元祖和風食堂虎藏

营业中

休息中

路過元祖和風食堂虎藏, 見到他們有芝士薯餅外賣，感覺上好像在京都一路走一路食的風味，這種芝士薯餅結合了美味和創意的經典料理。芝士薯餅芝士薯餅外酥內軟的口感，這間 虎藏的芝士薯餅由於外層炸得酥脆，內部則包裹著香濃的芝士和薯泥。這種對比使每一口都令人愉悅。再者芝士的濃郁風味，其中它的一大特色是芝士的濃郁風味，融化的芝士營造出豐富的奶香，與炸薯餅的酥脆形成了完美的組合。這個創意與傳統的結合就是 元祖和風食堂成功之處。把傳統的薯餅經過重新詮釋，添加了芝士這個不同尋常的元素，讓人驚艷，令人回味過去在京都吃過的味道。它非常適合與朋友或家人分享，而且是一路走一路食的美食。再者它的價格合理，絕對物有所值。😎  ⚡️ 好味指數：🌕🌕🌕🌕🌕🧀️  約350-550kcal 卡路里/份

兩個人拍拖幫襯，門口見到甜品都好吸引。入到去我哋要QR code落單，隔籬枱八個人就可以人手或QR code落單。6點18分落單，20分鐘內上哂啲野，杯野都未飲完。6點45分就開始收碟，又要搭枱又要要求顧客搬埋啲。下次要拍拖速食快閃的老襯建議幫襯下。

最近黎到長沙灣既元祖和風食堂，裝潢以日式風格為主，餐牌選擇都唔少，最後點了醬油拉麵加小食套餐，搭配雞蛋和北海道產芝士薯餅醬油拉麵湯頭濃郁，帶有濃厚的醬油風味，令人回味無窮，拉麵本身彈牙有嚼勁，與湯頭十分搭配，麵上既配料包括豬肩肉片，海苔同雞蛋，增加口感，可惜雞蛋唔係糖心蛋有點失望我選擇了北海道產芝士薯餅作為自選小食，呢個選擇絕對冇令我失望，薯餅外層酥脆，內裡鬆軟，芝士融化得恰到好處，如果可以再熱辣辣啲就更好

呢度嘅中午同下午茶都幾抵食，一碗拉麵加小食都係四、五十蚊左右，小食有薯餅、炸雞、餃子，另外再加一杯飲品，都食得飽。壽司，豬骨湯拉麵豬骨湯底OK, 但無想像中咁濃郁，拉麵口感尚可，但份量偏少。壽司就一般般，無乜特別。性價算幾高，無太高要求，純粹醫肚都唔錯。

今日去左呢間鋪頭吃飯，叫左個拉麵吃，點知吃左一半有隻曱甴🪳，我仲要吃左隻腳先發現。個經理就收左個拉麵，冇賠償，個態度仲要好差，每次經過都會怒啤你，唔建議去吃。😡😡😡😡😡😡😡😡😡😡😡😡😡😡😡

真心唔建議去，拉麵入面有曱甴服務員態度差，黑口黑面。唔建議去，拉麵入面有曱甴服務員態度差，黑口黑面。唔建議去，拉麵入面有曱甴服務員態度差，黑口黑面。 個經理會望住你

今日去左長沙灣元州商場的元祖和風食堂食晚飯，叫左特製印度肉碎咖哩豬扒飯，份量十足，咖哩汁加了豆及肉碎，用來撈飯好開胃，但對於喜歡吃辣的人可能會覺得辣味吾夠，豬扒炸得鬆脆，又不會太乾。

侍應態度唔好，啲嘢食正常價，又唔係特別好食。加嘢飲要加$8，貴過人哋茶餐廳。個friend碗拉麵，有啲面唔熟嘅，杯凍檸茶成杯都係冰。真係以後唔好再嚟，寧願食貴啲

依間日本🇯🇵料理店嘅特色係好多組合選擇，好多餐都有🍜麵有飯🥚，或者蛋糕🍰，餃子🥟等等，好啱鍾意乜都試啲既小編😆今次嗌咗豬骨湯拉麵🍜+抹茶cheese cake🍰+ 凍奶茶少甜。🐷豬骨湯拉麵，湯底偏鹹，🍜拉麵好彈牙，有一片薄叉燒，竹筍，紫菜，酸薑，係一碗基本嘅日式拉麵，當然份量偏小（因為有蛋糕）抹茶cheese cake🍰，呢個絕對係重點，抹茶cream唔會太甜，成個蛋糕分四層，一層cream，一層蛋糕咁疊住，口感豐富，而且比出邊嘅cake大件😍，再飲多杯嘢，一般都夠飽。

嗌左碗下午茶照燒雞肉飯加炸忌廉蟹餅配熱啡。本身都冇乜期望，但未至於咁.. 先黎嘅係忌廉蟹餅.. 張單竟然攝係件食物下面.. 茶記依家都唔會咁做啦.. 何況日本餐廳。得d忌廉餡，蟹柳碎都見唔到粒.. 假蟹味都唔俾d..碗飯嘅配菜..菠菜有陣縮縮地味，好似放左係室溫好耐變壞咁嘅味..配菜荀.. 濃郁嘅味精味，死咸。 d雞好乾.. 又硬.. 個碗大顯得個4粒仔雞肉好孤寒，好彩都重有d蛋絲配下飯食，但冇乜汁已經好乾爭爭成碗白飯咁食..照燒雞汁得個幾滴係d雞上面.. 諗住落d七味粉撈飯食，枱冇配料冇水提供，問個職員有冇七味粉，話要自己出去餐廳中間位置拎，如果餐廳人多，一個人食就唔知出唔出去拎好..話哂d嘢就咁放係到坐位.. 杯咖啡本身一早冇乜期望.. 要知道作為一間日本餐廳，平民還平民，但基本餐飲知識都好重要。

