影片
呢间嘢嘅串烧～要慢慢等～可以同老细吹水，老细都比较健谈，点解要慢慢等呢？因为啲食材系由生烧到熟，亦都可以同老板慢慢倾倾吓都可以变熟😂😂😂鸡皮墨鱼滑第一次食要等20分钟咁就要吹吹吓点知鸡皮嘅脂肪融入了墨鱼滑，个口感就系外脆内软，羊架，烧到啱啱好，外脆内软，唔会太熟，又会食到羊嘅鲜嫩多汁，其他串烧都好好味，温馨提示，如果要食呢间呢最好打电话提前预约攞位，仲有啲稀有食材，要问一问，老板有自己嘅社交平台，每一日都会更新吓自己𠮶个主页，所以呢一间都值得推介～
继续阅读
依家香港真系好得人惊，系咪之前肺炎唔知点解要拣夜晚先出嚟，搞到夜晚乜都无！！无野食无街行真系人都癫。无论收工夜咗或者无所事事想宵夜个元朗好似宵禁咁，灰到裂。好彩原来重有间串烧，而且劲高质！！好多人话串烧边会食得饱。。。相信讲得出呢句果班人一定系无食过，而且饱之余价钱都唔贵先重点😌佢哋个鸡餐有成半只鸡再加4个串烧，坚饱。真系想食多啲唔同款嘢就可以叫个十款串烧餐～另外佢哋啲是日限定海鲜好鬼新鲜！最近天气凉咗，重新出咗个台湾面线，台湾嘅回忆返晒嚟💖之前试咗季节限定嘅冰火凤梨，食过返唔到转头。其实如果问有咩特别推介….我会答Why not all?真心每样都好好食🤤
继续阅读
之前系木头车果边已经帮衬开，而家搬左系B仔附近，位置更加方便系正停车场🅿️隔离，岩哂渣车既人士，新铺设有堂食位置👍🏻终于食到热辣辣既串烧。老板好Nice，会好详细讲解点烧点整，食得出用心研究过系好味先推出。我同男朋友都超级推荐💕💕💕。————————————♥————————————- - - - - - - - - - - - - - - - - - - - - - - - - - - - - - - - - - - - ♥️ 日本鸡尾串 $27之前系其他地方食过左一次食尾，觉得有阵臊味，今次老板推介我地试，又胆粗粗试下，口感香脆，完全冇臊味反而食到好香鸡油味。♥️ 鸡皮墨鱼滑串(限定）$39听老板讲要将鸡皮既脂肪洗干净，烧既时候先会脆身。♥️ 烧蚝🦪 $56/3只有新鲜同急冻选择，叫左芝士烟肉焗每只要加多$3，生蚝饱满，略带微微海水味。♥️ 蒜蓉烧扇贝 $80/3只加左粉丝底每只要加多$3，扇贝大大只，配上蒜蓉粉丝，够晒惹味。♥️ 牛魔王餐 $210 ⬇️⬇️⬇️包括以下食物⬇️⬇️⬇️▪️惹味牛筒骨髓🐮 1份烧既时候我同男朋友都哗左声，好大条牛筒骨，上枱味道香喷喷，入面充满牛骨髓，不过油脂多，食食下有种油腻感。▪️牛油厚多士🍞 1份老板好好人，知道我钟意食芝士蒜蓉厚多士，所以转左俾我☺️，依个多士超级推介，芝士蒜蓉味超香配埋外脆内软既多士，一流🤤🤤。▪️熊本一口牛 1串牛肉粒油花分布细密，口感松化。▪️美国牛胸爽 1串食落口慢慢渗出啲牛油香味，口感相比平时食开既牛胸油小左啲爽口感。▪️美国牛颈脊粒 1串 💕牛颈脊系我觉得最好食既部位，牛味香浓，口感岩岩好，完全冇筋。▪️爆汁牛丸 1串牛丸爽口弹牙，虽然未算系好多汁，但应有口感都做到。▪️焗芝士烟肉大啡菇 1份热辣辣大啡菇上面铺满芝士，咬落去超多汁。- - - - - - - - - - - - - - - - - - - - - - - - - - - - - - - - - - - -————————————♥————————————
继续阅读
营业到凌晨12:30的串烧小店🤍随心叫咗2人份嘅嘢食全部都超级好食!!! 蒜蓉落超多!! 超级香～个人比较推蒜蓉包、蚝、鸡翼💕老板劲nice劲有礼貌🤤（Cs啲串烧劲好食态度又劲好点搞T_T又想疯狂推比大家又惊老板太忙我冇得食XDDD）
继续阅读