影片
开饭介绍
装潢清新简洁，供应西式及亚洲风味素食的餐厅；自家调制酱汁，更设有不同种类的素食餐单，选择多元化。
继续阅读
附加资料
最后落单时间20:15
营业时间
今日营业
11:30 - 21:00
星期一至日
11:30 - 21:00
以上资料只供参考，请与餐厅确认详情
-
网上订座服务暂停
【葵青区】【入素】喺葵兴揾嘢食，见到呢间素食餐厅好似几特别，就上去 Life@KCC 嘅八楼会一会佢。去到坐低之后都冇人理我，不过见佢得一个侍应就体谅吓。得到餐牌同 QR Code 之后就叫嘢食。叫咗几样嘢，首先系主食 $88 嘅「手工海南鸡配黄姜饭」要「少少饭」。啲鸡系素鸡，整埋个皮，系几得意嘅。个饭就普普通通，好彩要得少。仲有海南鸡饭啲酱配合，都似模似样。不过我反而最中意跟饭嘅𠮶碗「香菇素汤」，好香菇味。嘢饮我就加 $14 饮「西柚乌龙茶」，系冻嘅，我觉得都几正，乌龙茶苦涩啲但西柚味又好香甜。叫咗 $12 嘅「沙爹羊串」，沙嗲味几浓厚，里面就类似面筋咁，系纯素嚟添。其实我仲叫咗 $22 嘅「雪花椰汁糕」两件，不过我忘记咗，佢又冇上，就冇咗件事。如果好似 1am1809 𠮶间越南嘢咁就好，不过佢哋收得起加一，呢 $150 我都系唔介意畀嘅。。。（地址：葵兴葵昌路72-76号Life@KCC 8楼804号舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodiesofinstagram #love #restaurant #foodblog #eat #1am葵青区 #葵兴 #入素 #手工海南鸡配黄姜饭 #香菇素汤 #西柚乌龙茶 #沙爹羊串 #雪花椰汁糕 #1am1821 #1ambackup
继续阅读
店名：入素地点：葵兴葵昌路72-76号Life@KCC 8楼804号舖1）手工海南鸡饭 配合饭及素汤 $88外型做得好像真，配埋姜蓉同埋甜豉油嘅酱，真系几似食紧真正嘅海南鸡饭。海南鸡系用斋鸭制作（P.s我本身系几钟意食斋烧鸭，所以我都好满意呢个菜式🫣）同埋个皮都整到几滑身，都几似真鸡皮，有少少烟韧2）素乳猪拼桂花叉烧 配白饭及素汤 $96叉烧系整得几正👍，咬落去嘅时候系juicy，唔干身系，食落去几好咬口，味道又不错。乳猪佢系会做到上硬下脆，相对上系会干身啲，肉身就系斋烧鹅鸭造成嘅3）素三文鱼刺身3件 $22像真度超高嘅一味𩠌，食落去系真系有三文鱼味咁，点埋个滑Wasabi同豉油就更加似，超钟意食呢个🤫4）麻酱秋葵 $25麻酱微甜，点埋秋葵好好食5）百香果配柠檬 （跟餐+$14）百香果味重微甜，配埋柠檬微酸，中和番好好饮6）百香果配绿茶 （跟餐+$14）呢个会较为偏甜，但系味道都唔错嘅整体嚟讲都几得意，第一次食咁像真度高嘅素菜，味道又不错，推荐大家可以试试佢总价连加一$285
继续阅读
🥗葵兴健康素食之选环境宁静又舒服 坐窗边仲睇到街景添🌃晚市套餐有齐主食+饭+汤+饮品 另可优惠价追加小食一份🐷素乳猪拼桂花叉烧配白饭 $118睇到menu桂花叉烧几吸引就叫咗双拼真系整得好似叉烧🍯涂咗一层蜜糖几sweet 乳猪外皮炸得脆🍄香菇素汤汤色清澈味道清甜 无味精 底汤中有几款菇粒🐟素三文鱼刺身最好奇就系三文鱼点素法 蒟蒻口感好似真刺身加上颜色花纹一模一样🐠仲附上豉油wasabi 🍋热柠檬水3款免费跟餐饮品 都算大杯🐔手工海南鸡饭配黄姜饭 $124鸡件还原度高 饭粒粒分明充满黄姜味 千岛酱沙律菜伴 🥗另配3款酱汁🍄香菇素汤汤色清澈味道清甜 无味精 底汤中有几款菇粒🍵百香果绿茶够冰凉 百香果汁味浓 无核方便饮🐮沙嗲牛肉串酱汁够多 微辣惹味🐟日式烧鳗鱼 $16腐皮炸得几似鱼皮质感 口感香脆🐏沙嗲羊串 $12酱汁微辣 但炸得偏硬
继续阅读
今晚同老公食素，我地叫左两个dinner set! 🌸素乳猪拼桂花叉烧配白饭+素汤+百香果乌龙茶+ 素三文鱼刺身外型真系好似乳猪，素乳猪嘅仿乳猪皮仲好香脆可口，入面系腐皮，沾埋酱汁都好味！叉烧外型同味道都真系好似真叉烧咁，质感又几好，带有阵阵桂花香味，几有惊喜！素三文鱼模仿到鱼生嘅口感同埋外型，再沾上wasabi同埋豉油，真系几特别！🌸手工海南鸡饭配黄姜饭+香菇素汤+柠檬百香果+话梅凉瓜手工海南鸡饭像真度好高，鸡肉系一层层折叠嘅腐皮！而仿鸡皮都好通透，黄姜饭有浓浓嘅姜味，配埋甜豉油同垫姜蓉一齐食，几好味香菇素汤清清甜甜，入口仲带有微微嘅菇菌香味话梅凉瓜口感好清爽，苦瓜嘅苦味同埋酸酸甜甜嘅话梅，味道好夹，好开胃呢！🎀餐厅舒适宽敞，装修以植物为主调，感觉好舒服，餐厅素食食物好精致，味道都好好味呢
继续阅读
绝对唔系其他食评所讲嘅什么新派、精工素食，反而我觉得系返翻以前年代，仿呢样仿𠮶样再乱搅一通嘅素食店。所谓素汤就系切几块鸡髀菇片加水同菇粉。海南鸡饭零香料，只有黄羗粉较色、鸡皮用唔知糯米定澄面之类嘅物质搅到烟韧，起哂根出现大量麸质再加黄羗较色、点鸡嘅三款酱，除咗kecap manis同羗油正常啲，另外一款似系用泰鸡酱加叉烧酱同面豉捞出嚟嘅就比较奇怪！话梅凉瓜只有甜味，其甜度系甜品𠮶只级数，零酸零苦味，更加唔好话有话梅味！话晒都加咗廿蚊，你攞个磨揸粒话梅喺面度磨几下都好呀！另外个吉猪饭，就用大量豆渣包糠之类加小小omni，炸皮厚到你攞个叉拮落去，就已经压散晒入边个馅嘅程度，仲要唔热！麦记个新餐肉包都好你万倍！饮嘢就算了，成餐饭除咗有几块沙律菜之外，就系另一个饭面𠮶几条甜椒，除咗肤浅、诚意欠奉同唔健康，我唔识点形容呢间素食店亦绝不推介！
继续阅读
您可能会有兴趣的...