元気寿司 (形點 II)

营业中

休息中

黑雨後去左食元氣，發現有新品！大讚珍寶螺片壽司❤️大大件勁爽脆！非常有鮮味～另外再叫左日式醬油盛岡冷麵，無留意有泡菜🥲原本想放棄食，最後都係試過一啖，發現個口酸酸地幾開胃，小朋友都有食，仲話凍凍地幾好食。另外我哋叫咗一啲平時都會食嘅嘢，一開始特大赤海蝦壽司賣晒，但係臨尾見到又有得揀返，所以係海蝦壽司同埋螺片壽司中間諗咗一陣，最後都係試吓海蝦壽司，其實都幾好食，但係我都係鍾意螺片壽司多啲😆跟住而家做緊優惠，滿$180就可以扭蛋一次，我哋食咗四百幾蚊，最後可以扭蛋兩次，我哋兩次都係中多啦A夢嘅膠紙，小朋友都好開心。特別一提，我都幾欣賞呢一間分店既姐姐，每次見到有小朋友都會主動俾兒童餐具，同埋會問我要唔要BB凳。

第一次嚟Yoho分店到食，貪Yoho泊車優惠多。但對Yoho分店有啲失望壽司整得衰過街邊3蚊舊個d,粟米成本咁平，連咁細舊飯都鋪唔滿，望落去見到飯底..舊飯超迷你，歪嚟歪斜..好似自己買外賣唔小心壓偏左咁。12蚊一件厚切鰻魚，唔要求12蚊好厚，但都唔會穿晒窿照俾客吧。。。味道無問題，當然粟米壽司唔夠粟米係無咁好食，但唔係叫難食其他壽司都算正常，但比起其他分店，真係爭得遠職員態度幾好，有禮貌只怪有其他分店作比較，出品上係差過其他分店

抵食下午茶$6️⃣5️⃣加一三片三文魚刺身：三文魚肥美三件壽司🍣：脆蒜炙燒鰈魚丶赤海蝦丶北寄貝最好食係件赤海蝦壽司🍣三件炸蝦卷🍤：炸蝦仲脆且微暖，好食👍🏻三粒章魚小丸子🐙：即製熱辣辣茶碗蒸：好足料有帆立貝、蝦、冬菇個蛋蒸得好滑👍🏻下午茶套餐非常豐富，性價比高

Genki Sushi is truly exceptional! I loved trying their creative sushi offerings. The corn sushi, salmon sushi, and tuna sushi were all incredibly fresh and flavorful. But my absolute favorite was the scallop sushi with truffle sauce - the flavors were so well-balanced and the scallops were incredibly tender. It's clear the chefs here are masters of their craft. I also appreciate how Genki Sushi is always coming up with new and inventive sushi flavors. Everything I tried was absolutely delicious

今次去咗‘元朗YOHO MALL元氣壽司分店’食午餐，我用咗唔同嘅角度去分析一下今次嘅餐飲體驗。份量：叫咗四款嘢其實都好夠飽 。味道：蔥香油甘魚蔥油味調得好好，另外魚冇腥味。蟹雙式壽司係期間限定我覺得味道正常。元氣卷嘅三文魚有少少腥味，唯有食返啲黃薑辟味。大阪章魚燒係我在元氣壽司的至愛之一雖然價錢略貴但好好食。新鮮度：除咗三文魚有啲腥其實OK嘅。餐飲：無限抹茶粉加熱水供應上餐速度：相當迅速店員態度：良好店內環境：當我打開黃姜盒嘅時候發現有大量紙巾在內，令我驚訝立即叫職員更換，他亦表示憤怒。交通地理：在YOHO MALL 十分方便付款方法：銀聯卡人均消費：10%服務費後$108.9Wifi：有Wi-Fi Password提供，可免費上網。

最愛壽司店我最愛壽司店因為有好多熟食我鐘意食熟食盥啲野食其實全部都係即叫即整大人細路都岩食好多款式 任君選擇甜品質素都高最最鐘意食千層蛋糕同芝士蛋糕叫左甘多野食埋單都係三百幾超抵食呀人

燒牛肉壽司推醬汁濃郁，像日式牛肉don的肉質 柚子胡椒漬醬油吞拿魚推 雖然切得有點厚薄不一 但味道十分清新 新鮮池魚不建議非常腥三文魚普普通通 正常發揮脆蒜辛辣墨魚可以一試芝士醬和洋蔥脆蒜之配搭令壽司更有層次海鹽檸檬焦糖芝士蛋糕推推推芝士微酸口感濃郁配上柚子更加清新不會太甜膩餅底有柚子皮清香

星期六放假想食壽司, 係外賣app叫左元氣既唔同種類嘅壽司, 平民價錢食到個滿意質素，整體黎講係唔錯既對得住個價錢！👍🏾- 吞拿魚既魚油好重，啖啖都鮮味十足！👍🏾- 帶子好新鮮，完全冇冰鮮過既感覺👍🏾- 燒蠔壽司，呢個係我另一半叫既，以為伏野點知出奇地好食！😋- 蝦子同魚子壽司都比想象中細件，雖然好食但真係唔夠喉😖但唔知係咪因為疫情好多地方冇堂食又冇外賣，我係app叫左7:30拎，最後8:15先有得拎🤕埋單總數：$291

