兆記餐室

营业中

休息中

之前見到呢間餐廳裝修，以為佢哋唔做，仲諗住咁可惜，裝修完之後食品水準提升，增加咗唔少嘅新菜式，今日同埋屋企人落嚟開餐佢哋主打一啲家常小炒，四位叫咗四碟餸，佢哋嘅櫻花烤炒蛋相當滑，加埋啲西蘭花擺盤，睇落都幾有誠意仲叫咗個叉燒炒稻庭烏冬,佢哋用咗日式嘅汁醬，所以食起上嚟同傳統嘅中式炒烏冬有少少唔同，都幾惹味最值得一讚係佢哋嘅湯，冇味精，一飲就知道唔會有嗰種好口渴嘅感覺，而且都幾大碗下每個月都會轉，所以間中都會有啲新驚喜最後當然唔少得有最適合送飯嘅咕嚕肉，佢哋嘅咕嚕肉，真係啖啖肉都幾大嚿下，仲食唔晒打包聽日lunch🤣我比較鍾意呢類特色嘅小店，起碼唔會好似啲大集團咁下下都有預製菜，份量又少，又唔好食希望你哋做得住啦 😘

自從裝修完之後食過一次午餐+晚餐，都幾期待。嘢食送上枱之後就驚訝認真好奇點解鮮茄芝士焗豬扒飯同咖喱飯攞出嚟都係室溫？ Did the kitchen prep the food hours before they were served? Questionable餐單寫明茶飲品唔需加錢？夥計就諗住收到我$6？還晚餐要加錢先至可以轉餐，雖然臨埋單之前都有改，想講問出單嘅時候究竟想點？餐廳想點啊，啱啱開舖食到而家，冇下次Disappointed to say the least.

入面好多伙記，但係冇service. 落單混亂，menu 選擇少。 明明係佢落漏單個啊姐走嚟話我哋食咗佢兩條腸仔，仲要解釋一大輪，問我哋明唔明，跟住又話冇嘢，唔緊要，皇恩浩蕩赦免我哋咁。講到好似我哋冇叫，又食咗人哋啲嘢咁。問佢拎豉油，拎咗嚟又要”銀”你話出面攞、自助的，好似個個客係佢員工一樣，要清楚佢個運作咁。最重要係，啲嘢勁難食！ 湯米個湯冇味，雞扒炸到乾晒，仲有油益味。 雖然佢唔係貴，但係咁嘅態度，真係幫老細趕客。

黃埔實在太多美食，諗咗好耐都唔知食乜，決定落街行一行，經過餐廳，被咖喱吉列豬扒飯將相吸引，所以決定試吓叫吉列豬扒蕃茄燴意粉。回家後，打開食物盒，吉列豬扒大大塊還熱，直落仲好脆，蕃茄意粉味道好，我自己覺得非常好食

飲食業待客友善係最基本最基本，呢間餐廳超額完成，而且食物高質素，環境清雅，值得一再幫襯！ 前日晚餐，依家早餐，今晚再嚟食煎魚！ 好嘅餐廳一定要密啲幫襯。我哋每人只係食咗一半已經飽，跟住問服務員我哋第日可唔可以兩個人分一個早餐，佢笑住溫言軟語地答話😊：可以㗎，冇問題㗎。

叫左個晚餐，餐飽，湯加主菜，餐飽等到天荒地老都未到，主菜喺25分中到後再吹，共吹了3次餐飽才施施然到，個姐姐重要有脾氣甘大力放碟落枱。呢D甘有服務既餐廳，幫襯一次都嫌多

叫個早餐40蚊得火腿粉蛋已經小貴間野得幾個客堂食緊，又無外賣單，諗住外賣都唔會耐，點知等足十幾分鐘返到公司打開仲要小左個包好啦，打落去講完咩事，直接俾佢cut 線

黃埔好多餐廳都已經食過，食到悶，之前經過見到新開無耐，門面裝修好似幾好既餐廳都一直想去試試。店舖7：30開業，奈何趕唔上返工時間，一直無機會試，今次終於有時間去試，點知一失足成千古恨😓坐入去，客人唔算多，3-4枱，諗住可以輕鬆快捷食完點知從落單到上齊，用左25分鐘。首先服務態度，本身諗住新開張，客人唔算多，態度會好些少，點知大失所望，叫左落單2-3次先有人理，都唔緊要，落左兩個餐後想要杯熱水，樓面2個人，一個聽到完全無視，再問第二個身型較豐滿既女士，先串串貢咁望去旁邊指自己去拎，都算數，人地規矩係咁都無辦法，但係唔耐煩既態度表情己經令人好討厭。到10分鐘左右，一通粉一麵先到，時間都正常，但係湯底淡，白烚雞柳無味又柴，失敗。火腿通無咩好講，湯底一樣。幾分鐘後女友先黎煎熟蛋餐包都無咩問題，但當時望住水吧出餐位就見個位豐滿服務員，徒手拎個餐包入袋比外賣，就留個心眼。（此樓面全程收枱收銀出餐，都無戴手套無洗過手）之後等多幾分鐘就黎我叫既荷包蛋，上枱一刻己經望到同女友熟蛋無咩分別，問個豐滿服務員，一開始佢都死口話佢地反蛋係咁，之後自知理虧先拎返去換，個碟餐包+蛋就放係出餐位。當時水吧負責煎蛋既男

