影片
宵夜本身已经好邪恶，元朗为食街既宵夜仲要系特别邪恶，驰名蚝饼真系不得不食，无乜定力既绝对会食唔停口！最重要可以拣走葱，无左葱就唔会有葱味，蚝味非常之浓烈，啖啖都系食到蚝而唔系食到葱，即叫即煎，新鲜热辣，如果元朗为食街既蚝饼系第二，应该系无第一！宵夜只系得蚝饼唔够既，配埋煎酿三宝就系一餐完美既宵夜喇！邪恶程度真系爆灯，买左 10 件，茄子、红肠、豆腐、鱼旦、炸云吞每款 2 件，件件出色，大件夹抵食！比定心理准备大家，去得元朗为食街多数要排队，深夜时份排队既人一样唔少，不过排队都唔算排得耐，为左餐邪恶既宵夜绝对值得用少少时间排队！
继续阅读
由细食到大，次次去元朗都会想食既蚝饼就系呢个为食街蚝饼，即叫即炸，大大块蚝饼都只系40蚊，食完绝对会饱，唔食葱同芫荽仲可以走青，不过就贵少少48蚊一件。重点系佢个辣汁，酸酸辣辣劲好味😋
继续阅读
呢个角落位，每次经过都会有几个人排队买嘢食，而且仲要开到深夜时份，完全系岩哂夜猫人士做宵夜。除左蚝饼之外，其实佢仲有煎酿三宝，鱼蛋烧卖其他小食，所以都吸引唔少人帮衬。今次经过就净系叫左蚝饼，等蚝饼嘅时间唔算太耐，大概10分钟左右，因为蚝饼即叫即整用，所以新鲜热辣嘅时候最好食，蚝饼嘅size都几大块完全足够两个人分享，蚝够新鲜所以亦都冇腥嘅感觉而且仲都几大粒下，佢嘅酸辣汁同蚝饼系绝配，食得辣嘅我表示辣汁唔算太辣，如果爱食芫茜嘅仲可以叫姐姐比多啲👍
继续阅读
油池：点解无啦啦想食呢度嘅油池呢？系一位相熟潮州叔叔推介嘅，佢大赞话呢度嘅油池好好味，于是就行过嚟食吓。食完觉得好似食紧萝卜糕咁，不过就重味过萝卜糕，咸香加胡椒味，脆口！饱肚，15蚊拳头咁大粒好扺食。不过成件事太油，有名你叫油池，名不虚传，少食试吓无妨。👍🏻煎酿三宝，茄子、红肠、豆腐：我拣咗泰式辣酱口味，大件夹抵食！暂时嚟讲系我食过最好味嘅煎酿三宝，皮脆肉多，20蚊有六件！总结：推荐指数⭐️⭐️⭐️⭐️钟意食煎酿三宝嘅可以试吓呢度嘅😋
继续阅读
呢档嘢已经好多年以前喺𠮶头附近返工成日都会买， 但系琴日经过买咗碗仔翅同炸鱼蛋两样都好难食 ， 个碗仔翅喊到不得了饮都饮唔到 ， 炸鱼旦一啲味道都冇净系又厚又粉，以前呢度啲碗仔翅同煎酿三宝好好食，但系大不如前
继续阅读
您可能会有兴趣的...