影片
以上资料只供参考，请与餐厅确认详情
食过2次这店的串烧，2次都系附近泳池同仔仔黄昏玩完水过嚟医肚。这店6pm至开铺，早上经常落闸，唔讲以为佢已关门大吉。今次点了三款，金菰肥牛卷、芝士鸡肉串、芝士烟肉，$62。串烧放在生菜上，仲有车厘茄伴，感觉好refreshing. 第一次食的经验系：串烧好热，唔好即刻食。今次醒目咗。阿仔一次过KO晒，话好味😋
继续阅读
星期日一个人想食串烧，特登来试下。先叫左1 round 芝士烟肉大菇、羊肉串、芦笋烟肉卷。老板好有心，摆盘整得好靓，蔬菜好新鲜👍 大菇味道一流，超级juicy爆汁，又切到一啖啖既size,好细心❤️ 芦笋卷每卷都有5条，而且好嫩，俾足料👍 而且烟肉系厚烟肉，唔似有d地方用薄烟肉，又油又痴牙。 唯一失色系羊肉，冇孜然味，盖唔住羊肉臭味，而且亦都冻左。第二round加点烧菠萝、鸡软骨同烧墨丸。烧菠萝超级大推荐！ 好多串烧店的菠萝都好老又有渣，但lee到的嫩、甜、香，好似食到有点微微酒味咁！赞！墨丸亦都弹牙。整体来说值得推荐，老细服务态度好好，亦感觉有心。不过在烧野既次序上可能要再落d功夫，才不至于烧完出来有d好够热有d已经冻左。加油！
继续阅读
串烧唔热！元烧茄子摆明系用水煮！海鲜炒乌冬啲鱿鱼可以系唔熟！摆明系唔识煮，个镬都未热就放啲嘢落去炒！小喇叭三个人食咗＄300！早知自己喺屋企开炉烧好过！食完果盘串烧之后，都冇晒心机！所以条水汪汪的茄子同个唔熟嘅烂鬼乌冬都冇去影相！屋企个印尼姐姐都话: 咁鬼难食都有，小姐早知去食牛腩面好过！本来满心欢喜，仲谂住星期五食好啲，点知濑晒嘢！呢间嘢绝对可以使你嘅心情跌落谷底！虽然个厨师话下次会做返好啲俾我，但试问我又点敢再去！绝对冇下次！certified!
继续阅读
说好了的川菜变了独独铁板晚餐！头顶有点冒烟，心里有团火，冲入元烧。暂时一个食客都未有，室内吧台只有两个位，老板示意我坐门口。唔系挂？我脸色一沉加滴汗，心谂我唔坐街边架㖞，正打算转身离开。老板即 offer $500 蚊最低销费，一个人包场无问题，抵啦 ﹗其实已上网多次查阅 menu，海鲜不是每晚全部都有得供应呢，视乎当日街市有咩卖。先 order 几款试试，之后再添食。老板称帆立贝不太新鲜，取消较好，无问题，听您的。原来元烧无酒供应的啊，网上见到的照片只系食客 bring your own beer 架乍。那我要杯苹果梳打得喇，还以为会跟照片一样用有柄玻璃杯，竟然用 1664 啤酒杯，真系估您唔到。蒜蓉辣椒，味道似现成外购多过自家制，蒜香浓而油而浊，辣味微弱，还可以。见老板都系刚开档无耐，好多食材还未预备呢。开定铁板预热，待一阵表演。又一估您唔到由羊架打头阵，有别于由淡食到浓、由蔬菜海鲜到肉类既编排呢。羊架两面煎封再阁在一旁慢煎，那就能腾出时间煮理其他菜色。薄牛仔骨转眼两面煎熟，居然会出动火枪喷射，使其表面燋香，食落就更香口。肥美牛仔骨油脂丰富，被火枪猛烧下散发浓郁烧烤香气，油脂溶化包整件牛仔骨，闪闪发光。烧牛仔骨，首个冲线 ﹗牛仔肉松软棉棉，不干不硬，腌味恰到好处不过火，煎完再烧份外香口。牛仔骨一向都牛脂澎湃，难得油润而不腻，而且泛著轻轻燋香味更是吸引。骨头旁既骨膜结实弹牙非常有咬口，最喜欢慢慢品尝。烧羊架 5 成熟，紧随著牛仔骨送到，摆位整齐有序，撒上炒鲜柠皮点缀一下，还飘著柠皮独特的清新香气。豪气地一咬一扯，无需怕丑，肉汁飞射 ﹗煎封了的外层肉味浓有嚼劲，孜然粉味道突出。保护著里面鲜甜粉红嫩肉，水润棉棉，啖啖肉好幸福。豉汁炒花蛤，难得系生炒，好多食肆汆完水，求其兜个汁就出货，味道、海水味、鲜甜味早系汆水时已经全部流失喇。但生炒花时间，而且要冒有砂、有泥、有嗅蚬既风险呢。热腾腾上台，鲜甜无比，肥美饱满胀卜卜，充满海水咸香，肉汁澎湃，无得输。虽然有几点砂，又有只死蚬，不过我都比满分 ﹗写食评时时发现 delete 错左花蛤张相呢，人家影得好靓架麻，阴功 ﹗厚切牛舌串烧，略洒海盐调味已非常足够，外卖烧得金黄燋香，牛膻味透著少许咸香，质地先腍棉后微爽，都不错。夹住鲜茄一齐食，依个配搭更是创新，味道清爽。酱烧鳗鱼，原条份量都几多，决定半条堂食、半条外卖去 Baby 分甘同味吧。煎皮脆肉嫩，鳗鱼皮微脆香口，鳗鱼肉软塾，大大啖沾上甜甜照烧汁，不过不失啦。硬系欠一点鲜甜味道，欠缺灵魂。海螺串烧，螺味强烈，但有点单调。弹力十足，仲弹中带结实。食左一旧味道有点寡，配上蒜蓉辣椒更加好味，估唔到味道非常夹㖞，正呀 ﹗烧鱿鱼须，索一索香喷喷，晕得一阵阵。见老板夹起鱿鱼须时十分跳荡，生猛到活既一样 ﹗烧得好惹味香口啊 ﹗鲜鱿鱼味突出，天然海水咸香无可媲美，爽嫩弹牙无得顶 ﹗全餐 $500 蚊有找，仲要 order 左几客串烧外卖添，价钱实惠合理。
继续阅读
宵夜时间，叫左唔同既串烧试下。花枝丸烧到脆皮，好弹牙。鸡软骨好有咬感、爽口。鸡肉好滑，鸡皮烧到脆，好香口。牛柳粒好juicy,无渣好淋身，有牛味。拌碟仲有好多蕃茄，好清新。有柠檬可以吱d汁落串烧度食，味道好fresh.
继续阅读