影片
以上资料只供参考，请与餐厅确认详情
食家推介
相关文章
系附近番工，经常帮衬佢，午餐3𩠌饭，住家味道，健康，可以转面底。每次食到饱到反艇，认真抵食。仲有个鸡蛋仔，食一底可以饱晒，加几蚊仲可以有其他味道，比其他舖头相对平～老板好人又健谈又同路，好不幸听到坏消息，做唔住，做多几个礼拜，希望大家去打打气（认真失落）
继续阅读
📌 兄弟小食📍鲗鱼涌英皇道846号民新大厦地舖朝早叹个蛋牛治，充满能量开工🤣 三文治新鲜制作，即叫即制，需时大约10至15分钟左右，拎上手暖笠笠！鸡蛋好厚，明显见到咸牛肉；面包搽满牛油🧈，咬落充满咸牛肉、鸡蛋、牛油不同嘅层次。如果面包烘过会更好。味道：✦✦✦✦✧环境：✦✦✦✦✧服务：✦✦✦✦✦卫生：✦✦✦✦✦价钱：✦✦✦✦✧人均：$18
继续阅读
港式街头小食有好多，烧卖、鱼蛋、煎酿三宝等，而最饱肚嘅一定系格仔饼！传统格仔饼就系加牛油、花生酱、炼奶及砂糖一齐食，虽然罪大恶极但都会忍唔住心思思想食，但坊间好食嘅格仔饼真系唔多，而重点要即叫即做，一早整定嘅就要out，而「兄弟小食」嘅出品真系本人嘅top 3！格仔饼 $22即叫即制，所以记得要预时间。格仔饼拎到手热辣辣，最紧要饼皮香脆，香浓蛋味夹杂花生酱、炼奶等，邪恶但满足，所以间唔中都会突然想食！另外仲有榛子酱味格仔饼供应。烧卖+鱼蛋 $18港式小食点可以唔提呢两位，拣咗加咖喱汁，咖喱汁又香又辣，烧卖唔会蒸得刚刚好，唔会太腍；鱼蛋用陈皮鱼蛋，鲜鱼香中有浓郁陈皮回甘味，好味道！
继续阅读
行开鲗鱼涌，咬返底鸡蛋仔🔥🔥呢间鸡蛋仔食特别味道只系贵原味$4，比起其他都有呢类型鸡蛋仔嘅舖头算系几抵👍🏻👍🏻但系由于我今朝已经食咗𠮶 Mr Rabbit Baking Lab嘅朱古力Bagel，打爆左我一日嘅Baked Products Quota🤣🤣🤣所以虽然口痕又心痒，都系食原味啦💕一拎上手忍唔住第一时间拉低口罩咬一啖🐽🐽🐽一如既往脆卜卜🥰幸福嘅味道顺带一提，三文治🥪都正，有热辣辣蛋牛，推荐👍🏻👍🏻午餐时间好多人黎买饭，炒蛋系即刻煎几有心机💪
继续阅读
成日搭车经过见到依间店舖 今次终于趁行完山 顺便去一去依度 位置好易睇到作为烧卖爱好者既我 当然头号选择系烧卖 价钱比想像中抵 $10有7粒 最最最紧要既系 依度既鱼肉烧卖系真·鱼肉烧卖 而唔系粉黎 咁既价钱 真心抵味道方面 上网睇啲人评价系麻麻 可能我帮衬既时间尚早 烧卖系岩岩整好冇耐 所以都冇评价讲既焗时间太耐林哂既问题 重点系啲酱油 系甜酱油黎 配搭起上黎系绝配 食饭时间都几多人排队 因为是小店 所以时间要等一阵 但整体黎讲 系值得一试既
继续阅读