平日行過都見到條小隊排緊，果日行過冇人即刻入去试下。。雖然選擇唔多，午餐叫左雞排，好得意飯可選芝士(類似risotto),我選了青咖哩汁。。。有d後悔，雞扒好滑好好味，太陽蛋好好味但原本好期待既青咖哩飯就好失望。。得少少汁仲要冇咩味早知试risotto....好彩有蛋汁撈飯。最後埋单时俾現金，服務態度ok la,不過水要自己倒。。埋单時cashier姐姐非常唔好意思咁找了12個$1俾我

黃埔麥記旁邊間冰室，上年新開後見OpenRice劣評如潮，茶餐廳又貴又伏又差服務態度，連我都無去試伏。開左好似唔夠一年就一分為二，其中呢間兆記餐室外表跟一般茶餐廳冰室無異，但招牌寫住「金牌肉餅」就令我有興趣一試。① 黃油鹹蛋蒸肉餅 $60餐牌上標明用西班牙黑毛豬X本地豬X真材配料，以黃金比例85%梅肉加15%五花。塊蒸肉餅略嫌唔夠厚身，但都唔算細份。唔知肉餅係咪落左馬蹄粒，食落有一粒粒口感，好食。② 酥炸珍寶雞扒伴櫻花蝦炒蛋飯 $62本身想試兩款肉餅，但見到呢個當日午餐又好吸引喎！雞扒有兩大塊，炸到有少少似家鄉雞，炸粉唔太厚，肉質嫰滑。櫻花蝦集中在炒蛋中間，蛋有蛋汁，唔係炒老蛋，份量好足！.一條大馬路之隔，餐牌上價錢貴左十幾蚊，但食物質素都尚算不錯。餐飲跟一貫茶餐廳收費，配凍飲加 $3，跟紅豆冰加 $14

呢間新開餐廳認真失敗🙅🏼‍♀️係香港求其一間茶餐廳都好食過佢 款式已經吾多 黎來黎去都係果幾樣野 但要又係度整式整水喔 一般水準都冇 真係極之失望 環境又污糟 周圍有垃圾都冇人掃下 員工又吾係見佢好忙呀 可能以為垃圾收埋係台底吾覺眼 就覺得好干淨🤣食物黎到 真係大開眼界囉 🤔青咖哩冇青色 失敗😔雞扒冇味 失敗☹️常餐 沙爹牛面冇配奄列多士 失敗 ☹️面底仲吾係出前一丁 失敗😔真係對吾住個價錢囉 又吾係大碗過人 出色過人 吾明白佢既收費標準係咩呢間野 我食左第一啖已經同朋友講 一定要寫食評 吾係對吾住自己 好想話俾未黎幫襯既人知 不可可一 吾好俾機會佢 令到自己個味蕾有受傷

之前行過經過發現新開左間茶餐廳，見佢既Menu幾吸引，所以今日就去試下佢個早餐👍🏻個裝修係日本既木系裝修，坐位都算闊落， 座位同座位中間有啲小植物🪴感覺幾清新舒適。另外今朝我一個人食早餐，待應都叫我坐個4人卡位，而且都有主動拎水埋黎。🌟 早1 - 菠蘿包＋西煎雙蛋🍳｜$36＋凍飲$3平時好小見有茶餐廳有呢個組個合，覺得幾特別。講返個菠蘿包先，上碟既時候熱熱地，個菠蘿🍍包皮幾脆幾香，都幾推薦。煎蛋都幾嫩滑唔太油。凍奶茶都OK濃濃地有茶味。整體黎講食物幾好食，環景舒適不過價錢輕微偏貴。😋推薦指數：8/10

黃埔是我成長的地方，以前住黃埔，覺得黃埔最吸引的地方就是多食市，食早餐永遠最鍾意就係去茶餐廳，貪有炒蛋同多士，仲有美味的公仔麵🍜😆。今次經過黃埔麥當勞附近，見到新開的茶餐廳，二話不說入去食個早餐先😎。因為新開暫時只收現金。這間茶餐廳以現在最流行的木系裝修，我鍾意佢嗰餐牌，「香港風味」配上懷舊綠色和橙色，仲有好多得意的食物插畫，好可愛❤️。早餐選擇也很多，最特別是竟然有🐓雞柳湯意粉🍝，未試過見到有間茶餐廳有雞柳意粉，雞蛋可以選煎蛋，或者炒蛋，我選了炒蛋。食物來到的時候，令人驚喜就是有一個餐包，唔知道大家會唔會好似我咁樣，我對「餐包」情有獨鍾，細個當考試好，家人就會帶我去舊式扒房，最令人深刻，就是羅宋湯配餐包。現在好多茶餐廳都用多士，已經好少有餐廳提供餐包。炒蛋份量多，餐包軟綿綿配上牛油，另外雞柳湯意粉，雞柳不會死鹹，肉質也很腍，配上忌廉雞湯，帶有一種❤️家的味道。這裏坐得很舒服，早上最需要的就是一個簡簡單單的早餐🥣，簡單的意思是不用太Heavy，就是不用食加工食物，這裏做得到。我不用再選擇午餐肉或者腸仔，我可以選擇雞柳，期待下次再去！❤️