291
12
7
港铁荔枝角站 D4 出口, 步行约2分钟 继续阅读
所有分店 (2)
电话号码
35431448
营业时间
今日营业
11:00 - 22:30
星期一至日
11:00 - 22:30
付款方式
Visa Master AlipayHK 支付宝 现金
座位数目
70
其他资料
酒精饮料
加一服务费
当面支付
食记 (320)
等级4 2020-03-27
1470 浏览
好耐冇食日式拉面,见OpenRice <元札幌拉面>都几多好评,又甘啱系附近,当然要试下啦!!~今晚我地叫左个$198既套餐,可以选择4种食物,足够二人享用。温泉蛋牛肉饭: 白饭同碟温泉蛋牛肉系分开甘上,看似平平无奇,点知入口反而有惊喜喎!!~牛肉系薄切,但都有好多块,肉质好软身,仲有好多牛肉汁,配埋只滑捋捋温泉蛋,捞饭好好味吖!!~吉列猪扒: 小食叫左炸吉列猪扒,都吾细块㗎~切开都有7小件,仲要系即叫即炸,炸得金黄香脆,没有太多炸粉,入口松脆好食,非常邪恶吖!!~杂锦拉面: 拉面比想像中大碗,材料非常丰富,有猪软骨,日式蟹柳,日式叉烧,海带,粟米,芽菜,温泉蛋。拉面系粗曲身,入口弹牙爽口。猪软骨炆得够淋,而且好入味。日式叉烧系薄切,不过都好大块,不过略为有点瘦,如果系半肥瘦叉烧会仲好味。值得一赞既系,只温泉蛋无论蛋黄同蛋白都好滑,而且带点日式酱油味,非常好食!!~半只实在有点吾够喉啊!!~串烧鸡肉丸: 好似鸡肉串甘,有两大串,入口啖啖肉,配埋口式烧烤汁,味道不错。整体来讲,餐厅环境乾净企理,座位同餐枱都算阔落。食物选择丰富,有不同既套餐,定食,同散叫都可以,而且价钱吾贵,值得光顾吖!!~ 继续阅读
(以上食记乃用户个人意见 , 并不代表OpenRice之观点。)
餐厅环境好大,好多座位,lunch hour陆陆续续多人入座。menu好多lunch set可以拣,而且价钱唔贵,食物多样化,好多款唔同配搭。叫左自选三宝套餐($78),包拉面、小食、饮品,再叫左滑蛋自家制吉列猪扒饭($62),包薯仔沙律、茶碗蒸、味噌汤。杂锦拉面(+$5),食物好快煮好,汤底唔会过浓。面量非常多,拉面软硬适中,唔会过软。杂锦配料有一大块叉烧、一大件猪软骨 、蟹棒、大量甜粟米、海带、流心蛋,超级丰富。叉烧入味,而猪软骨见到d软骨煮到变透明,胶状咁。一个正常女仔既食量一定食唔哂。自选小食拣左自家制手包饺子,一共有4只。外皮煎完略脆,而内馅有猪肉、椰菜等。自选小食既选择亦有好多,有肉有冷盘有刺身等。吉列猪扒饭set摆盘有心思,而且同样丰富。重点系价钱唔贵,食物有水准。薯仔沙律好出色,薯仔有微粒状,有口感,而且加入左红萝卜,唔会得薯仔咁单调,亦都好似食既cream咁,薯仔味浓郁。滑蛋加入菇、洋葱一齐煮,而且够甜够滑,好岩配饭食。吉列猪扒炸粉唔厚,猪扒属厚身,唔韧,而且大大块。茶豌蒸加入菇、鸣门卷、蟹棒等,蒸完之後,海鲜味慢慢渗出,而且甜甜地,蒸蛋冇过火,d蛋仲keep到系滑既,好岩饭後甜品食。整体,丰富既lunch set,价钱亲民,食物质素有保证,而且坐得舒服。就算dinner食,都唔贵亦多选择。 继续阅读
(以上食记乃用户个人意见 , 并不代表OpenRice之观点。)
