乜人，識食嘅都轉咗其他地方

肉骨茶冇味，咖央多好普通，豬油撈飯冇豬油味，义旦飯求其燒味店可以食，服務員鄉音，坐位好迫，限時60分鐘，快餐店質素。失望，不用試。失望，不用試，失望，不用試，失望，不用試。肉骨茶冇味，咖央多好普通，豬油撈飯冇豬油味，义旦飯求其燒味店可以食，服務員鄉音，坐位好迫，限時60分鐘，快餐店質素。失望，不用試。失望，不用試，失望，不用試，失望，不用試。肉骨茶冇味，咖央多好普通，豬油撈飯冇豬油味，义旦飯求其燒味店可以食，服務員鄉音，坐位好迫，限時60分鐘，快餐店質素。失望，不用試。失望，不用試，失望，不用試，失望，不用試。

平日7點去到有位，過咗半個鐘出面已經排長龍，裝修好有特式，都幾適合打卡。諗住裝修咁特別，價錢應該唔平，但係睇返menu 又幾親民。 見隔離位d 嘢食都細細碗，本身擔心一人一碗會唔夠飽，嚟到份量都唔細，唯有下次先試佢啲小食。 胡椒肉骨湯米：啲肉幾嫩，湯底好胡椒，可惜我唔鐘意呢隻米粉，係茶記最鞋口嗰隻米粉，有少少失望。 滑蛋叉燒飯：有驚喜，蛋味重，好多叉燒絲，豬油豉油撈飯幾好味，仲有支豉油唔夠可以俾你再落。 整體嚟講以呢個價錢有呢個環境同質素，都無咩好要求，性價比真係不錯。

見到門口好多人排隊，咁我哋就入咗去食啦，點知原來九成都係內地人，明明我同店員講廣東話，但係佢哋都係照同我哋講普通話。因為人數眾多我哋走咗上去2樓，但係我哋等咗差唔多十五分鐘，個店員先得閒俾個QR code我哋掃。佢啲胡椒湯係只係得胡椒冇其他嘅味道，非常失色。小籠包味道一般，感覺係買現成嘅。之後叫咗雞扒飯，雞扒好乾。同埋叫咗胡椒湯肉骨米線，本身以為湯底係有啲中藥材料，點知原來同個小籠包嘅湯底係一樣，食完成個口都係胡椒同埋辣味。非常失望😞總括而言，唔好再幫襯

一間港式又帶點馬來特色的小餐廳,內𥚃裝飾和播放的歌曲充滿著懷舊情懷.我們兩人點了滑蛋叉燒飯,香矛雞扒飯,咖央多士和菊花茶. 小食咖央多士~多士烘得香脆,咖央充足,入口椰味夠濃,真的不錯. 唯這味小食算不上很有技巧,除非味道和賣相表現出與衆不同的驚喜才可達最好的評分.滑蛋叉燒飯~賣相靚,蛋夠滑但未夠濃. 叉燒切得太碎,只有味道而叉燒最精髓的肥或瘦;稔或韌就完全感受不到.香矛雞扒飯~雞扒未夠香口,反而飯底帶點油香,令口感和味道提升.在用餐過程中,不時有客人進店都聽到侍應緊張地說「兩位要搭枱呀,唔好坐四人位呀」,連同店內某些字眼,令我覺得進食氣氛並不自在. 我明白小店對於客人轉流快是非常重要,然而以食客的角度就並不理想.

見到門口餐牌寫住有肉骨茶，於是入去想試吓，點知居然唔係藥材味，係濃濃嘅胡椒味。雖然呢個係個人口味，但係啲肉又嚡又冇味。又叫咗一碗香茅雞扒飯加煎熟蛋，雞扒尚算有香茅味，不過就好嚡，而且無肉味。全餐最好食嘅居然係隻燶邊蛋🤦🏻‍♀️。隻蛋就真係燶邊。讓我最唔喜歡嘅係無水無提供，要買水。咁難怪越嚟越多人返上內地消費囉。其實入舖頭見到幾多人，點知大部分係遊客。出門口見到好多人排隊，都係拎住相機嘅，原來係做遊客生意無下次，難怪多人食啦！最後都係嗰句「冇下次」。

約14:45來到, 只有數枱客在用膳, 距離小店16:00休場, 尚有約1小時, 坐在懷舊裝潢的小店, 聽著舊歌, 輕鬆享用食物, 別有一番風味。是次點了一湯一飯, 簡簡單單如家常便飯。1) 胡椒肉骨茶 $382) 香煎脆邊蛋肉餅飯 $42胡椒肉骨茶有肉骨3大件, 肉質偏瘦, 故入口有少少柴, 但可接受。肉骨茶胡椒味重, 舒爽暖胃。香煎脆邊蛋肉餅飯只有肉餅和煎蛋, 灑上豉油和蔥花作點綴, 簡簡單單, 平平實實, 便很吸引。太陽蛋蛋邊焦脆, 把蛋黃, 蔥花和豉油與飯拌勻, 是懷舊的味道。肉餅厚薄適中, 煎得香口, 肉質不鬆散, 亦不死實。白飯份量不少, 有少量豉油和豬油調味, 味道略淡, 喜歡豉油撈飯的客人, 可自行加豉油調味。

