元朗合隆潮州粉麵 (安福大樓)

营业中

休息中

去親都係為咗白胡椒湯底，真係勁好味！湯底夠胡椒味，飲完之後個人暖笠笠，喉嚨都特別舒服。通常會叫自選粉麵，多啲彈性，建議揀兩餸或者三餸，比較抵。我最鍾意佢哋嘅墨魚頭、蠔仔同牛肉餅，唔係度度有呢個配搭。墨魚頭夠爽，蠔仔都鮮甜，牛肉餅有咬口。唔知係咪因為個湯底太濃，豬什相對比較淡口，配搭秘製辣椒油食會好啲。

呢間有幾間分店嘅元朗合隆潮州粉麵， 強烈推薦去食佢個胡椒湯，尤其是如果去冬天去食，食完成個人都會暖曬。今次我都係叫一個自選三餸胡椒湯湯飯， 佢個胡椒湯除咗濃之外，會加咗一啲芹菜粒係上面其實我本身唔鍾意食芹菜，不過佢切到碎曬配落去嗰個胡椒湯又好夾，都好好食，就算送湯飯或者湯麵其實都好夾。其實佢仲有其他菜式，例如醉雞，豆乳湯等等，不過我每次去到淨係想食佢個胡椒湯， 至於喺揀餸方面，佢有一個叫做潮式嘅牛肉餅，初頭唔知係乜嘢，叫咗嚟試咗知道原來係好似黑椒牛丸咁嘅味，不過佢係切咗做一片片就係潮式牛肉餅， 仲有羊肉 同埋蠔仔都推薦可以試下。👍🏻👍🏻

Lunch time 時分見到呢間餐廳無嘜人，不用排隊，便和朋友入去光顧。點餐的時候，點了個醉鷄銀針粉，但是飲品選擇不多，只有罐裝飲品，例如汽水，因為飲品不太適合，故沒有選擇。之後問侍應要兩杯水，侍應竟然話唔提供水，一間餐廳係客人坐低之後，唔offer 水招呼都算啦，有嘜可能在客人要求要杯水的時候竟然話我哋唔提供水？！你是做飲食行業嗎？你是一間餐廳嗎？唔怪之得少左人食，唔怪之得依家d 人返唒大陸食，香港飲食業真係要檢討下，呢間餐廳不知所謂，blacklist,以後唔會再去！

個豬油撈麵鹼水味極重完全唔係油面失望食完之後好後悔同我之前喺沙田京瑞廣場食嗰間完全不一樣以後不會幫襯食物品質好難食豬油撈麵，一啲都冇豬油京瑞廣場嗰間好食，不過人流唔多維持唔到生意所以執咗笠

第一次去呢度食，味道出乎意料之外嘅好兩個餸$50，價錢合理！我果碗係白胡椒湯，朋友果碗係唔辣嘅豬骨湯，兩碗湯底都好好味，唔覺有味精最最最最最驚喜係呢度居然有魚扎，呢個餸好多潮州粉麵店已經冇左佢哋仲有好多特別嘅餸可以加，例如牛肉餅、墨魚頭、唔同部位嘅豬內臟、蠔仔、紫菜⋯仲有豬油撈麵、銀針粉、口水雞飯⋯同平時食開嘅粉麵店唔同值得一讚係店員嘅服務態度，喺坐滿客嘅環境下，佢哋都好有禮貌，大讚非常鍾意呢一間粉麵店，一定會再嚟食如果油尖旺或深水埗區都有分店就好嘞

7月16日揾食肥華同靚媽，到此潮州粉麵店，光顧佢嘅食品，其實此店喺以車仔麵店，形式經營，粉麵及配料以至湯底，都有得選擇，不過價錢就貴過一般，車仔麵，就如今日肥華及靚媽，各自點了一碗，三餸油麵及三餸米粉，就要$53一碗，仲要冇飲品，而此店亦冇茶水供應，想飲嘢就要俾多$12至有單瓶飲料供應，咁嘅價錢，喺新蒲崗區，此店都算進取，難怪門庭泠落！雖然此店食品喺算得嘅，肥華，靚媽今餐都食到，好味嘅，豬肝，豬肺，豬手，牛肉，及墨魚頭，但始終都覺得貴，相信此店都喺，吸引唔到，肥華靚媽再次光顧‼️⭐️⭐️