依间拉面店嘅野食真系平靓正!今日同朋友黎食lunch,见到餐厅嘅装修都几日系,而且食物种类多,除咗拉面,仲有定食、小食,仲不时推出唔少新款,例如吉列牛石板烧添~午市提供咗几个套餐,其中嘅自选三宝套餐包拉面、小食、饮品,最啱大食嘅我。杂锦拉面套餐 配自家制手包饺子、可乐。拉面汤底系味噌汤,配上爽滑嘅拉面,杂锦有叉烧、猪软骨、蟹棒、粟米等等,非常丰富。虽然餐牌上写嘅饺子系细,但系一共有4只,而且大小适中,每粒都胀卜卜,馅料十足。海鲜拉面套餐 配串烧鸡软骨、可乐。今次嘅汤底比较清甜,同海鲜更加衬,海鲜有虾、青口、带子粒,鲜甜十足。串烧鸡软骨带有少少炭烧嘅味道,好惹味,而且骨肉比例适中,食落好有口感。估唔到可乐系玻璃樽,唔系罐装,好感度大大提升~最後仲要咗烧鳕鱼棒,好看鳕鱼味,非常脆,佐酒一流。依家帮衬仲送一人一个口罩,非常有良心TAT 继续阅读
(以上食记乃用户个人意见 , 并不代表OpenRice之观点。)
等级4 2020-07-14
14 浏览
有位朋友系荔枝角放半日,搵她食下野,无几耐同朋友行街行到脚都软,就是就搵左间餐厅坐下,一入到黎每人都会有一杯绿茶,慢慢叹下茶先,两个女仔唔系好食得多嘢,都系叫几样小食倾吓计烧鳕鱼棒热辣辣即叫即烧,而且烧得好香,咸香味岩岩好,配埋酸酸甜甜嘅沙律酱,够哂香口又好味,话咁快我地两个人就食哂,好食到停唔到口。三文鱼蟹籽手卷好足料,啲蟹籽多到满泻,三文鱼好鲜甜,手卷食落啖啖肉,价钱好亲民,CP值超高!北海道南瓜炸薯饼炸到金黄香脆,炸皮好薄又好脆,入面包有满满嘅南瓜蓉,食落甜甜地,有好清香嘅南瓜味,非常好食。杂锦串烧一次可以食哂几款串烧,烧得恰到好处,鸡翼充满肉汁,啲肉仲系KEEP住好嫩滑,而鸡软骨好有咬口同入味,两个都系我最锺意食。蟹子沙律食左咁多好野,再食个蟹子沙律清新一下,青瓜丝好清甜,加埋卜卜脆嘅蟹子,口感丰富,健康又好食,就算之前食左好多煎炸野都无咁有罪恶感!黎到除左可以食拉面之外,小食都好好食,好值得推介黎食~ 继续阅读
(以上食记乃用户个人意见 , 并不代表OpenRice之观点。)
等级2 2020-06-23
72 浏览
小胖好锺意食日本菜,特别系面类,但因为疫情,小胖无法飞去我的最爱日本,好彩香港的日本餐厅多到你唔信😆呢日小胖突然好想食所以午餐就去埋咗间日本料理😆佢的食物选择超多,好多都好想食,但小胖只有一个胃🤦不过幸运的系佢好多都以套餐形式选择,所以最少可以食到2种食物,佢的松梅竹菊套餐超有趣,你可以自由配搭你自己的餐。因爲小胖去食的时候系午餐时间,所以小胖就选择了午餐套餐,就没有选择松梅竹菊套餐,小胖和友人分别选择了滑蛋自家制吉列猪扒饭和炸鸡肉手打乌冬。佢的餐量都颇大,细食的人有机会食唔晒😆佢的滑蛋自家制吉列猪扒饭有配茶碗蒸, 面豉汤,元贝边肉沙律,佢的茶碗蒸蒸得几滑,唔会过老,味道甜甜的😆 佢的滑蛋真系好滑,加配甜甜的汁,真系好配饭,而佢的吉列猪扒因有汁液,所以变得甜和唔会过乾。佢的炸鸡肉手打乌冬好食,推,佢的炸鸡肉很大块,又厚,啖啖肉,唔会只食到炸粉,而且咬落去肉汁仲锁系入面,配埋酥脆的外表,真心好食,佢大块得黎份量亦唔少!佢的手打乌冬味道不错,而且颇弹牙,重点系佢没有那些质量没有很好才会出现的乌冬酸味,小胖食乌冬最怕食到酸味,佢没有!!小胖今次无食到拉面,下次要再去食😏佢的座位都阔落,坐得几舒服 继续阅读
(以上食记乃用户个人意见 , 并不代表OpenRice之观点。)