58
26
7
| 餐厅: | 元気寿司 (信德中心) |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
开饭介绍
旨在不断延续日本正宗寿司文化，元気寿司对食材选料尤其讲究，务求将日本美食特色原汁原味带给客人客，尽享最新寿司体验。
继续阅读
营业时间
今日营业
11:00 - 22:30
星期一至四
11:30 - 22:00
星期五
11:30 - 22:30
星期六至日
11:00 - 22:30
公众假期
11:00 - 22:30
公众假期前夕
11:30 - 22:30
以上资料只供参考，请与餐厅确认详情
去到2:30，又想食日本野就见到元气有下午茶餐分别可以自选寿司，亦都可以拣佢set好嘅寿司盛之后再拣埋轻食同埋小食所以其实都好多嘢可以自己拣我就拣咗套餐1C + 2C + 3A ($50)包括三文鱼寿司、脆蒜烧三文鱼寿司、甜玉米寿司、皇帝蟹柳寿司、玉子寿司同埋炸虾卷小食就要咗章鱼烧，轻食就要咗个茶碗蒸朋友就另外散叫野食蟹籽青瓜沙律，鱿鱼须其实下午茶呢个价钱真系好值可以喺元气食到咁多野就咁时间一定会再嚟
继续阅读
我系一个好钟意食寿司嘅人，真系每餐都食寿司都得😾 其中一间最钟意食嘅寿司店一定系元气🙌🏻我觉得佢嘅下午茶真系好抵食我自己最钟意就系食下午茶set，钟意食佢嘅乌冬同埋烧蟹柳🫶🏻 仲有觉得佢嘅牛肉寿司系必食😋
继续阅读
嚟都信德，食元气寿司，唔使等位，入到去坐低，就扫扫个 QR code就可以点餐， 完全自动化，点完餐就有自动电动车直接运到你枱面前面，真系唔错。点咗十几款寿司， 最钟意就系𠮶个海鲜炖蛋，够晒滑溜，味道鲜甜。 各款寿司质素都超好，够晒新鲜 食到饱饱，发觉有下午茶优惠，重有payme找数，过250蚊有优惠劵50蚊，噤就再点咗个超优惠嘅下午茶餐，哗!真系超饱! 埋单用pay me畀钱，仲有张50蚊嘅优惠券，留返下次用。
继续阅读
今日午餐要快，就去左元気寿司搞掂。第一次食呢度既午食之选。拣左极上元気刺身配杂锦天妇罗定食，价钱$88加一，包极上元気刺身，杂锦天妇罗，日式海鲜炖蛋同面豉汤（可转汽水）。极上元気刺身有两只赤海虾，两块三文鱼，三块超薄带子，一块油甘鱼，一块赤身，两块玉子，两片青瓜同一大碗饭。老实讲，刺身质素明显差过散叫，又细块d，唔抵。饭就正常。杂锦天妇罗简直系惨不忍睹，有三旧，分别系茄子，蚝，同南瓜。见到都知难食，个炸皮油淋淋又厚。茄子系无味架！日式海鲜炖蛋我食左少少，配料至少有日式鱼蛋一片，算滑既，不过偏咸。面豉汤我转左汽水Cream Soda。跟餐加配优惠有加$22要赤海虾刺身，一共有三只，系正常质素，抵。跟餐加配优惠都有加$12既6款指定手卷，我拣左加州手卷。似乎都系散叫质素安全d。赤海虾刺身 $42 另加一：一客五大只，又新鲜又香甜，啖啖肉，虾头有汁，抵食。炙烧黑松露帆立贝寿司 $17 一件 另加一：非常正！帆立贝又大又厚切，鲜甜啖啖肉，炙烧过后好香。有微微黑松露味道，令帆立贝更好食！双重鳗鱼流心芝士寿司 $14一件 另加一：有两块鳗鱼上面再加一大旧炙烧过嘅花畑牧场卡门贝尔芝士，唔错，几抵食。香蒜海鲜军舰 $14 两件 另加一：上面带有辣椒，脆口蒜粒同葱丝，海鲜切粒都算新鲜。紫菜唔系最新鲜脆口，不过都可以接受，好抵食。柚子油甘鱼蓉军舰 $17 两件 另加一：油甘鱼蓉好滑溜，份量劲多。柚子皮就可有可冇，仲洒左啲七味粉喺上面。抵食。三文鱼籽军舰 $17 一件 另加一加州小卷 $22 另加一：一客四件芝士焗日本蚝 $26一只 另加一：好邪恶，芝士盖又厚又拉丝，食落好好味又咸咸哋又酸酸哋咁，入面只蚝又新鲜又多汁，不过唔知点解无左碎洋葱粒。牛肉乌冬 $32 另加一：牛肉乌冬有五块肥牛左右。乌冬唔粗唔幼，都算烟烟韧韧，好味！加左少少葱，个汤底都油，汤底味道就麻麻哋。牛油果蟹柳沙律 $22 另加一：今次卖相好差。蟹柳两大条切开六块，质素唔错，坚有咸香蟹味，够厚肉。牛油果切左粒，都新鲜。其他配料仲有好多生菜片同几块青瓜片加少少车厘茄，个汁系柚子醋，唔知点解有少少辣。青森苹果汁 - 柚子味 $15 一包 另加一：当然系非常好饮，味道丰富有多重果汁味道，所以次次encore！
继续阅读
本人一直对食元气都冇乜期望，但估唔到今次直头系失望！叫咗几碟寿司，啲鱼生同嚿饭嚟到已经系分开嘅，再望一望，几只碟都有迹，心谂都算啦，话晒都只系元气🤭不过今次最令我惊讶嘅系，我今日一尝带子连壳嘅寿司😓👍🏻我夹咗啲洋葱落口，咬落去个口感好似食紧沙石咁又刮口，即刻同返出嚟睇个究竟！劲啰！望一望只碟，再睇一睇嚿寿司，几块女士们钟意攞嚟做首饰嘅贝壳片竟然加咗喺带子上面做点缀！果然系好有创意嘅元气寿司！
继续阅读