！！豬骨湯拉麵，有尿鴨味同煙臭味，係男人熟悉嘅味道，冇錯就係香港公廁嘅味道，what a “local Japanese restaurant”最近係長沙灣一個新樓盤到做野，附近又冇咩好食，之後見到元州邨商場附近 地舖有間日本野，感就諗住去試吓啦。行到過去，見到門面正常企理，餐牌多選擇，櫥窗又有整食物proxy，present得幾清晰，舖頭環境又唔係特別差，價錢亦都平，感咪try try 佢…我就叫左個72G.法式朱古力蛋糕配豬骨味拉麵🍜，同枱其他人嘅餐嚟先，見份量都唔錯，一個餐有丼飯配小食仲跟餐飲，first impression唔差。我食拉麵就有個習慣，望一望食物嘅擺盤，聞一聞碗麵，之後𢳂一匙羹湯，試吓湯底嘅味，其後就夾起麵聞再放入口試味。［一聞就覺得怪怪地，唔同平時豬骨湯嘅味不特只仲有陣熟悉嘅除，係香港公廁嘅味道，尿臭再溝煙臭！］我心諗唔_係呀，唔信扯聞多幾次，輕輕吸 大啖吸，唔_係喎，真係公廁陣除喎，作為一個男人，公廁陣除冇可能認唔到。但anyway聞左一大輪，就膽粗粗試吓味，睇吓咩料，食落又冇野，係難食。但食幾啖，個陣除又飄入鼻。唔掂 我停低咗冇再食，聞多次碗麵，唔_係喎，我

✨下午茶时间好似到17:30结束，我地系17:20到店，直接當食埋晚餐算了。✨門口有一個【可樂餅コロッケ】的外賣攤位，加上進店後發現好多客人都點咗可樂餅，於是點餐嘅時候，我地就點咗：【147.肉碎咖喱飯&迷你和風醬油拉麵】（46HKD）【150.牛肉薯餅&迷你和風醬油拉麵】（44HKD）跟餐都會送一杯飲料🥤。🥔牛肉可樂餅，食落感覺比較一般，因為本來就凍咗，唔係即叫即炸就會比較油膩，而且調味好淡。🍛咖喱飯，餐牌介紹係印度咖喱，食起來感覺唔夠日式咖喱順口，個人唔太喜歡。🍜醬油拉麵，整體幾好。湯底夠香，拉麵都有d嚼頭，但係雙拼之下就的確分量偏小。

午市光顧了幾次，因為佢有個套餐好抵食，包迷你拉麵，甜品同飲品，$58-60 （視乎叫咩甜品）。對心多多既女生十分岩今次點了迷你醬油拉麵，甜品就抹茶蛋卷，飲品就咖啡上枱時三樣野一拼放在餐盤上。迷你醬油拉麵：正常味道，不過不失。麵質亦有質感，吾會不糊口或太硬。扣分位係隻蛋未能糖心，似屋企白烚多啲抹茶蛋卷：好好味，份量吾細，蛋糕好有搽茶，而個cream好白搽茶加奶油味道，食完心情都好啲咖啡：好有去日本既咖啡店既味道$58呢個餐性價比高👍

呢度嘅下午茶幾抵食，40幾蚊就有一碗拉麵跟住可以揀唔同既小吃，例如有薯餅、餃子、炸雞、甜品等等，仲跟一杯野飲。我同屋企人一人嗌左一個下午茶餐，佢食薯餅我食炸雞。各個拉面你唔可以預咗佢係正宗拉麵，似係即食麵果種拉面，面試湯底係ok嘅,醬油湯底係飲完唔會太口渴，叉燒就係冇乜口感冇乜味。佢薯餅係ok嘅,佢嗰炸雞略嫌有啲乾身。其實以40幾蚊嘅價錢黎講又有拉面又有肉又有野飲已經講得上性價比非常之高，簡單醫肚之選。

同朋友出黎長沙灣睇戲，睇完戲緊係去搵好食嘅野啦，之後就見到呢間餐廳幾平就入左去食😜～我同朋友都叫左個有甜品嘅套餐，有碗拉麵，蛋糕，同飲品😍～拉麵有幾款湯底簡，我地簡左豬骨湯底，雖然唔算好濃郁，但都有豬骨味☺️～拉麵亦彈牙，雖然係細碗，但已經比想象中大碗左👍～蛋糕方面，我嗰件係抹茶意大利芝士蛋糕，佢偏重奶味而抹茶味唔太重，對我黎講就啱啱好，因為我唔鍾意太苦太濃😁～我朋友嗰件係法式朱古力蛋糕，我試左少少，好足朱古力味但唔苦，幾似布朗尼❤️～叫呢個餐凍飲都唔洗加$，又有蛋糕，真係好抵呀😊！