本人唔食生勾勾既 所以都好少去日本餐廳食嘢竟然係畢生第一次去元氣講出嚟都有啲怕羞為咗陪男朋友 佢成日都話想食咁就一於試吓 點知都有啲驚喜喎佢熟嘅壽司都幾多 就咁數一數都有起碼10樣第一次嗌咗蝦卷覺得好好味 炸蝦外脆內軟仲有浸好特別嘅調味 於是想嗌多一次 點知嗌咗第二款 不過都唔差腐皮包粟米蟹柳沙律 都係基本操作 比足料影相都幾靚 呢個軟殼蟹卷 塊草有啲大軟殼蟹得少少覺得唔係幾抵呢個唔記得咗個名應該都係軟殼蟹個類口感豐富味道幾好鰻魚應該係我係唔識生野之下平時幾常食嘅一款 元氣嘅鰻魚都係基本野冇乜特別熟蝦芝士幾香蝦幾新鮮蝦天婦羅壽司 同樣都係外脆內軟 不錯呢個蟹肉就一般般啦 可能係我特別怕腥全場最出色一定係呢個牛肉壽司仲有少少辣椒醬 出乎意料地好吃

叫了一份牡丹蝦不是從輸送帶送來的，是員工攞嚟跌咗兩隻落枱，一句不聲行開！就是一般，價格還是不錯，但員工應該完全沒有訓練過或可能管理層太忙掛住數錢沒有訓練員工，可以不回頭的店

好耐無食壽司, 如果食放題, 壽司只會係配角. 所以簡簡單單揾間主題壽司算.平日時間基本上不用排隊, 按飛之後, 下一位就是我的號碼. 用手機點餐, 叫左個新出的夏日之選, 冷烏冬, 甜蝦壽司, 火炙三文魚壽司, 芥辣八爪魚壽司, 炙燒辛辣三文魚腩壽司同埋炙燒珍寶皇帝蟹柳. 烏冬凍食都唔錯, 可能有沙津汁既關係, 越食越想食, 非常開胃. 壽司中, 我最鍾意食個燒珍寶皇帝蟹柳, 大大條, 啖啖肉, 口感同味道突出. 其他壽司不過不失. 不算是新鮮, 但對得起個價錢. 

今日去了 Yoho Mall 食元氣壽司食下午茶， 壽司盛D跟了一碟芝士薯條， 食到最尾先發現碟底和網上有章魚燒汁和紫菜碎， 懷疑餐廳沒有洗碗..覺得非常核突和嘔心.. 所以我立即叫咗經理嚟問佢有冇洗碗， 佢只答：「唔好意思.唔好意思..可能洗碗機壞咗 ..」仲咁say sorry就算..Say sorry 有咩用餐廳經理非常不負責任， 疫情之下竟然咁唔衛生 ，以後都唔會再幫襯佢哋係有責任確保餐具乾淨衛生，先比客人使用，就算洗碗機壞咗。佢哋都應該及早發現，唔會用污糟嘅餐具招呼客人, 所以餐廳嘅解釋係完全不能接受!!

留意返 大嗰4盆先係今日家庭聚會，最開心最放心當然留番喺屋企度叫外賣啦，今日主打係食日本野，樣樣款式都叫左啲，三文魚壽司，吞拿魚壽司，軟売蟹手卷，甜蝦壽司，芥末八爪魚軍艦，蟹子軍艦，天婦羅蝦手卷，帶子壽司，北寄貝壽司，凡立貝壽司，鰻魚壽司等等等等…………，重有叫一啲啲係專俾一兩位唔食得生冷野既朋友，有蟹棒壽司啦，青瓜卷，蛋卷，玉子壽司，熟蝦壽司等等。咁多樣我本人最為驚喜既係，蟹糕蟹肉軍艦，真係一入口，全口都係蟹糕，一字既之曰（鮮）

因另一半想換角落生物毛巾，所以用元氣app叫左個兒童餐外賣加其他壽司，揀左去形點元氣拎，點餐至取餐要75分鐘。外賣拎到番去屋企薯條已經淋左，炸雞都凍左。豬排飯卷：塊紫菜有印公仔，蛋壽司：有印角落生物，但食落有燶味。個餐有貼紙送。要留意番網上外賣係冇得換毛巾，只可換斜背袋。餐廳經理好好，俾我地換毛巾。

諗住耐冇食，去食下，用埋張 coupon ，食物ok，但收銀就。。。。比張單佢，同佢講到齊，佢幫我扣左十蚊，叫我拍卡時我話扣埋分，佢就話已經扣左，到張單出到黎就同我講，下次先扣啦今次冇扣🤬🤬🤬🤬，問題係我講左吾止一次，點解佢做錯野要客人幫佢 承擔佢嘅錯誤