今日下午茶去咗新蒲崗-元朗合隆潮州粉麵個湯底都幾重胡椒味 食完簡直火辣辣☄️🔥今次就嗌咗一個鮑汁牛肉肉餅米粉同埋豬什河粉，再加多個小食醉雞翼🐖豬什我覺得一般，佢冇乜味好似白烚咁，但係個爆汁牛肉餅就幾好食，不過我覺得佢似手打牛丸多🐖最重要梗係食個湯底啦，個湯底真係超級正，但係可惜我因為偏燥熱底，唔適合飲胡椒豬肚湯，所以再加多支金銀菊花茶清一清熱，不過我都係建議大家冬天去食應該會爽啲⚡️.📍 元朗合隆潮州粉麵 (安福大樓) (新蒲崗)🗺️新蒲崗景福街39號安福大樓地舖@budujourney

之前有買粉麵外賣，對上幾星期前拎外賣，見有下午茶餐，收銀話可以直接喺佢度下單，試過一次試3款餸粉麵外賣幾好，今日想再叫，打去職員話已取消，推出無耐就取消，有點失望，期待遲d會再推出👀

朋友介紹，入去試試，冇乜太大希望，點知有驚喜，揀左個胡椒湯，銀針粉，揀咗兩個餸，一個墨魚頭，幾爽口，一個豬肉青，其實豬頸肉，豬頸肉係有少少肥，但係爽口，墨魚頭超好味，另外外賣咗支菊花茶，淡淡地都幾好唔係太甜，室內乾淨，服務員都好有禮貌，唔該前多謝後

這間鋪在新蒲崗算新開，所以打算去試，於是8/5/2024下午17:43分（單據日期及時間）去買墨丸支竹湯河+油菜外賣，番到公司打開，雙餸少得可憐，竟然只得1粒半墨丸和2片支竹，甘真係好吾抵，出面有名的湯粉店都吾會甘，將墨魚丸切一半，感覺搵笨，我吾會再去食，吾怪得宜家無人食。我寫這篇文章係要講個事實出嚟，甘樣做生意d客都吾會番轉頭，同埋想俾d客有心理準備，在這裡食碗雙餸湯粉會遇到這情況，不如去食第二間。

我見呢間嘢灣仔Ive附近都開咗好耐，而家新蒲崗開咗，於是想試下今日外賣咗兩個自選， 一個湯河一個🐖油撈米第一碗係豬腸，豬心，魚皮餃+🐖 （胡椒湯底）由於佢手嘢都係分湯， 但係佢將所有送掉曬落碗湯度， 外賣拎走因為啲湯仲有餘溫，會焗到送硬曬過，熟根本咬唔難🐖油撈米完全食唔到豬油香味，完全唔鹹（ 雖然我落去好深色， 畢啲燙落去啲胡椒未有蓋過曬啲豬油香， 如果單獨飲碗湯又覺得佢太辣口第二碗係豬潤，墨丸河（ 豬骨湯）， 呢本個死淨都係豬潤overcook，同埋食到有啲變壞咗嘅酸味， 至於墨丸口感好似仲差過譚xx哥， 個湯底完全係出＄x丁麵豬骨濃湯味 ，好彩呢碗個河粉ok係卦湯順滑好唔好食就見仁見智，我下次可以試下堂食， 外賣大家要小心😡

去新蒲崗上完運動課程又是覓食時間，早上路經時還未開店，現在要稍等才有位。吸引我的是他們的裝修，綠色鐵閘還掛有紅燈籠，懷舊之選。他們有點像車仔麵的形式，有餐單給點餐，看見好多客人吃花雕醉雞餐，一定係唔錯。但我今日想試下其他，選了三拼餐$53，原配白胡椒湯底，豬潤、豬手及鯪魚球，魚球有兩粒，稔稔滑滑的，不似平日粉麵店的加了粉有點爽，幾好味。豬潤夠熟冇血水，但中心其實還很嫩，豬手夠稔但保持彈性，好真味。靈魂在個湯底，白胡椒湯越吃越夠味，那種辣是慢慢地滲出來，配了我選的米線，吸湯，小小的芹菜粒增加香味。桌上還有一瓶辣椒菜脯，好香但好辣，我吃了三粒就夠了。豆漿也算香濃唔會太甜，唔錯的一個午餐。

一分錢兩分貨， 難得新開正係屋企附近， 即刻要試一試， 天氣濕凍，最好 食胡椒湯底驅寒， 味道保持到水準， 最好食依然係墨魚頭， 食完先 再減肥 嘅豬油撈， 豬雜冇異味， 份量都足夠， 睇嚟有排食。