影片
早两个星期日去长沙湾揾食，睇到呢间觉得唔错啱妈咪食，点知原来星期日休息喔！今晚适逢平日又路经决定要试店内有1张6人枱，两张4人枱同一张2人枱，好彩即时有位女店员（店东）同我哋落单，之后佢同水吧男店员（店东）覆述系讲越南话，食物即叫即整海防猪肝酱小法包～外脆点埋个辣酱食好醒胃传统牛肉汤河～牛肉同河粉份量好足三拼汤河（生牛肉、牛丸同牛腩）咖哩鸡扒饭～鸡扒煎得香脆香茅猪扒饭~猪扒软嫰好入味木爪沙律～好爽仲有好香薄荷味百香果特饮，薄荷青柠梳打热蜜桃咸柑桔、咸柠檬水见到隔离枱叫咗法包好吸引决定外卖听日食扎肉法包～用电饭㷛整返热，法包好脆好多料（肝酱、扎肉、生菜、酸萝卜丝同芫荽），可能加咗辣酱，所以有啲辣整体嚟讲好食抵食加上好好服务会再去帮衬试埋其他食物
继续阅读
呢间小店真系完全唔起眼啊，佢系位于长沙湾MCL斜对面个小巷入边嘅一间小店。呢间越南小店系真系由越南人开。嘢食嘅味道相较地道。今次提我第一次喺下午茶时段黎食。下午茶餐由40至$45不等，送一杯热饮。加两蚊就可以转成冻饮。我今次拣咗香茅猪扒捞檬粉，分量基本上同lunch嘅系差唔多，都仍然系咁足料。拣咗热咸柠檬水，淡淡嘅咸柠檬味，一啲都唔过咸。而且侍应态度非常好。记得之前食牛肉河粉，都系大大碗好好食，仲食过鸡扒饭。lunch嚟讲$50有咁好质素，真系而家好少见啦。
继续阅读
食完《兄妹越南粉》、终于体会到喺香港经营越南菜嘅人性化之道。以前食越南粉绝大多数系啲连锁店、一种越南街头庶民美食嚟到香港可以卖到好贵。但《兄妹》系首次见到越南菜餐厅中最感动嘅价钱、而佢嘅价钱平、并唔系唔好食。小店经营人气高、一支公嚟应该搭硬抬。佢呢度啲pho好似冇出面咁多花臣又生熟牛或火车头之类、Lunch Menu比主餐牌优惠又有想食嘅pho 当然系叫lunch。【越南生牛河】上菜时生牛肉浸熟位程度约五成、出面叫碗生牛河、递嚟都浸熟到七、八成。个汤第一感觉系清淡、所讲嘅清淡唔系淡而无味、系清甜唔会好浓厚𠮶只、饮完唔觉颈渴咁就明白系咩一回事喇啩？个青柠比较出味、好明显带出酸味（已经冇用手摙）值得一赞啲「青」料好多、啱哂我最钟意食粉面多葱、有香叶、洋葱、少量芽菜。唔觉意啪到粒辣椒都几辣嘅。另外河粉极充裕、啱哂上班族唔怕食唔饱、出面真系好多都份量偏少。就算只讲Quantity、呢下都拉高咗CP值。【香茅鸡扒汤粉】不过不失、个人喜好越南粉一定牛河好食啲、虽然听闻越南当地鸡河正啲、呢碗胜在真系唔油腻、见过其他店成碗汤系鸡油。呢个椰菜丝鸡丝沙律真系超值、跟餐只+$8一定要加、汁又好开胃、有惊喜。抵到烂。春卷够味脆口制作需时、但表皮都颇多油。越式滴漏咖啡、第一次饮唔知道原来炼奶已经隐藏喺杯底、只需要搅匀就得、第一次饮唔知当斋啡咁饮、越南啡确系偏苦、但喺越南咖啡范畴嚟睇、杯啡味道系OK。
继续阅读
荔枝角区内其实好多好野食，好似哩一间正宗越南人开既越南🇻🇳餐厅，虽然地方唔大，但食物质素就值得你前来体验😚。河内烧猪肉捞檬 $58 + 冻咸柑桔 $7一上台份量都唔少，好怕猪肉🐷会好干，但佢一啲都唔会，用左腩位部分，一层肉加一层脂肪咁，好香口又唔鞋。个汁好贴近越南食到既味，咸甜酸都好平均，加埋檬粉真系好好食😋。另外，佢仲有薄荷叶、芫茜、金不换🌿伴碟，可以按自己口味加落去。同埋佢系唔辣，唔食辣既朋友都可以试。至于饮品🍹，我觉得比较淡味，但当清清地解热。
继续阅读
6.30pm在荔枝角MTR交收二手书, 手痕下search“越南菜” - 好, 就你吧.📚👍🏻在G-map 的带领, 步行十分钟后便到达毫不起眼, 但灯火光明, 而且一眼看通的小舖 - 半open kitchen, 只有十多座位的兄妹越南粉.💡妹妹笑容可掬, 温文地说声“随便坐”. 兄长穿著黑T-shirt 喺kitchen坐阵, 微微点头.💁🏻♀️👨🏻飞快地叫咗牛肉加牛腩pho. 任何一间越南餐厅, 他们的练门就是汤头. 不敢抱太大的期望, 只怕换来是是靠味精调出来的有味水, 所以叫埋咸柠七. 🍋🥤五分钟后, 妹妹轻轻地放下热辣辣的pho, 跟著提醒一句, “汤是可以加的”.🥣 吓？居然对自己的汤头咁有信心？？Yup. 掂. Yes. You. 汤清,但浓味. 口腔不苦不涩. 问妹妹攞咗一小碟鱼露. 放了两三粒切碎嘅红辣椒, 再加几滴青柠汁, 牛腩轻轻点了这个酱汁放入口. Hmmm...松化.😌眼见客人都逐渐落下自己心头好-捞檬, 鸡串. 耳边听著哥哥轻轻地亨著越南流行曲, 忙而不乱地逐一为客人准备晚餐. 妹妹兼顾楼面和清洁. 兄妹之间有一定的默契. 有一个家的感觉.十卜.
继续阅读
您可能会有兴趣的...