元気寿司 (V Walk)

营业中

休息中

今日下午茶時間經過元氣，見佢有d 幾抵食嘅下午茶set, 最平$48(+1) 有六件壽司、兩個小食，感覺都幾抵就試下。😋叫左最平果個set,全部壽司都係熟嘅，啱晒小朋友，質素正常，以依個價錢可以食到依個味道同份量，真係算性價比高，而且賣相都幾好👍揀左跟茶碗蒸，味道都啱啱好，入面有帆立貝同埋蝦，足料🍤🥳

小朋友而家喺呢度附近返課外活動，見近近地就元氣壽司食lunch ，佢哋嘅玉子燒真係小朋友嘅至愛，玉子燒加咗芝士醬汁 ，更加好食！另外我哋都好好鍾意呢個微辣嘅三文魚，加咗少少辣汁同埋蒜片，十分香口！另外仲有蟹膏系列的軍艦壽司，蟹膏香甜都幾好食㗎！而且元氣壽司環境寬敞 ，好適合一家大細去食！

今日去v walk行街買嘢,行到攰又肚餓想食壽，見到元氣壽司即刻行咗入去，咁啱係午後之選時段，揀咗一個極上壽司定食，定食有好多款壽司，油甘魚壽司，炸海老壽司，北奇貝壽司，壽司食材新鮮，壽司飯軟硬適中。跟定食仲有三文魚刺身三件，刺身非常新鮮仲有魚油味，仲有燒章魚丸，加上紫菜同埋呢個醬燒汁，熱辣辣非常惹味，同埋我最鍾意食嘅日本蒸蛋，蒸蛋材料豐富，有帶子鮮蝦同埋魚片，食落非常軟滑，蛋味香濃熱辣辣，令人食落去非常回味.