對上一次光顧, 大概是其在銅鑼灣道剛開業時, 因不是港島常客, 光顧了一次便沒再光顧了。得知現在旺角也有分店, 想回味隨時都可以。小店裝潢懷舊, 播著舊歌, 別有風味。兩草主要售賣平民美食, 食物份量不會太多, 好讓客人可品嚐多款食物。1) 小籠包胡椒湯 $402) 咖央多士 $25小籠包胡椒湯湯底清澈, 胡椒味道濃厚, 少辣暖身, 美味可口。小籠包大粒飽滿, 肉嫩濕潤, 雖然只有4粒, 但啖啖肉, 可飽腹。咖央多士烤得香脆, 中間塗上咖央醬, 味道不俗, 略嫌多士有點薄, 存在感不足。

豬油渣麵就食得多豬油渣溫泉蛋飯就第一次食豬油渣炸到好香口鬆脆加埋溫泉蛋同豬油真係好正叉燒炒蛋飯味道岩岩好唔會太濃蛋炒得好滑送飯一絕香煎肉餅平時爸爸唔鍾意食肉餅都讚好食肉餅鬆軟好味招牌煎雞翼應該係用蝦油煎好香濃既蝦味真係好正

今日帶妹妹去旺角辦理証件，順便在旺角吃午餐，便找了間有懷舊風格的「兩草」小店，每位最低消費$30。我們點了鮮蝦胡椒湯米、咖央多士、香茅雞扒飯、淨豬油渣、胡椒肉骨湯米、香煎脆邊蛋肉餅飯，還有兩支樽裝汽水。🐔 香茅雞扒飯 $40．雞扒煎得好香口，肉質嫩滑，小朋友至愛🍚 香煎脆邊蛋肉餅飯 $42・見到碗飯賣相很吸引，黃黃的太陽蛋，肉餅不會太鹹，亦很鬆脆，加汁撈飯perfect。🥪咖央多士$25咖央真係好薄，椰香味都幾濃，口感一流。🍜胡椒肉骨湯米$45·肉骨肥瘦交錯，非常突出胡椒香氣。冬天飲最適合👍🏻🍤鮮蝦胡椒湯$48蝦好鮮甜，配上濃郁嘅胡椒湯，確實都幾好味。

第一次去旺角兩草度食晚飯，好有馬來西亞嘅風格再混合香港風味嘅裝修，突出左以前80年代香港家的懷舊感覺。平均消費都只係大約$70一人，我同朋友叫咗一碗滑蛋叉燒飯、一份咖央多士、一份蛋炒豬腸粉、一枝羅漢果茶、一枝白桃烏龍茶。都好足夠兩個人食，極度推薦多士💗鐘意食既可以一人一份🤣因為多士薄 容易入口，食完又唔會好飽😆當小食。

專誠帶海外嘅朋友去食招牌的豬油渣飯，一開門坐低，上咗飲品就話俾你聽冇豬油渣飯，超級令人失望。下午五點一開門就賣剩一碗，其實係咪唔諗住做生意呢？？如果未準備好，早啲同客人講，唔使嚟到嘥錢飲嘢

見餐牌好吸引，晏晝過左食飯時間都勁多人，諗住有食神，點知敗興而歸。裝修好80年代大排檔，播嘅都係果段時間嘅歌，然而廚房係一班唔似煮得出地道嘢嘅同胞。食落完全係四不象，肉骨茶同咖央都係去返蘇媽或蘇山絕對好食好多，或者自己煮可能仲好食；個腸粉同個炒蛋最好食係啲蔥同自己加嘅鼓油；小籠包個皮仲厚過胎盤⋯我都係去永旺買韓國急凍小籠包仲皮簿餡靚。食完之後都幾嬲，貴就唔貴嘅，但難得嘅卡路里Quota就咁嘥咗。但我覺得班佳麗不如考慮做返米線可能會好食好多。

📍兩草 (白布街) (旺角)旺角白布街16號地舖人氣懷舊風餐廳，木紋摺凳，加上復古音樂，彷彿回到過去。主打馬來西亞菜，好耐之前系大坑食過，當日6pm 去到，大約等了五分鐘有位，入面好多旅客，座位比較迫，食物好出色，全部都熱呼呼上枱，好吸引☁️小籠包胡椒湯$40Bak Kut Teh with Xiao Long Bao Dumplings小籠包浸入湯入面，一碗四粒，皮薄餡多汁，肉質惹味香口，湯底胡椒好濃，香濃而不辣。☁️香煎脆邊蛋肉餅飯 $42Rice with Pork Patty and Crispy Fried Egg燶邊煎蛋好正，中間蛋黃仲要系流心，上面加左多蔥，賣相好靚，撈埋飯一齊食好正。肉餅好結實，不會鬆散，加上秘製豉油，小小咸香，好好食☁️滑蛋叉燒飯$40Rice with Cha Siu(Barbecued Pork) in Scrambled Egg叉燒切成一條條，如果系大大嚿會好食d 。滑蛋用埋蛋白，個人認為香煎脆邊蛋肉餅飯比較好食☁️咖央多士$25Kaya Toast多士烘得香脆，中間咖央醬足夠，口感一流#旺角#旺角美食#香港#hongkong#hkfood#hkfood