21
16
5
港铁长沙湾站 A2 出口, 步行约6分钟 继续阅读
所有分店 (3)
电话号码
26965677
营业时间
今日营业
12:00 - 22:00
星期一至日
12:00 - 22:00
付款方式
现金 八达通
食记 (55)
呢日星期五又去长沙湾嗰边搵朋友食晏,之前经过元州商场见到呢间日式餐厅几抵食咁,今日就嚟试下,好彩朋友搵定位先,我行到去见到门口都企咗唔少人等紧,真系估唔到,因为行埋入去发现餐厅其实好大下。不过环境好鬼嘈,唔系好紧到计😅。餐厅有做set好抵,就算单点亦好平,不过就唔包嘢饮,要额外俾钱。食物选择花多眼乱,最终我拣咗个餐系饭同面都有😝,一次过满足两个愿望。我要咗虎藏牛肉饭拉面定食($54),顾名思义有个🐮牛肉饭仔,虽然细细哋,但都有一个白饭🍚嘅size,牛肉份量亦好多,味道几好够咸够多汁👍。除咗饭,仲有个拉面仔,其实唔太细。汤底有得拣和风酱油、猪骨汤或味噌,我就要咗最前者。🍜拉面正正常常啦,有块叉烧有啲笋同半只熟蛋,同想像中差唔多,不过估唔到呢只面质到最後都有少少浸淋咗,但又唔太大影响嘅。个餐仲有前菜仔(小砵),有菠菜同牛蒡。Overall来説我觉得都算好味嘅,而且份量好足,够哂饱😊。朋友就要咗🐷滑蛋猪扒饭定食($46),佢呢个就有得跟面豉汤或者饮品。我食咗一嚿猪扒都觉得唔错,朋友就嫌蛋份量好似唔够多🤭。但成个饭量就好多,佢食唔哂。另外,虽然唔包嘢饮,但餐厅有提供热水比我哋自己斟。总括嚟讲,我系明白点解呢间餐厅要排队嘅,因为的确系几抵食,而且食物味道都唔错,环境正常,性价比劲高👍👍👍。如果周围开多啲分店就好喇,虽然行过嚟要啲时间,但我应该都会再返嚟食lunch啊! 继续阅读
(以上食记乃用户个人意见 , 并不代表OpenRice之观点。)
等级2 2020-01-07
16 浏览
以晚饭的价钱,有饭,有拉面,有炸鸡,六十几蚊系几抵。见到其他人食其他set,系配抹茶蛋糕,望落都几吸引。不过拉面同炸鸡就麻麻地,普普通通。我地仲叫左小食,野菜薯饼,南瓜薯饼同蟹肉饼。外皮酥脆,都几好食。总体系抵食,但味道一般 继续阅读
(以上食记乃用户个人意见 , 并不代表OpenRice之观点。)
呢间野都食过好几次㗎啦,老老实实质素其实好一般,同区有大把好选择过佢。当日我一个人入去食,要我同另一个人搭对面都已经有啲不爽,坐落咗大家一齐点餐。点完之後个师奶伙记剩系比单对面无比我,我都觉得怪怪地。等咗成二十分钟有多,我追问佢系咪漏落单,因为我无单,个伙记查完一大轮就同我讲漏咗单,仲问我认唔认得边个落。大佬我鬼记得咩,落单都要认住边个。我咪话系师奶黎罗,佢话呢到个个都系师奶,个下我真系火都黎,呢啲系咩服务态度!呢间野永无下次! 继续阅读
(以上食记乃用户个人意见 , 并不代表OpenRice之观点。)
等级3 2019-10-20
190 浏览
哩间店舖开左都好一段时间,还记得新开张时,我地好惊讶系一个屋邨地方开间好似几有质素价钱唔算好贵既食店,有无得做呀? 新开张果时排队排到痴晒线,依家食饭时间都会排队,不过无之前咁夸张啦。咁我地都食过好几次,款式多,有贪心既款,有小食多姿味既,亦有大胃口既选择,我地比佢吸引既系其中一款小食,薯饼系列。讲返今次,食左咁多次点解要出post,因为我真系觉得佢已经差左,好希望佢改进下。泡菜豚肉拉面,面底都好大系够饱既,泡菜同豚肉都唔小算足料,但个汤底系唔热嫁,暖暖地only,拉面系熟既但仍然偏硬身,sorry!我今次只系食晒啲餸同两啖面已经停手。牛肉薯饼,上台好热,即炸好香喷喷,薯味无以前咁浓郁了,味道还可以 继续阅读
(以上食记乃用户个人意见 , 并不代表OpenRice之观点。)
<<可能系长沙湾最平既高质日本野>>One of the best Japanese cheap eats in Cheung Sha Wan 引颈期盼好想食好耐张既日本速食餐厅果然聚望所归,超平又美味!Have always wanted try this out, now finally got the chance, yo!单点滑蛋吉列猪排盖饭 $38:大大份,个饭有汁底,个蛋整得好,猪排吸到蛋汁,有葱白花伴面,同日本食到既口味差唔多!A la carte pork chop with scrambled egg rice bowl, $38 only for authentic Japanese flavour, highly recommended!铁板羊定食:个羊非常新鲜,有应该有既羊味得黎又唔系so臭,个汁好惹味又唔太咸,椰菜份量足够,配白饭同面豉汤,一流Lamb on sizzling plate with rice and miso soup: very fresh meats with a wonderful sauce, delicious yet not too salty, great pairing with the rice 甜品:大大白桃软雪糕,10蚊劲大支雪糕,桃味浓食落甜酸甜酸似fro-yo, 好钟意!仲要系日本个只筒,开心!White peach soft serve $10, huge ice cream served on Japanese style cone, rich peach flavour and tastes like frozen yogurt, I like it a lot! 继续阅读
(以上食记乃用户个人意见 , 并不代表OpenRice之观点。)