影片
好多人都大赞呢间野掂，今日facial前就买左兜黎医肚。买左个孖宝 （招牌香菇猪肉烧卖 x 自制白鱼旦）加咗辣椒油，惹味好多！白鱼蛋超级弹牙！烧卖真材实料！好有肉感，比鱼肉烧卖饱肚得多！
继续阅读
今次落开湾仔就去皇后度买咗几包急冻烧卖闲时返屋企都可以蒸返黎食返到屋企存喺冰格然后拎出黎稍为解冻之后隔水蒸15分钟就有得食呢个烧卖系猪肉烧卖唔系平常买个种白色鱼肉烧卖蒸热咗之后好大阵冬菇味扑出嚟咬落去都比鱼肉烧卖有口感太多了试过返唔到转头食叮叮点心烧卖去铺头我比较喜欢椒盐炸烧卖（不过屋企冇气炸锅）配埋个辣椒油可以足不出户宅在家原汁原味都好够不过我念佢冇防腐剂唔会摆得好耐？所以每次只系买几包细包既希望下次开大食会有机会买大包装
继续阅读
朋友话呢间舖响元朗好有名，而且猪肉烧卖好好食。猪肉烧卖，除左酒楼一向好少舖有卖，所以今次见到湾仔有开左一间就入去食。见到menu有白鱼旦，加上推介嘅烧卖，所以就叫左鱼旦拼烧卖，咖哩汁。白鱼旦，以前响旺角及其他地方食过，所以完全无惊喜。其实佢个白鱼旦同其他地方一样，应该都系人地交来嘅大路野，只系个汁唔同，但都好食。主打嘅香菇猪肉烧卖，香菇有咬口，但猪肉好干好硬同好“鞋”。以呢个口感，比鱼肉烧卖，以及唐记嘅点心都差。整体来讲，不值得一试。
继续阅读
结婚前住上水成日落元朗食烧卖皇后，搬左沙田之后少去好多，知道湾仔开左分店，所以之前去书展再去帮衬下啦～烧卖皇后除左招牌香菇猪肉烧卖好食之外，佢地既酱（香辣、咖哩、沙嗲）都好好食。鱼蛋、烧卖孖宝 （香辣）招牌香菇猪肉烧卖既香菇有粒粒碎菇，而且好足料，而白鱼蛋好弹牙，冇腥味，我就加左皇后香辣油，香辣油一定唔系BB辣，但系个辣真系好吸引，令你不停追食但又要饮水😂😂。炸鱼蛋、烧卖孖宝（沙嗲）另外叫多多份炸既，虽然炸左但都有香菇味，炸左既烧卖不会太干，里面仍然软，沙嗲酱唔会好辣。咖喱五宝有鱿鱼、牛柏叶、猪皮、鱼蛋、萝卜，咖哩浓同埋都有辣度，牛柏叶、猪皮吸哂咖哩汁好惹味，鱿鱼又有咬口，最正萝卜劲淋冇渣。瑞士鸡髀都好大只又入味，鸡肉唔鞋肉。皇后碗仔翅都好足料，有黑木耳、粉丝、冬菇、肉丝，不会太杰变左一patpat，又不会太稀变水状。我仲买埋皇后香辣油返屋企。
继续阅读
身为一只大西北牛，其实我平时成日经过佢地嘅元朗本店，不过因为唔钟意食鱼肉烧卖，所以都无谂过试佢地，点知呢日去佢地呢几个月新开嘅湾仔店，先发现原来我错哂！原来佢地嘅招牌烧卖系街头小食少见嘅猪肉烧卖黎🤣🤣🤣真系一个天大嘅误会！🐶鱼蛋烧卖孖宝（香辣）$20/12粒孖宝可以拣香辣/咖喱/沙嗲三只味，我就拣左用佢地招牌皇后辣椒油整嘅香辣味，食落未辣到食唔到，但都要饮返几啖水💦鱼蛋系白雪雪大大粒个种（我最憎食陈皮鱼蛋😆）食落都几弹牙；招宝香菇猪肉烧卖个皮唔会好硬好厚，猪肉味唔算好突出，但配埋个辣油都几惹味，而且食到入面有粒粒菇肉🍄都几足料！以街头小食黎讲系几特别！听讲佢地嘅椒盐烧卖先系最好食，下次经过元朗店应该都会试下😗🐶咖喱五宝（猪皮、萝卜、鱼蛋、鱿鱼、牛柏叶）$35佢地个咖喱都系辣辣地嘅，但都系接受范围之内😗佢睇落唔算好大兜，不过配料嘅份量都几平均，食呢啲咖喱乜宝最怕就系成碗野得猪皮🥶今次唔洗跌入猪皮炼狱👍🏻鱼蛋都系白鱼蛋，基本上配咩酱都好食；猪皮、鱿鱼、牛柏叶都系街头小食水准，唔会好有惊喜，但就系你预期食到嘅个只味；值得一提嘅系佢地嘅萝卜！煮得好淋，食到萝卜味，而且有少少🤏甜味，好夹个咖喱汁🤪🐶皇后碗仔翅 $20都几大碗🤣🤣🤣每啖都食到啲料，食到最尾都仲有，食到饱哂🤣一碗碗仔翅加份鱼蛋烧卖当lunch都okay，配埋醋、麻油、胡椒粉，完全就系香港碗仔翅嘅味道😗🌟湾仔店舖头都几宽敞，可以企系入面食埋先行（唔洗系条街又除又带个口罩🥲）入面仲有冷气🤣食物质素黎讲，始终系街头小食，唔可以用惊为天人黎形容，但系有惊喜嘅而且价钱都合理（最大惊喜源于烧卖唔系鱼肉烧卖🤣🤣我终于可以扫街食烧卖！！）如果行开行埋想食下港式小食都可以考虑下！（唔洗帮衬龙津七仔个啲🙃）
继续阅读